Bosniya və Herseqovina Rəyasət Heyətinin üzvü Şefik Caferoviç

Daha bir ölkədən həyəcan siqnalı: "Bəşəriyyət məhv ola bilər"

137
(Yenilənib 12:53 14.03.2019)
Şefik Caferoviç: "Ayrı-ayrı ölkələr bu problemlərin öhdəsindən təkbaşına gələ bilməz"

BAKI, 14 mart — Sputnik. "Qarşımızda böyük problemlər var ki, onlardan biri qeyri-müəyyənlikdir. Kütləvi qırğın silahlarının məhdudlaşdırılması ilə bağll beynəlxalq müqavilələr illərdir öz bəhrəsini versə də, indi fərqli məsələlər ortaya çıxıb ki, buraya terrorizm və digərləri daxildir".

Əşrəf Qəni
Fabrice Coffrini/pool photo via AP

Sputnik Azərbaycan xəbər verir ki, bunu Bosniya və Herseqovina Rəyasət Heyətinin üzvü Şefik Caferoviç Bakıda keçirilən VII Qlobal Bakı Forumunda çıxışı zamanı deyib. O bildirib ki, bütün bunlar ictimai proseslərə təsir edir.

"Köhnə problemlər mövcudluğunu saxlayır. Bunun qarşısının alınması üçün səylər göstərməliyik. Qlobal məsələlər hər kəsə ziyan vurur. Ayrı-ayrı ölkələr bu problemlərin öhdəsindən təkbaşına gələ bilməz. Siyasətlər problemlərə görə hazırlanmalıdır. Hər bir ölkə üçün əsas məsələ təhlükəsizlikdir ki, bunu qlobal platformada təmin etmək mümkündür" - Caferoviç vurğulayıb.

"Bu problemlərin öhdəsindən potensialımızı birləşdirərək gələ bilərik. Müasir təsirlərə və təhlükələrə qarşı müasir həllər tələb olunur. Əsasən də qabaqcıl mübarizə dünyada əmin-amanlığa səbəb ola bilər" - o, əlavə edib.

Caferoviç vurğulayıb ki, münaqişələr bəşəriyyətin yer üzündən silinməsi ilə yekunlaşa bilər: "Beynəlxalq hüquq bunun qarşısının alınması istiqamətində səylərini gücləndirməlidir. Mənim ölkəm bunda maraqlıdır. Bosniya və Herseqovina beynəlxalq hüququn qorunmasında öz fəaliyyətlərini davam etdirir. Biz bununla yeni dünya quruluşuna nail ola bilərik".

137
Teqlər:
problem, dünya, ölkə, Bosniya və Herseqovina
Əlaqədar
VII Qlobal Bakı Forumu başlayıb, İlham Əliyev açılışda iştirak edir
Qlobal Bakı Forumunda narahatlıq doğuran bəyanat: "Gərginlik artır, yeni risklər yaranır"