Türkiyənin Azərbaycandakı keçmiş səfiri Hulusi Kılıç

Eks-səfir: "Həmsədrlərin fəaliyyəti zaman itirməkdən başqa bir şey deyil"

1549
(Yenilənib 10:04 23.10.2019)
"ATƏT-in Minsk qrupunun həmsədrləri dəfələrlə gəlirlər, yeyib-içib gedirlər. Güclü dövlətlərin məsələyə müdaxiləsi vacibdir"

Kamal Almuradlı, Sputnik Azərbaycan

BAKI, 21 oktyabr — Sputnik. Türkiyə və Rusiya arasında münasibətlər hazırda çox yüksək səviyyədədir. Bu əlaqə bölgəyə hansı töhvəni verə bilər. Bu barədə Sputnik Azərbaycana açıqlama verən Azərbaycan Prezidentindən ilk "Dostluq ordeni" alan, Türkiyənin Azərbaycandakı keçmiş səfiri, Türk Dünyası Parlamentlər Birliyinin xarici əlaqələr üzrə baş koordiantoru Hulusi Kılıç bildirdi ki, hər kəs iki dövlət arasında münasibətlərin çox yaxşı olduğunu görür: "Bu, bölgə üçün də müsbət haldır. Bölgədə sülh üçün bu əlaqə çox mühümdür. Suriya məsələsində biz Rusiya ilə əməkdaşlıq edirik. Ölkə prezidentləri tez-tez görüşürlər. Bildiyim qədəri ilə oktyabrın 22-də Soçidə yenidən görüşəcəklər.Təbii ki, gözəl əlaqələrin gözəl nəticələri olacaq. Mən deyə bilərəm ki, bu münasibət belə davam edərsə Azərbaycan həmçinin Qafqaz regionunu üçün də müsbət təsir edəcək. Türkiyə və Rusiya münasibətlərinin bu səviyyədə olması dünyada sabitlik üçün də çox önəm daşıyır.

- Türkdilli Dövlətlərin Əməkdaşlıq Şurasının VII Zirvə Görüşü baş tutdu. Xaricdə belə bir fikir formalaşıb ki, Türk dövlətlərinin birləşməkdə məqsədi hərbi və ya siyasi qurum yaratmaqdır. Bu quruma maraq getdikcə artır. Artıq Özbəkistan üzv oldu. Bildiyimiz kimi bura üzv olmaq üçün Cənubi Koreya və Macarıstan də maraq göstərir. Bu birliyin gələcəyini necə görürsünüz?

- Bildiyiniz kimi on il öncə Naxçıvan anlaşması qəbul olundu. Mən həmin dövrdə Azərbaycanda səfir idim. Istər Türk birliyi, istər Tük Parlament Assambleyası, istər yeni qurulan Türk İrsi dərnəyi olsun fərq etməz, bunlar bizim mədəniyyət və kök bağlarına söykənən təşkilatlanmadır. Buna bənzər ərəb birliyi var. Ona görə də bunu olduğu kimi qəbul etmək lazımdır. Bizim devizimiz "Yurdda sülh, cahanda sülh"dür. Adını çəkdiyiniz ölkələrlə yanaşı qaqauzlar da yaxın günlərdə bura üzv olacaq.

- Türkiyə ilə Azərbaycan arasındakı münasibət digər türk dövlətləri ilə eyni səviyyədədirmi?

Türkiyə Prezidenti Rəcəb Tayyib Ərdoğan
© Official website of President of Azerbaijan Republic

- Azərbaycan Türkiyə üçün çox özəldir. Bizim sərhəddimiz var. Çanaqqala döyüşündə canından keçən azərbaycanlı qardaşlarımız olub. Qurtuluş savaşında Atatürkə yardım edən azərbaycanlı qardaş və bacılarımız olub. Həmin dövrdə buradakı bacılarımız öz qızıl sırğalarını yığıb yardıma göndəriblər. Digər türk dövlətləri də bizim üçün qardaşdır. Amma Azərbaycan və Türkiyə əkiz qardaşdır.

Qarabağ mövzusuna toxunan eks-səfir bildirdi ki, BMT-nin qəbul etdiyi 4 qətnamə tez bir zamanda icra olunmalıdır: "İşğal olunmuş torpaqlar azad olunmalıdır. Biz bütün xalqları sevirik. Problem onları idarə edənlərdədir. Ermənistan bölgənin inkşafından yararlana bilər. Baxın, Gürcüstan vəziyyətdən necə yararlanır. Qarabağ münaqişəsi də həll olunmalıdır. İnsanların artıq səbri tükənib. Qarabağ düyünü açılmadan burada rahatlıq olmayacaq. Qarabağ Azərbaycandır, Qarabağ Türkiyədir. Bunu belə də bilsinlər. ATƏT-in Minsk qrupunun həmsədrləri dəfələrlə gəlirlər, yeyib-içib gedirlər. Onların fəaliyyəti zaman itirməkdən başqa bir şey deyil. Güclü dövlətlərin məsələyə müdaxiləsi vacibdir".

1549
Azərbaycan Milli Məclisinin binası

Milli Məclis Fransa Senatına etiraz bəyanatı qəbul etdi: MÜDDƏALAR

115
Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib

Xalid Məmmədov, Sputnik Azərbaycan

BAKI, 26 noyabr — Sputnik. Milli Məclis noyabrın 25-də Fransa Senatının Fransa hökumətini qondarma "Dağlıq Qarabağ Respublikası"nı tanımağa çağıran məsləhət xarakterli qəbul etdiyi qətnaməsi ilə bağlı bəyanat yayıb.

Sputnik Azərbaycan xəbər verir ki, bəyanatı deputat Cavanşir Feyziyev təqdim edib.

Milli Məclisin bu gün keçirilən iclasında Fransa Senatının qəbul etdiyi qətnaməyə etiraz bəyanatı qəbul edilib.

Azərbaycan parlamentinin bəyanatında qətnamə pislənilir və qeyd edilir ki, bu sənəd beynəlxalq hüququn əsas norma və prinsiplərinin kobud şəkildə pozulmasıdır.

Azərbaycan Milli Məclisi Azərbaycan Hökumətinə aşağıdakılar ilə bağlı çağırış edir.

- Fransanın ATƏT-in Minsk Qrupunun həmsədrliyindən geri çağırılması üçün ATƏT-in rəhbərliyinə müraciət edilsin.

- Azərbaycan ilə Fransa arasında mövcud siyasi münasibətlərə yenidən baxılsın.

- Azərbaycan ilə Fransa arasında mövcud iqtisadi əlaqələr dərindən təhlil edilərək müvafiq tədbirlər görülsün. 

Xatırladaq ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

115
Teqlər:
bəyanat, etiraz, qətnamə, Senat, Fransa, Milli Məclis
Mövzu:
Azərbaycan və Ermənistan arasında müharibə
Qırmızı Xaç komitəsinin maşınları, arxiv şəkli

Hərbi əsir Amin Musayevlə bağlı yenidən şayiələr yayılıb

73
(Yenilənib 12:57 26.11.2020)
Beynəlxalq Qırmızı Xaç Komitəsi və hərbi əsir Amin Musayevin qohumu onun Azərbaycana qaytarılması ilə bağlı məlumatı təsdiqləməyib

BAKI, 26 noyabr — Sputnik. Hərbi əsir Amin Musayev ailəsinə qaytarılmayıb. Sputnik Azərbaycan xəbər verir ki, hərbi xidmətçinin dayısı Sənan Sadıqov sosial şəbəkələrdə bu barədə yayılmış şayiələri təkzib edib.

Qeyd edək ki, bir qədər bundan əvvəl sosial şəbəkələrdə yayılan videoda zahirən 26 yaşlı Musayevə bənzəyən hərbi geyimli cavan oğlanın görüntüləri əks olunub. Videoda həmin oğlan, çox güman ki, yaxın qohumu olan orta yaşlı qadını uzun ayrılıqdan sonra qucaqlayır. Video yayılandan bir neçə saat sonra silinib.

Musayevlə bağlı söz-söhbət jurnalist Aleksandr Xarçenkonun yaydığı videolardan sonra geniş yayılıb. O, erməni hərbçilərinin Şuşa şəhəri yaxınlığındakı döyüşdən sonra iki yaralı Azərbaycan əsgərini necə tapdıqlarını videoya çəkib. Daha sonra yaralılar təcili yardım maşınında naməlum istiqamətə aparılıblar. Xarçenko bildirib ki, azərbaycanlı əsgərlərin gələcək taleyi barədə məlumat almağa çalışsa da, buna nail ola bilməyib.

Xatırladaq ki, Amin Musayev Ermənistan silahlı qüvvələri tərəfindən əsir götürülmüş üç hərbi qulluqçumuzdan (digərləri Rüstəm Ruslanov və Bayram Kərimovdur) biridir. Azərbaycanlılar dünyanın hər yerindən Beynəlxalq Qırmızı Xaç Komitəsinə onların tezliklə qaytarılması üçün qurumun fəaliyyətə keçməsi məqsədilə çağırış ediblər. Göstərilən bütün səylərə baxmayaraq Musayev və digər hərbi əsirlərlə bağlı dəqiq məlumat əldə etmək mümkün olmayıb.

“Videodakı şəxs mənim bacım oğlu deyil. Əlimdə böyüyən uşağı tanımayacam? Bu, o deyil”, – deyə Sadıqov qətiyyətlə bildirib.

Beynəlxalq Qırmızı Xaç Komitəsindən də hərbi əsirin qaytarılması ilə bağlı məlumatı təsdiqləməyiblər. Komitənin ictimaiyyətlə əlaqələr şöbəsinin rəhbəri İlahə Hüseynova bildirib ki, sentyabrın 27-dən bu yana qurum yalnız bir mülki şəxsin Azərbaycan tərəfindən Ermənistana qaytarılmasına vasitəçilik edib. Hərbi əsirlərlə bağlı hər hansı bir əməliyyat isə aparılmayıb.

73
Teqlər:
video, Amin Musayev, şayiə, hərbi əsirlər, Qarabağ
Ağdamda Cümə məscidi, arxiv şəkli

Xalq artisti Ağdamda azan səsləndirib - VİDEO

0
(Yenilənib 14:14 26.11.2020)
Bundan başqa, 27 ildən sonra doğma torpağına ayaq basan xalq artisti sənət yoldaşı Təyyar Bayramovla "Qarabağ" mahnısını da ifa ediblər

BAKI, 26 noyabr — Sputnik. Əslən Ağdamdan olan Xalq artisti Mənsum İbrahimov öz doğma torpağına səfər edib. Ağdam məscidini ziyarət edən Xalq artisti orada azan səsləndirib.

Bundan başqa, 27 ildən sonra doğma torpağına ayaq basan xalq artisti sənət yoldaşı Təyyar Bayramovla "Qarabağ" mahnısını da ifa ediblər.

0
Teqlər:
Cümə məscidi, Mənsum İbrahimov, xalq artisti, azan, Ağdam