* AZƏRBAYCAN *
Bakıda Ağdamın işğaldan azad olunması ilə bağlı yürüş

Qafqazı Rusiyanın əlindən çıxartmağa çalışırlar - Vitse-spiker

4607
(Yenilənib 02:18 10.06.2021)
Azərbaycan Parlamenitinin vitse-spikeri Fəzail İbrahimli Qarabağda baş verən son hadisələrlə bağlı fikirlərini Sputnik Azərbaycan-ın müxbiri Zülfiyyə Quluyeva ilə bölüşüb.

BAKI, 10 iyun — Sputnik. "Qarabağ regionu yox, Qafqaz regionu uğrunda böyük dövlətlərin savaşı gedir. Amerika, Avropa dövlətlərinin hər biri Qafqazı Rusiyanın əlindən çıxartmağa çalışırlar".

Bu sözləri Sputnik Azərbaycan-a açıqlamasında Milli Məclisin vitse-spikeri Fəzail İbrahimli söyləyib. Onun fikrincə, Qafqazdakı maraqlar toqquşması Nikol Paşinyan kimi təcrübəsiz və qeyri-peşəkar bir şəxsin Ermənistanda hakimiyyətə gətirilməsinə səbəb olub.

"Gürcüstanı bitərəfləşdiriblər, Azərbaycan isə tam müstəqildir. Ermənistan Rusiyanın forpostudur. Ermənistana qondarma bir Baş nazir qoyublar ki, o da yarıtmadı. Avropa və Amerika fikirləşir, hakimiyyətə kimi gətirsin ki, onun istəyini Qafqazda reallaşdırsın. Bunun uğrunda yarış gedir. Biz sonluğu görəcəyik. Hər bir halda kim Ermənistanda hakimiyyətə gəlsə də, iqtisadiyyatı zəif, siyasi cəhətdən qarmaqarışıq, ruhdan düşmüş bir millət bizim qarşımızda heç nə edə bilməz!", - deyə vitse-spiker bildirib.

Deputat son günlər Azərbaycan-Ermənistan sərhədində qeydə alınan hadisələri şərh edərkən deyib ki, Azərbaycan dövlətinin bu məsələdə təmkin nümayiş etdirməsi normaldır:

"Hazırda Ermənistan-Azərbaycan münasibətlərində yaralar təzədir. Yaraların sağalmasının zamana ehtiyacı var. Ermənistanda Qarabağ düşüncələri üzərində dövlət quran, varlanan, harınlayanların ideologiyaları boşa çıxıb. Ona görə də onlar sakit dayana bilmirlər. Loru dildə desək, onların siyasi biznesləri bankrota gedib. Nə qədər ki, onların gücü var, sonuncu ana qədər vuruşacaqlar, iddialar irəli sürəcəklər, təxribatlar törədəcəklər və sair. Onların beyni silinməli, yuyulmalı, həqiqəti dərk etməlidirlər. Nə qədər ki, bunlar var, problemlər yaşanacaq".

Vitse-spiker sərhədlərin demarkasiyası məsələsi istiqamətində də işlərin davam etdiyini bildirib. Deyib ki, İkinci Dünya Müharibəsindən sonra sərhədlərin dəyişilməsi prinsipi qəbul olunmur:

"Beynəlxalq aləmdə də bu, belədir. Biz o vaxt SSR-nin tərkibində idik. SSR-nin tərkibində də hər bir müttəfiq ölkənin öz sərhədi vardı. İndi hərə öz sərhədinə sahib olmalıdır. Ermənistan fürsətdən istifadə edərək gəlib Azərbaycanın sərhədlərini pozdu, torpaqlarını işğal etdi, Xocalı faciəsini törətdi. İndi zaman gəlib, onlar özləri bu cəza ilə üz-üzə qalıblar. Geri çəkilməlidirlər, çəkilirlər də... Məğlubiyyət aktına imza atıblar, öz imzalarına da hörmətlə yanaşmalıdırlar.

Azərbaycan qalib dövlətdir, qalib isə mühakimə olunmur. Azərbaycan sərhədlərini bərpa etmək istəyir. Zəngəzur dəhlizi də birmənalı olaraq açılmalıdır. Bunu Paşinyan da etiraf edərək deyib ki, "Necə ola bilər, Laçın dəhlizi açılsın, Zəngəzur dəhlizi açılmasın". Artıq onlar həqiqəti başa düşməyə başlayıblar".

Xatırladaq ki, Rusiyanın xarici işlər naziri Sergey Lavrov da bildirib ki, onun ölkəsi Qarabağda qan tökülməsini dayandırandan sonra dinc həyatın bərpa olunmasına kömək edir. Onun sözlərinə görə, Rusiya həmişə ehtiyacı olan ölkələrə yardım etməyə hazırdır və bunu dünya siyasətində özünü təsdiqləmək üçün etmir.

"Bizim dünya siyasətində natamamlıq kompleksimiz yoxdur. Biz həmişə ehtiyacı olanlara yardım etməyə hazırıq. Bu bizim tarixi missiyamızdır, bu, tariximizin köklərinə əsaslanır", - deyə Lavrov qeyd edib.

O deyib ki, Rusiya sülhməramlıların yerləşdirildiyi ərazilərdə böyük insidentlər ümumiyyətlə baş verməyib:

"Hazırda bizim sülhməramlılar öz mandatını yerinə yetirir, hər hansı böyük insidentlər ümumiyyətlə olmur – bunu həm Bakıda, həm də Yerevanda etiraf edirlər. Ayrı-ayrı xırda narahatlıqlar qeydə alınır. Bəli, Azərbaycan – Ermənistan sərhədinin ayrı-ayrı hissələrində gərginlik var, lakin bunun Dağlıq Qarabağa aidiyyatı yoxdur".

Qafqazda Rusiyanın sülhməramlı missiyasının başlanması

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Həmçinin oxuyun:

* Moskva təsdiq edir: Bakının razılığı olmadan bölgəyə heç kim ayaq basmayacaq

 

4607
Politoloq Elşən Manafov

Politoloq: “Bu məsələlərin həllinin Rusiya ilə razılaşdırılmasına ehtiyac var”

13
(Yenilənib 14:45 24.06.2021)
Politoloq Elşən Manafov deyir ki, danışıqlardakı mövzular da bölgədə təhlükəsizlik, inteqrasiya imkanlarının genişləndirilməsi ilə bağlı problemlərin həllini özündə ehtiva edir
Elşən Manafov: “Ermənistan da Rusiyanın bölgədəki maraqlarını nəzərə alacaq”

Azərbaycan Respublikasının Prezidenti İlham Əliyev iyunun 23-də Rusiya Federasiyasının Prezidenti Vladimir Putinə telefonla zəng edib. Telefon söhbəti zamanı Rusiya, Azərbaycan və Ermənistan liderlərinin 2020-ci il 10 noyabr və 2021-ci il 11 yanvar tarixli bəyanatlarının həyata keçirilməsinin praktiki aspektləri nəzərdən keçirilib. Cənubi Qafqazda iqtisadi əlaqələrin və nəqliyyat kommunikasiyalarının bərpası üzrə üçtərəfli formatda işin fəallaşdırılmasına xüsusi diqqət yetirilib.

Politoloq Elşən Manafov Sputnik Azərbaycan-a deyir ki, bir qayda olaraq prezidentlərin telefon danışıqlarında ikitərəfli maraq doğuran məsələlər müzakirə edilir: “Bu gün danışıqlardakı mövzular da bölgədə təhlükəsizlik, inteqrasiya imkanlarının genişləndirilməsi ilə bağlı problemlərin həllini özündə ehtiva edir. Rusiyanın moderaotlruğu ilə qəbul edilmiş bəyanatlar bölgədə nəqliyyat kommunikasiya xətlərinin bərpası və Azərbaycan-Ermənistan arasında uzun müddətli sülh müqaviləsinin imzalanmasını ehtiva etməlidir. Bu məsələlərin həllinin Rusiya ilə razılaşdırılmasına ehtiyac var. Güman edirəm ki, Ermənistan da Rusiyanın bölgədəki maraqlarını nəzərə alacaq”.

Elşən Manafovun fikirlərinə audiofaylda qulaq asa bilərsiniz

13
Nikol Paşinyan, arxiv şəkli

Paşinyan Moskvaya nümayəndə heyəti göndərir Rusiya bazasına görə

2225
(Yenilənib 14:17 24.06.2021)
İclas zamanı Rusiyanın Ermənistandakı Hərbi Bazasının fəaliyyəti və funksionallığı üçün Rusiya tərəfinə torpaq sahələrinin və daşınmaz əmlakın verilməsi məsələləri nəzərdən keçiriləcək.

BAKI, 24 iyun — Sputnik. Ermənistanın Baş nazirinin səlahiyyətlərini icra edən Nikol Paşinyan bu ölkədə olan Rusiya bazasının fəaliyyəti ilə bağlı məsələlərin müzakirəsi üçün Moskvaya hökumət nümayəndə heyətinin göndərilməsi barədə sərəncam imzalayıb. Bu barədə Sputnik Ermənistan xəbər verir.

Məlumatda qeyd olunur ki, nümayəndə heyəti iyunun 26-sı Moskvaya gedəcək və iyulun 1-i geri qayıdacaq. Moskvada Ermənistan – Rusiya Hökumətlərarası Komissiyanın 13-cü iclası baş tutacaq.

İclas zamanı Rusiyanın Ermənistandakı Hərbi Bazasının fəaliyyəti və funksionallığı üçün Rusiya tərəfinə torpaq sahələrinin və daşınmaz əmlakın verilməsi məsələləri nəzərdən keçiriləcək.

Rusiya və Ermənistanın müdafiə nazirləri Sergey Şoyqu və Vaqarşak Arutyunyan bazar ertəsi iyunun 21-də telefonla danışaraq Ermənistan-Azərbaycan sərhədindəki vəziyyəti müzakirə ediblər.

Yerevan Moskva ilə telefonla müzakirələr aparıblar

İyunun 17-si və 21-də Ermənistanın müdafiə nazirinin səlahiyyətlərini icra edən Vaqarşak Arutunyan rusiyalı həmkarı, ordu generalı Sergey Şoyqu ilə Ermənistan-Azərbaycan sərhədindəki vəziyyətin həlli yollarını müzakirə ediblər.

İyunun 17-də vaş tutmuş söhbət zamanı Arutyunyan Şoyquya erməni tərəfinin mövqeyinin dəyizşməz olduğunuz təsdiqləyib – "Azərbaycan Silahlı Qüvvələri qeyd-şərtsiz Ermənistanın suveren ərazisini tərk etməlidirlər".

Nazirlər həmçinin rusiyalı sərhədçilərin Azərbaycanla həmsərhəd Sünik və Geqarkunik vilayətlərində dislokasiyasını, rusiyalı sülhməramlıların Qarabağda fəaliyyətini, müdafiə sahəsində Ermənistan-Rusiya əməkdaşlığını və regional problemlərlə əlaqədar bir sıra digər məsələləri müzakirə ediblər.

Yerevan və Bakının mövqeyi

Bu gün Moskva və Yerevanın mövqeyində nəyinsə dəyişib-dəyişmədiyi məlum deyil. Lakin Ermənistandakı parlament seçkisindən sonra bu həssas məsələnin müzakirə olunması maraq doğurur.

Analitiklər güman edirlər ki, Ermənistanda Nikol Paşinyanın başçılığı ilə yeni hökumət formalaşandan sonra Yerevan Azərbaycanla sərhədin delimitasiyası məsələsində fikrini müəyyənləşdirməlidir.

Bu arada Bakı son günlər Yerevana daha təkidlə sülh təklif edir. Azərbaycanın xarici işlər naziri Ceyhun Bayramov ümid etdiyini bildirib ki, yeni hökumət ölkəsindəki siyasi böhranın real nəticələrini düzgün qiymətləndirəcək, anlayacaq və düzgün nəticələr çıxaracaq.

"Azərbaycan sülh razılaşması üçün Ermənistanla birgə işləməyə hazırdır. Biz elə bunu təklif edirik. Ermənistandan da eyni siyasi iradə və real addımlar gözləyirik”, - nazir vurğulayıb.

Sərhəddə gərginlik

Xatırladaq ki, müntəzəm olaraq iki ölkənin sərhədindən təlaşlı xəbərlər alırıq. Bu il mayın 12-də Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirlərini qarşı tərəf Zəngəzur ərazisinin, xüsusilə Qaragöl ətrafının qəsbi kimi qələmə verməyə çalışıb. Ermənistan KTMT-yə müraciət etsə də, təşkilatdan ona hərbi əməliyyatlara əl atmamaq tövsiyə edilib.

Mayın 24-dən 26-dək Azərbaycan ordusunun mövqeləri üç istiqamətdən atəşə tutulub. 

Bundan üç gün sonra Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Digər erməni hərbi qulluqçuları ərazimizi dərhal tərk edərək geriyə çəkiliblər.

Mayın 27-dən 28-nə keçən gecə ərzində Naxçıvan Muxtar Respublikasının Babək rayonunun Aşağı Buzqov yaşayış məntəqəsi yaxınlığında yerləşən mövqelərimizin Ermənistan silahlı qüvvələrinin bir neçə istiqamətdə açdığı atəşə məruz qalması barədə məlumat yayıb. Məlumata görə, atəş nəticəsində hərbi qulluqçu əsgər Muradov Elxan İlham oğlu çiynindən yaralanıb. Yaralı əsgərimizə dərhal ilkin tibbi yardım göstərilərək hospitala təxliyə edilib. Əlahiddə Ümumqoşun Ordunun bölmələrinin cavab atəşi ilə qarşı tərəf susdurulub.

İyunun 4-də xidməti vəzifələrini yerinə yetirmək üçün işğaldan azad edilmiş Kəlbəcər rayonuna ezam olunmuş telekanal və informasiya agentlikləri əməkdaşlarını aparan "KamAZ" markalı sərnişin avtomobilinin Kəlbəcər rayonunun Susuzluq kəndi ərazisində tank əleyhinə minaya düşməsi nəticəsində üç nəfər – AzTV telekanalının operatoru Sirac Abışov, AZƏRTAC İnformasiya Agentliyinin müxbiri Məhərrəm İbrahimov, Kəlbəcər Rayon İcra Hakimiyyətinin Susuzluq kənd inzibati ərazi dairəsi üzrə nümayəndəsinin müavini Arif Əliyev şəhid olub, daha 4 nəfər isə müxtəlif dərəcəli xəsarətlərlə xəstəxanaya yerləşdirilib.

Eləcə də oxuyun:

2225
Teqlər:
Sergey Şoyqu, Nikol Paşinyan, sərhəd, hərbi baza, Azərbaycan, Rusiya, Ermənistan
Bakıda avtobus, arxiv şəkli

Bakıətrafı marşrutlar üzrə avtobuslar nağdsız ödənişə keçir

0
(Yenilənib 16:05 24.06.2021)
Marşrut xətlərinin də mərhələli şəkildə nağdsız ödəniş sisteminə inteqrasiyası davam edir. Sabahdan daha bir avtobusda gediş haqqı kartla ödəniləcək.

BAKI, 24 iyun — Sputnik. Sabahdan Bakıda 108B nömrəli marşrut xətti ("Azadlıq prospekti" metrostansiyası – Mehdiabad qəsəbəsi) üzrə hərəkət edən avtobuslarda da gediş haqqı "BakıKart" vasitəsilə ödəniləcək. Bu barədə Sputnik Azərbaycan-a Bakı Nəqliyyat Agentliyindən məlumat verilib. Xəbərdə bildirilir ki, iş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək.

Xatırladaq ki, dünəndən 204 nömrəli marşrut xətti üzrə ("Koroğlu" Nəqliyyat Mübadilə Mərkəzindən Bakının Sabunçu rayonunun Ramana qəsəbəsinin "Sovxoz" adlanan ərazisinə qədər) hərəkət edən avtobuslarda gediş haqqı "BakıKart" vasitəsilə ödənilməsinə başlanılıb. Məlumat üçün bildirək ki, indiyədək paytaxtın marşrut şəbəkəsində istismarda olan avtobusların 58%-i nağdsız ödəniş sisteminə inteqrasiya edilib. Hazırda gündəlik olaraq 780 min nəfərə yaxın sərnişin (ümumi sərnişinlərin 42%) nağdsız ödəmə sisteminin xidmətlərindən istifadə edir.

0