Braziliyanın bayrağı

Braziliyalı deputat erməni təcavüzü haqda müsahibə verdi

122
Müsahibə zamanı xüsusilə qeyd olunub ki, 1993-cü ildə BMT TŞ-nin dörd qətnaməsinin qəbulunda o zaman Təhlükəsizlik Şurasının qeyri-daimi üzvü olan Braziliya da fəal iştirak edib.

BAKI, 3 oktyabr - Sputnik. Bu gün Azərbaycana həsr edilmiş silsilə proqramlar çərçivəsində Braziliya Konqresində parlamentlərarası dostluq qrupunun rəhbəri, deputat Klaudio Kajadu REBE TV kanalına müsahibə verib.

Azərbaycanın Braziliyadakı səfirliyindən Sputnik Azərbaycan-a verilən məlumata görə, müsahibədə deputat parlamentlərarası diplomatiyanın rolu və əhəmiyyəti, Braziliya və Azərbaycanın qanunverici orqanları arasında münasibətlərin tarixi və mövcud vəziyyəti, iqtisadi əlaqələr, turizm potensialı və ölkəmizə səfərləri haqqinda danışıb.

Deputat Ermənistan-Azərbaycan münaqişəsi ilə bağlı son durum barədə danışarkən bəyan edib ki, Dağlıq Qarabağ Azərbaycanın ərazisidir və münaqişə sülh yolu ilə, BMT TŞ-nin qəbul etdiyi dörd qətnamə əsasında həll edilməlidir. Son hərbi əməliyyatlar zamanı Azərbaycan tərəfindən mülki əhali və hərbiçilər tərəfindən itiklərin olduğunu təəssüflə qeyd edən deputat Minsk qrupu və beynəlxalq təşkilatların işinin fəallaşmasını və bir daha münaqişənin beynəlxalq qanunvericilik və BMT Təhlükəsizlik Şurasının qəbul etdiyi dörd qətnamə əsasında həll olunmasını tələb edib.

Müsahibə zamanı xüsusilə qeyd olunub ki, 1993-cü ildə BMT TŞ-nin dörd qətnaməsinin qəbulunda o zaman Təhlükəsizlik Şurasının qeyri-daimi üzvü olan Braziliya da fəal iştirak edib.

Sonda münaqişəyə həsr edilmiş klip nümayiş edilmişdi. Qeyd edək ki, müsahibənin təkrarı bazar günü yayımlanacaq. Proqramın tam versiyası ilə verilən keçiddə tanış olmaq olar.

122
Teqlər:
erməni təxribatı, Ermənistan-Azərbaycan Dağlıq Qarabağ münaqişəsi, dostluq, parlament, Azərbaycan, Braziliya, siyasət

İlham Əliyev Azərbaycanı dəstəkləyən ölkələrin başçılarına məktublar ünvanlayıb

35
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

35
Mövzu:
Azərbaycan və Ermənistan arasında müharibə
Türkiyə Prezidenti Rəcəb Tayyib Ərdoğan, arxiv şəkli

Ərdoğan: "Azərbaycanın yanında olduğumuz üçün günahlandırıldıq"

49
“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var".

BAKI, 25 oktyabr - Sputnik. “Qafqazda öz ərazilərini müdafiə edən azərbaycanlı qardaşlarımızın yanında olduğumuz üçün suçlandırıldıq”.

Sputnik Azərbaycan “Report”a istinadla xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var. Və? Biz Türkiyəyə də, yeri gələrsə, sanksiya tətbiq edəcəyik. Sən kiminlə rəqs etdiyinin fərqində deyilsən! Sanksiyan nədirsə, gecikmə, et!”, - o vurğulayıb.

49

Müdafiə Nazirliyi: Havadan qurudan darmadağın davam etdirilir

0
Eyvazov deyib ki, düşmənin artıq döyüş sursatı tükənir və bölmələrimiz döyüş şəraitinə nəzarət edir.

BAKI, 25 oktyabr — Sputnik. "Ötən sutka ərzində qoşunlarımız işğaldan azad edilmiş əraziləri bir qədər də genişləndirib".

Sputnik Azərbaycan-ın məlumatına görə, bunu bu gün keçirilən brifinqdə Müdafiə Nazirliyinin mətbuat katibi Anar Eyvazov bildirib.

Eyvazov deyib ki, düşmənin artıq döyüş sursatı tükənir: "Hazırda bölmələrimiz döyüş şəraitinə nəzarət edir. Hərbi hava qüvvələrimiz düşmənin hərbi infrastrukturunu hədəfə alır. Düşmən havadan və qurudan darmadağın edilir".

0
Mövzu:
Azərbaycan və Ermənistan arasında müharibə