Xarici İşlər naziri Ceyhun Bayramov

Nazir Cənubi Qafqazda sülhə əsas təhdidi açıqladı: "Cəhdlərini dayandırsınlar"

13
Ceyhun Bayramov, həmçinin qeyd edib ki, döyüş əməliyyatlarının bitməsinə baxmayaraq Ermənistan tərəfi hələ də mina xəritələrini Azərbaycana təqdim etməyib

Eldar Tanrıverdiyev, Sputnik Azərbaycan

BAKI, 17 mart - Sputnik. Ermənistan Azərbaycan ərazisinə hərbçilər göndərmək cəhdlərini dayandırmalıdır. Sputnik Azərbaycan xəbər verir ki, bunu Azərbaycanın xarici işlər naziri Ceyhun Bayramov Slovakiyanın xarici işlər naziri İvan Korçok ilə görüşün yekunlarına dair keçirdiyi birgə mətbuat konfransında bildirib.

Nazir vurğulayıb ki, bu fakt Azərbaycan, Rusiya və Ermənistan liderlərinin imzaladığı üçtərəfli bəyanatın müddəasının pozulması ilə yanaşı, həmçinin regionda sülh və sabitliyin təmin olunması prosesinə də təhddidir.

Ceyhun Bayramov, həmçinin qeyd edib ki, döyüş əməliyyatlarının bitməsinə baxmayaraq Ermənistan tərəfi hələ də mina xəritələrini Azərbaycana təqdim etməyib: "Müharibədən sonra işğaldan azad olunan ərazilərdə minaların partlaması nəticəsində 18 vətəndaşımız həlak olub, 79 nəfər müxtəlif dərəcəli xəsarət alıb. Hesab edirik ki, bu istiqamətdə dünya dövlətləri və beynəlxalq təşkilatlar səssiz qalmamalı və Ermənistana konstuktiv mövqe baxımından əməli təzyiqlər və təsirlər edilməlidir".

13
Teqlər:
Ceyhun Bayramov, hərbçilər, münaqişə, Ermənistan, Azərbaycan
İlham Əliyev və Aleksandr Lukaşenko, arxiv şəkli

Lukaşenko Azərbaycana gəlir İlham Əliyevlə iki dəfə görüşəcək

838
(Yenilənib 13:49 12.04.2021)
Belarus liderinin ikigünlük proqramı olduqca zəngindir. Belə ki, Aleksandr Lukaşenkonun İlham Əliyevlə iki görüş keçirəcəyi gözlənilir.

BAKI, 12 aprel — Sputnik. Belarus Prezidenti Aleksandr Lukaşenko sabah Azərbaycana rəsmi səfərə gələcək. Sputnik Azərbaycan xəbər verir ki, bu barədə Belarus prezidentinin mətbuat xidməti məlumat yayıb.

Belarus liderinin ikigünlük proqramı olduqca zəngindir. Belə ki, Aleksandr Lukaşenkonun İlham Əliyevlə iki görüş keçirəcəyi gözlənilir.

Belə ki, ilk görüş Lukaşenkonun Bakıya gəlişindən dərhal sonra baş tutacaq. Qeyri-formal görüşdə Belarus-Azərbaycan münasibətlərinin əsas istiqamətlərini və strateji əməkdaşlıq məsələlərini müzakirə edəcək.

İkinci danışıqların rəsmi hissəsi çərşənbə günü planlaşdırılır. Görüş həm məhdud tərkibdə, həm də geniş tərkibdə nümayəndə heyətlərinin iştirakı ilə keçiriləcək. Tərəflər ticari-iqtisadi sahədə əməkdaşlığın genişlənməsinə xüsusi diqqət ayıracaq.

Tərəflərin danışıqların yekununa dair bir sıra sənədləri imzalayacağı gözlənilir.

838

İlham Əliyev Bakıda Hərbi Qənimətlər Parkının açılışında iştirak edib

22
(Yenilənib 12:57 12.04.2021)
Parkla tanışlıqdan sonra Azərbaycan prezidenti İlham Əliyev təltif olunan hərbi qulluqçularla görüşüb.

BAKI, 12 aprel — Sputnik. Azərbaycan Respublikasının Prezidenti İlham Əliyev aprelin 12-də Bakıda Hərbi Qənimətlər Parkının açılışında iştirak edib.

Sputnik Azərbaycan xəbər verir ki, dövlət başçısına parkda nümayiş etdirilən hərbi texnikalar barədə məlumat verilib.

Parkla tanışlıqdan sonra Prezident İlham Əliyev təltif olunan hərbi qulluqçularla görüşüb.

Dövlət başçısı görüşdə çıxış edib.

22

Azərbaycanda daha 1151 nəfər COVID-19-a yoluxub

0
Azərbaycanda indiyədək ümumilikdə 287144 nəfər koronavirus infeksiyasına yoluxub. Onlardan 251760 nəfər müalicə olunaraq sağalıb

BAKI, 12 aprel - Sputnik. Azərbaycan Respublikasında koronavirus (COVID-19) infeksiyasına 1151 yeni yoluxma faktı qeydə alınıb, 1052 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 29 nəfər vəfat edib.

Azərbaycanda indiyədək ümumilikdə 287144 nəfər koronavirus infeksiyasına yoluxub. Onlardan 251760 nəfər müalicə olunaraq sağalıb, 3944 nəfər vəfat edib, aktiv xəstə sayı 31440 nəfərdir.

Ölkədə son sutka ərzində 7687, hazırkı dövrədək isə 3026132 test aparılıb.

0