Azərbaycan Rusiya bayrağı, arxiv şəkli

Azərbaycan Rusiya arasında siyasi məsləhətləşmələr keçirilib

3890
(Yenilənib 17:08 03.06.2021)
Həmçinin tərəflər, bölgədəki cari vəziyyət və baş verən son proseslərlə bağlı fikir mübadiləsi aparıblar.

BAKI, 3 iyun — Sputnik. Bu gün Bakıda Azərbaycan Respublikası və Rusiya Federasiyası Xarici İşlər Nazirlikləri arasında siyasi məsləhətləşmələr keçirilib. Bu barədə Sputnik Azərbaycan-a Xarici İşlər Nazirliyindən daxil olan məlumatda bildirilir.

Azərbaycan Respublikasının xarici işlər nazirinin müavini Xələf Xələfov və Rusiya Federasiyasının xarici işlər nazirinin müavini Andrey Rudenkonun rəhbərlik etdiyi nümayəndə heyətləri arasında keçirilən siyasi məsləhətləşmələrdə ikitərəfli strateji tərəfdaşlıq gündəliyinin məsələləri əsas müzakirə mövzusu olub.

Həmçinin tərəflər, bölgədəki cari vəziyyət və baş verən son proseslərlə bağlı fikir mübadiləsi aparıblar.

Siyasi məsləhətləşmələrdə, həmçinin qarşılıqlı maraq doğuran digər məsələlər də müzakirə olunub.

Siyasi məsləhətləşmələr

Rusiya XİN rəsmi nümayəndəsi Mariya Zaxarova cümə axşamı bildirib ki, Qarabağ ətrafında yaranmış vəziyyətin nizamlanması üçün hər gün iş aparılır.

“Xarici işlər nazirləri ilə məsləhətləşmələr, danışıqlar keçirilir. Xarici işlər nazirlikləri və səfirliklərin xətti ilə biz gündəlik qarşılıqlı fəaliyyətdəyik. Həm Rusiya-Azərbaycan, həm də Ermənistan xətti ilə xarici siyasət idarələri rəhbərlərinin telefon danışıqları barədə məlumatlar mütəmadi olaraq dərc olunur... Ölkəmiz tərəfindən bu vəziyyətin həm hadisələrin qaynar olduğu, həm də kəskinləşmədən sonrakı dövrdə nizamlanması istiqamətində çox böyük səylər göstərilib”, - deyə Zaxarova bildirib.

O əlavə edib ki, söhbət təkcə siyasi səylərdən deyil, həmçinin diplomatik, habelə ölkə rəhbərliyinin şəxsi səylərindən gedir. “Və sözsüz ki, hər gün vəziyyətin düzəlməsi, siyasətçilərin, diplomatların, ictimai xadimlərin nəhayət ki öz funksiyalarını yerinə yetirə bilməsi üçün gücünü, ruhunu və bacarığını, peşəkarlığını, vərdişlərini ortaya qoyan sülhməramlıların rolu haqqında da... Odur ki, Rusiya sülhməramlılarının bu vəziyyətdə rolunu şişirtmək mümkün deyil”, - deyə XİN nümayəndəsi bildirib.

Moskvada qapalı danışıqlar

Analitiklər qeyd edirlər ki, Rudenkonun Bakıya səfəri Azərbaycan, Ermənistan və Rusiya nümayəndələrinin Moskvada bir gün əvvəl keçirilmiş danışıqları ilə birbaşa bağlıdır. Rəsmi Bakı Moskvada görüşün keçirilməsini təsdiq etməyib. Buna baxmayaraq, KİV-lərin məlumatına görə, Rusiya paytaxtında həm Ermənistan-Azərbaycan sərhədində vəziyyətin gərginliyinin aradan qaldırılması yolları, həm də əsir götürülmüş altı erməni hərbi qulluqçusu ilə bağlı məsələlər də müzakirə olunub.

“Joxovurd” qəzetinin məlumatında deyildiyi kimi, erməni tərəfi üçün “dünənki gün ərzində əsirlərin məsələsi ilə bağlı müsbət xəbərlər olmayıb”. Buna baxmayaraq, bu danışıqlardan sonra Moskvadan təkcə Rudenko deyil, Qarabağdakı Rusiya sülhməramlılarının komandanı Rüstəm Muradov da uçub. O, Yerevana yollanıb.

Rudenko sərhəddə vəziyyət kəskinləşdiyi dövrdə nələri deyib?

Ekspertləri Bakıya məhz Rudenkonun gəlməsi təəccübləndirməyib. Son zamanlar məhz bu rusiyalı diplomat Yerevanı məyus edən silsilə bəyanatlar verib. Məsələn, KTMT-nin qapılarının hamı üçün, o cümlədən Azərbaycan üçün də açıq olması barədə. Rudenko növbəti dəfə qeyd edib: ölkənin təşkilata daxil olmasına yalnız quruma üzv dövlətlər arasında diplomatik münasibətlərin olmaması məhdudlaşdıra bilər. "Azərbaycanla Ermənistan arasında hələ ki, bu cür münasibətlər yoxdur. Bu cür münasibətlər qurulduqdan sonra - biz ümidvarıq ki, bu gec və ya tez baş verəcək, - məsələ bu və ya digər şəkildə praktiki müstəviyə çıxa bilər", - deyə may ayında verdiyi müsahibələrdən birində Rudenko bildirib. XİN rəhbərinin müavini həmçinin bildirib ki, əgər belə bir təklif hər iki dövlətdən daxil olarsa, Rusiya sərhəddə gərginliyin aradan qaldırılması ilə bağlı Azərbaycana və Rusiyaya kömək edəcək. “Əgər belə bir müraciət tərəflərdən birindən deyil, bütün iştirakçılardan daxil olarsa, o zaman bacardığımız köməyi göstərəcəyik”, - deyə Rudenko Ermənistan lideri Paşinyanın Rusiya prezidentindən sərhəddəki vəziyyətlə bağlı hərbi kömək göstərməsi ilə bağlı müraciətindən sonra deyib. Yerevanın özündə isə bu gün Ermənistan milli məclisinin növbədənkənar iclası keçirilməlidir. Ehtimal ki, bundan sonra cavablar suallardan çox olacaq.

Eləcə də oxuyun: 

  • Muradov Moskvadan Yerevana gedir, xəbər aparır

  •  ATƏT Qarabağ münaqişəsinin tərəfləri ilə dil tapmağa çalışır

  •  Moskvada kritik danışıqlar – Azərbaycan və Ermənistan generalları görüşəcəklər

3890
Teqlər:
XİN, məsləhətləşmə, Azərbaycan, Rusiya
İlham Əliyevin və Rəcəb Tayyib Ərdoğan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalayıb

Azərbaycan Türkiyə arasında müttəfiqlik haqqında Şuşa Bəyannaməsi imzalanıb

2390
(Yenilənib 17:50 15.06.2021)
İlham Əliyev və Rəcəb Tayyib Ərdoğan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalayıblar.

BAKI, 15 iyun - Sputnik. İyunun 15-də Şuşada Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın təkbətək görüşündən sonra “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalanıb.

Azərbaycan üçün çox önəmli bir tarixdə - Milli Qurtuluş Günündə, Qars müqaviləsindən yüz il sonra iki dost və qardaş ölkə arasında imzalanan müttəfiqlik münasibətlərinə dair Şuşa Bəyannaməsini prezidentlər İlham Əliyev və Rəcəb Tayyib Ərdoğan imzalayıblar.

15:34

Ali qonağın Şuşada rəsmi qarşılanma mərasimi olub

Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın iyunun 15-də Şuşada rəsmi qarşılanma mərasimi olub.

Sputnik Azərbaycan AZƏRTAC-a istinadən xəbər verir ki, hər iki ölkənin dövlət bayraqlarının dalğalandığı meydanda Türkiyə Prezidentinin şərəfinə fəxri qarovul dəstəsi düzülmüşdü.

  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Murat Cetinmuhurdar/Presidential Press Office/Handout via REUTERS
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
1 / 5
© Murat Cetinmuhurdar/Presidential Press Office/Handout via REUTERS
Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il

Azərbaycan Prezidenti İlham Əliyev və birinci xanım Mehriban Əliyeva Türkiyə Prezidenti Rəcəb Tayyib Ərdoğanı və birinci xanım Əminə Ərdoğanı qarşıladılar.

Fəxri qarovul dəstəsinin rəisi Türkiyə Prezidentinə raport verdi.

Türkiyə Prezidenti Azərbaycan əsgərlərini salamladı.

Prezident İlham Əliyev və Prezident Rəcəb Tayyib Ərdoğan fəxri qarovul dəstəsinin qarşısından keçdilər.

Türkiyə Respublikasının və Azərbaycan Respublikasının dövlət himnləri səsləndi.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qarşısından keçdi.

Dövlət başçıları rəsmi foto çəkdirdilər.

--------

13:24

İyunun 15-də Türkiyə Respublikasının Prezidenti Rəcəb Tayyib Ərdoğan Şuşa şəhərinə yola düşüb.

Sputnik Azərbaycan AZƏRTAC-a istinadən xəbər verir ki, Azərbaycan Respublikasının Prezidenti İlham Əliyev Türkiyə Prezidenti Rəcəb Tayyib Ərdoğanı və xanımı Əminə Ərdoğanı Füzuli rayonunda qarşılayıb.

© Official website of President of Azerbaijan Republic
Prezident İlham Əliyevlə Türkiyə Prezidenti Rəcəb Tayyib Ərdoğan arasında Füzulidə görüş

--------

13:09

Azərbaycana rəsmi səfərə gələn Türkiyə Prezidenti Rəcəb Tayyib Ərdoğan Şuşaya gedir. Sputnik Azərbaycan-ın məlumatına görə, bu barədə Türkiyə Prezidentinin sözçüsü İbrahim Kalın Twitter hesabından məlumat verib.

"NATO sammitinin ardından Azərbaycanın tarix və mədəniyyət paytaxtı Şuşaya gedirik. Qarabağ zəfərini taclandıran bu ziyarət Türkiyə-Azərbaycan bağlarını daha da gücləndirəcək və dərinləşdirəcək. Qafqazın tarixi inanc, əzm və cəsarətlə yenidən yazılır", - İ.Kalın qeyd edib.

Şuşada Azərbaycan və Türkiyə dövlət başçılarının təkbətək görüşü, sonra isə Ərdoğanın sözlərinə görə, iki ölkə arasında ən böyük razılaşmanın imzalanması nəzərdə tutulur. Sonra isə KİV-in məlumatına görə, prezidentlər birgə mətbuat konfransı keçirəcəklər. 

Bundan sonra Ərdoğan Şuşada gəzintiyə çıxacaq. 

Türkiyə Prezidenti Rəcəb Tayyib Ərdoğanın Azərbaycana səfəri çərçivəsində Milli Məclisdə çıxış edəcəyi də gözlənilir. Bu barədə Sputnik Azərbaycan-a açıqlamasında millət vəkili Fazil Mustafa bildirib.

--------

08:02

Türkiyə Respublikasının Prezidenti Rəcəb Tayyib Ərdoğan iyunun 15-də Azərbaycan Respublikasına rəsmi səfərə gəlib.

© Photo : AZƏRTAC
Türkiyə Prezidenti Rəcəb Tayyib Ərdoğan Azərbaycana rəsmi səfəri zamanı

Sputnik Azərbaycan xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

© Photo : AZƏRTAC
Türkiyə Prezidenti Rəcəb Tayyib Ərdoğan Azərbaycana rəsmi səfəri zamanı

Türkiyə Prezidenti Rəcəb Tayyib Ərdoğanı və xanımı Əminə Ərdoğanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşıladılar.

2390
Politoloq İlqar Vəlizadə

Politoloq: “İki ölkənin qarşıdurması dünya siyasətinə mənfi təsir göstərir”

5
(Yenilənib 17:37 14.06.2021)
Politoloq İlqar Vəlizadə deyir ki, ABŞ-Rusiya anlaşması ikitərəfli münasibətlərlə yanaşı beynəlxalq siyasətə də öz müsbət təsirini göstərə bilər
İlqar Vəlizadə: “Rusiya-ABŞ münasibətləri ən gərgin dövrünü yaşayır”

İyunun 16-da  İsveçrənin Cenevrə şəhərində Rusiya və ABŞ prezidentlərinin görüşü keçiriləcək.

Politoloq İlqar Vəlizadə Sputnik Azərbaycan-a görüş öncəsi iki ölkə arasındakı siyasi vəziyyəti şərh edib.

Politoloq bildirib ki, hazırkı şəraitdə prezidentlərin görüşü çox əhəmiyyətlidir: “Son vaxtlar Rusiya-ABŞ münasibətləri ən gərgin dövrünü yaşayır. Hətta deyərdim ki, bu dövr soyuq müharibə dövründən sonra ən gərgin zamandır. İki ölkənin qarşıdurması dünya siyasətinə də mənfi təsir göstərir. Tərəflər aktual məsələləri müzakirə edib ortaq məxrəcə gələ bilərlər. Bu ikitərəfli münasibətlərlə yanaşı beynəlxalq siyasətə də öz müsbət təsirini göstərə bilər”.

İlqar Vəlizadənin geniş şərhinə audiofaylda qulaq asa bilərsiniz

5