Co Bayden, arxiv şəkli

"Bəlkə tam əksi oldu" politoloq Baydenə Rusiya ilə bağlı verilən məsləhəti şərh edib

19
(Yenilənib 16:53 16.12.2020)
ABŞ-ın yeni seçilmiş prezidenti Co Bayden keçmiş lider Barak Obamanın Rusiyaya münasibətdə yol verdiyi səhvləri təkrarlamalıdır, - deyə prezident Donald Trampın keçmiş köməkçisi Fiona Hill bəyan edib.

BAKI, 16 dekabr — Sputnik. Prezident Donald Trampın keçmiş köməkçisi, Ağ Evin Avropa və Rusiya üzrə keçmiş direktoru Fiona Hill ABŞ-ın yeni seçilmiş prezidenti Co Baydeni Barak Obamanın Moskvaya münasibətdə yol verdiyi səhvləri təkrarlamamağa çağırıb. Bu barədə "The New York Times" məlumat yayıb.

Hill belə hesab edir ki, Bayden məsələyə fərqli yanaşmalıdır.

"Obama Rusiyaya çox etinasızlıqla yanaşdı, onu "regional dövlət" adlandırdı. Onlar (Obama administrasiyası - red.) Rusiya haqqında çox düşünmək istəmədilər", - deyə Hill bildirir.

Onun sözlərinə görə, Obamının prezidentliyi dövründən bu yana dünya çox dəyişib. "Onlar artıq başqa cür düşünməlidirlər", - deyə o Amerikanın yeni hakimiyyətinə məsləhət görür.

Siyasi və İqtisadı Kommunikasiyalar Agentliyinin aparıcı analitiki Mixail Neyjmakov Sputnik radiosunun efirində bu bəyanatı dəyərləndirib.

"Bununla belə, biz Fiona Hillin ictimai ekspert kimi fəaliyyət göstərdiyi dövrdə Rusiyaya və onun rəhbərliyinə kifayət qədər soyuq yanaşdığını, xüsusən də "əyilməzliklə" bağlı ittihamlarını yaxşı xatırlayırıq. Bir tərəfdən bu onu göstərir ki, Amerika mütəxəssisləri və politoloqları arasında Rusiyanın dünyadakı və postsovet məkanındakı vəziyyətə təsir etmək üçün yeni imkanlara sahib olduğunu etiraf edən insanlar var. Digər tərəfdən, bu o demək deyil ki, hətta həmin mütəxəssislər belə yeni hakimiyyəti Rusiyaya qarşı daha yumşaq siyasət yürütməyə çağıracaqlar. Bunun tam əksi də ola bilər – onlar Moskvaya münasibətdə daha sərt mövqe tutmaqda təkid edə bilərlər", - deyə Neyjmakov vurğulayır.

Onun sözlərinə görə, məhz elə bu səbəbdən də Baydenin Obamaya nəzərən Moskva ilə münasibət yaratması daha çətin olacaq.

"Həm də ona görə çətin olacaq ki, Obamının hakimiyyətdə olduğu dövrdən bu yana qarşılıqlı münasibətlərdə sanksiya, ittiham və manelərin yükü bir xeyli ağırlaşıb", - deyə Mixail Neyjmakov qeyd edir.

Xatırladaq ki, dekabrın 15-də Seçicilər Kollegiyası nümayəndələrinin səsvermə yekunlarına görə Co Bayden qələbə üçün lazım olan 270 səsə qarşı 306 səs toplaya bildi və bununla da noyabrın 3-də də keçirilən prezident seçkilərində medianın daha əvvəl elan etdiyi ilkin qələbəsini təsdiqlədi. Seçicilər Kollegiyasının səsvermə nəticəsi isə 2021-ci ilin 6 yanvar tarixində təsdiqlənəcək, Baydenin andiçmə mərasimi ölkə konstitusiyasına uyğun olaraq yanvarın 20-də baş tutmalıdır.

19
Ceyhun Bayramov və Sergey Lavrov, arxiv şəkli

Azərbaycan Rusiya XİN başçıları Qarabağla bağlı məsələni müzakirə ediblər

3
(Yenilənib 19:19 15.01.2021)
Tərəflər, həmçinin ikitərəfli əməkdaşlıq gündəliyinə daxil olan məsələləri və qarşılıqlı maraq doğuran digər mövzuları müzakirə ediblər.

BAKI, 15 yanvar — Sputnik. Azərbaycan Respublikasının xarici işlər naziri Ceyhun Bayramov və Rusiya Federasiyasının xarici işlər naziri Sergey Lavrov arasında telefon danışığı baş tutub. Bu barədə Sputnik Azərbaycan-a Xarici İşlər Nazirliyindən daxil olan məlumatda bildirilir.

"Nazirlər 10 noyabr 2020-ci il tarixli üçtərəfli bəyanatın icrası ilə bağlı son vəziyyəti, eləcə də 11 yanvar 2021-ci il tarixində Moskvada imzalanmış birgə bəyanatdan irəli gələn məsələlər üzrə fikir mübadiləsi aparıblar.

Tərəflər, həmçinin ikitərəfli əməkdaşlıq gündəliyinə daxil olan məsələləri və qarşılıqlı maraq doğuran digər mövzuları müzakirə ediblər", - deyə məlumatda bildirilir.

3
Türkiyənin Xarici İşlər naziri Mövlud Çavuşoğlu

Çavuşoğlu: "Qarabağa səfərlərə Azərbaycan icazə verməlidir"

7
Türkiyə XİN başçısı Rusiya Federasiyasını Qarabağdakı sülhməramlıların statusunu müəyyənləşdirməyə çağırıb.

BAKI, 15 yanvar — Sputnik. Türkiyənin xarici işlər naziri Mövlud Çavuşoğlu Azərbaycanın Qarabağ bölgəsində yerləşdirilən rusiyalı sülhməramlıların fəaliyyətinə münasibət bildirib.

"Report" xəbər verir ki, o, Pakistandan qayıdarkən jurnalistlərin məsələ ilə bağlı sualını cavablandırıb.

Çavuşoğlu qeyd edib ki, məsələni Rusiya rəhbərliyi ilə müzakirə ediblər: “Siz sülhməramlı olaraq oradasınız. Kimin gəlib-getdiyi məsələsində qərar vermənin məsuliyyəti sizdə deyil” dedik”.

Onun sözlərinə görə, sülhməramlıların sayı ilə bağlı Azərbaycan Türkiyəyə hər hansısa narazılığını bildirməyib:

“Bu məsələ ilə bağlı Azərbaycandan şikayət gəlməyib. Əsas məsələ Rusiyanın Laçın dəhlizindən istifadəyə icazə verilməsindəki roludur. O da bunun üçün Azərbaycandan icazə almalıdır. Qarabağ Azərbaycan torpağıdır. Sabah hər hansısa bir status-kvo müəyyən edilsə də, yenə də Azərbaycanın sərhədləri çərçivəsində olacaq. Bu səbəbdən Azərbaycandan icazəsiz bunları etməməsi lazımdır”.

Nazir həmçinin deyib ki, Türkiyə Qarabağdakı Rusiya sülhməramlılarının statusu ilə əlaqədar razılaşma imzalamağa Rusiyanı təşviq edir. “Gələcəkdə ehtiyac olarsa, Azərbaycan ilə ikitərəfli razılaşma əldə edərək lazımi dəstəyi hər zaman verə bilərik”, - o vurğulayıb.

7
Prezident İlham Əliyev Şuşada

İlham Əliyev: "Gəlin alın, görüm necə alırsınız?"

0
(Yenilənib 21:49 15.01.2021)
"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq?

BAKI, 15 yanvar — Sputnik. "Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar".

Sputnik Azərbaycan xəbər verir ki, bunu Azərbaycan Prezidenti, Müzəffər Ali Baş Komandan İlham Əliyev Şuşada Molla Pənah Vaqifin büstünün və məqbərəsi ziyarət edərkən bildirib.

"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik", - deyə İlham Əliyev qeyd edib.

0