* AZƏRBAYCAN *
 İran Xarici işlər naziri Məhəmməd Cavad Zərif, arxiv şəkli

İran bölgədə aktivliyini artırır Cənub qonşumuz konstruktiv mövqeyini qoruyacaqmı?

5287
(Yenilənib 16:28 26.05.2021)
İranın xarici işlər naziri Azərbaycan Prezidenti ilə görüşündə ölkəsinin Qarabağla bağlı niyyətini açıqlayıb. Səfərin məramı və İranın bölgədəki növbəti addımları barədə Sputnik Azərbaycan-ın siyasi şərhçisi Elvin Səlimovun yazısında.

BAKI, 25 may — Sputnikİran Xarici İşlər naziri Məhəmməd Cavad Zərif Azərbaycana səfər edib. Regionda yeni geosiyasi şəraitin formalaşdığı bir vaxtda İran XİN rəhbərinin səfəri diqqətlə izlənilir.

Sputnik Azərbaycan İran XİN rəhbərinin səfərinin önəmi haqqında Milli Məclisin deputatı Fazil Mustafa və Orta Doğu Araşdırmalar Mərkəzinin rəhbəri Sədrəddin Soltanın fikirlərini öyrənib.

Millət vəkili Fazil Mustafa hesab edir ki, İran bölgənin əhəmiyyətli ölkəsi kimi sülh quruculuğu prosesinə töhfəsini verə bilər. Onun fikrincə, İran indiyə qədərki proseslərdə Ermənistana dəstəkverici yanaşmalar sərgiləsə də, Azərbaycan torpaqlarının işğaldan azad edilməsindən sonra cənub qonşumuz daha konstruktiv mövqe sərgiləməyə başlayıb:

“İranda kimlərinsə Azərbaycan əleyhinə sərsəm bəyanatları bu ölkənin rəsmi dövlət mövqeyinin ifadəsi deyil. Bu ölkənin dövlət siyasəti sülh və əmin-amanlığın təmin edilməsi istiqamətindədir. Biz İranla dostluq münasibətlərinin davam etməsini istəyirik və bu ölkə bizim istəyimizə normal yanaşacaqsa, bizim cənub qonşumuzla hər hansı problemimiz yoxdur”.

Millət vəkili qeyd edib ki, İran Azərbaycanla dostluğu Ermənistan kimi İslam düşmənçiliyi aparan, müsəlman qanı içməyi həyati ideal seçmiş bir ölkə ilə dostluğa dəyişərsə, bu, İslam Respublikasının özünün zərərinə ola bilər: “Bu səfərin konstruktiv müzakirələrin və İranın bölgədə aktiv rolunun təmin edilməsinə imkan yaradacağını deyə bilərik. İran qonşu ölkə kimi bölgədə kommunikasiya xətlərinin açılmasında maraqlı olmalıdır. Bölgədə sülh və sabitliyin olması iqtisadi inkişafı təmin edəcək. Bu, İranın da xeyrinədir”.

Orta Doğu Araşdırmalar Mərkəzinin rəhbəri Sədrrəddin Soltan isə deyib ki, iki ölkə arasında belə səfərlərin olması əməkdaşlığın inkişafına və mövcud problemlərin həllini tapmasına təkan verir. Onun sözlərinə görə, son vaxtlar Azərbaycan-İran sərhədində yaranmış gərginliklər bu səfərin əhəmiyyətinə diqqəti artırır: “Eyni zamanda Zəngəzur dəhlizi ilə bağlı məsələlərin həllini tapmasında gələcəkdə İran da öz dəstəyini verə bilər. İran Azərbaycanla sərhədlərin delimitasiyası və demarkasiyası məsələsində maraqlı tərəfdir. Hesab edirəm ki, görüşlərdə müzakirə olunacaq məsələlərdən biri Ermənistan-Azərbaycan sərhədlərinin delimitasiyası ilə bağlıdır. Həmçinin ola bilər ki, İran tərəfi Azərbaycanın azad etdiyi ərazilərdə quruculuq işlərinin aparılması üçün layihələrlə çıxış etsin”.

Politoloq bildirib ki, post-pandemiya ərəfəsində İrana qarşı tətbiq edilən sanksiyaların böyük bir hissəsinin ləğv ediləcəyi ilə bağlı xəbərlər gəlir:

“Sanksiyalar ləğv olunarsa, İran enerji resurslarının Azərbaycan vasitəsilə daşınması məsələsi, güman edirəm ki, müzakirələrin predmetinə çevrilə bilər. İki ölkə arasında müzakirə ediləcək kifayət qədər əhəmiyyətli mövzular var”.

Qeyd edək ki, bu gün Cavad Zərif Azərbaycan Prezidenti İlham Əliyevlə görüşündə ölkələr arasında əməkdaşlığın səviyyəsindən məmnun olduqlarını və həmçinin Qarabağın bərpasında İranın iştirak etmək niyyətini dilə gətirib. Azərbaycan lideri regionda yeni vəziyyətin - münaqişədən sonrakı vəziyyətin yaranması ilə əlaqədar yeni imkanlar, yeni çağırışların olduğunu, İran və Azərbaycanın iki qardaş ölkə olaraq səyləri əlaqələndirməli, regionda bütün bölgə ölkələrinin xeyrinə uzunmüddətli və dayanıqlı sülh şəraitində inkişafa töhfə verməli olduqlarını vurğulayıb.

Eləcə də oxuyun:

* Региональное турне Зарифа - что на повестке

* İlham Əliyev: "İran və Azərbaycan iki qardaş ölkə olaraq səyləri əlaqələndirməlidir"

* "Daha da artığını edə bilərik" - Məhəmməd Cavad Zərif

* Cavad Zərifdən sərt addım: İsraili dəstəkləyən ölkəyə səfərini ləğv etdi

Cavad Zərif İlham Əliyevə: "Tarixi bir rol oynaya bilərsiniz"

* Cavad Zərif general Süleymani və Rusiya haqqında dediklərinə görə üzr istəyib

* Zərif Ermənistan-Azərbaycan sərhədi haqda: Qısa zamanda sülh yolu ilə həll etmək lazımdır

 

5287
Teqlər:
enerji, Qarabağ, şərh, ekspert, səfər, Məhəmməd Cavad Zərif, bölgə, Azərbaycan, İran
Səməd Seyidov - Azərbaycanın AŞPA-dakı nümayəndə heyətinin sədri

Səməd Seyidov: “Şuşa Bəyannaməsinin beynəlxalq əhəmiyyəti artır”

10
(Yenilənib 16:16 23.06.2021)
AŞPA-dakı nümayəndə heyətinin rəhbəri Səməd Seyidov deyir ki, Azərbaycana qarşı davam etdirilən terror aktları ilə bağlı məsələ də nümayəndə heyəti tərəfindən qaldırılacaq
Səməd Seyidov: “Jurnalistlərin qətlə yetirilməsi bəşəriyyətə qarşı cinayətdir”

“Azərbaycanla bağlı birbaşa məsələlər olmasa da, nümayəndə heyəti ölkəmizin inkişafı, eləcə də regionda baş verən hadisələr, xüsusilə yenicə imzalanmış Şuşa Bəyannaməsi haqqında AŞPA üzvlərini məlumatlandıracaq”. Sputnik Azərbaycan xəbər verir ki, bu fikirləri Azərbaycanın AŞPA-dakı nümayəndə heyətinin rəhbəri Səməd Seyidov qurumun yay sessiyası çərçivəsində jurnalistlərə açıqlamasında deyib.

“Şuşa Bəyannaməsi misilsiz əhəmiyyətə malik tarixi sənəddir. Regional əhəmiyyət daşımaqla bərabər, bu sənədin beynəlxalq əhəmiyyəti artır. Şuşa Bəyannaməsi ilə yeni geosiyasi vəziyyət formalaşır. Sessiya çərçivəsində Azərbaycana qarşı davam etdirilən terror aktları ilə bağlı məsələ də nümayəndə heyəti tərəfindən qaldırılacaq. Mina xəritələri ilə bağlı məsələnin həlli vacibdir. Hətta xəritələr verilsə də, onların nə dərəcədə etibarlı olması, reallığı nə qədər düzgün əks etdirməsi kimi məsələlər sual altındadır. Regionda sülhün bərqərar olması, erməni tərəfinin bu məsələyə nə dərəcədə səmimi yanaşması məsələləri müzakirə olunacaq. Jurnalistlərin qətlə yetirilməsi bəşəriyyətə qarşı cinayətdir. Bu məsələyə xüsusi toxunulacaq”, - deyə S. Seyidov diqqətə çatdırıb.

Səməd Seyidovun fikirlərinə audiofaylda qulaq asa bilərsiniz

10

Prezident: Ağdamın mina xəritələrini ala bilmişik, digər rayonlarda yüz minlərlə mina var

3546
(Yenilənib 16:15 23.06.2021)
İlham Əliyev BMT-dən gələn ali qonağa bildirib ki, ermənilər xəritələri Azərbaycana verməkdən imtina edirlər və artıq azərbaycanlılar arasında mina partlaması səbəbindən 100-dən çox ölən və yaralanan olub.

BAKI, 23 iyun — Sputnik. Azərbaycan prezidenti İlham Əliyev BMT-nin Sivilizasiyalar Alyansının ali nümayəndəsi Migel Anxel Moratinosa Ermənistanın işğal etdiyi Azərbaycan torpaqlarında törətdiyi barbarlıq aktlarını, dağıntılar və minalanmış ərazilərin xəritəsi barədə məlumat verib.   

"Ölkəmizə, həmçinin işğaldan azad edilmiş ərazilərə səfər etdiyinizə görə təşəkkür edirəm. Siz öz hissləriniz barədə danışdınız. Düşünürəm ki, hər kəs eyni hissləri keçirir. Mən müharibədən sonra ilk dəfə Ağdama səfər edəndə qəmginlik hissi, kədər hissi, eyni zamanda, şəhərin yenidən qurulması ilə bağlı qətiyyət hissi keçirirdim", - İlham Əliyev iyunun 23-də Migel Anxel Moratinosu qəbul edərkən deyib.

Prezident qonağa 44 günlük müharibə onun acı nəticələrindən bəhs edərkən deyib:

"Yəqin sizə məlumat verilib ki, bir aydan da az vaxtda biz artıq yenidənqurma prosesinə başladıq. Siz gördünüz, hər şey dağılıb. Eyni zamanda, təkcə Ağdam rayonunda 97 min mina basdırılıb. Biz Ermənistandan yalnız Ağdam rayonu üzrə mina xəritələrini ala bilmişik, digər rayonlarda yüz minlərlə mina var. Onlar xəritələri bizə verməkdən imtina edirlər və bizdə artıq 100-dən çox ölən və yaralanan oldu. Müharibə başa çatandan sonra minalardan, piyada əleyhinə və tank əleyhinə minalardan 30-a yaxın adam həlak oldu, 100-dən çox mülki şəxs yaralandı, o cümlədən bu ayın əvvəlində 2 jurnalist həlak oldu". 

Qarabağı təkcə müharibə dövründə deyil, ondan sonra da dağıdıblar

"Bilirsiniz ki, onlar şəhərləri müharibə zamanı, Birinci Qarabağ müharibəsi zamanı deyiI, ondan sonra dağıdıblar. Onlar bunu Birinci Qarabağ müharibəsi dayanandan sonra demək olar ki, 30 il ərzində sistematik şəkildə bir neçə səbəbdən dağıdıblar", - İlham Əliyev əlavə edib.

O, ermənilərin bu dağıntıları hansı səbəbdən törətdiklərini sadalayaraq deyib: 

"Birincisi, bütün tikinti materiallarını götürmək üçün. Çünki evlər sökülmüş, daşlar aparılmışdır. Bu, oğurluq idi. İkinci səbəb azərbaycanlılara geri qayıtmağa imkan verməmək idi. Çünki onlar düşünürdülər ki, total dağıntıdan sonra heç kim qayıtmayacaq. Təkcə şəhərlərdə deyil, kəndlərdə də - siz digər istiqamətlərə gedəndə, məsələn Cəbrayıla, siz Füzulidə də olmusunuz - Zəngilanda, Qubadlıda vəziyyət eynidir. Bütün kəndlər, bütün şəhərlər dağıdılıb. İndi biz onları minalardan təmizləməli, həmçinin paralel olaraq yenidənqurmaya başlamalıyıq".

Azərbaycanın dövlət başçısı artıq bütün resursları səfərbər edərək böyük infrastruktur layihələrinə başladıqlarını bildirib.

"Sizə bəlkə də bununla bağlı məlumat verilib. Biz onları yenidən quracağıq və düşünürəm ki, bu miqyasda dağıntıdan inkişafa, insanlar üçün layiqli yaşayış standartlarına doğru dünyada nadir təcrübə nümayiş etdirəcəyik", - İlham Əliyev vurğulayıb.

Qeyd edək ki, əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.

"Bu humanitar aksiyanın həyata keçirilməsində Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edirik. Eyni zamanda, prosesə verdikləri töhfəyə görə, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolunu xüsusilə qeyd edirik", - Azərbaycan Xarici İşlər Nazirliyinin yaydığı açıqlamada bildirilib.

Qeyd olunub ki, mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək və Azərbaycan Respublikasının Prezidenti İlham Əliyev tərəfindən Ağdamda əsası qoyulan yenidənqurma layihələrini və məcburi köçkünlərin qayıdışı prosesini sürətləndirəcək.

Minalanmış ərazilərin xəritələri

Qeyd edək ki, əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.
"Bu humanitar aksiyanın həyata keçirilməsində Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edirik. Eyni zamanda, prosesə verdikləri töhfəyə görə, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolunu xüsusilə qeyd edirik", - Azərbaycan Xarici İşlər Nazirliyinin yaydığı açıqlamada bildirilib.

Qeyd olunub ki, mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək və Azərbaycan Respublikasının Prezidenti İlham Əliyev tərəfindən Ağdamda əsası qoyulan yenidənqurma layihələrini və məcburi köçkünlərin qayıdışı prosesini sürətləndirəcək.

Həmçinin oxuyun: 

* Ermənistanın mina xəritələrini verməməsi məcburi köçkünlərin qayıdışını ləngidir - XİN

  • Minalanmış ərazilərin xəritəsi: Nə vaxt veriləcək?

  • Beynəlxalq qurumlar mina xəritələrini ermənilərdən tələb etsin - Zamin Zeynal danışır

  • ABŞ rəsmisi Yerevanı bütün mina xəritələrini Azərbaycana verməyə çağırdı

  • Mina qurbanlarının sayı daha da arta bilər - Hafiz Səfixanov

3546
Нападающий сборной Португалии Криштиану Роналду радуется голу

Ronaldu yığma komandaların heyətində vurulan qollara görə dünya rekordunu təkrarladı

0
(Yenilənib 01:15 24.06.2021)
Milli komandaların ən yaxşı snayperlərinin sıyahısında ilk sıraya yüksəlmək üçün Kriştianuya bir qol vurmaq kifayətdir.

Hücumçu Kriştianu Ronaldu Portuqaliya yığmasının heyətində 109-cu qolunu vurub və milli komandaların heyətində vurulmuş qolların sayına görə dünya rekordunu təkrarlayıb.

36 yaşlı portuqaliyalı Avropa çempionatında Fransaya qarşı oyunda penaltilərdən özünün 108-ci və 109-cu qollarını vurub.

Ronadlu bununla 2007-ci ildə karyerasını başa vurmuş İranın Əli Daeinin rekordunu təkrarlayıb.

Ötən həftə Ronaldu Avropa çempionatlarının final mərhələlərində qolların sayına görə fransız Mişel Platininin rekordunu yeniləyib.

0