Türkiyə hərbçiləri İdlibdə

Bölgə yenidən qaynayır - Türkiyə niyə hədəfdədir?

142
Ekspertlərin fikrincə, Türkiyə haqlı olaraq ABŞ-ı terror təşkilatlarına yanaşmada ikili standart sərgiləməkdə ittiham edir.

Elvin Səlimov, Sputnik Azərbaycan

BAKI, 18 fevral — Sputnik. "ABŞ tərəfindən qətliamla bağlı açıqlama verilib. Bəs siz terrorçuların yanında deyildiniz?! Bəs siz PKK-nın yanında deyildiniz?! Bəs siz YPG-nin yanında deyildiniz?! Terrorçuların yanındasınız və arxasındasınız"-, bu fikirləri Türkiyə Prezidenti Rəcəb Tayyib Ərdoğan deyib.

Xatırladaq ki, bir neçə gün öncə 13 Türkiyə vətəndaşının PKK terrorçuları tərəfindən qətlə yetirilməsi barədə məlumat yayılıb. Bundan sonra Türkiyə silahlı qüvvələri İraq ərazisində məskunlaşmış terrorçu qüvvələrə qarşı antiterror əməliyyatına başlayıb.

Türkiyə prezidenti Rəcəb Tayyib Ərdoğanın ABŞ-a, xüsusən də yeni fəaliyyətə başlayan Bayden administrasiyasına qarşı belə sərt mövqe sərgiləməsi maraqla qarşılanıb.

Politoloq Mübariz Əhmədoğlu Sputnik Azərbaycan-a bildirib ki, təkcə terror təşkilatı PKK deyil, Türkiyənin ətrafında nə qədər düşməni varsa aktivləşib: "Təbii ki, bunun da özünəməxsus geosiyasi səbəbləri var. Aralıq dənizində Misir, Fransa, Yunanıstan, eyni zamanda Fars körfəzi ətrafında olan bəzi ərəb dövlətləri Türkiyəyə qarşı aktivləşiblər. Bunları aktivləşdirən Baydenin hakimiyyətə gəlməsidir. Bu dövlətlər Baydeni Ərdoğanın şəxsi düşməni kimi görürlər və düşünürlər ki, Bayden Ərdoğanı hakimiyyətdən salacaq. Bu dövlətlər Ərdoğanı devirməkdə ABŞ-a yardım etdiklərini göstərmək istəyirlər ki, nəsə bir pay alsınlar".

Politoloqun fikrincə, Ərdoğan Türkiyə daxili siyasətinin ən mahir ustasıdır:

"O heç vaxt imkan verməyəcək ki, ölkəsinin sərhədləri xaricindəki anti-Ərdoğan qüvvələrin təsiri Türkiyənin daxilinə nüfuz etsin. Düşünürəm ki, bir az keçəndən sonra Bayden administrasiyası da Ərdoğanla hesablaşacaq. Biz ABŞ-ın son terror olayına verdiyi iki fərqli münasibətə şahid olduq. Əgər birinci açıqlamada ABŞ administrasiyası şərtlə çıxış edirdisə, ikinci bəyanatında buna düzəliş etdiyini gördük. İnanıram ki, Ərdoğan hökuməti digər məsələlərdə də ABŞ-ın Türkiyəyə yanaşmasını dəyişməyi bacaracaq".

Yaxın Şərq üzrə ekspert Vüqar Zifəroğlu deyir ki, Türkiyə artıq bir neçə ildir milli təhlükəsizliyini təhdid edən, bölücü fəaliyyətlərə cəhd edən terror qruplaşmalarına qarşı əməliyyatlar həyata keçirir. Onun sözlərinə görə, təhdidlər aradan qalxana qədər Türkiyə bu əməliyyatları davam etdirəcək: "Son günlər terror qruplaşmalarının Türkiyəyə qarşı aktivləşməsi müşahidə edilir. Anlamaq lazımdır ki, bu aktivlik sıradan bir şey deyil və konkret səbəbləri var. ABŞ-ın yeni prezident administrasiyası Yaxın Şərq siyasətinə dair strategiyasını açıqladıqdan sonra terror qrupları da aktivləşib. Məlumdur ki, ABŞ "ərəb baharı"ndan sonra bölgədəki bölücü terror təşkilatlarına maddi-texniki dəstəyini davam etdirir. Buna görə zaman-zaman ABŞ-Türkiyə münasibətlərində yaranmış gərginliklərin şahidi olmuşuq".

"Türkiyə hər zaman bəyan edib ki, bütün terror təşkilatlarına eyni münasibət göstərilməlidir və haqlı olaraq da ABŞ-ı terror təşkilatlarına yanaşmada ikili standart sərgiləməkdə ittiham edir. Bütün proseslərina arxasında Yaxın Şərqdə yeni mənzərəni yaratmaq istəyən dövlətlərin aktivliyi dayanır. Onların bu niyyətlərinə çatacağını düşünmürəm.

Türkiyənin antiterror əməliyyatlarını prinsipial olaraq davam etdirməsi, hətta yenidən böyük bir antiterror əməliyyatına başlayacağını anons etməsi bu planların gerçəkləşməsinə mane ola bilər. Xüsusən də Suriya ilə bağlı Astana formatı çərçivəsində Türkiyə-Rusiya-İran əməkdaşlığı bölgədə yarana biləcək yeni təhdidləri müəyyən dərəcədə aradan qaldırır. Yaxşı olardı ki, ABŞ bölgədəki proseslərdə iştirak üçün terror qruplarına yanaşmada ikili münasibət sərgiləməsin", – deyə ekspert bildirib.

142
Teqlər:
Rəcəb Tayyip Ərdoğan, Co Bayden, terrorçular, Türkiyə

ABŞ konqresmeni: Uzunmüddətli sülh bütün dünyanın marağındadır

5
ABŞ və Azərbaycanın 1992-ci ildə, Xocalı faciəsi ilə eyni ildə diplomatik əlaqələr qurduğu, o dövrdən etibarən Azərbaycanın terrorçuluqla müharibədə əsas tərəfdaş olduğu, iki ölkənin ticarət və investisiya əlaqələrinə malik olduğu qeyd edilir.

Eldar Tanrıverdiyev, Sputnik Azərbaycan

BAKI, 27 fevral — Sputnik. ABŞ Konqresinin nüfuzlu üzvlərindən olan, Konqresin Azərbaycan üzrə İşçi Qrupunun həmsədri Robert Aderholt (Respublikaçı – Alabama) Xocalı qətliamının ildönümü ilə əlaqədar bəyanatla çıxış edib.

Bu barədə Sputnik Azərbaycan-a Azərbaycan Respublikasının ABŞ-dakı səfirliyindən məlumat verilib.

Bəyanatda, 1992-ci ildə Xocalıda qətlə yetirilmiş yüzlərlə azərbaycanlının xatirəsinin yad edilməsinə çağırılır. 1980-ci illərin sonunda Ermənistanla Azərbaycan arasında silahlı münaqişə başlanandan etibarən, Xocalı faciəsinin yüzlərlə insanın həlak olduğu, ailələrin məhv edildiyi və şəhərin dağıldığı ən pis gün olduğu vurğulanır.

2020-ci ildə Ermənistanla Azərbaycan arasında döyüşlərdən sonra, son 30 il ərzində sülhün qarşısında mövcud olan maneələrin aradan qaldırılması üçün ümid yarandığı və dua edildiyi Konqres üzvü tərəfindən diqqətə çatdırılır. Uzunmüddətli sülhün, təhlükəsizliyin və regional əməkdaşlığın bütün Cənubi Qafqaz bölgəsi və dünyanın marağında olduğu bildirilir.

ABŞ və Azərbaycanın 1992-ci ildə, Xocalı faciəsi ilə eyni ildə diplomatik əlaqələr qurduğu, o dövrdən etibarən Azərbaycanın terrorçuluqla müharibədə əsas tərəfdaş olduğu, iki ölkənin ticarət və investisiya əlaqələrinə malik olduğu qeyd edilir.

Bu faciənin ildönümünün qətlə yetirilmiş bütün kişi, qadın, uşaqların xatırlanması, habelə belə amansızlıqların yenidən baş verməməsi baxımından birgə işləmək üçün uyğun zaman olduğu diqqətə çatdırılır.

Qeyd edək ki, 1997-ci ildən ABŞ Konqresinin üzvü olan Robert Aderholt, ABŞ-ın xaricə yardımı üzrə ixtisaslaşmış olduqca nüfuzlu Təxsisatlar Komitəsinin üzvü, eləcə də Avropada Təhlükəsizlik və Əməkdaşlıq Komissiyasının (Helsinki Komissiyası) komissarıdır.

Bəyanatın Konqresdə qeydiyyata alınmış ingilis dilində mətni ilə bu internet səhifəsində tanış olmaq mümkündür.

5
Teqlər:
ABŞ Konqresi, ABŞ, Xocalı, Azərbaycan, Qarabağ
Armen Sarkisyan, arxiv şəkli

Ermənistan prezidenti Paşinyana qarşı çıxdı Qarşıdurmanın yeni mərhələsi başlayır

13
(Yenilənib 19:11 26.02.2021)
Fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib.

BAKI, 26 fevral — Sputnik. Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib. Bu barədə Sputnik Azərbaycan Rusiya KİV-nə istinadən xəbər verir.

Jurnalistlərin əldə etdiyi məlumata görə, bu müxalifət nümayəndələrinin Sarkisyanla görüşündən sonra məlum olub.

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

13

Bakıda keçirilən yarmarkalardakı məhsulların qiyməti - Kartof 0,55 AZN...

0
(Yenilənib 13:09 27.02.2021)
Bu gün və sabah 10:00-dan 19:00-dək müxtəlif regionlardan gələn fermer və qida istehsalçıları öz məhsullarını üç ünvanda satışa çıxaracaqlar

BAKI, 27 fevral — Sputnik. Bu gündən Kənddən Şəhərə yarmarkaları yenidən fəaliyyətə başlayıb. Sputnik Azərbaycan yarmarkalarda satışa çıxarılan bəzi məhsulların qiymətlərini təqdim edir:

Kartof 0.55 AZN-dən; soğan 0.65 AZN-dən; alma 0.60 AZN-dən; pomidor 1.00 AZN-dən; mandarin 1.80 AZN-dən; portağal 1.70 AZN-dən; badımcan 1.30 AZN-dən; kələm 0.50 AZN-dən; çuğundur 0.65 AZN-dən; kök 0.60 AZN-dən; yumurta 0.25 AZN-dən; xurma 0.80 AZN-dən; nar 1.50 AZN-dən; göyərti 0.15 AZ-dən; heyva 0.80 AZN-dən başlayan qiymətlərlə satılır.

Qeyd edək ki, bu gün və sabah 10:00-dan 19:00-dək müxtəlif regionlardan gələn fermer və qida istehsalçıları öz məhsullarını - Nərimanov rayonu, Fətəli xan Xoyski küçəsi, 5 ("Gənclik" metrostansiyasının çıxışı), Binəqədi rayonu, Süleyman Sani Axundov, 5B ("İnqilab" kinoteatrının yanı), Xırdalan şəhəri, Heydər Əliyev prospekti, 41A ünvanlarında satışa çıxaracaqlar.

 

0
Teqlər:
ərzaq, qiymətlər, yarmarka, Bakı