Bakı-Tbilisi-Qars dəmir yolunun açılış mərasimi, arxiv şəkli

Azərbaycan-Gürcüstan-Türkiyə formatı regiona lazımdırmı - ekspertlər fərqli düşünür

172
Azərbaycan və türkiyəli ekspertlər Gürcüstanın baş naziri Georgi Qaxariyanın Ankara səfərini, üçtərəfli əməkdaşlıq formatının mümkün olub-olmadığını şərh ediblər

Aleksandra Zuyeva, Sputnik Azərbaycan

BAKI, 4 noyabr — Sputnik. Gürcüstanın baş naziri Georgi Qaxariya ötən həftə Türkiyədə rəsmi səfərdə olub və prezident Rəcəb Tayyib Ərdoğnı Tbilisiyə dəvət edib. Onun dəvəti Türkiyə prezident tərəfindən qəbul edilib və səfər gələn ilin yazında reallaşacaq.

Türkiyə prezidenti regiona tez-tez səfər edir. Bu ilin əvvəlindən başlayaraq, o, dəfələrlə Rusiya prezidenti Vladimir Putinlə görüşüb və Azərbaycan prezidenti İlham Əliyevin qonağı olub. Gürcüstanın isə Azərbaycan və Türkiyə ilə müzakirə etmək, inkişaf etdirmək və həyata keçirmək üçün həmişə səbəbləri var.

Ərdoğan və Qaxariya danışıqlar zamanı üç ölkə üçün maraqlı olan Bakı-Tbilisi-Qars mövzusunu da kənara qoymayıblar.

Bakı, Tbilisi və Ankara həmişə ümumi dil tapıb

Bundan çıxış edərək demək olar ki, Azərbaycan-Gürcüstan-Türkiyə əməkdaşlıq formatının yaşamaq hüququ var. Bu fikrə Bakı Politoloqlar Klubunun rəhbəri, siyasi elmlər namizədi Zaur Məmmədov da şərikdir. O, bunun təsdiqi olaraq ölkələrimiz arasında artıq mövcud olan Bakı-Tbilisi-Ceyhan, Bakı-Supsa, Bakı-Tbilisi-Qars, TAP, TANAP və Cənub qaz dəhlizi kimi bütün regionu birləşdirən layihələri xatırladıb.

Заур Мамедов – политолог, глава Бакинского клуба политологов
© Sputnik / Murad Orujov
Bakı Politoloqlar Klubunun rəhbəri, siyasi elmlər namizədi Zaur Məmmədov

"Bu üç ölkə 1992-ci ildən başlayaraq həm siyasi, həm də iqtisadi planda yaxınlıq edirlər. Həmçinin Azərbaycan və Türkiyə Gürcüstan iqtisadiyyatında açar rolu oynayır", - deyə politoloq bildirib.

Sputnik Azərbaycan-ın həmsöhbətinin fikrincə, Gürcüstan başa düşür ki, Azərbaycan və Türkiyə olmadan öz iqtisadiyyatını inkişaf etdirə bilməz. Ankara olmadan, Gürcüstanın Avropa İttifaqına inteqrasiyası praktiki olaraq, mümkün deyil.

"Baxmayaraq ki, Türkiyə Avropa İttifaqının üzvü deyil, Ukraynadakı vəziyyəti nəzərə alanda, hazırda o, Avropaya açılan ən əlverişli pəncərədir. Məhz Türkiyə vasitəsilə Gürcüstan Avropa ilə ticarət əlaqələri saxlaya, həmçinin Qara dəniz vasitəsilə öz məhsullarını Avropa bazarlarına çıxara, ixrac edə bilir" - Məmmədov əlavə edib.

Politoloq əmindir ki, gürcü, Azərbaycan və türk xalqları qardaşdır və bu ölkələrdə hakimiyyətdə kimin olmasına baxmayaraq, onların əlaqələri daim inkişaf edəcək. Çünki onların geosiyasi və geoiqtisadi maraqları üst-üstə düşür.

"Gürcüstan, Azərbaycan və Türkiyə həmişə ümumi dil tapa və mübahisəli məsələləri diplomatik yolla həll edə bilirlər. Onlar maraqları nəzərə alaraq, bir-birinin ərazi bütövlüyünə də hörmətlə yanaşırlar. Bununla yanaşı, Azərbaycan və Türkiyə həmişə Gürcüstana ağır iqtisadi vəziyyətdən çıxmağa kömək ediblər və rəsmi Tbilisi bunu başa düşür", - politoloq əlavə edib.

Azərbaycan-Gürcüstan-Türkiyə formatı Ankaraya lazım deyil

Bununla belə, türk politoloq Engin Özər Azərbaycan-Gürcüstan-Türkiyə formatının real olduğu fikri ilə razılaşmır. O, hesab edir ki, bu gün Ankaraya bu format xüsusilə lazım deyil. Və bu iki qonşu ölkənin Türkiyə üçün əhəmiyyəti eyni deyil: Azərbaycan qardaş ölkədir, Gürcüstan isə tərəfdaşdır.

Турецкий политолог Энгин Озер
© Photo : Личный архив Э.Озера
Türk politoloq Engin Özər

"Qaxariya Türkiyəyə ona görə gəlmişdi ki, Gürcüstanın Anakliya portu layihəsi üçün yeni investorlar tapsın. Gürcüstan üçün bu, strateji layihədir, hansı ki, burada türkləri amerikalılar əvəz edə bilər. Amma mən bütün bunlarla yanaşı bu səfərdən region üçün fövqəladə heç nə gözləmirəm" - deyə türk politoloq əlavə edib.

Özər bu pessimist əhval-ruhiyyəni Ankaranın Moskva ilə Tiflis arasındakı gərginlikdən narazı olması ilə izah edib. O xatırladıb ki, "Rusiya dəmir yolları" vaxtilə Bakı-Tbilisi-Qars dəmir yoluna birləşmək istəyirdi, lakin 2008-ci ildə baş verən münaqişədən sonra Moskva üçün bu layihə öz aktuallığını itirdi.

Azərbaycan, Türkiyə və Gürcüstan hərbçiləri birgə təlim keçirəcəklər>>

Politoloq həmçinin qeyd edib ki, Ankara Moskva ilə yaxşı münasibətlərini nəzərə alaraq Rusiya-Gürcüstan münasibətlərində moderator rolunda çıxış edə bilər. Türkiyə Cənubi Qafqazı stabil və təhlükəsiz görmək istəyir və qonşularla xoşagəlməz situasiya ona sərf eləmir. Hələlik isə hər şey olduğu kimi qalmaqdadır.

Münasibətlər rəqəmlərdə

Türkiyə Azərbaycan və Gürcüstanla 1992-ci ildə diplomatik əlaqələr qurub. Bu ölkələr ticarət, iqtisadiyyat, enerji, regional təhlükəsizlik, təhsil sahəsində əməkdaşlıq edir, bir-birilərini vacib strateji tərəfdaş hesab edirlər.

Türkiyə Azərbaycanla yanaşı Gürcüstanın da böyük ticarət tərəfdaşıdır. Türkiyə ilə Azərbaycan arasında 2019-cu ilin 9 ayı ərzində ticarət dövriyyəsi 3,3 milyard dollar, Gürcüstanla isə 1,3 milyard dollara yaxın olub. 2018-ci ilin analoji dövrü ilə müqayisədə Türkiyənin Azərbaycanla ticarət dövriyyəsi 37,8%, Gürcüstanla isə 2,8% artıb.

172
Azərbaycan XİN-nin binası, arxiv şəkli

Rəsmi Bakı: Ermənistan XİN-in bəyanatı tamamilə cəfəngiyyatdır

26
Ermənistanın 27 sentyabr 2020-ci ildən bəri Azərbaycana qarşı əl atdığı yeni təcavüzü beynəlxalq humanitar hüquq və Cenevrə Konvensiyaları da daxil olmaqla, beynəlxalq hüququn norma və prinsiplərinin açıq şəkildə pozulması ilə müşayiət olunur.

BAKI, 22 oktyabr — Sputnik. Ermənistanın Xarici İşlər Nazirliyinin bu ölkənin baş nazirinin "münaqişənin diplomatik həlli olmadığını" vurğulayan son açıqlamasına münasibətdə Ermənistanın mövqeyini "sülhsevər" kimi qələmə verməyə çalışan bəyanatı tamamilə cəfəngiyyatdır.

Sputnik Azərbaycan xəbər verir ki, bu barədəAzərbaycan Xarici İşlər Nazirliyinin Mətbuat xidməti idarəsinin yaydığı açıqlamada qeyd olunub.

"Məhz Ermənistanın Azərbaycana qarşı müharibə başlatdığını, Dağlıq Qarabağ və ətraf yeddi rayonu əhatə edən Azərbaycan ərazilərini təxminən 30 ildir hərbi işğal altında saxladığını və öz doğma yurdlarından zorla qovulmuş bir milyonadək məcburi köçkünün əsas insan hüquqlarını kobud şəkildə pozduğunu xatırlatmaq istərdik.

Ermənistanın 27 sentyabr 2020-ci ildən bəri Azərbaycana qarşı əl atdığı yeni təcavüzü beynəlxalq humanitar hüquq və Cenevrə Konvensiyaları da daxil olmaqla, beynəlxalq hüququn norma və prinsiplərinin açıq şəkildə pozulması ilə müşayiət olunur.

Müharibə zamanı törətdiyi dəhşətli cinayətlərə, o cümlədən humanitar atəşkəsi kobud şəkildə pozaraq yalnız cəbhə bölgəsində deyil, həm də münaqişə bölgəsindən çox uzaqda olan dinc Azərbaycan əhalisini və mülki infrastrukturlarını qəsdən atəşə tutmaqla törətdiyi son müharibə cinayətlərinə və insanlığa qarşı cinayətlərə görə bütün məsuliyyəti daşıyan Ermənistanın Xarici İşlər Nazirliyinin bəyanatında beynəlxalq humanitar hüquqa istinad edilməsi riyakarlıqdan başqa bir şey deyildir.

Ermənistan yanlış bəyanatlar verməklə beynəlxalq ictimaiyyəti aldatmaq cəhdindən əl çəkməlidir. Mövcud reallıq açıq-aydındır; Ermənistan işğalçılıq siyasətindən əl çəkməli, qüvvələrini Azərbaycanın işğal olunmuş ərazilərindən çıxarmalı və münaqişənin danışıqlar yolu ilə həllinə başlamalıdır. Ermənistan rəhbərliyi bunu nə qədər tez dərk etsə, bu ölkənin gərginliyin artması və qan tökülməsinin qarşısını almaq şansı bir o qədər çox olar", - məlumatda vurğulanıb.

26
Mövzu:
Azərbaycan və Ermənistan arasında müharibə
Politoloq İlqar Vəlizadə

Politoloq: “Vaşinqton görüşü Minsk qrupunun sonrakı fəaliyyətinə təsir edə bilər”

38
(Yenilənib 10:22 22.10.2020)
Politoloq İlqar Vəlizadə deyir ki, ABŞ Minsk qrupunun həmsədr ölkəsi kimi münaqişənin həlli üçün təsirli rola malikdir
İlqar Vəlizadə: “ABŞ öz rolunda düzəlişlər etmək niyyətindədir”

Oktyabrın 23-də Azərbaycan Respublikasının Xarici İşlər naziri Ceyhun Bayramovun Vaşinqtonda Amerika Birləşmiş Ştatlarının Dövlət katibi Mayk Pompeo, eləcə də ATƏT-in Minsk qrupunun həmsədrləri ilə görüşünün keçirilməsi nəzərdə tutulur.

Politoloq İlqar Vəlizadə Sputnik Azərbaycan-a deyir ki, ABŞ münaqişənin gərgin mərhələsində öz rolunu dəqiqləşdirmək və düzəlişlər etmək niyyətindədir:

“Mayk Pompeo Ceyhun Bayramovla cari vəziyyəti və birgə addımların atılması haqqında müzakirələr aparacaq. ABŞ Minsk qrupunun həmsədr ölkəsi kimi münaqişənin həlli üçün təsirli rola malikdir. Bu görüş Minsk qrupunun sonrakı fəaliyyətinə də müsbət təsir edə bilər”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks-hücum əməliyyatına başlayıb.

Politoloqun  geniş şərhinə audiofaylda qulaq asa bilərsiniz

38
Mövzu:
Azərbaycan və Ermənistan arasında müharibə
Əlaqədar
Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik
Paşinyan indi də İranı Qarabağ münaqişəsinin həllinə çəkmək istəyir
Makron Putinə zəng etdi: Mövzu Qarabağdır
XİN: Ceyhun Bayramovun Vaşinqtonda Pompeo və həmsədrlərlə görüşü gözlənilir
İlham Əliyev: İndi baş verənlərin bütün təqsiri şəxsən Paşinyanın üzərindədir
(2:08 / 13.71Mb / просмотров видео: 1)

İsrail səfiri Gəncədə: “Qurbanların başına gələnləri dinləmək ürəyimi ağrıdır”

0
(Yenilənib 18:58 22.10.2020)
İsrailin Azərbaycandakı səfiri Corc Dik Gəncə şəhərinə baş çəkərək, erməni SQ-nin atdığı ballistik raketin törətdiyi fəsadlarla tanış olub, zərər çəkmişlərin ailələri ilə görüşüb. Daha ətraflı – videomuzda.

İsrailli diplomat Gəncə şəhərinə baş çəkib. Səfir Corc Dik Gəncədə erməni SQ-nin atdığı ballistik raketindən uçmuş evlərin qurbanları ilə görüşüb, onlara şəxsən öz və bütün İsrail dövlətinin başsağlığını çatdırıb.

“Mən qurbanların bəziləri ilə bu gün görüşdüm. Bəziləri ilə daha sonra tanış olacağam. Onların başına gələnləri dinləmək ürəyimi ağrıdır. Milli mənsubiyyət və inancından asılı olmayaraq, dinc əhaliyə qarşı hücumlar qəbuledilməzdir. Hər insanın həyatı vacibdir”, - deyə israilli diplomat mətbuata açıqlamasında deyib.

Corc Dik həm də İsrail-Azərbaycan münasibətlərindən danışıb. O, münasibətimizin dostluq üzərində qurulduğunu, tarixi köklərə dayandığını və özünü iqtisadiyyatın müxtəlif sayələrdə əməkdaşlığımızda büruzə verdiyini bəyan edib.

Ermənistan silahlı qüvvələri oktyabrın 11-də gecə saat 02 radələrində cəbhə zonasından 100 km kənarda yerləşən, Azərbaycan Respublikasının ikinci böyük şəhəri olan və əhalinin sıx məskunlaşdığı Gəncə şəhərini Ermənistan ərazisindən növbəti dəfə raket atəşinə tutub. İçərisində uşaq, qadın, ahıl insanların da yaşadığı çoxmənzilli binalarda 4-ü qadın olmaqla 9 nəfər həlak olub, 16-sı qadın, 6-sı uşaq olmaqla 34 nəfər yaralanıb, çoxsaylı mülki infrastruktur obyektlərinə külli miqdarda ziyan dəyib.

Oktyabrın 12-də isə yaralı şəxslərdən biri, 1992-ci il təvəllüdlü Əliyeva Günay Zahid qızı müalicə olunduğu xəstəxanada vəfat edib.

Oktyabrın 17-də Ermənistan ordusunun Gəncəyə daha bir raket hücumu nəticəsində 4-ü uşaq olmaqla 16 nəfər dinc sakin həlak olub, 52 nəfər xəsarət alıb.

0