Azərbaycan Respublikası Milli Məclisinin Sədri Sahibə Qafarova və  Türkiyə Respublikasının Prezidenti Rəcəb Tayyib Ərdoğan

Fazil Mustafa: Spikerin Türkiyə səfərinin müsbət nəticələri yaxın vaxtlarda görünəcək

1692
(Yenilənib 13:51 14.09.2020)
Türkiyənin prezidenti Rəcəb Tayyib Ərdoğan həmin gün proqramının çox gərgin olmasına baxmayaraq, nəzərdə tutulan müddətdən artıq vaxtda xanım Sahibə Qafarova ilə müzakirələr apardı.

Eldar Tanrıverdiyev, Sputnik Azərbaycan

BAKI, 14 sentyabr — Sputnik. Azərbaycan Milli Məclisinin xanım sədri Sahibə Qafarova ötən həftə il xarici ölkə səfərini reallaşdırdı. Gözlənildiyi kimi xanım sədr artıq formalaşmış ənənəyə uyğun olaraq ilk xarici səfərini qardaş ölkəyə - Türkiyəyə həyata keçirdi. Xanım sədrin rəhbərlik etdiyi Nümayəndə heyətinin tərkibində Milli Məclisin Türkiyə ilə parlamentlərarası əlaqələr üzrə işçi qrupunun rəhbəri Əhliman Əmiraslanov, komitə sədri Ziyafət Əsgərov, deputatlardan Sevil Mikayılova, Fazil Mustafa, Elşən Musayev, Tural Gəncəliyev, parlament Aparatının rəhbəri Səfa Mirzəyev və digər rəsmi şəxslər daxil idi. Səfər zamanı Azərbaycan nümayəndə heyəti Türkiyənin ticarət naziri, Türkiyə parlamentinin sədri və Türkiyə prezidenti ilə görüşlər keçirərək ikitərəfli, regional məsələləri müzakirə edib.

Qardaş ölkədə də bu səfərə xüsusi önəm verilirdi, təsadüfü deyil ki, nümayəndə heyətinin görüşləri hər iki ölkənin KİV-i tərəfindən geniş şəkildə işıqlandırılırdı. Heç şübhəsiz baş tutan görüşlər Azərbaycan – Türkiyə əlaqələrinin daha da inkişaf etməsinə, daha da dərinləşməsinə öz töhfəsini verəcək. Sputnik Azərbaycan Milli Məclisin sədri Sahibə Qafarovanın rəhbərlik etdiyi nümayəndə heyətinin Türkiyə səfəri, onun yekunları barədə həmin nümayəndə heyətinin tərkibində olmuş, milli məclisin deputatı Fazil Mustafa ilə həmsöhbət olub.

Fazil Mustafa xatırladıb ki, adəti üzrə Azərbaycan parlamentinin sədri ilk xarici səfərini Türkiyə Cümhuriyyətinə edir:

"Eyni prinsip Türkiyə tərəfindən də gözlənilir. Baş tutan bu səfər bir qardaşlıq jesti olaraq qiymətləndirilməlidir. Xüsusi ilə indiki ərəfədə Türkiyənin Aralıq dənizi bölgəsində kritik bir zamanda yaşadıqları prosesləri nəzərə alaraq, Azərbaycan Parlamentinin rəhbərinin bu addımı həm də Türkiyə ilə həmrəylik xarakteri daşıyır. Digər tərəfdən, bu səfər Türkiyə Böyük Millət Məclisi ilə bizim parlamentin yeni rəhbərliyinin tanışlığı üçün zəmin rolu oynadı. Səfər zamanı iki ölkə arasında münasibətlər, əməkdaşlıq formatının daha da genişləndirilməsi istiqamətində müzakirələr aparıldı. Hesab edirəm ki, səfər ən yüksək səviyyədə baş tutdu və nümayəndə heyətimiz böyük bir mehribançılıqla qəbul olundu".

Deputat qeyd edib ki, parlamentin sədri Sahibə Qafarova keçirdiyi görüşlər zamanı Azərbaycanla, Azərbaycan – Türkiyə münasibətlərin gələcəyi ilə bağlı mesajlar verib:

"Həm Türkiyə parlamentinin sədri cənab Mustafa Şəntop, ticarət naziri Ruhsar Pekcan və ölkə prezidenti Rəcəb Tayyib Ərdoğanla görüşü bütövlükdə bu münasibətlərin nə dərəcədə səmimi və gələcəyi yönəlik olduğunu göstərdi. Hətta Türkiyənin prezidenti Rəcəb Tayyib Ərdoğan həmin gün proqramının çox gərgin olmasına baxmayaraq, nəzərdə tutulan müddətdən artıq vaxtda xanım Sahibə Qafarova ilə müzakirələr apardı. Hesab edirəm ki, səfər həm Türkiyə, həm də Azərbaycanın problemləri baxımından, həm də dəstək xarakterli mesajların əməldə göstərilməsi baxımından olduqca faydalı idi. Ümid edirəm ki, bunun da müsbət nəticələri yaxın vaxtlarda özünü qabarıq şəkildə göstərəcək".

1692
Əlaqədar
Sahibə Qafarova ilk rəsmi səfərini Türkiyəyə edəcək
Milli Məclisin spikeri Türkiyə Prezidenti ilə görüşüb
Azərbaycan Prezidenti İlham Əliyev xalqa müraciəti zamanı

Prezident İlham Əliyev Azərbaycan xalqını təbrik etdi

56
(Yenilənib 15:19 27.09.2020)
"Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər"

BAKI, 27 sentyabr — Sputnik. “İşğal altında olan bir neçə yaşayış məntəqəsi işğalçılardan azad edilib. Bu münasibətlə bütün Azərbaycan xalqını təbrik edirəm”.

Sputnik Azərbaycan-ın məlumatına görə, bunu Prezident İlham Əliyev Təhlükəsizlik Şurasının iclasında deyib.

Dövlət başçısı əmin olduğunu bildirib ki, bizim uğurlu əks-hücum əməliyyatımız işğala son qoyacaq:

“Əminəm ki, bizim uğurlu əks-hücum əməliyyatımız işğala son qoyacaq, ədalətsizliyə son qoyacaq, 30 ilə yaxındır davam edən işğala son qoyacaq. Çünki Azərbaycan xalqı öz torpağında yaşamaq istəyir. Azərbaycan vətəndaşı vətən həsrəti ilə yaşayır. Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər”.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

56
Teqlər:
Azərbaycan ordusu, cəbhə, erməni təxribatı, Prezident İlham Əliyev, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Ərdoğan Əliyevə zəng etdi: "Türkiyə Azərbaycanın yanındadır"
Cəbhədə yaralananlarla bağlı son məlumat
İlham Əliyev: Azərbaycan torpaqlarının işğalı Ermənistanın planındadır və bunu gizlətmir
Tovuzun Dondar Quşçu kənd sakini erməni silahlı qüvvələrinin açdıqları atəş nəticəsində dağılan evin həyətində

Cəbhədə yaralananlarla bağlı son məlumat

172
(Yenilənib 14:42 27.09.2020)
Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı, Goranboy və Daşkəsən rayonunun bir neçə kəndləri intensiv atəşə tutulub. Ölən və yaralılar var

BAKI, 27 sentyabr — Sputnik. Azərbaycan Respublikası Baş Prokurorluğunun Mətbuat xidməti açıqlama yayıb.

Sputnik Azərbaycan-a daxil olan açıqlamada deyilir:

"Xəbər verildiyi kimi, sentyabrın 27-də səhər saat 06 radələrindən başlayaraq Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini iriçaplı silahlar, minaatanlar və müxtəlif çaplı artilleriya qurğularından intensiv atəşə tutmuşdur.

Təcavüzkar Ermənistanın hərbi-siyasi rəhbərliyi öz təxribatçı əməllərini davam etdirərəkə beynəlxalq hüququn fundamental norma və prinsiplərini kobud şəkildə pozaraq Azərbaycan Respublikasının qəsdən və hədəflənmiş şəkildə dinc əhalisinin sıx yaşadığı əraziləri artilleriya atəşinə tutmaqla mülki əhaliyə qarşı müxtəlif cinayətlər törətmişlər.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı, Goranboy və Daşkəsən rayonunun bir neçə kəndlərinin intensiv atəşə tutulması nəticəsində mülki əhali arasında həlak olanlar və yaralananlar var, o cümlədən çoxsaylı ev və mülki obyektlərə külli miqdarda ziyan dəymişdir.

Hazırkı vaxtadək ümumilikdə mülki əhalidən 9 nəfər müxtəlif dərəcəli bədən xəsarətləri alaraq xəstəxanalara yerləşdirilmişlər.

Həmçinin, bildiririk ki, düşmənin mülki obyektləri hədəfə alması nəticəsində bir sıra mülki evlərə külli miqdarda maddi ziyan dəymiş, o cümlədən xırda və iri buynuzlu heyvan və ot tayaları məhv edilmişdir.

Hazırda prokurorluq əməkdaşları tərəfindən döyüş şəraitində mümkün olan bütün istintaq əməliyyat tədbirləri həyata keçirilir, o cümlədən yaralananların aldıqları xəsarətlərin ağırlıq dərəcəsini, eləcə də mülki infrastruktur obyektlərinə dəymiş ziyanın məbləğini müəyyən etmək məqsədilə müvafiq ekspertizalar təyin edilmişdir.

İctimaiyyətə mütəmadi olaraq məlumatların verilməsi təmin olunacaqdır.

Kütləvi informasiya vasitələrindən, həmçinin sosial media istifadəçilərindən rəsmi olmayan və dəqiqləşdirilməmiş məlumatların ictimailəşdirilməməsi xahiş olunur".

172
Teqlər:
Baş Prokurorluq, ölənlər və yaralılar, cəbhə bölgəsi, erməni təxribatı, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Ərdoğan Əliyevə zəng etdi: "Türkiyə Azərbaycanın yanındadır"
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Çavuşoğlu və Lavrov Qarabağdakı son durumu müzakirə etdilər
Müdafiə Nazirliyi məlumat yaydı: Vacib yüksəkliklər uğrunda döyüşlər aparırıq
Koronavirus testi, arxiv şəkli

Azərbaycanda koronavirus: son sutkada 128 yoluxma

0
(Yenilənib 15:20 27.09.2020)
Nazirlər Kabineti yanında Operativ Qərargahdan verilən məlumatda deyilir ki, COVID-19 üçün götürülən analiz nümunələri müsbət çıxmış 1 nəfər vəfat edib

BAKI, 27 sentyabr — Sputnik. Azərbaycanda koronavirus (COVID-19) infeksiyasına 128 yeni yoluxma faktı qeydə alınıb, 132 nəfər müalicə olunaraq sağalıb və evə buraxılıb.

Sputnik Azərbaycan bildirir ki, bu barədə Nazirlər Kabineti yanında Operativ Qərargahdan verilən məlumatda deyilir.

COVID-19 üçün götürülən analiz nümunələri müsbət çıxmış 1 nəfər vəfat edib.

Hazırkı dövrədək ölkəmizdə 40 023 nəfərin koronavirus infeksiyasına yoluxması faktı müəyyən edilib. Onlardan 37 655 nəfər müalicə olunaraq sağalıb, 586 nəfər vəfat edib. Aktiv xəstə sayı 1 782 nəfərdir.

Ötən müddət ərzində 1 102 401 test aparılıb. Bugünkü test sayı isə 6 858-dir.

0
Teqlər:
yoluxma, Azərbaycan, Koronavirus, epidemiya, COVID-19
Əlaqədar
Belə insanlar koronavirusa az yoluxurlar
COVID-19 peyvəndi yaşlı nəsil üçün bir o qədər faydalı olmayacaq
Maska taxmayan "koronavirus xəstəsi" az qala döyüləcəkdi
COVID-19-la bağlı dəhşətli proqnoz: iki milyon insan ölə bilər
Şagirdlər koronavirusa harada yoluxublar? Nazirlikdən cavab