Azərbaycan və Ermənistan bayraqları, arxiv şəkli

Minsk qrupu həmsədrlərinə hansı rol veriləcək?

951
ATƏT-in Minsk qrupu vasitəsilə Qarabağda olan sülhməramlıların say və tərkibində dəyişliklərin edilməsi müzakirə obyektinə çevrilə bilər.

Elvin Səlimov, Sputnik Azərbaycan

BAKI, 15 aprel — Sputnik. "Biz gözləyirik ki, ATƏT-in Minsk qrupu regionda dinc həyatın daha da nizamlanması üzrə öz təkliflərini təqdim edəcək. Hesab edirəm elə sahələr var ki, onlar orada münaqişədən sonrakı vəziyyətə təsir göstərməkdə rol oynaya bilərlər. Münaqişənin həllinə kömək edən qrup kimi yox, çünki münaqişə artıq həll olunub". Bu fikirləri Azərbaycan Prezidenti İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı konfransdakı çıxışında söyləyib.

© Official website of President of Azerbaijan Republic

Prezident İlham Əliyevin ATƏT-in Minsk qrupu barədə səsləndirdiyi bu fikirlər həmsədrlərin post-müharibə dövründəki rolu ilə bağlı məsələlərə diqqət çəkir. Qarabağ münaqişəsinin başa çatdığı bir dövrdə ATƏT-in Minsk qrupu post-müharibə dövründə hansı rolu icra edə bilər? Regionda münasibətlərin qaydaya salınmasında həmsədrlər necə töhfə verə bilər?

Sputnik Azərbaycan post müharibə dövründə ATƏT-in Misnk qrupunun rolu barədə politoloq Əhməd Əlili ilə həmsöhbət olub.

Politoloq bildirib ki, Prezident İlham Əliyevin ADA Universitetində keçirilən konfransda söylədiyi fikirlər bir çox vacib məqamlara aydınlıq gətirdi: "Düşünürəm ki, konfransda səsləndirilən fikirlərə uzun müddət dünya mediasının manşetlərində rast gələcəyik. Konfransda Dağlıq Qarabağ müharibəsi ilə bağlı informasiya mühitinə təsir edəcək mühim fikirlər səsləndirildi. Xüsusən də ATƏT-in Minsk qrupu ilə bağlı səsləndirilən fikirlər diqqət çəkən idi. Azərbaycan tərəfi ATƏT-in torpaqların qaytarılması və statusun müəyyən edilməsi ilə bağlı funksiyalarını başa çatmış hesab edir. Biz hesab etmirik ki, Minsk qrupu bundan sonra hər hansı bir ərazinin qaytarılması barədə fəaliyyət göstərməlidir. Çünki indiki ərazilər və hazırda Rusiya sülhməramlılarının nəzarət etdiyi ərazilər müyyən müdddət sonra bizim tam nəzarətimizdə olacaq. Status məsələsi isə artıq uzaq keşmişdə qalan məsələlərdən biridir. Yaxud da Rusiya Xarici İşlər naziri Sergey Lavrovun bildirdiyi kimi etnik konfessional sabitlik əldə edildikdən sonra bu mövzuya qayıtmaq olar. Bu isə o deməkdir ki, yaxın gələcəkdə status məsələsini hər hansı formada nəzərdən keçirilməyəcək".

Politoloq deyib ki, ölkə başçısı çıxışında ATƏT-in Minsk qrupunun həmsədrləri üçün fəaliyyət yeri göstərdi: "Həmsədrlər gələcəkdə Ermənistan-Azərbaycan sərhədlərinin delimitasiyası, həmçinin Qarabağın bərpa prosesində iştirakçılıq kimi funksiylarda iştirakçı ola bilərlər. Onlar beynəxalq donorlar konfransının təşkili və yardımların edilməsi kimi funksiyaları fəaliyyət sahəsinə daxil edilə bilərlər. Bununla yanaşı Türkiyə və Rusiya ehtiyac görsələr, ATƏT-in Minsk qrupu vasitəsilə Qarabağda olan sülhməramlıların say və tərkibində dəyişliklərin edilməsi müzakirə obyektinə çevrilə bilər. Amma əlbəttə bütün bunların hamısı Azərbaycanın razılığı ilə olmalıdır. Çünki münaqişə tərəfi kimi Ermənistan tam kənarda qalıb. Bundan sonra bu ölkənin Qarabağ məsələsində 1-ci səviyyəli tərəf kimi iştirakına ehtiyac duyulmur".

951
Ramil Usubov, arxiv şəkli

Keçmiş nazir 10 noyabr bəyanatından danışdı: "Narahatlığa əsas yoxdur"

11
"Cənab Prezidentin daim toxunduğu bir məqam var - bu gün Azərbaycan Qafqazda sülhün təşəbbüskarı, təminatçısıdır".

BAKI, 6 may — Sputnik. "Bütün proses nəyi, necə və nə vaxt edəcəyini dəqiq bilən Prezidentin nəzarəti altındadır. Demək, narahatlığa əsas yoxdur".

Sputnik Azərbaycan xəbər verir ki, bunu Azərbaycan Respublikasının Təhlükəsizlik Şurasının katibi, general-polkovnik Ramil Usubov "Azərbaycan" qəzetinə müsahibəsində 10 noyabr Bəyanatının müddəalarının icrasına münasibət bildirərkən deyib.

Təhlükəsizlik Şurasının katibi bildirib ki, Bəyanatın imzalanmasından artıq 6 ay ötür: "Bütün prosesin mükəmməl getdiyini demək hələ tezdir. Prezidentimizin azad edilmiş ərazilərdəki davamlı təhlükəsizliyin təmini ilə bağlı müəyyənləşdirdiyi fəaliyyət strategiyasının icrasına məsul olan müvafiq dövlət strukturları uğurla işləyir. Sərhədlərin demarkasiyası və delimitasiyası yekunlaşır. Azərbaycan ərazidə dünyanın ən mükəmməl nümunələrindən olan hərbi infrastrukturunu, obyektlərini yaradır. Azərbaycan, Rusiya, Türkiyə prezidentləri arasında bu məsələ ilə bağlı mövcud olan operativ və səmərəli əməkdaşlıq formatı Ağdamdakı monitorinq mərkəzinin fəaliyyətində də davam edir. Lakin görüləcək işlər çoxdur. Vətəndaşlarımız, eləcə də bu vəziyyətə həssaslıqla yanaşan xarici ölkə ictimaiyyəti də tam əmin olsunlar ki, cənab İlham Əliyevin dəmir yumruğu, qətiyyəti bu prosesdə də özünü göstərir. Azərbaycanın milli maraqlarının bir zərrəsi də nə güzəştə gedilir, nə də gözardına qoyulur".

"10 noyabr Bəyanatının 9 müddəası var. Azərbaycan imzasına, üzərinə götürdüyü bütün öhdəliklərə sadiqdir. Cənab Prezidentin daim toxunduğu bir məqam var - bu gün Azərbaycan Qafqazda sülhün təşəbbüskarı, təminatçısıdır. Biz öz ərazimizdə erməni millətindən olan vətəndaşlarımızın təhlükəsiz yaşayışını təmin etməyə hazır olduğumuz kimi, regionun maraqları naminə Ermənistan əhalisinin də rifahına töhfə verməyə hazırıq. Prezident İlham Əliyevin unikal liderlik keyfiyyətlərindən biri də məhz budur", - Ramil Usubov bildirib.

11
Gürcüstanın Baş naziri İrakli Qaribaşvili

Bizim bəxtimiz gətirib ki, Azərbaycan kimi qonşumuz var - Qaribaşvili

23
(Yenilənib 22:11 05.05.2021)
"Bu gün Prezident İlham Əliyev ilə tarixi layihələr barədə danışdıq. Bu layihələr əlaqələrimizin inkişafına böyük töhfələr verir" - Gürcüstanın Baş naziri.

BAKI, 5 may - Sputnik. "Azərbaycan və gürcü xalqları tarix boyu dostluq, əmin-amanlıq şəraitində yaşayıblar. Bu gün isə münasibətlərimiz strateji tərəfdaşlığa çevrilib".

Sputnik Azərbaycan AZƏRTAC-a istinadən xəbər verir ki, bu sözləri Gürcüstanın Baş naziri İrakli Qaribaşvili ilə mayın 5-də keçirilən görüşdə Azərbaycan Respublikasının Baş naziri Əli Əsədov deyib.

Baş nazir Əli Əsədov bildirib ki, Azərbaycanın və Gürcüstanın birgə fəaliyyət göstərdikləri meqalayihələr regionun və Avropanın enerji təhlükəsizliyinə böyük töhfə verir. Cənub Qaz Dəhlizi və TAP layihələri çərçivəsində əməkdaşlığımızı yüksək qiymətləndirən Əli Əsədov qeyd edib ki, Azərbaycan Gürcüstan ilə əlaqələrə böyük önəm verir. “Bu gün siyasi, iqtisadi, ticari, mədəni və bir çox digər sahələrdə əlaqələrimiz inkişaf edir. İnanırıq ki, bu münasibətlər bundan sonra da inkişaf edəcək. Bir sıra sahələrdə əlaqələrin daha da genişlənməsi üçün böyük potensial var”, - deyə Baş nazir Əli Əsədov əlavə edib.

Səmimi qəbula görə təşəkkürünü bildirən Gürcüstanın Baş naziri İrakli Qaribaşvili Azərbaycana səfərindən böyük şərəf duyduğunu qeyd edərək deyib: “Azərbaycan ilə sıx əlaqələrimiz var. Bu gün Prezident İlham Əliyev ilə tarixi layihələr barədə danışdıq. Bu layihələr əlaqələrimizin inkişafına böyük töhfələr verir. Bizim bəxtimiz gətirib ki, Azərbaycan kimi qonşumuz var”.

23
Teqlər:
baş nazir, Azərbaycan, Gürcüstan
Türkiyənin Xarici İşlər naziri Mövlud Çavuşoğlu, arxiv şəkli

Mövlud Çavuşoğlu: "O boyda Avropa İttifaqı bir kresloya görə dava etməməlidir"

0
(Yenilənib 16:25 06.05.2021)
"Biz protokol qaydalarının nə olduğunu bilirik. Bu günə kimi heç vaxt bu cür problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmamışdı".

BAKI, 6 may — Sputnik. Bu gün Türkiyənin xarici işlər naziri Mövlud Çavuşoğlu almaniyalı həmkarı Hayko Maasla keçirdiyi birgə mətbuat konfransında Avropa Komissiyasının rəhbəri Ursula Von der Lyayenin Türkiyəyə səfəri zamanı yaşanan protokol böhranına da toxunub. Sputnik Azərbaycan xəbər verir ki, mətbuat konfransı hər iki ölkənin nümayəndə heyətlərinin iclasından sonra baş tutub.

"Biz protokol qaydalarının nə olduğunu bilirik. Bu günə kimi heç vaxt belə bir problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmayıb. Bu, Avropa Komissiyası ilə Avropa İttifaqı arasındakı rəqabət və mübahisələrdən doğan problemdir. O boyda Avropa İttifaqı bir kresloya görə davam etməməlidir. Öz aralarındakı problemləri Türkiyəyə sirayət etdirməsinlər", - Çavuşoğlu deyib.

Qeyd edək ki, Avropa İttifaqı Komissiyasının rəhbəri Ursula Von der Lyayen Türkiyə səfərindən sonra "qadın olduğum için mənə kreslo vermədilər" – deyə şikayət etmiş və məsələ protokol böhranı səviyyəsinə gəlib çatmışdı.

 

0