Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb

Böyük əhəmiyyət veririk Matviyenko Milli Məclis üzvlərinin Rusiyaya səfəri haqda

26
(Yenilənib 21:03 22.09.2020)
"Fəaliyyətimizin koordinasiyasını davam etdirmək vacibdir. Ümumi maraqların olduğu hər yerdə bir-birimizi dəstəkləməliyik” - Valentina Matviyenko

BAKI, 22 sentyabr — Sputnik. Azərbaycan Parlamentinin yeni çağırış millət vəkillərinin Rusiya paytaxtına ilk səfəri baş tutub.

Sputnik Azərbaycan bildirir ki, Rusiya Federasiya Şurasında Milli Məclisin spikeri Sahibə Qafarova ilə Federasiya Şurasının sədri Valentina Matviyenkonun görüşü olub.

  • Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb
    © Photo : Press service of the Federation Council of the Federal Assembly of the Russian Federation
  • Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb
    © Photo : Press service of the Federation Council of the Federal Assembly of the Russian Federation
  • Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb
    © Photo : Press service of the Federation Council of the Federal Assembly of the Russian Federation
  • Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb
    © Photo : Press service of the Federation Council of the Federal Assembly of the Russian Federation
  • Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb
    © Photo : Press service of the Federation Council of the Federal Assembly of the Russian Federation
  • Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb
    © Photo : Press service of the Federation Council of the Federal Assembly of the Russian Federation
1 / 6
© Photo : Press service of the Federation Council of the Federal Assembly of the Russian Federation
Sahibə Qafarova Rusiya Federasiyası Federal Məclisi Federasiya Şurasının sədri Valentina Matviyenko ilə görüşüb

“Sizin gəlişinizi çox gözləyirdik və buna böyük əhəmiyyət veririk. Hesab edirəm ki, parlament dialoqu çərçivəsində ikitərəfli gündəmin və beynəlxalq problemlərin müzakirəsi, rəy mübadiləsi, əməkdaşlığımızın sonrakı inkişafının perspektivləri və planları haqda danışıqlar aparmaq üçün yaxşı imkandır”, - Azərbaycan nümayəndə heyətini salamlayan Matviyenko deyib.

© Photo : Press service of the Federation Council of the Federal Assembly of the Russian Federation
Rusiya Federasiya Şurasının Sədri Valentina Matviyenko ilə Milli Məclisin Sədri Sahibə Qafarovanın görüşü

O qeyd edib ki, COVID-19 koronavirus pandemiyası səbəbindən məhdudiyyətlər parlamentarilərin əlaqəsinin müntəzəmliyinə təsirini göstərib.

“Hesab edirəm ki, bizim parlamentlərarası əlaqələrimiz ardıcıl inkişaf edir. Əməkdaşlıq üzrə parlamentlərarası komissiya effektiv işləyir. Fəaliyyətimizin koordinasiyasını davam etdirmək vacibdir. Ümumi maraqların olduğu hər yerdə bir-birimizi dəstəkləməliyik”, - o qeyd edib.

© Photo : Press service of the Federation Council of the Federal Assembly of the Russian Federation
Rusiya Federasiya Şurasının Sədri Valentina Matviyenko ilə Milli Məclisin Sədri Sahibə Qafarovanın görüşü

Azərbaycan nümayəndə heyətinin Moskvaya səfəri sentyabrın 21-də başlayıb. Sabah, sentyabrın 23-də Milli Məclisin spikeri Sahibə Qafarova Federasiya Şurasının payız sessiyası çərçivasində iclasda çıxış edəcək. Bundan başqa, azərbaycanlı deputatlar Rusiya Dövlət Dumasının deputatları ilə də görüşəcəklər. Görüşdə Dövlət Dumasının sədri Vyaçeslav Volodin də iştirak edəcək.

Bundan başqa, Milli Məclisin mətbuat xidməti Sahibə Qafarovanın Rusiya Xarici işlər naziri Sergey Lavrovla danışıqlar aparacağını bildirib.

26
Teqlər:
Rusiya, Azərbaycan, strateji tərəfdaş, Sahibə Qafarova, Valentina Matviyenko

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

6
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

6
Teqlər:
Ceyhun Bayramov, BQXK
Sergey Lavrov

Böyük dövlətlər arasında istənilən müharibə qəbuledilməzdir - Sergey Lavrov

380
(Yenilənib 22:53 25.09.2021)
Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi.

BAKI, 25 sentyabr - Sputnik. Nüvə dövlətləri arasında istənilən müharibə, hətta nüvə müharibəsi olmasa belə, qəbuledilməzdir. RİA Novosti xəbər verir ki, bunu Rusiyanın xarici işlər naziri Sergey Lavrov deyib.

"Biz böyük dövlətlər arasında münasibətlərin qarşılıqlı hörmətə əsaslanmasına tərəfdarıq. İstərdik ki, bu münasibətlər heç vaxt müharibəyə gətirib çıxarmasın. Ən azı, nüvə müharibəsininin olmasını dəqiq istəmirik. Yaxşı ki, prezidentlər Putin və Bayden nüvə müharibəsinin prinsipcə məqbul olmadığını bildiriblər. Mən isə düşünürəm ki, böyük dövlətlər arasında istənilən müharibə qəbuledilməzdir. Çünki onun hər zaman nüvə münaqişəsinə gətirib çıxarması riski böyükdür", - deyə Lavrov mətbuat konfransında bildirib.

Qeyd edək ki, bir müddət əvvəl Lavrov Rusiya və ABŞ liderlərinin Cenevrə sammitinin münasibətlərdə hər hansı bir dəyişikliyə və irəliləyişə gətirmdiyini, lakin buna baxmayaraq müsbət hadisə olduğunu demişdi - prezdentlər nüvə müharibəsinin məqbul olmadığı mövqeyini təsdiq edib, habelə silahlara nəzarətə dair danışıqlar barədə razılığa gəliblər.

380
Teqlər:
Sergey Lavrov, nüvə müharibəsi
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var

0
(Yenilənib 23:07 25.09.2021)
Avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

BAKI, 25 sentyabr — Sputnik. Yanvar-avqust aylarında istilik elektrik (İES) və su elektrik stansiyalarında (SES) istehsal edilən elektrik enerjisinin həcmi açıqlanıb.

Energetika Nazirliyindən Sputnik Azərbaycan-a verilən məlumata görə, 8 ayda respublikada elektrik enerjisinin istehsalı 18 milyard 612,4 milyon kilovat/saat olub.

Hesabat dövründə ötən ilin eyni aylarına nisbətən elektrik enerjisinin istehsalı İES-lərdə 994,2 milyon kilovat/saat artaraq 17 milyard 409,7 milyon kilovat/saat, SES-lərdə 120,3 milyon kilovat/saat çoxalaraq 966,9 milyon kilovat/saat, digər mənbələr (KES, GES və BMTYZ) üzrə isə 4,8 milyon kilovat/saat azalaraq 235,8 milyon kilovat/saat olub.

Qeyd edək ki, təkcə avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

Ay ərzində elektrik enerjisinin ixracı 150,6 milyon kilovat/saat, idxalı isə 10,5 milyon kilovat/saat təşkil edib.

Həmçinin oxuyun:

Bərpa olunan Laçın SES kimə işıq verəcək?

0
Teqlər:
İES, SES