Бывший президент СССР Михаил Горбачев

Keçəl dərman bilsəydi - Qorbaçov Qarabağ probleminin həll yolunu göstərir

66
(Yenilənib 12:23 11.01.2021)
Dağlıq Qarabağ münaqişəsi məhz Mixail Qorbaçovun SSRİ-yə başçılıq etdiyi dövrdə vüsət alıb və SSRİ rəhbərliyinin səriştəsiz və birtərəfli mövqeyi nəticəsində daha da alovlanıb.

BAKI, 11 yanvar — Sputnik. SSRİ-nin eks-prezidenti Mixail Qorbaçov ümid edir ki, Rusiya Dağlıq Qarabağ probleminin həllinə kömək edə bilər, ancaq hər bir halda bu məsələdə əsas rolu Azərbaycan və Ermənistan oynamalıdır. Sputnik Azərbaycan RİA Novosti-yə istinadla xəbər verir ki, Qorbaçov problemin hər iki ölkənin maraqlarına uyğun şəkildə, qalib və məğlub olmadan həll edilməsinin vacibliyini vurğulayıb.

"O ki qaldı Qarabağ probleminə... Bu çox çətin, kökü keçmişə gedib çıxan köhnə məsələdir. Bu münaqişə qızışanda biz hər iki ölkəyə, hər iki xalqa onun həllində kömək etməyə çalışdıq. Nəticə etibarı ilə Rusiya buna cəhd göstərdi", – deyə 1980-ci illərin axırlarında Qarabağ münaqişəsinin başladığı vaxt SSRİ-yə rəhbərlik etmiş Qorbaçov RİA Novosti-yə müsahibəsində bildirib.

Keçmiş sovet lideri əmindir ki, hərbi əməliyyatların dayandırıldığı bir vaxtda bu məsələni diqqətdən kənarda qoymaq və problemin yenə onilliklər boyunca uzanmasına yol vermək olmaz.

"Ümid edirəm ki, Rusiya kömək edə biləcək, ancaq əsas vəzifə münaqişə tərəflərinin üzərinə düşür. Azərbaycan və Ermənistan problemin həlli ilə bağlı öz üzərinə danışıq aparmaq öhdəliyi götürüb. Münaqişə hər iki tərəfin maraqlarına uyğun, qalib və məğlub olmadan həll edilməlidir", – deyə Qorbaçov bəyan edib.

Qeyd edək ki, bazar günü Kremldən verilən məlumata görə, Rusiya prezidenti Vladimir Putin yanvarın 11-də Moskvada Azərbaycan Prezidenti İlham Əliyev və Ermənistanın baş naziri Nikol Paşinyanın iştirakı ilə üçtərəfli görüşün keçirilməsi təşəbbüsü ilə çıxış edib.

Xatırladaq ki, Dağlıq Qarabağ münaqişəsi məhz Mixail Qorbaçovun SSRİ-yə başçılıq etdiyi dövrdə vüsət alıb və SSRİ rəhbərliyinin səriştəsiz və birtərəfli mövqeyi nəticəsində daha da alovlanıb.

66
Mövzu:
Kremldə Putin, Əliyev, Paşinyan görüşü (25)
Xarici İşlər naziri Ceyhun Bayramov, arxiv şəkli

Nazirlər Azərbaycan-Fransa münasibətlərinin cari vəziyyətini müzakirə ediblər

10
(Yenilənib 23:33 21.01.2021)
Azərbaycan XİN başçısı Ceyhun Bayramov və Fransanın xarici işlər naziri Jan İv Lö Drian arasında telefon danışığı olub.

BAKI, 21 yanvar - Sputnik. Azərbaycan Respublikasının xarici işlər naziri Ceyhun Bayramov və Fransa Respublikasının xarici işlər naziri Jan İv Lö Drian arasında telefon danışığı baş tutub.

Bu barədə Sputnik Azərbaycan-a Xarici İşlər Naziriliyindən məlumat verilib. 

Nazirlər bölgədəki son vəziyyət, o cümlədən Azərbaycan, Rusiya və Ermənistan liderləri tərəfindən imzalanmış 10 noyabr 2020-ci il və 11 yanvar 2021-ci il tarixli bəyanatların icrası ilə bağlı fikir mübadiləsi aparıblar.

Azərbaycan və Fransa arasında ikitərəfli münasibətlərin cari vəziyyəti müzakirə edilib və bu sahədə dialoqun davam etdirilməsinin əhəmiyyəti vurğulanıb.

Görüşdə həmçinin qarşılıqlı maraq doğuran digər məsələlər müzakirə edilib.

10
Aşqabad şəhərindən bir görüntü. Arxiv şəkli

Aşqabadda mühüm görüş

7
(Yenilənib 22:57 21.01.2021)
Azərbaycanın xarici işlər naziri Ceyhun Bayramov Türkmənistanın xarici işlər naziri Rəşid Meredov ilə təkbətək görüşüb.

BAKI, 21 yanvar - Sputnik. Bu ilin 21 yanvar tarixində Azərbaycan Respublikasının xarici işlər naziri Ceyhun Bayramovun Türkmənistana səfəri çərçivəsində Türkmənistanın xarici işlər naziri Rəşid Meredov ilə təkbətək, eləcə də nümayəndə heyətlərinin iştirakı ilə geniş tərkibdə görüşləri keçirilib.

XİN-in Mətbuat Xidməti idarəsindən Sputnik Azərbaycan-a verilən məlumata görə, görüşdə iki ölkə arasında siyasi, iqtisadi, enerji, nəqliyyat-logistika, mədəni-humanitar və digər sahələrdə qarşılıqlı faydalı əməkdaşlığın daha da möhkəmləndirilməsi məsələləri daxil olmaqla, geniş spektr üzrə ətraflı fikir mübadiləsi aparılıb.

Xəzər dənizində “Dostluq” yatağının hidrogen resurslarının birgə kəşfiyyatı və istismarı üzrə hökumətlər arasında Anlaşma Memorandumunun imzalanması hər iki dövlət arasında, eləcə də Xəzər dənizi bölgəsində əməkdaşlığın genişləndirilməsi, habelə enerji təhlükəsizliyinin möhkəmləndirilməsinin bariz nümunəsi kimi qeyd olunub. Razılaşmanın əldə edilməsi eyni zamanda Xəzər dənizinin sülh, mehriban qonşuluq və dostluq dənizi olmasını möhkəmləndirdiyi və Xəzər dənizində əməkdaşlıq və qarşılıq etimad mühitinin gücləndirilməsinə töhfə verdiyi vurğulanıb.

Tərəflər, regional əməkdaşlıq, o cümlədən üçtərəfli formatda əməkdaşlıq məsələlərini müzakirə ediblər. Bu ilin yanvarın 16-da Azərbaycan, Türkmənistan və Əfqanıstan arasında ticarət və investisiya, energetika, nəqliyyat və logistika, telekommunikasiya və informasiya texnologiyaları, gömrük və sərhəd məsələləri sahələrində əməkdaşlığın genişləndirilməsi və dərinləşdirilməsi üzrə Yol Xəritəsinin imzalanmasına istinad edilərək, bu xüsusda tədbirlərin icrası məsələləri müzakirə edilib.

Görüşdə tərəflər ölkələrin beynəlxalq təşkilatlar çərçivəsində əməkdaşlığı və qarşılıqlı dəstəyi, eləcə də qarşılıqlı maraq doğuran regional məsələlər ətrafında fikir mübadiləsi aparıblar.

7

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya