Prezident İlham Əliyev, arxiv şəkli

Prezident: "Mən sözünə əməl edən insanam"

43
(Yenilənib 16:38 05.11.2020)
Biz hərbi əməliyyatları davam etdirmək istəmirik və mən dəfələrlə demişəm və bu gün də təkrar edə bilərəm, əgər Ermənistanın baş naziri şəxsən özü, bu qan tökülməsinə görə məsuliyyət daşıyan şəxs belə bir bəyanat versə, biz dərhal dayanmağa hazırıq, dərhal

BAKI, 5 noyabr — Sputnik. Ermənistanın baş naziri Kəlbəcər, Laçın və Ağdamın qalan hissəsini boşaldacaqlarını açıq şəkildə deməlidir. Əgər belə olmasa, hərb yolundan başqa variant qalmır.

Sputnik Azərbaycan xəbər verir ki, Prezident İlham Əliyev bu fikri İspaniyanın EFE agentliyinə müsahibəsində səsləndirib.

"Biz hərbi əməliyyatları davam etdirmək istəmirik və mən dəfələrlə demişəm və bu gün də təkrar edə bilərəm, əgər Ermənistanın baş naziri şəxsən özü, bu qan tökülməsinə görə məsuliyyət daşıyan şəxs, belə bir bəyanat versə, biz dərhal dayanmağa hazırıq, dərhal. Mən sözünə əməl edən insanam və biz bunu edərik. Lakin o, bunu demir. O, vaxt qazanmaq istəyir, daha çox hərbi yardım əldə etmək üçün atəşkəs istəyir, Azərbaycana qarşı yeni hücumlar etmək və bizim azad etdiyimiz əraziləri geri almaq üçün bu atəşkəsdən istifadə etmək istəyir. Onun niyyəti bundan ibarətdir", - deyə İlham Əliyev qeyd edib.

43
Teqlər:
müsahibə, Nikol Paşinyan, Ağdam, Laçın, Kəlbəcər, İspaniyanın EFE agentliyi, Prezident İlham Əliyev
Əlaqədar
Prezident: "Ermənistanın baş naziri, Dağlıq Qarabağı tanı, cəsarətini göstər"
İlham Əliyev: "Digər rayonların işğaldan azad edilməsinin aktiv mərhələsindəyik"
İlham Əliyev Paşinyan barədə: "Onunla görüşməkdə bir məna görmürəm"
Prezident üç atəşkəs razılaşmasına əməl olunmamasının səbəbini açıqlayıb
Rəsmi Yerevan Əliyevlə Paşinyanın mümkün görüşü barədə
Politoloq Elşən Manafov

Politoloq: “Bunlar Ermənistan hakimiyyətində illuziyaların yaranmasına səbəb olub”

9
(Yenilənib 16:09 23.07.2021)
Politoloq Elşən Manafov deyir ki, parlament seçkilərindən sonra da Paşinyan hakimiyyəti çıxılmaz vəziyyətdədir
Elşən Manafov: “Ermənistanda siyasi böhranın olması aşkardır”

“Prezidentin bölgələrə səfəri zamanı verdiyi bəyanatlarda ən diqqət çəkənlər biri də Rusiya prezidenti ilə qarşılıqlı münasibətləri barədə olan fikirlərdir”. Bunu Sputnik Azərbaycan-a açıqlamasında politoloq Elşən Manafov deyib.

 O bildirib ki, Moskvada prezidentlər arasında əldə olunmuş razılıqlardan biri Rusiyanın moderatorluğu ilə imzalanmış üçtərəfli bəyanatların həyata keçirilməsidir. Həmin razılıqlar bölgədə nəqliyyat-kommunikasiya xətlərinin açılmasını özündə ehtiva edir. Ermənistanda siyasi böhranın olması aşkardır. Görünür ki, parlament seçkilərindən sonra da Paşinyan hakimiyyəti çıxılmaz vəziyyətdədir. Amma bununla belə Ermənistan hakimiyyətində müəyyən ümidlər var. Bu ümidlər Avropa Birliyi sədrinin bölgəyə səfərindən sonra arta bilər. Bütün bunlar Ermənistan hakimiyyətində müəyyən illuziyaların və ümidlərin yaranmasına səbəb olub”.

Elşən Manafovun fikirlərinə audiofaylda qulaq asa bilərsiniz

9
Azərbaycan Respublikasının İnsan Hüquqları üzrə Müvəkkili, Ombudsman Səbinə Əliyeva

Ombudsmandan erməni həmkarına etiraz

17
(Yenilənib 21:58 22.07.2021)
Səbinə Əliyeva BMT-nin İnsan Hüquqları Şurasınının 47-ci sessiyasında Ermənistan Ombudsmanının Milli İnsan Hüquqları İnstitutu qismində səsləndirdiyi bəyanata etiraz edib.

BAKI, 22 iyul — Sputnik. Bu günlərdə Ermənistan Ombudsmanının Milli İnsan Hüquqları İnstitutu qismində BMT-nin İnsan Hüquqları Şurasınının 47-ci sessiyasında səsləndirdiyi bəyanata Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva tərəfindən etiraz olunub. Bu barədə Sputnik Azərbaycan-a Ombudsman Aparatından məlumat verilib.

Erməni Ombudsmanının beynəlxalq ictimaiyyəti çaşdırmaq məqsədilə Ermənistan Azərbaycan münaqişəsi ilə bağlı həqiqəti əks etdirməyən, siyasi sifarişli, qərəzli bəyanatına etiraz olaraq Müvəkkil BMT-nin Milli İnsan Hüquqları İnstitutları ilə iş üzrə xüsusi bölməsinə ünvanladığı məktubunda BMT-nin İnsan Hüquqları Şurasında müstəqil milli insan hüquqları institutları üçün ayrılan tribunadan qərəzli məqsədlər üçün istifadə edilməsinə yol verilməməsinin vacibliyini vurğulayıb.

BMT Baş Assambleyasının milli insan hüquqları institutlarının statusu ilə bağlı 1993-cü ildə qəbul etdiyi Paris Prinsiplərinin universal prinsiplər olmasını və həmin prinsiplərin bu institutların müstəqil və qərəzsiz fəaliyyətini müəyyənləşdirdiyini vurğulayan Azərbaycan Ombudsmanı Ermənistan hökümətinin siyasi propaqanda vasitəsinə çevrilən Ermənistan Ombudsman İnstitutunun Paris Prinsiplərinə uyğun olmadığını və müstəqil fəaliyyət göstərmədiyini əsas gətirərək bu institutun BMT nəzdində yenidən akkreditasiyadan keçirilməsi və statusunun aşağı salınması məsələsini irəli sürüb.

Eləcə də oxuyun:

17
Cənubi Afrikada zürafələr qar yağan zaman

Afrikada rekord şaxta qeydə alındı

0
(Yenilənib 18:14 24.07.2021)
Sinoptiklərin proqnozlarına görə, anomal soyuq hava bölgədə hələ bir həftə davam edəcək. Bildirilir ki, Afrikanın cənubuna soyuq hava kütlələri Antarktidadan gəlir.

BAKI, 24 iyul - Sputnik. Qış mövsümünün hökm sürdüyü Afrikanın cənubunda rekord həddə soyuq hava qeydə alınıb. Sputnik Azərbaycan bildirir ki, bu barədə mətbuat CAR meteoroloji xidmətinə istinadən məlumat yayıb.

İyulun 24-nə keçən gecə 19 rayonda tarixi rekordlar qeydə alınıb: Kimberli şəhəri və ətrafında temperatur -9,9°С-dən aşağı düşüb. Yohannesburqda temperatur -7°С olub. Bu göstəricilər meteomüşahidələr tarixində ən aşağı sayılır.

Sinoptiklərin proqnozlarına görə, anomal soyuq hava bölgədə hələ bir həftə davam edəcək. Bildirilir ki, Afrikanın cənubuna soyuq hava kütlələri Antarktidadan gəlir.

Bu yaxınlarda isə Küveyt rekord istidən "boğulurdu": kölgədə +53,3°С, Günəşin altında isə +70°С isti olub. Bu yay son yetmiş il ərzində Küveytdə ən isti olub. 

0
Teqlər:
rekord, şaxta, soyuq, CAR, Afrika