* AZƏRBAYCAN *
İqor Korotçenko, arxiv şəkli

Korotçenko Qarabağla bağlı əsas suallara cavab verib - Eksklüziv müsahibə

102
(Yenilənib 14:38 19.05.2021)
Analitik hesab edir ki, Yerevana xoş olub-olmamasından asılı olmayaraq iki ölkə arasında sərhədlər dəqiq müəyyən edilməlidir və bunun mümkün qədər tez müəyyən olunması Ermənistanın özünün maraqlarına uyğundur.

BAKI, 19 may — Sputnik. Rusiyanın "Nasionalnaya oborona" (Milli müdafiə) məcmuəsinin baş redaktoru İqor Korotçenko Sputnik-in studiyasında bir sıra aktual suallara cavab verib. Söhbətin əsas mövzusu Azərbaycan-Ermənistan sərhədində vəziyyət olub.

Analitik qeyd edib ki, Qarabağ uğrunda Vətən müharibəsinin nəticəsi olaraq Azərbaycan öz ərazi bütövlüyünü bərpa etdikdən sonra meydana çıxan, o cümlədən Qarabağa dair üçtərəfli bəyanatda nəzərdə tutulmuş vacib məsələlərdən biri də sərhədlərin demarkasiyasıdır. Onun sözlərinə görə, bunun üçün əsas olaraq SSRİ Baş Qərargahının topoqrafik xəritələri götürülür və həmin xəritələrdə Azərbaycan SSR və Ermənistan SSR-in sərhədləri kifayət qədər dəqiq müəyyən olunub.

Azərbaycan və Ermənistan sərhədində vəziyyət

Demarkasiya prosesini müşayiət edən səs-küyü şərh edən ekspert bildirib ki, bu, məsələnin lazımsız siyasiləşdirilməsidir və ilk növbədə Ermənistanın növbədənkənar parlament seçkilərinin astanasında olması ilə bağlıdır.

Paşinyanın iki dövlət arasındakı sərhədlə bağlı vəziyyətə dair KTMT-yə müraciətinə gəldikdə isə, Korotçenko bunu əsassız hesab edir. Bu cür müraciət üçün beynəlxalq səviyyədə tanınmış hərbi təcavüz faktı olmalıdır. Hazırda isə söhbət heç sərhədyanı insidentdən də getmir – bu, sırf demarkasiya məsələsidir, Korotçenko bildirib.

"Ermənistanda keçiriləcək seçkiləri nəzərə alsaq, KTMT-yə müraciət sırf Paşinyanın siyasi qərarıdır. Bununla Paşinyan bir tərəfdən erməni maraqlarının keşiyində dayandığını nümayiş etdirmək istəyir, digər tərəfdən fəal şəkildə ona hücum edən siyasi rəqiblərinin əllərindən onların üstün mövqelərini almaq istəyir", - deyə Korotçenko vurğulayıb.

O bildirib ki, yuxarıda qeyd olunanları, habelə Qarabağ uğrunda ikinci müharibənin nəticələrini nəzərə alaraq Ermənistan tərəfi hadisələrə həddən artıq kəskin reaksiya verir.

Onun sözlərinə görə, Yerevan məsələyə kənar tərəfləri, məsələn Fransanı cəlb etməyə çalışır ki, onun mövqeyi də bu məsələdə destruktiv və qərəzlidir.

Cənubi Qafqaz – Rusiyanın maraq zonasıdır

Analitikin sözlərinə görə, Rusiya tərəfi məsələyə ABŞ-ın müdaxilə etmək cəhdlərini narahatlıqla müşahidə edir.

"Zənnimcə, amerikalılar qiymətləndirmə və mövqe nümayişində bir qədər mülayimlik nümayiş etdirməlidirlər. Hər necə olsa, biz başa düşürük ki, Cənubi Qafqaz ilk növbədə Rusiya maraqları dairəsinə aid zonadır və Azərbaycan-Ermənistan sərhədində demarkasiyanın maksimum sakit keçməsi Rusiyanın maraqlarına uyğundur", - deyə o qeyd edib.

Ekspert xatırladıb ki, demarkasiya Qarabağa dair üçtərəfli bəyanatın ancaq bir bəndidir. Qarşıda nəqliyyat dəhlizlərinin reallaşmasıdır ki, onlar da açılmalıdır.

"Hazırda Laçın dəhlizi fəaliyyət göstərir. Bundan əlavə, Naxçıvanı Azərbaycanın əsas hissəsi ilə birləşdirəcək dəhliz də açılmalıdır. Bu dəhlizə nəzarəti Federal Təhlükəsizlik Xidmətinin (Rusiya - redaktor) sərhəd xidməti həyata keçirəcək", - deyə o bildirib.

Korotçenko hesab edir ki, KTMT Xarici İşlər Nazirləri Şurasının Düşənbədə keçiriləcək iclasında Azərbaycan-Ermənistan sərhədində vəziyyət müzakirəyə çıxarılacaq və təşkilatın məqsədi odur ki, məsələ siyasi müstəvidə həllini tapsın. Həm də ki, Moskva bu prosesdə fəal iştirak edir. Rusiya sülhməramlıları və onların komandanı Rüstəm Muradov maksimum çalışırlar ki, Azərbaycan və erməni tərəfindən işçi qaydada yaranan problemlər siyasiləşdirilmədən həll edilsin. Buna heç də həmişə tez nail olmaq olmur, lakin Rusiya bütün proseslərdə fəal iştirak edir və onların həllinə kömək edir, deyə ekspert bildirib.

Azərbaycan Ermənistan ərazisinə təcavüz etmir

Korotçenko əmindir ki, demarkasiya prosesindən qaçınmaq mümkün deyil. Yerevana xoş olub-olmamasından asılı olmayaraq iki ölkə arasında sərhədlər dəqiq müəyyən edilməlidir və bunun mümkün qədər tez həlli Ermənistanın özünün maraqlarına uyğundur. Bu halda sui-istifadə və narahatlıq üçün səbəb də az olacaq.

"O ki qaldı Azərbaycanın keçirdiyi və Ermənistanda narahatlıq doğuran təlimlərə, burada bunu demək olar – Azərbaycan müharibəni udub. Onun Ermənistana qarşı silahlı fəallığa ehtiyacı yoxdur", - deyə o qeyd edib.

Rəsmi Bakı dəfələrlə Azərbaycanın Ermənistanın ərazi bütövlüyünə təcavüz etmədiyini və gələcəkdə də bunu etməyi planlaşdırmadığını bəyan edib. Bundan əlavə, Ermənistan KTMT-nin üzvüdür və istənilən silahlı təcavüz faktı erməni tərəfinin yardım üçün təşkilata müraciət etməsinə bəhanə ola bilər.

O qeyd edib ki, Rusiya hərbi bazasının Sünikdə (Zəngəzur) yerləşdirilməsinə gəldikdə isə, ekspert hesab edir ki, bu məsələ Rusiya-Ermənistan münasibətlərinə və Kremlin siyasi qərarlarına aid məsələdir. Əgər belə bir qərar qəbul olunarsa, o, müvafiq şəkildə rəsmiləşdiriləcək.

Müsahibə əsnasında həmçinin Rusiya-Belarus münasibətlərinə də toxunulub. Konkret olaraq Rusiya və Belarusun NATO blokuna qarşı durması məsələsinə dair fikirlərini bölüşən Korotçenko bildirib ki, vəziyyətin sabitləşməsi və təhlükənin neytrallaşdırılmasının elementlərindən biri Belarus ərazisində Rusiya hava-kosmik qüvvələri bazasının yerləşdirilməsi ola bilər.

Eləcə də oxuyun:

Azərbaycan XİN-dən sərhəd hay-küyünə cavab: "Təşvişə düşməyin"

ABŞ Azərbaycan-Ermənistan sərhədindəki olaylara münasibət bildirdi

Ceyhun Bayramov Yerevanın sərhəddəki vəziyyətlə bağlı KTMT-yə müraciətinə cavab verdi

Azərbaycan Ordusuna Ermənistanla sərhəddə "həyəcan" siqnalı verildi - VİDEO

* Rusiya XİN: Azərbaycan-Ermənistan sərhədində vəziyyəti yaxından izləyirik

Azərbaycanda keçirilən hərbi təlimlərin sərhəd mübahisələri ilə əlaqəsi varmı?

Azərbaycana aid digər maraqlı xəbərləri Sputnik Azərbaycan-ın Telegram kanalında rus dilində oxuyun.

102
Teqlər:
Qarabağ, müsahibə, Sputnik, İqor Korotçenko, sərhəd, Azərbaycan, Ermənistan
Səməd Seyidov - Azərbaycanın AŞPA-dakı nümayəndə heyətinin sədri

Səməd Seyidov: “Şuşa Bəyannaməsinin beynəlxalq əhəmiyyəti artır”

10
(Yenilənib 16:16 23.06.2021)
AŞPA-dakı nümayəndə heyətinin rəhbəri Səməd Seyidov deyir ki, Azərbaycana qarşı davam etdirilən terror aktları ilə bağlı məsələ də nümayəndə heyəti tərəfindən qaldırılacaq
Səməd Seyidov: “Jurnalistlərin qətlə yetirilməsi bəşəriyyətə qarşı cinayətdir”

“Azərbaycanla bağlı birbaşa məsələlər olmasa da, nümayəndə heyəti ölkəmizin inkişafı, eləcə də regionda baş verən hadisələr, xüsusilə yenicə imzalanmış Şuşa Bəyannaməsi haqqında AŞPA üzvlərini məlumatlandıracaq”. Sputnik Azərbaycan xəbər verir ki, bu fikirləri Azərbaycanın AŞPA-dakı nümayəndə heyətinin rəhbəri Səməd Seyidov qurumun yay sessiyası çərçivəsində jurnalistlərə açıqlamasında deyib.

“Şuşa Bəyannaməsi misilsiz əhəmiyyətə malik tarixi sənəddir. Regional əhəmiyyət daşımaqla bərabər, bu sənədin beynəlxalq əhəmiyyəti artır. Şuşa Bəyannaməsi ilə yeni geosiyasi vəziyyət formalaşır. Sessiya çərçivəsində Azərbaycana qarşı davam etdirilən terror aktları ilə bağlı məsələ də nümayəndə heyəti tərəfindən qaldırılacaq. Mina xəritələri ilə bağlı məsələnin həlli vacibdir. Hətta xəritələr verilsə də, onların nə dərəcədə etibarlı olması, reallığı nə qədər düzgün əks etdirməsi kimi məsələlər sual altındadır. Regionda sülhün bərqərar olması, erməni tərəfinin bu məsələyə nə dərəcədə səmimi yanaşması məsələləri müzakirə olunacaq. Jurnalistlərin qətlə yetirilməsi bəşəriyyətə qarşı cinayətdir. Bu məsələyə xüsusi toxunulacaq”, - deyə S. Seyidov diqqətə çatdırıb.

Səməd Seyidovun fikirlərinə audiofaylda qulaq asa bilərsiniz

10

Prezident: Ağdamın mina xəritələrini ala bilmişik, digər rayonlarda yüz minlərlə mina var

2974
(Yenilənib 16:15 23.06.2021)
İlham Əliyev BMT-dən gələn ali qonağa bildirib ki, ermənilər xəritələri Azərbaycana verməkdən imtina edirlər və artıq azərbaycanlılar arasında mina partlaması səbəbindən 100-dən çox ölən və yaralanan olub.

BAKI, 23 iyun — Sputnik. Azərbaycan prezidenti İlham Əliyev BMT-nin Sivilizasiyalar Alyansının ali nümayəndəsi Migel Anxel Moratinosa Ermənistanın işğal etdiyi Azərbaycan torpaqlarında törətdiyi barbarlıq aktlarını, dağıntılar və minalanmış ərazilərin xəritəsi barədə məlumat verib.   

"Ölkəmizə, həmçinin işğaldan azad edilmiş ərazilərə səfər etdiyinizə görə təşəkkür edirəm. Siz öz hissləriniz barədə danışdınız. Düşünürəm ki, hər kəs eyni hissləri keçirir. Mən müharibədən sonra ilk dəfə Ağdama səfər edəndə qəmginlik hissi, kədər hissi, eyni zamanda, şəhərin yenidən qurulması ilə bağlı qətiyyət hissi keçirirdim", - İlham Əliyev iyunun 23-də Migel Anxel Moratinosu qəbul edərkən deyib.

Prezident qonağa 44 günlük müharibə onun acı nəticələrindən bəhs edərkən deyib:

"Yəqin sizə məlumat verilib ki, bir aydan da az vaxtda biz artıq yenidənqurma prosesinə başladıq. Siz gördünüz, hər şey dağılıb. Eyni zamanda, təkcə Ağdam rayonunda 97 min mina basdırılıb. Biz Ermənistandan yalnız Ağdam rayonu üzrə mina xəritələrini ala bilmişik, digər rayonlarda yüz minlərlə mina var. Onlar xəritələri bizə verməkdən imtina edirlər və bizdə artıq 100-dən çox ölən və yaralanan oldu. Müharibə başa çatandan sonra minalardan, piyada əleyhinə və tank əleyhinə minalardan 30-a yaxın adam həlak oldu, 100-dən çox mülki şəxs yaralandı, o cümlədən bu ayın əvvəlində 2 jurnalist həlak oldu". 

Qarabağı təkcə müharibə dövründə deyil, ondan sonra da dağıdıblar

"Bilirsiniz ki, onlar şəhərləri müharibə zamanı, Birinci Qarabağ müharibəsi zamanı deyiI, ondan sonra dağıdıblar. Onlar bunu Birinci Qarabağ müharibəsi dayanandan sonra demək olar ki, 30 il ərzində sistematik şəkildə bir neçə səbəbdən dağıdıblar", - İlham Əliyev əlavə edib.

O, ermənilərin bu dağıntıları hansı səbəbdən törətdiklərini sadalayaraq deyib: 

"Birincisi, bütün tikinti materiallarını götürmək üçün. Çünki evlər sökülmüş, daşlar aparılmışdır. Bu, oğurluq idi. İkinci səbəb azərbaycanlılara geri qayıtmağa imkan verməmək idi. Çünki onlar düşünürdülər ki, total dağıntıdan sonra heç kim qayıtmayacaq. Təkcə şəhərlərdə deyil, kəndlərdə də - siz digər istiqamətlərə gedəndə, məsələn Cəbrayıla, siz Füzulidə də olmusunuz - Zəngilanda, Qubadlıda vəziyyət eynidir. Bütün kəndlər, bütün şəhərlər dağıdılıb. İndi biz onları minalardan təmizləməli, həmçinin paralel olaraq yenidənqurmaya başlamalıyıq".

Azərbaycanın dövlət başçısı artıq bütün resursları səfərbər edərək böyük infrastruktur layihələrinə başladıqlarını bildirib.

"Sizə bəlkə də bununla bağlı məlumat verilib. Biz onları yenidən quracağıq və düşünürəm ki, bu miqyasda dağıntıdan inkişafa, insanlar üçün layiqli yaşayış standartlarına doğru dünyada nadir təcrübə nümayiş etdirəcəyik", - İlham Əliyev vurğulayıb.

Qeyd edək ki, əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.

"Bu humanitar aksiyanın həyata keçirilməsində Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edirik. Eyni zamanda, prosesə verdikləri töhfəyə görə, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolunu xüsusilə qeyd edirik", - Azərbaycan Xarici İşlər Nazirliyinin yaydığı açıqlamada bildirilib.

Qeyd olunub ki, mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək və Azərbaycan Respublikasının Prezidenti İlham Əliyev tərəfindən Ağdamda əsası qoyulan yenidənqurma layihələrini və məcburi köçkünlərin qayıdışı prosesini sürətləndirəcək.

Minalanmış ərazilərin xəritələri

Qeyd edək ki, əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim etməsi müqabilində, saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.
"Bu humanitar aksiyanın həyata keçirilməsində Gürcüstanın baş naziri İrakli Qaribaşvili başda olmaqla, Gürcüstan hökumətinin dəstəyini təqdir edirik. Eyni zamanda, prosesə verdikləri töhfəyə görə, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolunu xüsusilə qeyd edirik", - Azərbaycan Xarici İşlər Nazirliyinin yaydığı açıqlamada bildirilib.

Qeyd olunub ki, mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək və Azərbaycan Respublikasının Prezidenti İlham Əliyev tərəfindən Ağdamda əsası qoyulan yenidənqurma layihələrini və məcburi köçkünlərin qayıdışı prosesini sürətləndirəcək.

Həmçinin oxuyun: 

* Ermənistanın mina xəritələrini verməməsi məcburi köçkünlərin qayıdışını ləngidir - XİN

  • Minalanmış ərazilərin xəritəsi: Nə vaxt veriləcək?

  • Beynəlxalq qurumlar mina xəritələrini ermənilərdən tələb etsin - Zamin Zeynal danışır

  • ABŞ rəsmisi Yerevanı bütün mina xəritələrini Azərbaycana verməyə çağırdı

  • Mina qurbanlarının sayı daha da arta bilər - Hafiz Səfixanov

2974
Kişi saçlarını darayır, arxiv şəkli

Bizə qənim kəsilən qəzəbli adamlar

0
Sputnik Azərbaycan-ın köşə yazarı son illər çox aktual olan sosial şəbəkə dözülməzliyi mövzusuna toxunub.

BAKI, 23 iyun — Sputnik. Sosial şəbəkələrdə bir qrup insan var ki, oturub kimlərisə linç etmək üçün fürsət gözləyir.

Əgər sənin şəxsi fikirin varsa, ümumi fikirə zidd bircə kəlimə yazsan, vay halına. Bu mühafizəkar və qəzəbli adamlar səni didib-parçalayar, məhv eləyər.

Onlar heç kəsin tənqidi fikirini, şəxsi yanaşmasını qəbul etmir. Ellikcə sevinib, ellikcə kədərlənən bu insanlar onların duyğularına şərik olmayanları bihörmət etməyə məqam gözləyirlər.  Onlar üçün azadlıq əxlaqsızlıq, şəxsi fikir tərbiyəsizlik, fərdi düşüncəni bölüşmək mənasızlıqdır.

***

Onların düşməni də, dostu da ümumidir. Qəfildən sözü bir yerə qoymuş kimi kimisə sevə, ya da söyə bilirlər. Həmrəy, həmfikir olmaqda əndazəni aşmış bu adamların gözündən yayınıb azacıq müstəqil fikir yazsan, sənin xalq düşməni olduğunu sübut edənə qədər səndən əl çəkməzlər. Sosial şəbəkələrdəki qaraguruhu müşahidə edəndə, Nemət Pənahlının “Meydan” hərəkatındakı performansını xatırlayıram. Hərçənd, o dönəmdə uşaq olsamda, dumanlı xatirələrim və böyüklərdən eşitdiklərim Nemətin kütləni necə coşdurmasını yaddaşımdan silinməyə qoymur. Nemətin bir kəliməsi ilə oturub-qalxan minlərlə adam vardı illər öncə...

Sonra həmin kütləvi həmrəylik unuduldu getdi, illər sonra o adamların “varisləri” sosial şəbəkələrdə peyda oldu. İndi də onlar kütləvi şəkildə həmrəy və həmfikir olmaqla sosial şəbəkələri “Azadlıq meydanı”na çeviriblər. Onların da öz nemətpənahlısı var – sosial şəbəkə fenomenləri...

Müharibə vaxtı bu kütlənin qəzəbini də, coşğusunu da gördük. Sülh tərəfdarlarının təhqir edilməsi, fərqli düşünənlərin linç edilməsi hələ də davam edir. Bəli, bu adamlar alternativ, müstəqilfikirə hörmət etmir, hətta qəbul etmirlər. Onlar kimi düşünmürsənsə düşmənsən, namərdsən, satılmısan. Şüar birdir: “ya bizdənsən, ya düşmən”.

***

Şübhsiz ki, kütlənin azad fərdlərə qarşı dözümsüzlüyü yenilik deyl. İllər öncə də sosial şəbəkələrdə qəzəbli adamlar, əsəbi kütlə vardı, bu gün də var. Lakin getdikcə onların bölünməsi, qruplaşması fərqli istiqamətdə təşəkkül tapır. Nə qədər bölünüb, parçalanıb, şaxələnib inkişaf etsələrdə, onların ortaq nöqtəsi mütləq var: fərdlərə, azad, müstəqil fikirli insanlara qarşı dözümsüzlük. Əgər şəxsi fikirin varsa, bunu ifadə etmək istəyirsən yüz ölçüb, bir biçməlisən. Yoxsa, hücuma, linçə, təhqirə hazır olmalısan.

Onlar klassikləri çıxmaq şərti ilə, heç bir musiqiçini, rejissoru, aktyoru, yutuberi, siyasətçini, yazıçını və şairi bəyənmirlər. Onların fikirincə “bizimkilər” heç nəyi bacarmır. Məsələn, indiki müğənnilər oxuya bilmir, komediya aktyorları güldürə bilmir, rejissorlar çəkməyi bacarmır, yazıçılar isə yazmasa daha yaxşıdır. Nirvanada olduğunu düşünən bu ərənlər, onlar kimi düşünməyənləri cahil, savadsız, savadsız, bacarıqsız hesab edir. Çünki haqqı bilən sadəcə onlardır və onlar da “kövni-məkana sığmırlar”.

***

Xülaseyi-kəlam, bu qəzəbli və əsəbi insanlar arasında yaşamaq, ömür tükətmək əməlli-başlı işgəncədir. Bir yandan pandemiya, bir yandan gündən-günə çətinləşən həyat şərtləri, “bir yandan da havalar...” Açığı hər şeyə birtəhər dözmək, səbr etmək mümkündür. Adamı nə yayın istisi yandırır, nə də susuzluq. Adamı yandıran anlayışsız insanlar arasında yaşayıb, ömür-gün tükətməkdir. Bu qəzəbli, heç nəyi bəyənməyən, hamıya potensial düşmən kimi baxan adamlarla eyni səmanın altında eyni ulduzları seyr etmək o qədər çətindir ki...

0