Məmur, arxiv şəkli

Azərbaycansayağı siyasi həmrəylik: Qoşulanlar qoşulmayanları "özünü təcrid etmiş" sayırlar

770
(Yenilənib 19:25 17.03.2021)
Tahir Kərimli: “Dialoqa, birliyə qoşulmayanlar özlərini təcrid edirlər və həmin qüvvələr cəmiyyətdəki sosial bazalarını xeyli dərəcədə itiriblər”

Elvin Səlimov, Sputnik Azərbaycan

BAKI, 17 mart — Sputnik. Martın 17-də Azərbaycan Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsi siyasi partiya sədrlərinin işğaldan azad edilmiş Ağdam rayonuna səfərini təşkil edib. Bundan əvvəl, ötən həftə media, QHT rəhbərləri və sosial media fəallarının təmsil olunduğu böyük bir heyət işğaldan azad edilmiş Ağdama səfər etmişdi.

Bəs ölkənin siyasi səhnəsində təmsil olunan partiya sədrləri hökumət tərəfindən belə səfərlərin təşkil olunmasını necə qiymətləndirir? Sputnik Azərbaycan mövzu ilə bağlı Vəhdət Partiyasının sədri Tahir Kərimlinin, Ana Vətən Partiyasının sədri Fəzail Ağamalının, Milli Cəbhə Partiyasının sədri Razi Nurullayevin fikirlərini öyrənib.

Vəhdət Partiyasının sədri Tahir Kərimli bildirib ki, belə səfərlərin təşkil edilməsi vacibdir:

“Əvvəla onu deyim ki, siyasi dialoqun mövcud olduğu şəraitdə belə səfərlərin təşkili siyasi rəngi dəyişir, incikliyi aradan qaldırır. Eyni zamanda bu, cəmiyyətin və dövlətin inkişafı üçün faydalıdır. Ölkəmizdə 50-dən çox siyasi partiya mövcuddur. Bunlar arasında ideoloji fərqlər ola bilər, ancaq bu səfərdə sağ və ya sol mövqeli olmasından asılı olmayaraq hər kəs iştirak edir. Qarşımızda yol uzundur və dövlət quruculuğu daimi prosesdir. Bu dialoq şəraitinin daimi olduğunu düşünürəm. Qarşıdakı planlara əsasən demək olar ki, hələ görüləsi çox iş var".

"Mən 44 günlük Vətən müharibəsində Azərbaycan xalqının və ölkədəki siyasi qüvvələrin nümayiş etdirdiyi həmrəyliyə diqqət çəkmək istərdim. Bu, çox önəmli idi. Dialoqa, birliyə qoşulmayanlar isə özlərini təcrid edirlər və həmin qüvvələr cəmiyyətdəki sosial bazalarını xeyli dərəcədə itiriblər. Ona görə də birlik nümayiş etdirməyin vacib olduğunu düşünürəm", - deyə partiya sədri əlavə edib. 

Ana Vətən Partiyasının sədri Fəzail Ağamalı deyir ki, bu səfər vasitəsi ilə onlar ermənilərin işğal dövründə Ağdam şəhərində törətdiyi vəhşiliklə tanış oldular:

“Bu səfərlər ermənilərin törətmiş olduğu vəhşiliyin, barbarlığın, faşist əməllərin və bəşəri cinayətlərin mahiyyətini açmaq üçün son dərəcə vacibdir. Bundan öncə də Prezident Administrasiya tərəfindən belə səfərlər təşkil edilib. Düşünürəm ki, bu səfərlərdə əldə olunan informasiyaları təkcə daxili auditoriyanın deyil, həm də beynəlxalq ictimaiyyətin diqqətinə çatdırmaq üçün çalışmalıyıq”.

Milli Cəbhə Partiyasının sədri Razi Nurullayev isə deyir ki, bu xoşməramlı addımı müsbət qarşılayır. Onun fikrincə, hökumətlə siyasi partiyalar arasındakı dialoqun birinci mərhələsi artıq başa çatıb:

“Artıq hökumətlə normal münasibətlər yaranıb. Bu isə müəyyən bir əməkdaşlıq mərhələsinə keçib. Hazırkı səfər də bu əməkdaşlıq çərçivəsində baş verməkdədir. Siyasi partiyalar artıq müəyyən aktiv rolu icra edirlər. Onlar sözünü deyir və eşidilir. Bundan sonrakı mərhələdə dövlətçilik naminə daha dərin əməkdaşlıqdan söhbət gedə bilər. Bu gün ölkəmizdə milli birlik mövcuddur. Düşünürəm ki, müxalif partiya nümayəndələrinin müəyyən dövlət qurumlarında təmsilçiliyinə şərait yaradılmalıdır. Onlar da təcrübə toplayaraq dövlətin müəyyən bir işinin qulpundan yapışıb kömək göstərməlidir. Bu Azərbaycanda dövlətçiliyin oturuşmasına kömək edə bilər”.

770
Azərbaycan Respublikasının Dağlıq Qarabağ bölgəsinin azərbaycanlı icmasının rəhbəri Tural Gəncəliyev

Ermənistan parlamentinin əməkdaşı azərbaycanlı deputatı ölümlə təhdid edib - FOTO

87
Ermənistanın uzun illərdir yaratdığı Azərbaycanofobiya və etnik nifrətin bariz nümunəsi olan davranışa görə həmin şəxsin tutduğu vəzifəsindən ən qısa müddətdə kənarlaşdırılması labüddür.

Eldar Tanrıverdiyev, Sputnik Azərbaycan

BAKI, 10 aprel — Sputnik. Ermənistan parlamentinin xarici əlaqələr komitəsinin əməkdaşı məni "həbsxanada başını kəsəcəyik" deyərək təhdid edir. Sputnik Azərbaycan xəbər verir ki, bunu azərbaycanlı deputat, Dağlıq Qarabağın azərbaycanlı icmasının rəhbəri Tural Gəncəliyev sosial şəbəkədəki hesabında yazıb.

"Ermənistanın uzun illərdir yaratdığı Azərbaycanofobiya və etnik nifrətin bariz nümunəsi olan davranışa görə həmin şəxsin tutduğu vəzifəsindən ən qısa müddətdə kənarlaşdırılması labüddür", - deyə Tural Gəncəliyev bildirib.

87
Teqlər:
Ermənistan, Azərbaycan, Qarabağ, hədə, millət vəkili
Mövzu:
Azərbaycan və Ermənistan arasında müharibə

Azərbaycanı tərk edən səfirə prezidentdən xoş sözlər: "Ürəyimizdə yeriniz var" - FOTO

11
Prezident İlham Əliyev Azərbaycanda fəaliyyəti başa çatan Türkiyə səfiri Erkan Özoralın işini yüksək qiymətləndirib və onu "Dostluq" ordeni ilə təltif edib.

BAKI, 10 aprel — Sputnik. "Hörmətli cənab səfir, sizin fəaliyyət müddətiniz başa çatır, siz Türkiyəyə qayıdırsınız. İlk növbədə, sizə gördüyünüz işlərə görə öz təşəkkürümü bildirmək istəyirəm. Fəaliyyət müddətində siz Türkiyə-Azərbaycan qardaşlıq əlaqələrinin inkişafı üçün çox böyük işlər görmüsünüz, səylər göstərmisiniz və bu gün bu əlaqələr ən yüksək zirvədədir".

Sputnik Azərbaycan-ın məlumatına görə, bunu Azərbaycan Respublikasının Prezidenti İlham Əliyev aprelin 10-da Türkiyə Respublikasının ölkəmizdəki fövqəladə və səlahiyyətli səfiri Erkan Özoralı qəbul edərkən söyləyib.

Bütün sahələrdə Türkiyə-Azərbaycan dostluğu, qardaşlığı, birliyinin özünü təsdiq etdini deyən dövlət başçısı qeyd edib ki, 44 gün davam edən İkinci Qarabağ müharibəsində Türkiyənin Azərbaycana göstərdiyi dəstək, əlbəttə, həmişə bizim xatirimizdə olacaq, bizim qəlbimizdə yaşayacaq:

"Əziz qardaşım, hörmətli Cümhurbaşqanı Rəcəb Tayyib Ərdoğanın müharibənin ilk saatlarından bizə verdiyi dəstək bizi ruhlandırdı və bəzi xarici qüvvələrin bu müharibədən kənarda durmasını təmin etdi.

Bizim əlaqələrimiz çoxşaxəlidir. Siz burada fəaliyyət göstərən səfir kimi, əlbəttə ki, bu əlaqələrin nə qədər dərin olmasını yaxşı bilirsiniz. Elə bir sahə yoxdur ki, o sahədə biz əməkdaşlıq etməyək. Son illərdə bütün sahələrdə böyük inkişaf var. Artıq bizim vətəndaşlarımızın qardaş ölkələrə pasportsuz, yəni, daxili sənədlə səfər etməsi, əlbəttə ki, əlaqələrimizin nə qədər dərin olmasından xəbər verir.

© Official website of President of Azerbaijan Republic
Prezident İlham Əliyev Türkiyənin Azərbaycandakı səfirini qəbul edib

Sizin buradakı fəaliyyətiniz həm bir səfir, həm də bir türk vətəndaşı kimi böyük təqdirlə qarşılanır. Siz burada özünüzü vətəninizdəki kimi hiss etmisiniz, bu da təbiidir. İndi demək istəyirdim ki, vətənə qayıdırsınız, əslində, siz vətəndəsiniz və hər zaman burada sizin yeriniz var, bizim ürəyimizdə yeriniz var. Bilirəm ki, Azərbaycan ictimaiyyəti, Azərbaycanda fəaliyyət göstərən ictimai təşkilatlar, media nümayəndələri, rəsmi şəxslər sizin fəaliyyətinizə çox böyük qiymət verirlər, o cümlədən mən. Çünki bu illərdə, əlbəttə ki, həm burada, həm Türkiyədə çoxsaylı səfərlərim əsnasında sizin fəaliyyətinizin şahidi olmuşam və görmüşəm. Bilirəm ki, siz bütün səylərinizi iki qardaş xalqın bir-birinə daha yaxın olmasına istiqamətləndirmisiniz.

Bütün bunları nəzərə alaraq, siz Azərbaycan dövlətinin yüksək ordeni - “Dostluq” ordeni ilə təltif edilmisiniz və istərdim ki, bu yüksək mükafatı sizə təqdim edim".

Prezident İlham Əliyev “Dostluq” ordenini səfir Erkan Özorala təqdim edib.

"Cənab Prezident, məni bu şərəfə layiq bildiyiniz üçün Sizə çox təşəkkür etmək istəyirəm, minnətdarlığımı bildirirəm. Siz də dediyiniz kimi, mən Azərbaycan ilə Türkiyəni heç vaxt bir-birindən ayırmadım. İkisi də mənim Vətənimdir, birinci Vətənim, ikinci Vətənim deyil. İkisi də eyni dərəcədə Vətənimdir. Ankara mənim üçün nə qədər əzizdirsə, Bakı da eynidir mənim üçün. Bu sevginin nəticəsi odur ki, özümü çox bəxtiyar hiss edirəm. Çünki Azərbaycana gəlmiş və gələcək bütün türk səfirləri içində ən gözəl anlara şahidlik edən səfir mən oldum. Bu Vətən müharibəsinə şahidlik etmək mənim üçün çox böyük xoşbəxtlik oldu. Özümü fərqli hiss edirəm.

Mən burada Türkiyə ilə Azərbaycanın bir-birinə daha da yaxınlaşması üçün vəzifəmi yerinə yetirdim. Xalqlarımızın bir-birinə yaxınlaşması üçün çalışdım. Amma bu işi görməyə imkanı təmin edən Sizlər, cənab Prezidentlərimiz bizim üçün açdığınız yol oldu. Bunları onun sayəsində edə bildik. Azərbaycanda fəaliyyət göstərdiyim müddətdə bütün qurumlardan, rəsmi şəxslərdən bütün səviyyələrdə başda Siz olmaqla hər zaman dəstək aldım. Hamınıza ayrıca təşəkkür və minnətdarlığımı bildirmək istəyirəm. Azərbaycan xalqına Sizin şəxsinizdə minnətdarlığımı çatdırmaq istəyirəm. Hər zaman qardaşlığımızı hiss etdim, getdiyim hər yerdə ona şahid oldum. İnşallah, Türkiyə ilə Azərbaycan bundan sonra daha da bir-birinə yaxın olacaq. Çünki Sizin də söylədiyiniz kimi biz birlikdə güclüyük. Çox təşəkkür edirəm, çox sağ olun.", - Erkan Özoral söyləyib.

11
Teqlər:
Prezident İlham Əliyev, Erkan Özoral, Dostluq” ordeni, səfir, Azərbaycan, Türkiyə

Bu işlərin görülməsi Azərbaycanda işsizliyi azaldacaq ekspert açıqlayır

0
(Yenilənib 18:38 11.04.2021)
İqtisadçı ekspert Fuad İbrahimov deyir ki, işğaldan azad edilmiş ərazilərdə qruculuq işlərinin aktiv şəkildə davam etdirilməsi çox sayda iş yerlərinin açılmasına səbəb olacaqdır
Fuad İbrahimov: “Vaksinasiyanın sürətlənməsi iqtisadi fəallığı artıracaq”

Beynəlxalq Valyuta Fondunun (BVF) yenilənmiş proqnozuna əsasən, bu il Azərbaycanda işsizlik səviyyəsi 5,8% təşkil edəcək. Gələn il isə bu göstəricinin cüzi azalaraq 5,7%-ə bərabər olacağı gözlənilir.

İqtisadçı ekspert Fuad İbrahimov Sputnik Azərbaycan-a deyir ki, pandemiyanın dünya iqtisadiyyatına ziyan vurması işsizlik ordusunun yaranmasına səbəb olub: “Dünya iqtisadiyyatında bu problemin aradan qaldırılması üçün böyük zaman lazımdır. Azərbaycan haqqında danışdıqda onu deyə bilərəm ki, vaksinasiya prosesinin getdikcə sürətlənməsini görürük. Bu da özlüyündə iqtisadi fəallığın artması ilə nəticələnəcək. Eyni zamanda mövsümi işlərlə bağlı sahələrin yenidən bərpa olunması da işsizlik statistikasının azalmasına təsir edəcək. Xüsusən də işğaldan azad edilmiş ərazilərdə quruculuq işlərinin aktiv şəkildə davam etdirilməsi çox sayda iş yerlərinin açılmasına səbəb olacaqdır”.

Fuad İbrahimovun geniş şərhinə audiofaylda qulaq asa bilərsiniz

0