BAKI, 20 noyabr — Sputnik. Prezident İlham Əliyev Ağcabədi və Masallı Rayon İcra Hakimiyyətinin başçılarının vəzifəsindən azad edilməsi haqqında sərəncam imzalayıb.
Sputnik Azərbaycan xəbər verir ki, sərəncamla Şahin Kərim oğlu Məmmədov Ağcabədi Rayon İcra Hakimiyyətinin, Rafil İsrafil oğlu Hüseynov Masallı Rayon İcra Hakimiyyətinin başçısı vəzifəsindən azad edilib.
Dövlət başçısının digər sərəncamı ilə Rafil Hüseynov Ağcabədi Rayon İcra Hakimiyyətinin başçısı təyin edilib. Şahin Məmmədov isə Masallı Rayon İcra Hakimiyyətinin başçısı təyin olunub.
