Ceyhun Bayramov, arxiv şəkli

Ceyhun Bayramov: “Ermənistana silah verilməsi ciddi narahatlıq doğurub”

36
(Yenilənib 18:30 25.08.2020)
Xarici İşlər naziri bildirib ki, Azərbaycanın Rusiya ilə dostluq münasibəti var: "Bu, strateji tərəfdaşlıq münasibətləridir"

BAKI, 25 avqust – Sputnik. “Rusiyadan Ermənistana hərbi yüklərin çatdırılması barədə məlumatlar, xüsusilə Azərbaycanla dövlət sərhədində Tovuz istiqamətində erməni təcavüzünün aktivləşməsi fonunda Azərbaycan cəmiyyətində ciddi narahatlıq yaratdı”.

Sputnik Azərbaycan-ın xəbərinə görə, bu barədə Azərbaycan Xarici İşlər nazir Ceyhun Bayramov TASS-a müsahibəsində deyib.

Nazir bildirib ki, bu məsələ Azərbaycan Prezidenti İlham Əliyev tərəfindən bu yaxınlarda Rusiya Prezidenti Vladimir Putinlə baş tutan telefon söhbətində iki prezident arasında mövcud olan strateji tərəfdaşlıq, etmadlı dialoq və qarşılıqlı hörmət ruhunda qaldırılıb.

“Ermənistan rəhbərliyinin aqressiv ritorikası fonunda və hərbi provokasiyalarının intensivliyinin artdığı bir vaxtda erməni tərəfinə silah çatdırılması gərginliyin eskalasiyası riski yaradır, münaqişənin sülh yolu ilə nizamlanması prosesinə zərbə vurur və bütövlükdə Azərbaycanın təhlükəsizliyinə təhdid törədir”, - deyə C. Bayramov vurğulayıb. 

Nazir Rusiya Federasiyası ilə münasibətlərin inkişafı Azərbaycanın xarici siyasətində vacib yer tutduğunu da bildirib.

"Bizim Rusiya ilə dostluq münasibətlərimiz var. Bu, strateji tərəfdaşlıq münasibətləridir. Bu tərəfdaşlıq çoxillik dostluq və qarşılıqlı hörmət ənənələrinə söykənir. Tərəfdaşlığın inkişafında dövlət başçıları arasındakı müntəzəm təmaslar müəyyənedici rol oynayır.”, - deyə nazir əlavə edib.

O bildirib ki, bu səbəbdən həmkarı Sergey Lavrovun Rusiyaya rəsmi səfərlə bağlı dəvətini məmnuniyyətlə qəbul edib: “İlk görüşümüzün gündəliyində ikitərəfli münasibətlər, regional və beynəlxalq problemlərə dair bir sıra məsələlər yer alır. Bunlar siyasi, iqtisadi, humanitar, təhlükəsizlik sahələrində qarşılıqlı fəaliyyətə, həmçinin beynəlxalq təşkilatlar çərçivəsində əməkdaşlığa dair məsələlərdir. Ermənistan-Azərbaycan, Dağlıq Qarabağ münaqişəsinin sülh yolu ilə həllinin, o cümlədən Ermənistan-Azərbaycan dövlət sərhədinin Tovuz hissəsində Ermənistanın təşkil etdiyi son hərbi təxribat kontekstində müzakirələrin aparılması mühüm yer tutur. Bu təxribatı Ermənistan tərəfinin regionda yeni bir gərginlik ocağı yaratmaq cəhdi kimi qiymətləndiririk. ATƏT-in Minsk Qrupu həmsədrlərindən, o cümlədən Rusiyadan da sülh prosesinin konstruktiv və substantiv danışıqlar yolu ilə irəliləməsi üçün ardıcıl addımlar gözləyirik".

36
Co Bayden, arxiv şəkli

Bayden açıqladı: Rusiya bizim düşmənimizdir

75
(Yenilənib 19:13 18.09.2020)
ABŞ prezidentliyinə Demokratlar Partiyasından namizəd Cozef Bayden bəyan edib ki, Rusiya Amerika üçün düşmən rolunda çıxış edir.

BAKI, 18 sentyabr — Sputnik. ABŞ prezidentliyinə Demokratlar Partiyasından namizəd Cozef Bayden bəyan edib ki, Rusiya Amerika üçün düşmən rolunda çıxış edir. Bu barədə Sputnik Azərbaycan "CNN"ə istinadən xəbər verir.

"Mən hesab edirəm ki, Rusiya – düşməndir. Mən doğrudan da belə düşünürəm", - deyə Bayden qeyd edib.

O əlavə edib ki, Moskvanın ABŞ seçkilərinə iddia edilən müdaxiləsi sübut olunsa, ondan "intiqam alınacaq": "Mən müharibəni nəzərdə tutmuram, lakin onlar bunun bədəlini ödəyəcəklər, bunun iqtisadi bədəli olacaq".

Demokratın sözlərinə görə, Rusiya onu ABŞ prezidenti postunda görmək istəməzdi.

Qeyd edək ki, daha əvvəl Birləşmiş Ştatlar Prezidenti Donald Tramp ölkədə keçiriləcək prezident seçkisinə ən böyük təhdidin poçtla səsvermə olduğunu bildirib.

Prezidentliyə namizəd Trampın fikrincə, poçtla səsvermə seçkiyə xarici müdaxilə ehtimalından da ciddidir.

"Budəfəki seçkiyə ən ciddi təhlükə milyonlarla adam tərəfindən göndərilən və qubernatorların nəzarətində olan bülletenlərdir", - deyə Tramp qeyd edib.

Qeyd edək ki, Tramp daha əvvəl də poçtla səsvermə prosedurunu tənqid edib. O əmindir ki, belə seçkilər saxtalaşdırıla bilər.

Xatırladaq ki, ABŞ-da prezident seçkisi bu ilin noyabrında baş tutacaq.

75
Əlaqədar
Tramp proqnoz verdi: Bayden seçilsə, Çin dilini öyrənməli olacaqsız
Co Bayden Amerika iqtisadiyyatını öldürməyi vəd edir
General-pol­kov­nik Məhərrəm Əliyev cəbhədə

Prezidentin köməkçisi sərhəddəki hərbi hissəyə gedib

14
Səfər çərçivəsində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırıqlarının icra vəziyyəti yoxlanılıb, hərbi qulluqçuların xidməti və yaşayış şəraitlərinə baxış keçirilib.

BAKI, 18 sentyabr — Sputnik. Sentyabrın 18-də Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Hərbi məsələlər şöbəsinin müdiri general-polkovnik Məhərrəm Əliyev və Dövlət Sərhəd Xidmətinin rəisi general-polkovnik Elçin Quliyev DSX-nin Sərhəd Qoşunlarının "Qazax" əlahiddə sərhəd diviziyasının hərbi hissə və bölmələrinə səfər ediblər.

Bu barədə Sputnik Azərbaycan-a Dövlət Sərhəd Xidmətinin Mətbuat Xidmətindən məlumat verilib.

  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • Məhərrəm Əliyev "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
  • "Qazax" əlahiddə sərhəd diviziyasının hərbi hissə və bölmələrində
    © State Border Service of Azerbaijan Republic.
1 / 5
© State Border Service of Azerbaijan Republic.
Məhərrəm Əliyev "Qazax" əlahiddə sərhəd diviziyasının hərbi hissə və bölmələrində

Səfər çərçivəsində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırıqlarının icra vəziyyəti yoxlanılıb, hərbi qulluqçuların xidməti və yaşayış şəraitlərinə baxış keçirilib, Ermənistanla dövlət sərhədindəki sərhəd-döyüş məntəqələrində xidmət aparan sərhədçilərlə görüşülüb.

"Qazax" əlahiddə sərhəd diviziyasında hərbi tikinti-quruculuq işlərinin gedişatı nəzərdən keçirilib, dövlət sərhədində zəruri sərhəd mühafizə və müdafiə infrastrukturunun daha da gücləndirilməsi tədbirlərilə tanış olunub, hərbi hissə və bölmələrin döyüş hazırlığının yüksəldilməsi, dövlət sərhədinin toxunulmazlığının və şəxsi heyətin təhlükəsizliyinin təmin edilməsi istiqamətində zəruri tapşırıqlar verilib.

14
Xəstə adam

Bu il böyrək çatışmazlığından əziyyət çəkənlərə böyrək köçürülməyib - SƏBƏB

0
“Ötən il isə Azərbaycanda 69 böyrək köçürülməsi əməliyyatı aparılıb. Ümumiyyətlə indiyədək ölkəmizdə 782 xəstəyə böyrək köçürülüb"

Zülfiyyə Quluyeva, Sputnik Azərbaycan

BAKI, 19 sentyabr — Sputnik. Azərbaycanda bu il dializ xəstələrinə böyrək köçürülməyib. Bu barədə Sputnik Azərbaycan-a açıqlamasında Azərbaycan Nefroloqlar Cəmiyyətinin sədri, Tibb elməri namizədi,  Səhiyyə Nazirliyinin Baş Nefroloqu Fariz Babayev bildirib.

Onun sözlərinə görə, bu il ərzində pandemiyaya görə dünyanın hər yerində transplantasiya əməliyyatı aparılmayıb: “Ötən il isə Azərbaycanda 69 böyrək köçürülməsi əməliyyatı aparılıb. Ümumiyyətlə indiyədək ölkəmizdə 782 xəstəyə böyrək köçürülüb. Onların arasında ölkəmizdəki dövlət tibb müəssisələrində böyrəyi köçürülənlər də var, özəl xəstəxanalarda böyrək köçürülən xəstələr də. Amma ölkədən kənarda da böyrək transplantasiyası əməliyyatı etdirənlər var. Onlar pulsuz dərmanla təmin olunur”.

0