Rusiyanın Müdafiə naziri Sergey Şoyqu

Sergey Şoyqu Azərbaycana gəlib

55
Rusiyanın Müdafiə naziri səfəri çərçivəsində azərbaycanlı həmkarı Zakir Həsənovla görüşəcək. Onun Azərbaycan Prezidenti İlham Əliyev tərəfindən qəbul olunacağı da nəzərdə tutulub

BAKI, 25 avqust — Sputnik. Rusiyanın Müdafiə naziri Sergey Şoyqu Azərbaycana işgüzar səfərə gəlib.

Sputnik Azərbaycan bildirir ki, S.Şoyqu "Ordu Oyunları-2020"nin "Dəniz kuboku" müsabiqəsinin açılış mərasimində iştirak edəcək.

Həmçinin Rusiyanın Müdafiə naziri səfəri çərçivəsində azərbaycanlı həmkarı Zakir Həsənovla görüşəcək. Onun Azərbaycan Prezidenti İlham Əliyev tərəfindən qəbul olunacağı da nəzərdə tutulub.

Beynəlxalq "Dəniz kuboku" müsabiqəsi altıncı dəfədir, keçirilir. Azərbaycan bu müsabiqəni dördüncü dəfədir ki, qəbul edir.

"Ordu Oyunları-2020" avqustun 23-dən sentyabrın 5-dək keçirilir. Bu il yarışlar Azərbaycan, Belarus, Ermənistan,  Rusiya və Özbəkistan ərazisində keçiriləcək. Ümumilikdə Oyunlar 11 ölkənin ərazisində təşkil olunmalı idi. Ancaq İran, Hindistan, Qazaxıstan, Çin, Monqolustan və Şri-Lanka bu il oyunları qəbul etməyib.

55
Аллея флагов возле здания Организации Объединённых Наций (ООН) в Женеве

Azərbaycan Prezidenti bütün ölkələri Ermənistana silah təchizatından çəkinməyə çağırdı

282
(Yenilənib 01:16 25.09.2020)
İlham Əliyev: Etnik təmizləmə aparmış işğalçı ölkənin silahlarla təchiz edilməsi sülh danışıqlarını ciddi şəkildə sarsıdır və işğalçı dövləti yeni hərbi təxribatlara əl atmağa həvəsləndirir.

BAKI, 25 sentyabr - Sputnik. Biz Ermənistana artmaqda olan silah təchizatından ciddi narahatıq. Xüsusilə də Azərbaycanın Tovuz rayonu istiqamətində Ermənistan tərəfindən törədilmiş hərbi təxribatdan sonra.

Sputnik Azərbaycan xəbər verir ki, bu fikirləri Prezident İlham Əliyev BMT Baş Assambleyasının 75-ci sessiyasının ümumi debatlarında videoformatda çıxışında deyib.

Prezident qeyd edib ki, dövlət sərhədindəki toqquşmaların qaynar fazası iyulun 16-da sona çatıb. Növbəti gün - iyulun 17-dən etibarən sentyabr ayına qədər biz hərbi yük təyyarələri ilə Ermənistana min tondan artıq hərbi avadanlığın daşınmasının şahidi olduq. Ermənistanın dünyanın ən yoxsul ölkələrindən biri olduğunu və silahlara milyardlarla dollar xərcləmək imkanına malik olmadığını nəzərə alsaq, silahların ona pulsuz verildiyi qənaətinə gələ bilərik.

Etnik təmizləmə aparmış işğalçı ölkənin silahlarla təchiz edilməsi sülh danışıqlarını ciddi şəkildə sarsıdır və işğalçı dövləti yeni hərbi təxribatlara əl atmağa həvəsləndirir. Bu mənada biz bütün ölkələri Ermənistana silah təchizatından çəkinməyə çağırırıq.

282
Əlaqədar
İlham Əliyev: "Ermənistana qarşı sanksiyalar tətbiq olunmalıdır"

İlham Əliyev: "Ermənistana qarşı sanksiyalar tətbiq olunmalıdır"

405
(Yenilənib 01:26 25.09.2020)
Azərbaycan Prezidenti İlham Əliyev: "İşğalçı dövlət olan Ermənistana qarşı sanksiyalar tətbiq olunmalıdır!"

BAKI, 25 sentyabr - Sputnik. Bəzi hallarda BMT Təhlükəsizlik Şurasının qətnamələri bir neçə gün ərzində icra edilir. Ermənistan isə təqribən 30 ildir ki, BMT Təhlükəsizlik Şurasının qətnamələrinə məhəl qoymamaqda davam edir. İşğalçı dövlət olan Ermənistana qarşı sanksiyalar tətbiq olunmalıdır.

Sputnik Azərbaycan xəbər verir ki, bu fikirləri Prezident İlham Əliyev BMT Baş Assambleyasının 75-ci sessiyasının ümumi debatlarında videoformatda çıxışında deyib.

Dövlətimizin başçısı qeyd edib ki, beynəlxalq hüquq normalarını kobud şəkildə pozan Ermənistan işğal olunmuş ərazilərdə qanunsuz məskunlaşdırma siyasəti aparır. Azərbaycan da daxil olmaqla, beynəlxalq ictimaiyyətin diqqətinin Beyrutdakı partlayışın fəsadlarının aradan qaldırılmasına yönəldiyi bir vaxtda, Ermənistan vəziyyətdən sui-istifadə edərək Azərbaycanın işğal olunmuş ərazilərinə erməni əsilli livanlıları yerləşdirməklə məşğuldur.

"Qeyri-qanuni məşkunlaşdırma 1949-cu ilin Cenevrə Konvensiyası daxil olmaqla, beynəlxalq hüququn ciddi pozulmasıdır. Bu, müharibə cinayətidir. Azərbaycanın işğal edilmiş ərazilərində qanunsuz məskunlaşdırmanın hüquqi qüvvəsi ola bilməz.Bugünkü Ermənistan ərazisində Azərbaycan xalqına məxsus mədəni miras dağıdılmış və talan edilmişdir. Ermənistan işğal edilmiş ərazilərimizdə də Azərbaycanın tarixi və dini abidələrini dağıtmışdır. Məqsəd isə orada azərbaycanlıların bütün izlərini silməkdir", - İlham Əliyev deyib.

O qeyd edib ki, Ermənistan işğal olunmuş ərazilərdə qanunsuz olaraq təbii ehtiyatları istismar edir və süni ekoloji böhran yaratmaq məqsədilə su ehtiyatlarından istifadə edir. Azərbaycanın işğal altında olan ərazilərində qızıl və digər qiymətli metal və minerallar hasil edən Ermənistan onları beynəlxalq bazarlara ixrac edir. Bu, qanunsuz biznes fəaliyyəti və çirkli pulların yuyulması sxemidir.

"Azərbaycanın təbii ehtiyatlarını qanunsuz istismar edən beynəlxalq şirkətlər qeyri-qanuni fəaliyyətlərini dərhal dayandırmadıqları halda onlar hüquqi məsuliyyətlə üzləşəcəklər. Azərbaycan işğal edilmiş ərazilərimizdə təbii ehtiyatlarımızın qanunsuz istismarı ilə məşğul olan şəxs və şirkətlərə qarşı artıq hüquqi addımlar atmağa başlayıb", - Prezident əlavə edib.

405
Teqlər:
Ermənistan, BMT Baş Assambleyası, BMT, Prezident İlham Əliyev
Stilist Anar Ağakişiyev, arxiv şəkli

Stilist Anarın dəyişdiyi türkiyəli məşhur özünə bənzəmədi

0
(Yenilənib 00:59 25.09.2020)
Stilist Anar Türkiyənin "diva"sı Bülənt Ərsoyu dəyişdirdi və sosial şəbəkədə kəskin müzakirələrə səbəb oldu.

Şahpəri Abbasova, Sputnik Azərbaycan

BAKI, 25 sentyabr — Sputnik. Stilist Anar Ağakişiyev bu dəfə Türkiyənin məşhur müğənnisi Bülənt Ərsoyu dəyişib. Sputnik Azərbaycan xəbər verir ki, stilist bu dəyişimi özünün "Facebook" səhifəsində paylaşıb. Anar Ağakişiyevin əl işi insanların geniş müzakirəsinə səbəb olub.

Qeyd edək ki, Anar Ağakişiyev ölkənin ən məşhur müğənni və aktrisalarının imicini dəyişib. O, bundan başqa Before/after layihəsi vasitəsi ilə simasında qüsur olan qadınların da imicini dəyişib. Stilist Gürcüstanı 2011-ci ildə Eurovision Mahnı Müsabiqəsində təmsil edən Safo Nijaradze ilə də işləyib. 2012-ci ildə isə Anar Bakıda keçirilən Eurovision Mahnı Müsabiqəsinin "Core time" qrupunda müsabiqə iştirakçıları ilə çalışıb. Stilist bundan əlavə, bir çox düya ulduzlarının imicini dəyişib.

0
Əlaqədar
Günay İbrahimli Bülənt Ərsoyla fotosunu paylaşdı
Bülənt Ərsoydan niyə qorxurlar?