BAKI, 19 fevral — Sputnik. Rəsmi Vaşinqton 2015-ci ildə imzalanan və Tehranın nüvə silahı əldə etməsinin qarşısının alınmasına hədəflənən 2015-ci ildə bağlanan sazişə qayıtmaq barədə İranla danışıqlara başlamağa hazırdır. Bu barədə Sputnik Azərbaycan "Amerikanın səsi"nə istinadən xəbər verir ki, bunu Birləşmiş Ştatların Dövlət katibi Entoni Blinken bildirib.
Qeyd edək ki, Donald Tramp administrasiyası "nüvə razılaşması"ndan üç il əvvəl imtina edib.
"Dövlət katibi Blinken bir daha vurğulayıb ki... Əgər İran "nüvə razılaşması" üzrə öz öhdəliklərinin ciddi şəkildə icrasına qayıtsa, Birləşmiş Ştatlar da eynisini edəcək və bu məsələ ilə bağlı İranla danışıqlarda iştirak etməyə hazırdır", - deyə bu barədə ABŞ, Böyük Britaniya, Fransa və Almaniya XİN rəhbərlərinin onlayn görüşünə dair birgə bəyanatda bildirilib.
ABŞ dövlət katibi Avropadan olan nazirlərə bildirib ki, İran tərəfi bu ideyaya soyuq yanaşıb.
