BAKI, 9 sentyabr — Sputnik. Gürcüstan Xarici İşlər Nazirliyi (XİN) 2019-cu ilin sentyabrın 8-də Dağlıq Qarabağda keçirilən "yerli idaetmə orqanlarına" adlandırılan "seçkiləri" və onların nəticələrini tanımır. Sputnik Azərbaycan xəbər verir ki, bu barədə Gürcüstan XİN-in yayımladığı bəyanatda bildirilir.
Qurum eyni zamanda Azərbaycanın suverenliyi və beynəlxalq səviyyədə tanınan sərhədləri çərçivəsində ərazi bütövlüyünü dəstəklədiyini bildirib.
Bəyanatda, həmçinin qeyd olunur ki, Gürcüstan Xarici İşlər Nazirliyi münaqişənin beynəlxalq hüquq və prinsiplərə tam uyğun formada beynəlxalq ictimaiyyətin cəlb olunması ilə həllinin tərəfdarıdır.
