Belarus Prezidenti Aleksandr Lukaşenko

Lukaşenko mitinqdə: "Həyatımda ilk dəfə qarşınızda diz çökürəm"

82
(Yenilənib 16:13 16.08.2020)
Etiraz aksiyalarının səkkizinci günündə Belarus paytaxtının küçələrinə hakimiyyət tərəfdarları çıxdılar

BAKI, 16 avqust — Sputnik. Belarusun altıncı dəfə seçilmiş prezidenti Aleksandr Lukaşenkonu dəstəkləyənlər bu gün Minskdə mitinqə çıxıblar.

Sputnik Belarus xəbər verir ki, səhər ertədən Azadlıq meydanı boyunca yollar avtomobillərin hərəkəti üçün bağlanıb. Milis şəhərin mərkəzinə aparan küçələrdə metal arakəsmələr düzərək Hökumət evinin qarşısına keçən hər kəsin sənədlərini yoxlayıb.

Yerli vaxtla saat 14:00-da Lukaşenko mitinq iştirakçılarının qarşısına çıxıb. Onu alqışlarla qarşılayıblar.

Lukaşenko ilk növbədə müxtəlif bölgələrdən gələnlərə təşəkkürünü bildirib: “Sizi bu meydana çağırmaq istəmirdim, bilirəm ki, evdə çox işiniz var”.

Belarus Prezidenti bildirib ki, mitinq tərəfdarı deyil.

“Amma təəssüf, sizi buraya çağırmağım mənim günahım deyil”, - söyləyən Lukaşenko əlavə edib ki, kütlə ondan küçələrə çıxmağa qorxan zabit və əsgərlərin şərəfini qaytarmağı xahiş edib.

Prezident “oriyentasiyasını itirən və bu gün meydanda olmayanalara” səslənib: “Azadlıq istəyirsiz? Deyin, hansı azadlığı? Dəyişiklik istəyirsiz? Deyin, hansı dəyişiklik?”

“Biz öz uşaqlarımızı meydanlarda saxlayırıq ki, etiraz edənləri sakitləşdirək”, - Lukaşenko deyib və ardınca sual edib: “Bu normaldır?”

“Siz ölkəmizin şərqindən və qərbindən buraya gəldiyiniz üçün bunu sizə deməliyəm. Başqa cür demək imkanım olmayacaq. Biz sərt siyasət apardıq. Siz Minski və yolları quldurlardan təmizləməyimizi istəyirdiniz. Mən də bunu sizin üçün etdim”, - Belarus Prezidenti əlavə edib.

Lukaşenko ilk dəfə xalqın qarşısında diz çökdüyünü söyləyib.

"Bu ölkənin, bu paytaxtın sahibi olduğunuzu göstərdiyinizə görə sizə minnətdaram. Onlar bunu uzun müddət yadda saxlayacaqlar. Həyatımda ilk dəfə qarşınızda diz çökürəm", - Prezident deyib.

​"Mən xəbərdarlıq etmişdim ki, seçki maraqlı keçəcək, ondan sonra isə daha maraqlı olacaq. Belarusu qoruyun, o artıq nəvələrə məxsusdur. Onlara nə qalacaq? Çox ciddi zamandır. Sizi çağırmışam ki, ölkəni qoruyasınız, nəzərə alın ki, indi çox zibillər üzə çıxıb biabırçılıqla hədələyirlər, amma mən sağam, yaşayacağam, unutmayın, sizi heç vaxt satmamışam və heç vaxt da satmaram", - Lukaşenko əlavə edib.

O, mitinq iştirakçılarına daha bir xəbərdarlıq edib: "Unutmayın, əgər Lukaşenkonu demirəm, birinci prezidentinizi məhv etsəniz, bu sizin öz sonunuzun başlanğıcı olacaq".
82
Əlaqədar
Aleksandr Lukaşenko: "Sən demə mən ölmüşəm"
Lukaşenko ilə Putin arasındakı telefon danışığının detalları məlum olub
Lukaşenko qonaqlıqda Poznerin dediyi sağlığa necə reaksiya verib
Prezidentin əsas rəqibi Belarusu tərk etdi
Belarusda minlərlə adam saxlanılıb
Co Bayden, arxiv şəkli

Baydenin ilk səfər edəcəyi ölkə açıqlandı

99
(Yenilənib 20:27 17.01.2021)
Əvvəllər “Brexit” haqqında mənfi danışan Bayden, Britaniya rəsmiləri ilə fikir ayrılıqlarını aradan qaldırmaq və ikitərəfli əməkdaşlığı gücləndirmək niyyətindədir.

BAKI, 17 yanvar - Sputnik. ABŞ-ın yeni seçilmiş prezidenti Co Bayden andiçmə mərasimindən sonra ilk və ya ikinci xarici səfərini Böyük Britaniyaya edə bilər.

“Report”un məlumatına görə, bu barədə “The Daily Telegraph” siyasətçinin ətrafındakı şəxslərə istinadən xəbər verib.

Bu səfər böyük ehtimalla Britaniyada keçiriləcək Böyük Yeddiliyin (G7) zirvə toplantısına təsadüf edəcək. Bundan əlavə, Bayden, payızda BMT-nin İqlim Dəyişikliyi Konfransında (COP26) iştirak etmək üçün bu ölkəyə səfər etmək niyyətindədir.

Qəzetin yazdığına görə, əvvəllər “Brexit” haqqında mənfi danışan Bayden, Britaniya rəsmiləri ilə fikir ayrılıqlarını aradan qaldırmaq və ikitərəfli əməkdaşlığı gücləndirmək niyyətindədir.

99
Prezident İlham Əliyev və Rəcəb Tayyib Ərdoğan Bakıda hərbi parada baxır

Əliyevlə Ərdoğan Ağdamdakı Birgə Monitorinq Mərkəzini müzakirə etdilər

23
Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

BAKI, 16 yanvar - Sputnik. Bu gün Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana telefonla zəng edib. 

Sputnik Azərbaycan bildirir ki, bu barədə Azərbaycan Prezidentinin mətbuat xidməti məlumat yayıb.

Telefon söhbəti zamanı Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi, əməkdaşlığımızın daim genişləndiyi bir daha vurğulanıb.

 Prezident İlham Əliyev Türkiyə Prezidentini işğaldan azad olunmuş ərazilərdə bərpa və yenidənqurma işlərinin başlanması barədə məlumatlandırıb və artıq bu işlərdə Türkiyə şirkətlərinin fəal iştirak etdiyini məmnunluq hissi ilə qeyd edib, bunun ölkələrimiz arasında əlaqələrin daha da möhkəmlənməsi işinə xidmət etdiyini bildirib.

Rəcəb Tayyib Ərdoğan dövlətimizin başçısına məlumatına görə minnətdarlığını bildirib və öz növbəsində, Türkiyə şirkətlərinin Azərbaycanın işğaldan azad olunmuş torpaqlarında bərpa və yenidənqurma işlərində iştirakından məmnunluq ifadə edib.

Dövlət başçıları Ağdamda Türkiyə-Rusiya Birgə Monitorinq Mərkəzinin tezliklə fəaliyyətə başlamasından danışıb, bu Mərkəzin fəaliyyətinin uzunmüddətli sülhün təmin olunması işinə xidmət edəcəyini bildiriblər.

Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

23
Teqlər:
telefon danışığı, İlham Əliyev, Rəcəb Tayyip Ərdoğan

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0