Almaniya-Rusiya forumunun elmi direktoru Aleksandr Rar

Ekspert: Avropanın erası bitir, Asiya bəşəriyyətin tarixini yazır

968
"Asiyada iqtisadi əməkdaşlıq üçün bəşəriyyətin bütün tarixi boyunca heç vaxt görmədiyi böyük məkan yaradılır. Bu məkan özündə dünya iqtisadiyyatının 50%-ini təşkil edir"

BAKI, 12 noyabr — Sputnik. Dünyanın inkişaf mərkəzi Qərbdən Şərqə keçir. Bunu Sputnik-lə söhbəti zamanı Özbəkistanda keçirilən "Valday" beynəlxalq diskussiya klubunun X Asiya konfransında iştirak edən Almaniya-Rusiya forumunun elmi direktoru Aleksandr Rar bildirib.

Ekspertin sözlərinə görə, dünya hazırda Böyük Asiyanın yaradılışının şahidi olur.

"Bu gün Böyük Asiya haqqında yalnız arzu etmək yox, danışmaq da olar, onun necə yaradıldığını görmək olar. Buraya müxtəlif ölkələr tərəfindən təşkil olunan yeni alyanslar, əməkdaşlığın yeni iqtisadi formaları, azad zonalar daxildir", - deyə Aleksandr Rar "Mərkəzi Asiya və Avrasiya: Qlobal qarışıqlığın çağırışları qarşısında çoxtərəfli əməkdaşlıq" konfransı çərçivəsində çıxışı zamanı bildirib.

Mütəxəssis vurğulayıb ki, Böyük Asiyaya "Qərbdən uzaqlaşan" Türkiyə və "2-3 il əvvəl Birləşmiş Ştatlarla əməkdaşlığa yönələn" Filippin və Vyetnam da daxil olub.

"Asiyada iqtisadi əməkdaşlıq üçün bəşəriyyətin bütün tarixi boyunca heç vaxt görmədiyi böyük məkan yaradılır. Bu məkan özündə dünya iqtisadiyyatının 50%-ini təşkil edir. Bütün bu iqtisadi proseslərin bazasında həm də gələcək dünya düzənini formalaşdıracaq siyasi institutlar və hərbi birliklər də yaradılacaq", - deyə Almaniya-Rusiya forumunun elmi direktoru Aleksandr Rar bildirib.

Onun sözlərinə görə, Asiya dünyadakı vəziyyəti qaydaya salmaq və sabitləşdirmək üçün ən mürəkkəb və müxtəlif ölkələr arasında təmas nöqtələri axtaracaq.

"Bu gün, ola bilsin ki, doğrudan da Avropanın erası bitir və biz Asiyanın bəşəriyyətin tarixini yazacağı digər bir eraya qədəm qoyuruq. Başqa qaydalarla yeni dünya nizamı formalaşdırılacaq. Bu, hər şeyi liberal iqtisadi və siyasi sistem bazası üzərində qurmağa cəhd edən Qərbin istədiyi kimi olmayacaq. Bu, tamamilə başqa bir şey olacaq: Hər bir ölkə dialoq, öz imkanları, ənənələri vasitəsilə daha böyük bir şeyə qoşulacaq", - deyə Aleksandr Rar vurğulayıb.

"Valday" ekspert klubunun üzvü ölkələrin təcriddən çıxmasına və inteqrasiyaya hazır olmalarına diqqət çəkib.

"İndi hər şey kəskin şəkildə dəyişir və mən hesab edirəm ki, bu daha geniş əməkdaşlıq üçün bir yoldur. Mən bütün bunların nə ilə yekunlaşacağını bilmirəm, lakin hələlik hər şey dinc, sivil şəkildə gedir. Burada bütün ölkələrin bir-birlərinə ehtiyacı var", - deyə ekspert vurğulayıb.

Qeyd edək ki, Səmərqənddə Valday klubunun "Mərkəzi Asiya və Avrasiya: Qlobal qarışıqlığın çağırışları qarşısında çoxtərəfli əməkdaşlıq" mövzusunda X Asiya konfransı keçirilir. Konfransa 11 ölkədən (Rusiya, Özbəkistan, Almaniya, Hindistan, Qazaxıstan, Qırğızıstan, Çin, Tacikistan, Filippin, İsveç və Yaponiya) 70-dən çox aparıcı ekspert qatılıb.

968
Əlaqədar
Beynəlxalq nəqliyyat dəhlizləri və Azərbaycanın geoiqtisadi maraqları
Avrasiya Xalqları Assambleyası Günləri Bakıda – Açılış mətbuat konfransından video
Materik tezliklə dəmir yolu ilə birləşəcək: Bakıda yaşayıb Romada işləyəcəyik
"Bir kəmər, bir yol" - Azərbaycanla Türkiyə daha çox qazana bilər
Azərbaycan və Türkiyə XİN başçıları Ceyhun Bayramov və Mövlud Çavuşoğlunun görüşü

Yeni nazir xarici siyasətin əsas prioritetini açıqladı

24
(Yenilənib 16:59 11.08.2020)
Nazir qeyd edib ki, ölkələr arasında münasibətlər olduqca genişdir və demək olar ki, bütün sahələri əhatə edir.

BAKI, 11 avqust — Sputnik. Azərbaycanla Türkiyə arasında münasibətlər ölkəmiz üçün olduqca vacib istiqamət və prioritetdir, biz bunu həmişə qeyd edirik.

Sputnik Azərbaycan xəbər verir ki, bunu Ankarada rəsmi səfərdə olan Azərbaycanın Xarici İşlər naziri Ceyhun Bayramov türkiyəli həmkarı Mövlud Çavuşoğlu ilə görüşünün yekunlarına dair keçirdiyi mətbuat konfransında bildirib.

Nazir qeyd edib ki, ölkələr arasında münasibətlər olduqca genişdir və demək olar ki, bütün sahələri əhatə edir.

"Bu günə kimi iki ölkə arasında müxtəlif sahələri əhatə edən 241 sənəd imzalanıb, 29 əlavə müqaviləyə baxılır və düşünürəm ki, onlar yaxın günlərdə imzalana bilər. Bütün sahələrdə münasibətlər çox dinamik inkişaf edir. 2019-cu ildə ticarət dövriyyəsi əvvəlki ilə nisbətən 33 faiz artıb, 2020-ci ildə çətin şərtlərin olmasına baxmayaraq, ilk beş ayda ticarət dövriyyəsində 20 faiz artım olub. Azərbaycan kapitalı olan 2 minə yaxın şirkət Türkiyədə çalışır. Azərbaycanda isə 4 min Türkiyə şirkəti fəaliyyəti göstərir və bu günə qədər iqtisadiyyatımıza 12,6 milyard ABŞ dolları investisiya qoyublar", - deyə Ceyhun Bayramov qeyd edib.

Azərbaycanın Türkiyə və türk xalqının yanında olduğunu vurğulayıb: "Azərbaycan həmişə Türkiyənin haqq işini dəstəkləyir və türk xalqının yanındadır".

24
Bakıda Azərbaycan və Serbiya nümayəndələri arasında görüş

Bakıda Azərbaycan Serbiya nümayəndələri arasında görüş keçirilib

12
(Yenilənib 13:29 11.08.2020)
Azərbaycan və Serbiya arasında beynəlxalq təşkilatlar çərçivəsində sıx əməkdaşlıqdan məmnunluq ifadə olunub, xüsusilə dövlətlərin ərazi bütövlüyü və sərhədlərinin toxunulmazlığı prinsiplərinin dəstəklənməsinin vacibliyi qeyd edilib.

BAKI, 11 avqust — Sputnik. Serbiya Respublikasının Baş Nazirinin müavini, Milli Təhlükəsizlik Şurasının katibi, Daxili İşlər naziri Neboyşa Stefanoviç Azərbaycan Respublikasına səfərə gəlib.

"Report"un xəbərinə görə, səfər zamanı, Azərbaycan Respublikasının Təhlükəsizlik Şurasının katibi Ramil Usubov və Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev qonağı qəbul ediblər.

Görüşdə Azərbaycan-Serbiya münasibətlərinin hazırkı vəziyyəti müzakirə olunaraq ölkələrimiz arasında siyasi və təhlükəsizlik sahələri daxil olmaqla müxtəlif istiqamətlərdə ikitərəfli əməkdaşlığın inkişaf perspektivlərinə və bu xüsusda gələcək birgə addımlara dair ətraflı fikir mübadiləsi aparılıb. Dövlət başçılarının müntəzəm siyasi dialoqu və dostluq əlaqələri xüsusilə qeyd olunaraq ölkələrimiz arasında hərtərəfli əməkdaşlığın daha da inkişaf etdirilməsi üçün geniş potensialın olduğu vurğulanıb.

Azərbaycan və Serbiya arasında beynəlxalq təşkilatlar çərçivəsində sıx əməkdaşlıqdan məmnunluq ifadə olunub, xüsusilə dövlətlərin ərazi bütövlüyü və sərhədlərinin toxunulmazlığı prinsiplərinin dəstəklənməsinin vacibliyi qeyd edilib.

Görüşdə həmçinin digər maraq kəsb edən məsələlərə dair fikir mübadiləsi aparılıb.

Serbiya nümayəndə heyətinin səfəri avqustun 12-də başa çatacaq.

12
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0