Qüds, arxiv şəkli

İsraildə kritik seçkilərin qalibi olmadı Hər şeyi Azərbaycanın dostu həll edəcək

827
(Yenilənib 12:16 18.09.2019)
İsraildə yeni hökumətin qurulması üçün yaranacaq koalisiya 120 yerlik Knessetin 61-nə nəzarət etməlidir.

BAKI, 18 sentyabr — Sputnik. İsrail Knessetinə keçirilən seçkilərin nəticələri bəlli olmağa başlayır. Bu barədə Sputnik Azərbaycan "Jerusalem Post" nəşrinə istinadən xəbər verir ki, ümumilikdə seçkilərdə səsvermə hüququ olan şəxslərin 69,4%-i iştirak edib.

İlkin məlumatlara görə, seçkilərdə heç bir partiya qələbə qazana bilməyib. Belə ki, ölkənin baş naziri Benyamin Netanyahunun rəhbərlik etdiyi Likud və onun əsas rəqibi "Göy və Ağ"lar Knessetdə eyni sayda yer - 32 yer qazanıblar. Bu isə ölkədə koalisiya hökumətinin qurulacağı anlamına gəlir. İsraildə yeni hökumətin qurulması üçün yaranacaq koalisiya 120 yerlik Knessetin 61-nə nəzarət etməlidir.

Hazırkı vəziyyətə görə baş nazir Benyamin Netanyahu (Aviqdor Libermanın "Bizim ev – İsrail" partiyasının iştirakı olmadan) 120 yerlik parlamentdə 54-56 yer alır. İsrailin sabiq baş qərargah rəisinin Beni Hantsın rəhbərlik etdiyi mərkəzçilər, solçular və hətta Libermanlarla birgə Knessetin yalnız 52 yerinə nəzarət ediblər.

Авигдор Либерман, фото из архива
© Sputnik / Grigory Sysoyev
Aviqdor Liberman

Görünən budur ki, Benyamin Netanyahu yenə də Azərbaycanın dostu olan sabiq müdafiə naziri "Bizim ev – İsrail" partiyasının lideri Aviqdor Libermanla uzlaşmaya getməli olacaq. Əks halda, İsraildə daha bir siyasi böhran yaşanacaq. Lakin bu uzlaşmanı qəlizləşdirən daha bir məqam Netanyahunun öz koalisiyasında mərkəzçilər, solçuları görmək istəməməsidir. Liberman isə bütün partiyaların təmsil olunduğu geniş milli birlik hökuməti qurulmayacağı təqdirdə Netanyahu ilə koalisiyaya getməyəcəyini bəyan edib.

İsrailin tarixi an yaşadığını qeyd edən Benyamin Netanyahu artıq güclü İsrail dövləti üçün bütün tərəflərin danışıqlara hazır olduğunu bildirib.

Qeyd edək ki, İsrail qanunvericiliyinə əsasən ölkə prezidenti Reuven Rivlin Knessetin deputatlarından birinə 42 gün ərzində yeni hökumət qurmağı tapşırmalıdır. Ölkənin baş naziri postuna namizəd bir qayda olaraq ən çox deputat mandatı əldə edən partiyanın lideri olur. Lakin kabinetin formalaşdırılmasını prezident hamıdan çox mandat toplaya bilməyən siyasətçiyə də tapşıra bilər. Yeganə şərt həmin siyasətçinin 61 parlamentarinin dəstəklədiyi koalisiyanı qura bilməsidir.

827
Ankara şəhərinə mənzərə, arxiv şəkli

Ankaraya sürpriz səfər: Türkiyənin bu sahədə təcrübəsinin öyrənilməsinə həmişə ehtiyac var

707
(Yenilənib 19:20 12.08.2020)
"Bunun nəticəsidir ki, bu gün Türkiyənin Müdafiə naziri və Baş Qərargah rəisi başda olmaqla Türkiyənin yüksək rütbəli hərbçilərindən ibarət böyük bir nümayəndə heyəti Azərbaycana gəlir"

Eldar Tanrıverdiyev, Sputnik Azərbaycan

BAKI, 12 avqust — Sputnik. Azərbaycanın Xarici İşlər naziri Ceyhun Bayramov ötən gün Türkiyəyə səfər edərək, türkiyəli həmkarı Mövlud Çavuşoğlu ilə görüş keçirib. Görüş zamanı ikitərəfli münasibətlərin geniş spektri müzakirə edilib. Təkbətək və nümayəndə heyətinin iştirakı ilə geniş tərkibdə keçirilən görüşdən sonra nazirlər jurnalistlərin suallarını cavablandırıblar.

Xarici İşlər naziri kimi ilk xarici səfərini məhz Türkiyəyə etdiyini qeyd edən Ceyhun Bayramov bu ölkə ilə münasibətlərin Azərbaycan üçün olduqca vacib istiqamət və prioritet olduğunu xatırladıb. O qeyd edib ki, bu günə kimi iki ölkə arasında müxtəlif sahələri əhatə edən 241 sənəd imzalanıb. Nazir, həmçinin hazırda 29 əlavə müqaviləyə baxıldığını və onların da yaxın günlərdə imzalana biləcəyini anons edib.

Daha bir maraqlı məqam isə Azərbaycan Müdafiə naziri Zakir Həsənovun Türkiyəyə səfəri oldu. Belə ki, nazirin qardaş ölkəyə səfəri əvvəlcədən anons edilməmişdi və bu fakt yalnız iki azərbaycanlı nazirin – Ceyhun Bayramov və Zakir Həsənovun Türkiyə Prezidenti Rəcəb Tayyib Ərdoğan tərəfindən rəsmi olaraq qəbul olunduqları zaman üzə çıxdı. Bu görüşdən sonra isə Azərbaycanın Müdafiə Nazirliyi Milli Müdafiə naziri Hulusi Akar, Baş Qərargah rəisi ordu generalı Yaşar Güler, qoşun növü komandanları və digər yüksək rütbəli zabitlərin Azərbaycana gələcəyi ilə bağlı məlumat yaydı. Görünən budur ki, hər iki dövlət xarici diplomatiya və hərbi sahədə əməkdaşlığın genişləndirilməsi və dərinləşdirilməsi istiqamətində səylərini artırmaq niyyətindədir.

Sputnik Azərbaycan ölkənin hakim partiyasının (YAP) Siyasi Təhlil və Proqnozlaşdırma Şöbəsinin müdiri, Müdafiə, təhlükəsizlik və korrupsiya ilə mübarizə komitəsinin üzvü Aydın Mirzəzadə ilə həmsöhbət olub.

Aydın Mirzəzadə xatırladıb ki, Azərbaycan və Türkiyə dost-qardaş, bir millətdən olan iki dövlətdir:

"Onlar arasında olan yaxın, sıx münasibətlər hər keçən gün daha da güclənir. Hesab edirəm ki, Azərbaycanın iki nazirinin – Xarici İşlər və Müdafiə nazirlərinin Türkiyəyə səfəri bu münasibətlərin daha dərinləşməsinə xidmət edir. Türkiyə Azərbaycanın ərazi bütövlüyünü dəstəkləyir, hər iki ölkənin iştirakı ilə beynəlxalq, strateji əhəmiyyətə malik layihələr həyata keçirilir. Bu səfərlər həmçinin gündəmdə olan layihələri müzakirə etmək, beynəlxalq aləmdə, müxtəlif təşkilatlar çərçivəsində daha sıx əməkdaşlığın qurulması üçün bir vasitədir".

Millət vəkili vurğulayıb ki, Türkiyə hərbi sahədə dünyanın ən inkişaf etmiş, texnoloji, güclü ölkələrdən biridir: "Onun bu sahədə təcrübəsinin öyrənilməsinə, Türkiyə ilə hərbi-texniki sahədə əməkdaşlığın güclənməsinə həmişə ehtiyac var. Bunun nəticəsidir ki, bu gün Türkiyənin Müdafiə naziri və Baş Qərargah rəisi başda olmaqla Türkiyənin yüksək rütbəli hərbçilərindən ibarət böyük bir nümayəndə heyəti Azərbaycana gəlir. Hesab edirəm ki, gerçəkləşdirilən bu səfər ölkələrimiz arasında hərbi, hərbi-texniki sahədə əməkdaşlığın güclənməsinə öz töhfəsini verəcək. Azərbaycan və Türkiyə həm uğurlar əldə olunan zaman, həm də müəyyən problemlər olanda daima bərabərdirlər, bir yerdədilər və bu həmişə də belə olacaq".

707
Əlaqədar
Gürcüstan, Ukrayna, indi də Azərbaycan - Hər şey çox rahat olacaq
Türkiyənin Müdafiə naziri və Baş Qərargah rəisi Azərbaycana gəlirlər
Yeni nazir xarici siyasətin əsas prioritetini açıqladı
Azərbaycan-Türkiyə təlimlərinə xüsusi təyinatlılar da cəlb edildi - VİDEO
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Metsamor AES, arxiv şəkli

Prezidentin köməkçisi: "Metsamor AES Ermənistanın özü üçün təhlükədir"

7
(Yenilənib 16:26 12.08.2020)
Sənəddə "panermənilik" haqqında yer almış məqamlarla toxunan prezidentin köməkçisi qeyd edib ki, bu faktiki olaraq digər ölkələrin daxili işinə qarışmaq anlamına gəlir

Eldar Tanrıverdiyev, Sputnik Azərbaycan

BAKI, 12 avqust — Sputnik. Ermənistanın Milli Strategiyasında ermənilərin Ermənistana repatriasiyası üçün şəraitin yaradılacağı qeyd edilir. Bununla da Ermənistan işğal olunmuş Azərbaycan ərazilərində qanunsuz məskunlaşma siyasəti üçün əlavə insan resursları əldə etmək niyyəti güdür. Sputnik Azərbaycan xəbər verir ki, bunu Azərbaycan Respublikası Prezidentinin köməkçisi-Azərbaycan Respublikası Prezidentinin Administrasiyasının xarici siyasət məsələləri şöbəsinin müdiri Hikmət Hacıyev Ermənistanın yeni Milli Təhlükəsizlik Strategiyasını şərh edərkən bildirib.

Hikmət Hacıyev qeyd edib ki, Ermənistanın Milli Strategiyasında azad söz və plüralizm təbliğ edilir və bu ölkənin terrorizm və ekstremizmə qarşı olduğu qeyd olunur:

"Halbuki bu tam yalandır. Bu yaxınlarda Los-Ancelesdə, Brüsseldə və dünyanın digər şəhərlərində ermənilər barbarcasına azərbaycanlılara hücum etdilər və onlara xəsarətlər yetirdilər. Bu, məhz Ermənistanın ekstremizm siyasətinin nəticəsidir. Erməni diasporası da əsassız, mifik erməni müstəsnalığı üzərində qurulmuş ideologiyanı təbliğ edir. Nəticədə diaspora öz dağıdıcı fəaliyyəti ilə Ermənistan-Azərbaycan münaqişəsinin də həllinə əlavə maneələr törədir".

Sənəddə "panermənilik" haqqında yer almış məqamlarla toxunan prezidentin köməkçisi qeyd edib ki, bu, faktiki olaraq digər ölkələrin daxili işinə qarışmaq anlamına gəlir: "Çünki orada yaşayan ermənilər üçün Ermənistan tərəfindən istiqamət və prioritetlər müəyyən edilir. Sənəddə Ermənistanda demoqrafik böhran, dərin yoxsulluq, sosial bərabərsizlik və sosial qütbləşmənin mövcudluğu açıq etiraf edilir və artan emiqrasiya başlıca problemlərdən biri kimi göstərilir. Bununla yanaşı, Ermənistanın iqtisadi inkişafı ilə bağlı bir sıra fikirlər yer alır. Lakin unutmaq olmaz ki, Ermənistan Azərbaycan torpaqlarını azad etməyənə qədər regional iqtisadi layihələrdən kənarda qalacaq, iqtisadi izolyasiya şəraitində yaşayacaq. Münaqişə həll edilmədiyi təqdirdə, Ermənistanda hər hansı iqtisadi inkişaf perspektivlərindən, eləcə də emiqrasiya, yoxsulluq, işsizlik və sosial bərabərsizliyin aradan qaldırılması barədə danışmaq mənasızdır".

Hikmət Hacıyev vurğulayıb ki, əhalinin sayının stabilləşdirilməsi və demoqrafik artıma nail olmaq Ermənistan dövlətinin məqsədi kimi qoyulub: "Lakin Ermənistan öz işğalçılıq siyasətini davam etdirəcəyi təqdirdə heç cür bu məqsədlərə nail ola bilməyəcək və vəziyyət daha da pisləşəcək. Çünki insanların Ermənistanın gələcəyinə inamı yoxdur və Azərbaycanla qarşıdurmadan qorxan bir çox erməni ölkəni tərk edir. Sənəddə Ermənistanın yüksək texnologiyalar mərkəzi kimi inkişafı prosesində elm-təhsil sisteminin roluna xüsusi önəm veriləcəyi qeyd olunur. Halbuki, elə Strategiyanın özündə də etiraf edildiyi kimi, savadlı insanların ölkəni kütləvi surətdə tərk etməsi fonunda bu məqsədə necə nail olmaq olar?"

Prezidentin köməkçisi xatırladıb ki, sənədin ətraf mühitə aid bölməsində məntiqlə Metsamor atom elektrik stansiyası məsələsinə toxunulmalı idi, amma maraqlıdır ki, bu haqda heç bir istinad yoxdur: "Halbuki, fəal seysmik zonada yerləşən və istismar müddəti bitmiş bu AES ilk növbədə elə Ermənistanın özü üçün böyük təhlükə mənbəyidir.

Ümumiyyətlə sənədin təhlili göstərir ki, diqqəti Ermənistan iqtisadi inkişaf, təhsil, elm kimi məsələlərə deyil, daha çox Azərbaycan və Türkiyəyə qarşı əsassız ittihamlara verir. Bu, Ermənistan hakimiyyətinin gələcəyə baxışını xarakterizə edir. Əsas məqsəd erməni xalqını münaqişənin girovu kimi saxlamaqdır".

7
Əlaqədar
Türk ekspert Azərbaycan-Türkiyə təlimlərinin əsl məqsədini açıqladı
Hikmət Hacıyev: "Ermənistan üçün ən böyük təhlükə Paşinyan hakimiyyətinin siyasətidir"
Rusiya Bakı ilə Yerevanın münasibətlərinin normallaşması üçün hər şeyi edir – Zaxarova
Azərbaycan XİN erməni əsilli livanlıların Qarabağa köçürülməsinə münasibət bildirdi
Qondarma rejim ehtiyatda olanları "xidmətə" çağırdı

Üç nəfər qəbul imtahanından xaric olundu

0
(Yenilənib 15:20 13.08.2020)
İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.

BAKI, 13 avqust — Sputnik. Bugünkü qəbul imtahanında 3 nəfərdə mobil telefon aşkarlandığı üçün imtahandan xaric olunub.

Dövlət İmtahan Mərkəzindən verilən məlumata görə, imtahan prosesinin idarə olunması üçün operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub.

Bütün binalarda imtahan təlimata uyğun şəkildə keçirilib, iştirakçılara öz bilik səviyyələrini nümayiş etdirmələri üçün zəruri şərait yaradılıb.

Avqustun 14-dən etibarən DİM-də imtahan protokollarının, cavab vərəqləri və kartlarının emalı aparılacaq.

İmtahanlarda istifadə olunan açıq tipli tapşırıqların yoxlanılması uzun müddət tələb etdiyindən nəticələrin yaxın 2 həftə ərzində elan olunması nəzərdə tutulur.

İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.

0