Azərbaycan hərbçisi, arxiv şəkli

Qərbə ötürülən mesajlar: Ermənistan məğlubiyyətini kompensasiya etməyə çalışır

840
(Yenilənib 16:16 06.02.2021)
Belə başa düşülür ki, bəyanatla çıxış edən avropalılar Azərbaycanın Dağlıq Qarabağ bölgəsində son vaxtlar baş verənlərdən məlumatlı deyillər

Elvin Səlimov, Sputnik Azərbaycan

BAKI, 6 fevral — Sputnik. “Qarabağdakı bütün abidələr Azərbaycan xalqının tarixi, mədəni və dini irsinə məxsusdur. Azərbaycan multikultural ölkədir və ərazisindəki bütün abidələr dövlət səviyyəsində qorunur”. Azərbaycan Xarici İşlər Nazirliyinin Mətbuat xidməti idarəsi belə açıqlama verməyi zəruri hesab edib. Səbəb isə Avropa Parlamentinin Cənubi Qafqaz ölkələri üzrə Parlament Tərəfdaşlıq Komitələrində nümayəndə heyətinin birgə bəyanatı olub.

AP-nin Cənubi Qafqaz ölkələri üzrə Parlament Tərəfdaşlıq Komitələrində nümayəndə heyətinin “Dağlıq Qarabağ münaqişəsinin həlli üzrə danışıqların davam etdirilməsinə ehtiyacın olması” barədə bəyanatından da belə başa düşülür ki, bəyanatla çıxış edənlər ya Azərbaycanın Dağlıq Qarabağ bölgəsində son vaxtlar baş verənlərdən məlumatlı deyillər, ya da bu bəyanatların arxasında başqa məqsədlər dayanır. Bəs görəsən, Qarabağda Azərbaycanın qələbəsi ilə başa çatan 44 günlük müharibədən sonra Avropa təsisatlarını belə bəyanatlar verməyə sövq edən nədir? Sputnik Azərbaycan mövzu ilə bağlı politoloqların fikrini öyrənib.

Politoloq Ramiyə Məmmədova bildirib ki, Avropa ölkələri və qurumları tərəfindən verilən açıqlamalar onu təəccübləndirmir:

“Münaqişənin davam etdiyi otuz ilə yaxın müddət ərzində Avropa təşkilatları mənasız monitorinqlər keçirib, işə yaramayan açıqlamalar veriblər. Hətta deyərdim ki, münaqişənin davam etdiyi müddət ərzində Qarabağ münaqişəsinin təməli, mahiyyəti Avropanı maraqlandırmayıb. Ancaq indi onlar da görürlər ki, Cənubi Qafqazda yeni vəziyyət yaranır, yeni aktorlar ortaya çıxır və bütün bunlar baş verəndə Avropa ölkələri təsirsiz vəziyyətdə qalır”.

Politoloqun sözlərinə görə, Türkiyə və Rusiyanın Cənubi Qafqazda razılığa gəlməsi, Azərbaycanın icra etdiyi böyük iqtisadi layihələrə Rusiyanın da qoşulması və iqtisadi gücünü artırması Avropa Birliyini narahat edən məsələlərdir: “Avropa Birliyi ölkələri Cənubi Qafqazda güc itirdiklərini görürlər. Ona görə regionda gedən proseslər Avropa ölkələrini narahat edir. Bundan sonra onlar regionda gerçəkləşəcək layihələrdə aktiv olmağa çalışacaqlar. Azərbaycanın işğal olunmuş ərazilərini qaytarmasının həm siyasi, həm də iqtisadi dividendləri olacaq. Bu baxımdan Avropadan verilən bəyanatlar hamısı əsassızdır”.

Franko Zeviç - Cəbrayıldakı kimi hadisələr bir daha heç yerdə yaşanmamalıdır>>

Politoloq Əhməd Əlili deyir ki, regionda baş verən son müharibənin qalib tərəfinin Azərbaycan olduğu hər kəsə bəllidir:

“Ermənistan tərəfi məğlubiyyətini informasiya cəbhəsində kompensasiya etməyə çalışır. ABŞ-da, Avropada və hətta Rusiyada qərarverici qurumlara ardıcıl mesajlar göndərirlər ki, regionda yaranmış yeni vəziyyətə münasibət bildirsinlər. Erməni diasporunun artan təsirləri xüsusən Avropa dövlətlərindən gələn açıqlamalarda özünü göstərir.

Ancaq konkret bu mövzu ilə bağlı verilən açıqlamalar göstərir ki, Avropa Parlamenti və digər təşkilatlar müharibədən sonrakı dövrdə  siyasi açıqlamalar verməkdənsə, diqqəti mədəni abidələr istiqamətində formalaşdırmaq istəyirlər”.

840
Azərbaycan Prezidenti İlham Əliyev videoformatda mətbuat konfransı

İlham Əliyevdən iranlı jurnalistə irad: "Təəssüf edirəm ki, dost ölkənin jurnalisti..."

26
"Kimisə ittiham etmək asandır, siz onu sual formasında verə bilərsiniz, amma dediyinizin arxasında durmalısınız" - İlham Əliyev.

BAKI, 26 fevral — Sputnik. Azərbaycan Prezidenti İlham Əliyev İranın "Mehr" agentliyinin jurnalistinə irad bildirib. Sputnik Azərbaycan-ın məlumatına əsasən, dövlət başçısının keçirdiyi mətbuat konfransında iranlı jurnalistin İkinci Qarabağ Müharibəsində terrorçu qrupların regionda olması barədə fikir bildirib.

İlham Əliyevin cavabı belə olub: "Bir məsələyə aydınlıq gətirmək istəyirəm. Siz terrorçu qruplardan danışdınız, hansı məlumatlara istinad edirsiniz, hansı ölkələrdən alınmış məlumatlardan söhbət gedir?".

Jurnalist çətin vəziyyətə düşərək deyib: "Müxtəlif ölkələrin xəbər agentlikləri bu barədə yazırdılar. İcazənizlə onların adını sadalamayım".

Prezident isə qeyd edib: "Sizin sualınız ittiham formasındadır. Hər hansı məlumat haqqında danışarkən mənbə qeyd edilməlidir. Siz mənə dəqiq məlumat verə bilmirsiniz. Kimisə ittiham etmək asandır, siz onu sual formasında verə bilərsiniz, amma dediyinizin arxasında durmalısınız".

Jurnalist daha da çətin duruma düşüb və "gəlin ikinci sualıma cavaba keçək".

İlham Əliyev isə deyib: "Mən hesab edirəm ki, siz özünüz birinci sualınıza cavab verdiniz. Elə hesabatlar, məlumatlar yoxdur ki, müharibə zamanı hər hansı terrorçu qrup iştirak edib. Bunlar uydurulmuş məlumatlardır. Təəssüf edirəm ki, dost ölkənin jurnalisti belə suallar verir. Bizim Ordumuz torpaqlarımızı işğaldan azad edib".

26
Teqlər:
Mehri, İran, Prezident İlham Əliyev, İlham Əliyev
 Prezident İlham Əliyev, arxiv şəkli

"Dağlıq Qarabağ münaqişəsi artıq sona çatıb" - Prezident

4
(Yenilənib 14:45 26.02.2021)
Minsk qrupunun fəaliyyəti olsa da, sıfıra bərabər olubinsk qrupunun fəaliyyəti olsa da, sıfıra bərabər olub.

BAKI, 26 fevral — Sputnik. "Dağlıq Qarabağ münaqişəsi artıq sona çatıb. Bizi qənaətimizə görə, bu belədir".

Sputnik Azərbaycan-ın məlumatına bunu Azərbaycan Prezidenti İlham Əliyev bu gün yerli və xarici jurnalistlər üçün videoformatda keçirdiyi mətbuat konfransında deyib.

"Azərbaycan bu münaqişənin bir tərəfi idi və biz bu fikri açıq-aydın ifadə edirik ki, Dağlıq Qarabağ münaqişəsi artıq həll olunub, Azərbaycan bunu həll edib. 30 il davam edən danışıqlar heç bir nəticə verməyib. Minsk qrupunun fəaliyyəti olsa da, sıfıra bərabər olub. Son 2 il ərzində faktiki olaraq Minsk qrupunun həmsədrləri heç özləri də bilmirdilər nə işlə məşğul olsunlar. Çünki Ermənistan baş nazirinin yersiz və təhlükəli bəyanatları onların fəaliyyətlərini də iflic və mənasız edib", - dövlət başçısı bildirib.

"Öz çıxışlarımda statusun ünvanını göstərmişəm. Bir daha ora qayıtmaq istəmirəm. Status haradadır, onu hər kəs bilir. Hesab edirəm ki, Ermənistan və erməni xalqı üçün bu nə qədər az dilə gətirilərsə, o qədər də yaxşı olar. Çünki Ermənistan və erməni xalqına yanlış vədlər vermək lazım deyil. Onları bax bu günə salan səbəblərdən biri də məhz bu idi: xülya, iddia, əsassız istəklər idi. Bu istəklərə rəvac verən bəzi xarici ölkələrin siyasətçiləri də erməni xalqının bu rəzil duruma salınmasında öz rolunu oynayıblar. Ona görə də status məsələsi ümumiyyətlə gündəlikdən çıxarılmalıdır", - dövlət başçısı söyləyib.

4

Şaxtalı fevral gecəsi bütün ailəsini itirən 81 yaşlı kişinin dəhşətli xatirələri

0
Xocalı faciəsinin şahidi 81 yaşlı Baloğlan Allahyarov bu qanlı gecədəki hadisələri heç zaman unutmayacağını bildirir. Həmin şaxtalı gecənin dəhşətli xatirələrindən biri ilə videomuzda tanış ola bilərsiniz.

Xocalıdan əli yalın, başıaçıq çıxanda Baloğlan Allahyarovun 51 yaşı vardı. Şaxtalı fevral gecəsi o da ailəsi ilə birgə ermənilərin qətliamından qurtulmağa çalışırdı. Həmin gecə o da dəhşətli faciə yaşadı. 21 yaşlı oğlu Etibarı, 20 yaşlı gəlini Çiçəyi və həyat yoldaşı Qəmzə xanımı itirdi. Yeganə övladı Etibar Allahyarov o zaman Xocalı aeroportu istiqamətində itkin düşüb. 81 yaşlı Baloğlan kişi indiyədək onun nə ölüsü, nə dirisi haqda xəbər ala bilmir. Baş verən hadisədən 29 il ötsə də, Xocalı sakini o gecəni heç vaxt yaddan çıxara bilmədiyini deyir.

Onun sözlərinə görə, ermənilər uşaq, qadın, ahıl demədən hər kəsi işgəncə ilə öldürüblər. Çobanın cibindən Quran kitabı çıxanda isə onu yandırmaq haqda əmr veriblər.

Baloğlan Allahyarov, Xocalı sakini: "Ordan - yamacın başından qumbaranı bizim başımıza atdılar. Torpağı necə sovurdusa... Bax, elə bil, mən burada oturmuşam, 40-50 nəfər orada. Baxdım gördüm ki, məndən aşağıdakıların hamısının başını elə bil toyuğun başı kimi kəsib üzürlər. Bax elə üzüblər. Başları, əlləri parçalandı. O vaxt ferma müdiri işləyirdim. Təvəkkül adında bir çobanım vardı, laçınlı idi. Onu tutmuşdular. Cibindən Quran kitabı tapmışdılar deyə onu odlamışdılar".

Xocalıda doğmalarını itirdikdən sonra Ağdam rayonuna pənah gətirən Baloğlan Allahyarov daha sonra Mingəçevir şəhərində məskunlaşır. Ölkə başçısı İlham Əliyev nur şəhərinə səfəri zamanı Xocalı sakininin evində olub.

 

0