Laçında yol, arxiv şəkli

Ermənistanın diversiya cəhdlərinə mümkün reaksiya: Laçın dəhlizinin bağlanması...

3059
(Yenilənib 18:47 09.06.2021)
Azərbaycan-Ermənistan sərhədində erməni hərbçilərin dəfələrlə təkrarladığı diversiya cəhdlər onlara qarşı hansı addımlar atıla biləcəyi sualını qabardır. Azərbaycanın mümkün cavab tədbirlərini Sputnik Azərbaycan-ın müxbiri Elvin Səlimov araşdırıb.   

BAKI, 9 iyun — Sputnik. Azərbaycan-Ermənistan hərbçiləri arasında sərhədlərin demarkasiyası və delimitasiyası prosesində yaşanan xırda toqquşmalar, eyni zamanda Ermənistan hərbçilərinin Azərbaycan ərazisində diversiya cəhdləri bölgədəki vəziyyəti gərgin olaraq saxlayır. Sputnik Azərbaycan erməni diversiya cəhdlərinin qarşısının alınmasında Azərbaycan tərəfinin ata biləcəyi mümkün addımları barədə Milli Məclisin deputatı Arzu Nağıyev, hərbi ekspert Ədalət Verdiyev, politoloq Elşən Manafovun fikirlərini öyrənib.

Milli Məclisin deputatı Arzu Nağıyev hesab edir ki, Ermənistanda seçki öncəsi vəziyyətdən istifadə edən nəzarətsiz qruplar Azərbaycanla sərhəddə təxribat, diversiya fəaliyyəti ilə məşğul olurlar.

Millət vəkili düşünür ki, həmin qüvvələr sərhədlərin demarkasiya və delimitasiyası məsələlərinin başa çatmamasından istifadə edərək bu addımları atırlar:

“Son vaxtlar baş verənlər də göstərir ki, ermənilər öz xislətlərindən əl çəkmək niyyətində deyillər. Azərbaycan öz ərazilərində antiterror əməliyyatları həyata keçirmək səlahiyyətlərini özündə saxlayır. Ona görə də Azərbaycan istənilən an öz ərazi bütövlüyünü qorumaq və ola biləcək hər hansı təxribatın qarşısını almaq üçün antiterror əməliyyatlarına başlaya bilər”.

Hərbi ekspert Ədalət Verdiyev isə bildirib ki, Ermənistan tərəfindən edilən diversiya cəhdləri qəbul edilmiş 2020-ci il noyabr və 2021-ci ilin yanvar bəyanatlarının şərtlərindən imtina etmək anlamı daşıyır və Azərbaycan bu bəyanatlarda öhdəsinə götürdüyü öhdəliklərin yerinə yetirilməsini dayandıra bilər.

Ekspert qeyd edib ki, Ermənistan addımları ilə Azərbaycanı növbəti hərbi əməliyyatlara, ən azından isə Laçın dəhlizini bağlamağa təhrik edir: “Azərbaycan bütün zəruri addımları atır və bundan sonra da atacaq. Amma düşünürəm ki, burada ermənilər üçün həyati əhəmiyyət daşıyan Laçın dəhlizinin bağlanması daha aktualdır”.

Ədalət Verdiyev bildirib ki, Azərbaycan Laçın dəhlizinin açılmasına eyni şərtlərlə Zəngəzur dəhlizinin açılması müqabilində razılıq verib:

“Azərbaycan tərəfi atəşkəsdən dörd gün sonra Laçın dəhlizinin fəaliyyətini təmin etsə də, ermənilər tərəfindən hər hansı müsbət addım atılmayıb. Ermənistan tərəfinin bəyanatdan irəli gələn məsələlərin həllində adekvat olmayan davranışları, eyni zamanda Paşinyanın Fransa səfərindən sonrakı bəyanatları Azərbaycanı xəbərdarlıq addımları atmağa sövq edir”.

Politoloq Elşən Manafovun son proseslərlə bağlı mövqeyi isə bundan ibarətdir ki, Azərbaycan beynəlxalq hüququn ərazi bütövlüyü və təhlükəsizliyin təmin edilməsi müddəalarını əsas tutaraq növbəti addımlar ata bilər:

“Azərbaycan Ermənistana təzyiqləri artırmaq üçün Rusiya ilə ikitərəfli münasibətləri genişləndirməlidir. Ən azından iki ölkə arasında baş verənlərin nizama salınmasında rəsmi Moskva moderator rolunu oynayır. Bu gün Ermənistanın diversiya cəhdləri hər kəsə bəllidir. O da bəllidir ki, bu məğlub ölkə bundan sonra Azərbaycana qarşı hər hansı genişmiqyaslı hərbi əməliyyatlar aparmaq gücündə deyil”.

Politoloq vurğulayıb ki, dəmir yumruq siyasəti ilə aparılan müharibədən sonra Emrənistan iflic vəziyyətə salınıb. Bu ölkənin yenidən özünə gəlməsi üçün illər lazımdır: “Ermənistandan fərqli olaraq Azərbaycan aparılan islahatlar və iqtisadi imkanların hesabına hərbi və digər sahələrdə modernləşmə siyasətini gerçəkləşdirir. Diplomatiyamız da buna uyğun olaraq hücum strategiyasını həyata keçirməlidir. Xüsusən də Ermənistana havadarlıq edən və ona beynəlxalq hüquqa sığmayan dəstəklər verən dövlətləri bu fəaliyyətlərindən çəkindirmək lazımdır”.

Eləcə də oxuyun:

3059
Teqlər:
şərh, ekspert, erməni təxribatı, diversiya, Azərbaycan, Qarabağ
Politoloq Elşən Manafov

Politoloq: “Parlament üzvlərinin görüşü əlaqələrin dərinləşdirilməsinə töhfə verir”

4
(Yenilənib 09:52 18.06.2021)
Politoloq Elşən Manafov deyir ki, görüşlər hər iki tərəf üçün hüquqi dövlət quruculuğu prosesində müsbət mənada təsir edir
Elşən Manafov: “Bu görüşləri təbii bir prosesin hissəsi hesab edirəm”

Moskvada Azərbaycan Respublikası Milli Məclisinin və Rusiya Federasiyası Federal Şurasının ikitərəfli əməkdaşlığı üzrə parlamentlərarası komissiyasının 15-ci iclası keçirilib.

Politoloq Elşən Manafov Sputnik Azərbaycan-a deyir ki, iki ölkənin parlament nümayəndələri arasında mütəmadi olaraq belə görüşlərin keçirilməsi ölkələr arası münasibətlər üçün faydalıdır: “Belə görüşlər iki ölkə arasındakı əlaqələrin dərinləşdirilməsinə töhfə verməklə yanaşı regional təhlükəsizliyin təmin dilməsinə də öz təsirini göstərir. Görüşlər parlament nümayəndələri üçün təcrübə mübadiləsi baxımından da önəmlidir. Görüşlər hər iki tərəf üçün hüquqi dövlət quruculuğu prosesində müsbət mənada töhfəsini verir. Bu görüşləri tamamilə təbii bir prosesin hissəsi hesab edirəm”.

Politoloqun geniş şərhinə audiofaylda qulaq asa bilərsiniz

4

Zaxarova: "Minalı ərazilərin xəritələrinin verilməsi məsələlərinin həlli vacibdir"

558
(Yenilənib 08:47 18.06.2021)
Rusiya Xarici İşlər Nazirliyinin sözçüsü Mariya Zaxarova keçirdiyi həftəlik brifinqdə Qarabağ, minalanmış sahələr barədə də danışıb.

BAKI, 18 iyun — Sputnik. “Rusiya Ermənistan-Azərbaycan sərhədində gərginliyi azaltmaq üçün vasitəçilik səylərini fəal şəkildə davam etdirir. Bakı və Yerevanla XİN, MN, sərhəd xidmətləri xəttilə yaxından təmaslarımız qurulub. Son həftədə gərginliyi azalda bilmişik”.

Bunu Rusiya Xarici İşlər Nazirliyinin sözçüsü Mariya Zaxarova dünən keçirdiyi həftəlik brifinqdə bildirib.

“Bu problemin davamlı və uzunmüddətli həlli üçün iki ölkə arasındakı sərhədin delimitasiyasını tez bir zamanda başlayıb, daha sonra demarkasiyasını həyata keçirməyin vacib olduğu qənaətindəyik. Bu işlərə dəstək verməyə hazır olduğumuzu bir daha bildiririk” – deyə rusiyalı rəsmi qeyd edib.

Lavrovla Şmidin danışıqları

Rusiyanın xarici işlər naziri Sergey Lavrov iyunun 21-də Moskvada ATƏT-in Baş katibi Helqa Şmidlə görüşəcək.

“Təhlükəsizliyin 3 istiqaməti – hərbi-siyasi, iqtisadi-ekoloji və insan hüquqları üzrə ATƏT-in fəaliyyətinin geniş spektrli məsələləri müzakirə ediləcək. Regional münaqişələrin həllində bu təşkilatın rolunun müzakirə edilməsi gözlənilir. Tərəflər Dağlıq Qarabağ məsələsinin həlli ilə bağlı vəziyyət haqqında fikir mübadiləsi aparırlar. Rusiya ATƏT-in nüfuzunun və səmərəliliyinin artırılmasına tərəfdardır”, - M.Zaxarova qeyd edib.

Rusiyanın Bakı-Yerevan-Ankara dialoqlarına münasibəti

“Rusiya Bakı ilə Yerevan arasında, Yerevan və Ankara arasında dialoqların normallaşmasına yönələn addımları qətiyyətlə dəstəkləyir”.

“Cənubi Qafqazdakı qarşılıqlı münasibətlər regiondakı bütün ölkələr nəzərə alınmaqla və balanslı şəkildə, mehriban qonşuluq prinsipləri əsasında inkişaf etməlidir”, - o əlavə edib.

M.Zaxarova həmçinin Rusiyanın Azərbaycan tərəfinin iyunun 12-də 15 erməni hərbçini Ermənistana qaytarmasını alqışladığını da vurğulayıb: “Eyni zamanda, digər humanitar məsələlərin, o cümlədən də minaların təmizlənməsi və minalı ərazilərin xəritələrinin verilməsi ilə bağlı məsələlərin həll olunmasının vacib olduğunu düşünürük”.

 

558