Azərbaycanın Baş naziri Novruz Məmmədov

"İlham Əliyev zəng edib dedi ki, sabah Milli Məclisə gedirsən, nöqtə"

99
(Yenilənib 12:15 09.09.2019)
"Birlikdə çalışmalıyıq. Üzdə başqa, ürəkdə başqa cür olmaq düzgün deyil. Bu, bizə yaraşmaz"

BAKI, 9 sentyabr — Sputnik. "Azərbaycanın Baş naziri vəzifəsinə təyinatım gözlənilməz oldu. Heç vaxt təsəvvür edə bilməzdim ki, mənə belə bir təklif edilə bilər. Ona görə də mənim üçün hamıdan çox gözlənilməz oldu. Hər şey qəfil baş verdi..."

Sputnik Azərbaycan bildirir ki, bunu Azərbaycanın Baş naziri Novruz Məmmədov "Space" telekanalına müsahibəsində deyib.

Novruz Məmmədov Baş nazir vəzifəsinə təyinatla bağlı məsələnin 2018-ci ilin aprelin 11-də keçirilən növbədənkənar prezident seçkilərindən sonra müzakirə edildiyini bildirib: "Seçkilərdən sonra hamımız məmnunluq içərisində idik. Doğrudan da, seçkilər çox yaxşı keçmişdi. Seçkilərdən sonra Prezident İlham Əliyev dedi ki, sənin Baş nazir vəzifəsinə namizədliyini təklif edirəm. Dövlət başçısı bildirdi ki, bir neçə namizədi var, biri də mənəm. Düzünü deyim, bu söz məni bir qədər rahatlatdı. Bir dəfə də belə söhbətimiz oldu, Prezident mənə dedi ki, fikirləş. Tərəddüddəydim... Düşünürdüm ki, böyük etimaddır, öhdəsindən necə gələcəyəm? Sonra Prezident zəng edib dedi ki, sabah Milli Məclisə gedirsən, nöqtə. Mən də başqa bir söz demədim. Böyük etimaddır, yükümü daha da çoxaldır. Baş nazir vəzifəsinə təyinatımın razılaşdırılması üçün Milli Məclisə getdim, çıxışlar oldu, mən də çıxış etdim. Dedim ki, indiyə qədər mətbuata açıq olmuşam, hamıya danışmışam, bundan sonra işləmək lazımdır".

Baş nazir üzdə başqa, ürəkdə başqa cür olmağın düzgün olmadığını da vurğulayıb: "Azərbaycan müstəqil ölkədir. Bu, həqiqətdir. Dünyada da ən vacib şey həqiqəti bilməkdir. Dövlət başçısı məni hansısa vəzifəyə təyin edirsə, deməli, mənə inanır, düşünür ki, etimadı doğruldacam.

Prezidentin istəyi odur ki, Azərbaycan qüdrətli, müasir dövlətə çevrilsin. Biz bu istiqamətdə möhtəşəm yol keçmişik. Buna baxmayaraq, beynəlxalq aləmdə o qədər mürəkkəb proseslər baş verir ki... Biz öz suverenliyimizi, müstəqilliyimizi, milli maraqlarımızı qorumalıyıq. Bunun üçün də dövlətimizi gücləndirməli, möhkəmləndirməliyik, ölkədə bütün sahələri inkişaf etdirməliyik. Bunu isə bir insan etməli deyil, birlikdə çalışmalıyıq.

Üzdə başqa, ürəkdə başqa cür olmaq düzgün deyil. Bu, bizə yaraşmaz. Hansısa dövlət agentliyinin, xidmətin rəhbəriyəmsə, Vətəni sevərək işləməliyəm".

99
Teqlər:
Milli Məclis, Prezident İlham Əliyev, Novruz Məmmədov, Azərbaycan, Baş nazir
Əlaqədar
Novruz Məmmədov özünü körpüdən atmaq istəyən vətəndaşı necə xilas etdi - TƏFƏRRÜAT
Novruz Məmmədov özünə mətbuat katibi təyin etdi
Novruz Məmmədov yeni qərar verib
Novruz Məmmədov: "Prezident qarşımıza ciddi vəzifələr qoyub"

Politoloq: “Avropa Amerikaya görə Çinlə münasibətlərini pozmaq istəmir”

11
(Yenilənib 00:43 03.08.2020)
Politoloq Fikrət Sadıxov deyir ki, Birləşmiş Ştatlar Çinin nə daxili, nə də xarici siyasətini qəbul etmək istəyir
Fikrət Sadıxov: “Çinlə münasibətləri pozmaq Avropa ölkələrinin marağında deyil”

“ABŞ Pekinə qarşı sərtləşdirmə siyasətini bütün müttəfiqləri üçün uyğun hesab edir”. Bunu ABŞ dövlət katibi Maykl Pompeo deyib.

Politoloq Fikrət Sadıxov Sputnik Azərbaycan-a deyir ki, ölkələrin bir-birinə olan münasibətləri sərtləşdirmək və yumşaltmaq istəyi prioritetlərdən asılı olan məqamdır:

“ABŞ-ın Çinə qarşı sərt münasibəti göstərir ki, bu ölkə rəsmi Pekinin nə daxili, nə də xarici siyasətini qəbul etmək istəyir. ABŞ Çinin beynəlxalq münasibətlər sistemində tutduğu kursdan narazıdır. Amma bu, o demək deyil ki, ABŞ-ın müttəfiqləri də bu yolla getməlidirlər. Çin kimi bir güclə münasibətləri pozmağın hansısa Avropa ölkəsinin maraqları çərçivəsində olduğunu düşünmürəm”.

Fikrət Sadıxovun geniş şərhinə audiofaylda qulaq asa bilərsiniz

11
ATƏT bayraqları, arxiv şəkli

Rusiya özü gedir, ABŞ-ı çıxarır

10
(Yenilənib 01:35 03.08.2020)
"ATƏT-in Avropa təhlükəsizlik sistemində rolunun möhkəmlənməsi NATO və Avropa Birliyinin təsirinin azalmasına gətirib çıxaracaq"

BAKI, 3 avqust — Sputnik. Rusiya tərəfi Amerika Birləşmiş Ştatlarının Avropa Təhlükəsizlik və Əməkdaşlıq Təşkilatından çıxarılmasını tələb etməyəcək.

Sputnik Azərbaycan Rusiya mətbuatına istinadən bildirir ki, bunu Rusiyanın təşkilatdakı daimi nümayəndəsi Aleksandr Lukaşeviç deyib. 

“Biz ona çalışırıq ki, amerikalılar ATƏT-in yaradılması ilə ümumavropa prosesinin miqyaslı xarakter aldığını başa düşsünlər. Çünki ATƏT-in Avropa təhlükəsizlik sistemində rolunun möhkəmlənməsi NATO və Avropa Birliyinin təsirinin azalmasına gətirib çıxaracaq”, - Lukaşeviç deyib.

Onun sözlərinə görə, hadisələrin bu cür inkişafı ABŞ-a sərf etmir. Buna Birləşmiş Ştatların “ATƏT-in institusional inkişafına mane olmaq” cəhdləri dəlalət edir.

Eyni zamanda Lukaşeviç qeyd edib ki, Rusiya özü də təşkilatdan çıxmaq fikrində deyil, çünki “o həmişə ATƏT-ə sadiq olub”.

 

10

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0