Türk Dünyası Parlamentlər Birliyinin xarici əlaqələr üzrə bas koordiantoru Hulusi Kılıç

Hulusi Kılıç: "Türkiyə olaraq çox böyük bir yükün altındayıq"

805
(Yenilənib 10:04 23.10.2019)
Eks-səfir: " Ərəb ölkələri nə qədər qaçqına qucaq açıb? Ona görə də bu məsələdə onları ciddiyə almırıq"

Kamal Almuradlı, Sputnik Azərbaycan

BAKI, 18 oktyabr — Sputnik. Artıq neçə gündür ki, Türkiyə ordusu Suriyanın şimalında, Fərat çayından şərqdə əməliyyata başlayıb.

Türkiyə Prezidenti Rəcəb Tayyib Ərdoğan vurğulayıb ki, türk ordusu "Sülh bulağı" adlı əməliyyat çərçivəsində Suriyanın şimalını YPG terrorçularından təmizləyəcək.

Hazırda Suriyada mürəkkəb proseslər davam edir. Türkiyə tək başına ciddi terror qruplaşmaları ilə üz-üzə gəlib. Bunun nəticəsi olaraq Türkiyəyə xaricdən təzyiqlər də var. Mövzu ilə bağlı Azərbaycan Prezidentindən ilk "Dostluq ordeni" alan, Türkiyənin Azərbaycandakı keçmiş səfiri, Türk Dünyası Parlamentlər Birliyinin xarici əlaqələr üzrə baş koordiantoru Hulusi Kılıçla həmsöhbət olduq.

Hulusi bəy Suriyada baş verən hadisələrə münasibət bildirmək üçün dəvətimizi qəbul edib agentliyimizə təşrif buyurdu.

"Bilirsiniz ki, 8-9 ildir ki, Suriyada qarışıqlıqdır. Bu ölkə bizim qonşumuzdur. 910 km bizim ortaq sərhəddimiz var. Ora müdaxilə edən ölkənin bizim qədər özəlliyi yoxdur. İndi orada PKK-nı terror qruplaşması olaraq tanıyır. Bu işdə hər kəsin düzgün olması lazımdır. Bəziləri Türkiyənin məlum addımlarına müharibə adı verir. Bu səhv fikirdir. Müharibə iki ölkə arasında baş verir. Bizim məqsədimiz ərazini terror qrupundan təmizləməkdir. Çünki onlar Türkiyənin sabitliyini pozur. Suriyanın şimalında toplaşmış bu terrorçular başlarının üzərində Abdullah Öcalanın şəkillərini asırlar. Bizim üçün YPG, PKK terror qrupudur. Millətimizin təhlükəsizliliyi baxımından bu əməliyyatlar vacibdir. Orada baş verən hadisələrə görə Türkiyə 4 milyon qaçqın qəbul edib. Biz arzulayırıq ki, dinc sakinlər oraya rahat şəkildə getsin. Hansı ölkə bu qədər qaçqını uzun müddətə ölkəsinə buraxar? Bu illər ərzində onlara 40 milyard dollar xərcləmişik. Avropa Birliyi yardım olaraq 6 milyard dollar verəcəyini bildirmişdi. Amma yarısını verdi".

Keçmiş səfir ölkəsinin NATO-dakı müttəfiqlərini də tənqid etdi: "Türkiyə NATO-nun çox sağlam ölkəsidir. İllərcə NATO-ya qulluq etmişik. Baxdığımızda görürük ki, NATO-ya üzv olan ölkələr heç də bu məsələdə bizimlə eyni fikirdə deyil. Təbii ki, bu ikili standartdan xəbər verir. Hətta ərəb ölkələri də bizə iradlarını bildirir. Cənab Ərdoğan demişkən, irad bildirsələr nə olacaq, bildirməsələr nə. Özləri güzgüyə baxsınlar. Suriyada minlərlə insan qətl edilərkən harada idilər? Hansının yardımı oldu? Ərəb ölkələri nə qədər qaçqına qucaq açıb? Ona görə də bu məsələdə onları ciddiyə almırıq. Türk xalqı bu işdən son dərəcə məmnundur. 4 milyon qaçqın bizim evin qonağıdır. Kiminsə evinə iki qonaq gəlsə, 5 gün, on gün qalsa, nə olar? Bu qaçqınların nə qədər övladları dünyaya gəlir. Onların sağlıq vəziyyəti çox önəmli məsələdir. Türkiyə olaraq çox böyük bir yükün altındayıq. Bizi anlamaq lazımdır. O baxımdan "Barış Pınarı" əməliyyatı vacibdir. Atatürkün gözəl bir fikri var: "Ehtiyac olmadıqca döyüşmək cinayətdir". Ən qısa zamanda Türkiyə bu əməliyyatları sona çatdıracaq və bölgəyə əmin-amanlıq gətirəcək. Terror qruplaşmalarını yox edəcək".

805
Yəhudilər, arxiv şəkli

Azərbaycanın yəhudi icması dünya yəhudilərinə müraciət etdi: Azərbaycanın yanında dayanın!

5
(Yenilənib 23:09 22.10.2020)
Azərbaycanın işğal olunmuş torpaqlarının dərhal azad olunması üçün Etmənistana təsir etmək istiqamətində mümkün olan hər şeyi edin

BAKI, 22 oktyabr - Sputnik. Azərbaycandakı yəhudi cəmiyyətləri dünya yəhudilərinə və yəhudi təşkilatlarına müraciət ünvanlayıb.

Yəhudi icmasından Sputnik Azərbaycan-a daxil olan müraciətdə deyilir:

"Azərbaycan zəngin tarixə mədəniyyətə və multikultural dəyərlərə malik bir ölkədir. Bu ölkədə qanunlara riayyət edən hər kəs milliyyətindən, irqindən asılı olmayaraq sülh və təhlükəsizlikdə yaşayır. Biz, Azərbaycan yəhudiləri burada təxminən 2000 ildir ki, sülh və təhlükəsiz şəraitdə yaşayırıq. Tam əminliklə deyə bilərik ki, azərbaycanlılar çox sülhsevər, dinc, tolerant və muktikultural dəyərlərə çox sadiq insanlardır. Azərbaycanda sinaqoqlar, yəhudi məktəbləri və bağçaları fəaliyyət göstərir. Bizim ölkədə müxtəlif xalqların nümayəndələri dostluq və həmrəylik içərisində yaşayır. Azərbaycan dövləti etnik azlıqlar da daxil olmaqla öz vətəndaşlarına qarşı çox tolerant və qayğıkeşdir.

Lakin biz qeyd etməliyik ki, artıq 30 ilə yaxındır ki, Azərbaycanın torpaqlarını işğal altında saxlayan Ermənistan dəfələrlə Azərbaycanda yaşayan xalqların arasında düşmənçilik toxumu səpməyə cəhd edib, lakin bu əməlindən faydalana bilməyib. Müharibə zonasında verdiyimiz şəhidlərimizlə yanaşı  Ermənistan hökumətinin mülki əhaliyə qarşı törətdiyi cinayətlər və təxribatlar bizim birliyimizin bağlarını və aramızdakı qardaşlığı daha da gücləndirib. 

Biz çox təəssüflə qeyd edirik ki Ermənistan hökumətinin bizim mülki və hərbi infrastrukturlarımıza qarşı və həmçinin Azərbaycan vətəndaşlarına qarşı davamlı təxribatlar törətməkdən əl çəkmək niyyətində olmadığı aşkardır.  Sentyabrın 27-dən etibarən Ermənistan silahlı qüvvələri atəşkəs rejimini pozdu və təmas xəttində yerləşən azərbaycanlı mülki əhalinin yaşadığı əraziləri iriçaplı silahlardan və artilleriya qurğularından intensiv şəkildə atəşə tutdu. Buna cavab olaraq  Azərbaycan ordusunun bu günə qədər davam edən uğurlu əks hücumu nəticəsində Azərbaycan ordusu Ermənistanın işğalı altında olan ərazilərinin nəzərəçarpacaq bir qismini azad edib.

Hərbi uğursuzluqlarını həzm edə bilməyən Ermənistan silahlı qüvvələri münaqişə zonasından kilometrlərlə uzaq olan Azərbaycan şəhərlərinə raket zərbələri endirdi. Burada xüsusilə Gəncə şəhəri qeyd olunmalıdır, Gəncədə bu gün böyük Yəhudi icması yaşayır. İki dəfə raket hücumuna məruz qalan Gəncədə çox sayda mülki şəxslər həlak oldular.  Bütün bunlara rəğmən biz bəzi Yəhudi  təşkilatlarının bu gün də humanitar hüququ pozaraq regionda sülh və sabitliyi gözardı edən təcavüzkar ölkə Ermənistanla bağlı doğru məlumatlara sahib olmamaqla əlaqəli xəbərlərdən çox məyusuq və bu bizi çox narahat edir. Azərbaycanda yaşayan Yəhudi icmaları olaraq biz əziz soydaşlarımız sizə müraciət edirik.

Dünya ictimaiyyətini yanıltmağa yönəlmiş yanlış məlumatlandırma da daxil olmaqla təcavüzkar Ermənistanın təxribatlarına inanmayın, dost Azərbaycan xalqının və hökumətinin ədalətli mübarizəsində onların yanında dayanın və Azərbaycanın işğal olunmuş torpaqlarının dərhal azad olunması üçün Etmənistana təsir etmək istiqamətində mümkün olan hər şeyi edin".

Qeyd edək ki, müraciəti Azərbaycan Dağ Yəhudiləri İcmasının sədri Milix Yevdayev, Azərbaycan Aşkenazi Yəhudi İcmasının sədri Aleksandr Şarovski, Azərbaycanın Gürcü Yəhudi İcmasının sədr müavini Rabbi Zamir İsayev və Azərbaycanda Amerika Yəhudi Təşkilatının "Vaad L'hatzolas Nidchei Yisroel" direktoru Rabbi Şmuel Siman Tov imzalayıb.

5
Əlaqədar
Yəhudiləri niyə sevməliyik?
Yəhudilər Qarabağda Azərbaycanın qələbəsi üçün dua etdilər
Yəhudilər Azərbaycana təşəkkür etdilər
Azərbaycanlı çobanın eşqinə yəhudilər heyran oldular

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

38
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

38
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək