Sərnişinlər hava limanında qeydiyyatdan keçirlər, arxiv şəkli

Nazir: "Əgər erməni soyadlı rusiyalı Azərbaycana gəlmək istəsə, Allah xatirinə, gəlsin"

1267
(Yenilənib 21:03 17.10.2019)
Azərbaycan XİN-in başçısı erməni əsilli Rusiya vətəndaşlarının hansı halda Azərbaycana gələ biləcəklərinə aydınlıq gətirib

BAKI, 17 oktyabr — Sputnik. Əgər erməni soyadlı Rusiya vətəndaşları Azərbaycana gəlmək istəsələr, qoy əvvəlcədən öz planları barədə Azərbaycan səfirliyini xəbərdar eləsinlər.

Sputnik Azərbaycan xəbər verir ki, bunu Azərbaycanın Xarici İşlər naziri Elmar Məmmədyarov "İzvestiya" qəzetinə müsahibəsində erməni əsilli Rusiya Federasiyası vətəndaşlarının respublikaya buraxılmaması praktikasının normaya çevrilib-çevrilmədiyi barədə sualı cavablandırarkən deyib.

Jurnalist AR Xarici İşlər Nazirinə 2018-ci ilin yayında, müharibə vaxtı Leninqradın mühasirəsində qalmış 81 yaşlı etnik erməni Olqa Barseqyanın Bakıya uçduğu, ancaq hava limanından buraxılmadığı və ölkədən deportasiya edildiyi barədə danışıb.

"Mən bu münaqişə barədə bilmirəm, nəsə xatırlamadım. Bəzən bu, PR nöqteyi-nəzərindən edilir - erməni mənşəli insanlar bu məsələnin bütün həssaslığını bilirlər", - deyə Məmmədyarov bildirib.

"Əgər Azərbaycana gəlmək istəyən hansısa erməni soyadlı Rusiya vətəndaşı varsa, Allah xatirinə, qoy gəlsin! Amma qoy heç olmasa, qabaqcadan səfirliyimizə məlumat versinlər, çünki Azərbaycanla Rusiya arasında vizasız giriş rejimi var. Ancaq əvvəlcədən məlumat verilsə, onda mövcud münaqişə ilə əlaqədar olaraq Azərbaycandakı emosional fon nəzərə alınmaqla, hər hansı bir həddin aşılmasına yol verilməyəcək", - deyə Xarici İşlər Nazirliyinin başçısı xəbərdarlıq edib.

"Biz həmişə Rusiya tərəfi ilə bu mövzuda kifayət qədər açıq danışırıq", - deyə Məmmədyarov əlavə edib.

1267
Azərbaycan Milli Məclisinin binası

Milli Məclis Fransa Senatına etiraz bəyanatı qəbul etdi: MÜDDƏALAR

93
Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib

Xalid Məmmədov, Sputnik Azərbaycan

BAKI, 26 noyabr — Sputnik. Milli Məclis noyabrın 25-də Fransa Senatının Fransa hökumətini qondarma "Dağlıq Qarabağ Respublikası"nı tanımağa çağıran məsləhət xarakterli qəbul etdiyi qətnaməsi ilə bağlı bəyanat yayıb.

Sputnik Azərbaycan xəbər verir ki, bəyanatı deputat Cavanşir Feyziyev təqdim edib.

Milli Məclisin bu gün keçirilən iclasında Fransa Senatının qəbul etdiyi qətnaməyə etiraz bəyanatı qəbul edilib.

Azərbaycan parlamentinin bəyanatında qətnamə pislənilir və qeyd edilir ki, bu sənəd beynəlxalq hüququn əsas norma və prinsiplərinin kobud şəkildə pozulmasıdır.

Azərbaycan Milli Məclisi Azərbaycan Hökumətinə aşağıdakılar ilə bağlı çağırış edir.

- Fransanın ATƏT-in Minsk Qrupunun həmsədrliyindən geri çağırılması üçün ATƏT-in rəhbərliyinə müraciət edilsin.

- Azərbaycan ilə Fransa arasında mövcud siyasi münasibətlərə yenidən baxılsın.

- Azərbaycan ilə Fransa arasında mövcud iqtisadi əlaqələr dərindən təhlil edilərək müvafiq tədbirlər görülsün. 

Xatırladaq ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

93
Teqlər:
bəyanat, etiraz, qətnamə, Senat, Fransa, Milli Məclis
Mövzu:
Azərbaycan və Ermənistan arasında müharibə
Qırmızı Xaç komitəsinin maşınları, arxiv şəkli

Hərbi əsir Amin Musayevlə bağlı yenidən şayiələr yayılıb

60
(Yenilənib 12:57 26.11.2020)
Beynəlxalq Qırmızı Xaç Komitəsi və hərbi əsir Amin Musayevin qohumu onun Azərbaycana qaytarılması ilə bağlı məlumatı təsdiqləməyib

BAKI, 26 noyabr — Sputnik. Hərbi əsir Amin Musayev ailəsinə qaytarılmayıb. Sputnik Azərbaycan xəbər verir ki, hərbi xidmətçinin dayısı Sənan Sadıqov sosial şəbəkələrdə bu barədə yayılmış şayiələri təkzib edib.

Qeyd edək ki, bir qədər bundan əvvəl sosial şəbəkələrdə yayılan videoda zahirən 26 yaşlı Musayevə bənzəyən hərbi geyimli cavan oğlanın görüntüləri əks olunub. Videoda həmin oğlan, çox güman ki, yaxın qohumu olan orta yaşlı qadını uzun ayrılıqdan sonra qucaqlayır. Video yayılandan bir neçə saat sonra silinib.

Musayevlə bağlı söz-söhbət jurnalist Aleksandr Xarçenkonun yaydığı videolardan sonra geniş yayılıb. O, erməni hərbçilərinin Şuşa şəhəri yaxınlığındakı döyüşdən sonra iki yaralı Azərbaycan əsgərini necə tapdıqlarını videoya çəkib. Daha sonra yaralılar təcili yardım maşınında naməlum istiqamətə aparılıblar. Xarçenko bildirib ki, azərbaycanlı əsgərlərin gələcək taleyi barədə məlumat almağa çalışsa da, buna nail ola bilməyib.

Xatırladaq ki, Amin Musayev Ermənistan silahlı qüvvələri tərəfindən əsir götürülmüş üç hərbi qulluqçumuzdan (digərləri Rüstəm Ruslanov və Bayram Kərimovdur) biridir. Azərbaycanlılar dünyanın hər yerindən Beynəlxalq Qırmızı Xaç Komitəsinə onların tezliklə qaytarılması üçün qurumun fəaliyyətə keçməsi məqsədilə çağırış ediblər. Göstərilən bütün səylərə baxmayaraq Musayev və digər hərbi əsirlərlə bağlı dəqiq məlumat əldə etmək mümkün olmayıb.

“Videodakı şəxs mənim bacım oğlu deyil. Əlimdə böyüyən uşağı tanımayacam? Bu, o deyil”, – deyə Sadıqov qətiyyətlə bildirib.

Beynəlxalq Qırmızı Xaç Komitəsindən də hərbi əsirin qaytarılması ilə bağlı məlumatı təsdiqləməyiblər. Komitənin ictimaiyyətlə əlaqələr şöbəsinin rəhbəri İlahə Hüseynova bildirib ki, sentyabrın 27-dən bu yana qurum yalnız bir mülki şəxsin Azərbaycan tərəfindən Ermənistana qaytarılmasına vasitəçilik edib. Hərbi əsirlərlə bağlı hər hansı bir əməliyyat isə aparılmayıb.

60
Teqlər:
video, Amin Musayev, şayiə, hərbi əsirlər, Qarabağ
Qərənfillər, arxiv şəkli

Azərbaycanın Əməkdar artisti dünyasını dəyişib

0
(Yenilənib 13:54 26.11.2020)
Yaradıcılığına ötən əsrin 60-cı illərində başlayan teatr və kino aktyoru bir çox teatr tamaşalarında oynamaqla yanaşı, "Azərbaycan xanlıqları", "Əmək və qızılgül ", "Güllələnmə təxirə salınır!", "Qətl günü" kimi filmlərdə rol alıb

BAKI, 26 noyabr — Sputnik. Azərbaycanın Əməkdar artisti, aktyor İbrahim Əliyev (Əlizadə) dünyasını dəyişib. Sputnik Azərbaycan xəbər verir ki, aktyor 71 yaşında vəfat edib.

Yaradıcılığına ötən əsrin 60-cı illərində başlayan teatr və kino aktyoru bir çox teatr tamaşalarında oynamaqla yanaşı, "Azərbaycan xanlıqları", "Əmək və qızılgül ", "Güllələnmə təxirə salınır!", "Qətl günü" kimi filmlərdə rol alıb.

0
Teqlər:
vəfat, Azərbaycanın əməkdar artisti