Yeni Azərbaycan Partiyasının (YAP) sədr müavini - icra katibi Əli Əhmədov

Əli Əhmədov partiya sədrinə: "Niyə ağlına gələn bəyanatlarla çıxış edirsən?"

24
(Yenilənib 14:42 11.09.2019)
"Qeyri-ciddi fikirlər deməklə mətbuatı çaşdırmaq lazım deyil. Biz burada dedi-qodu ilə məşğul olmamalıyıq"

BAKI, 11 sentyabr — Sputnik. Yeni Azərbaycan Partiyasının (YAP) sədr müavini - icra katibi Əli Əhmədov Bakıda siyasi partiya nümayəndələrinin iştirakı ilə keçirilən “Azərbaycandakı siyasi proseslərə xarici müdaxilələrin yolverilməzliyi” mövzusunda keçirilən "dəyirmi masa"da bəzi müxalifət partiyaları tərəfindən səsləndirilən iddialara cavab verib.

Sputnik Azərbaycan Trend-ə istinadən bildirir ki, Ə.Əhmədov deyib ki, heç bir təşkilat hansısa ölkənin daxili işinə qarışa bilməz: “Onlar müşahidə apara bilərlər. Kiminsə seçilməsi ilə bağlı məsələni ortaya qoya bilməzlər".

Ə.Əhmədov Azərbaycan Demokrat Partiyasının sədri Sərdar Cəlaloğlunun Prezident İlham Əliyevin Rusiya Federasiyası Təhlükəsizlik Şurasının katibi Nikolay Patruşevlə görüşü ilə bağlı səsləndirdiyi fikirlərə də cavab verib: "Sərdar Cəlaloğlu, sən Patruşevlə danışıqlarda iştirak etmisən?! Bilmədiyin halda niyə ağlına gələn bəyanatlarla çıxış edirsən?!

Bizdə də "Dostluq" ordeni var. Rusiyada da həmçinin bu ənənə var. Bu torpağın qorunmasına və müdafiə olunmasına görə deyil, sadəcə, dövlətlər və ölkələrarası münasibətlərə töhfə verildiyinə görə təqdim edilir. Qeyri-ciddi fikirlər deməklə mətbuatı çaşdırmaq lazım deyil. Biz burada dedi-qodu ilə məşğul olmamalıyıq. Halbuki, müzakirə mövzusu başqadır.

Etiraf etmək lazımdır ki, Azərbaycanın hansı səviyyəyə qalxdığını hər kəs yaxşı bilir. 20 il əvvəlki Azərbaycan indiki kimi idi?!"

Ə.Əhmədov bildirib ki, bu görüşdə toplaşmağın əsas məqsədi Azərbaycanda siyasi proseslərə xarici müdaxilələr məsələsini müzakirə etməkdir: “Əgər biz müzakirəyə çıxarılan məsələ ilə əlaqədar fikir mübadiləsi aparıb vahid qərara gəlmək istəyiriksə, bu barədə danışaq. Əksinə, digər məsələləri bu tribunadan istifadə edib buraya tökmək istəyiriksə, heç nəyə nail ola bilməyəcəyik”.

24
Əlaqədar
Əli Əhmədov: "Kampaniyada bəzi Azərbaycan vətəndaşlarının iştirakı bizi narahat edir"
Əli Əhmədov: "Azərbaycanın ərazi bütövlüyünün təmin olunacağı heç kimdə şübhə doğurmasın"
"O insanların Azərbaycan siyasətinə təsir etmək cəhdləri təhlükəli və yolverilməzdir"