Драка, фото из архива

Bir qığılcım kifayətdir: Rusiya Azərbaycanın düşmənləri aramızı vurmaq istəyir

4225
(Yenilənib 20:02 21.02.2019)
Rusiyalı ekspert çeçen-azərbaycanlı ixtilafının səbəblərinə aydınlıq gətirib

Yevgeni Mixaylov, təhlükəsizlik məsələləri üzrə ekspert

BAKI, 21 fevral — Sputnik. Moskvada Azərbaycan və çeçen diasporlarının nümayəndələri arasında baş vermiş insidentdən sonra bir-birindən ziddiyyətli xəbərlər dolaşmaqdadır. Və mənə elə gəlir ki, burada hər bir sağlam fikirli insanın verə biləcəyi iki əsas suala cavab verməyə cəhd etmək lazımdır. Bundan sonra bütün daşlar yerinə oturacaq.

Birinci sual: Niyə hamı, xüsusilə də liberal mətbuat bu, birinin digər tərəfi alçaltmağa çalışdığı məişət səviyyəli münaqişəni belə xüsusi əhəmiyyət daşıyan, az qala millətlərarası münaqişə kimi təqdim etdi?

İkinci sual: Vəziyyətin mürəkkəbləşməsində kim günahkardır və niyə Azərbaycan və Çeçenistanın rəsmi şəxsləri eyni vaxtda çeçenlərlə azərbaycanlıları qardaş xalqlar adlandırdılar, eyni zamanda bunun şişirdilərək etnik münaqişəyə çevrilməsinə əsla yol verməyəcəklərini bəyan etdilər?

Birinci suala cavab verərkən Azərbaycanın Rusiyadakı səfiri Polad Bülbüloğlunun Çeçenistan başçısının yaxın tərəfdarı, RF Dövlət Dumasının deputatı Adam Delimxanovla görüşündə dediyi sözləri xatırlatmaq istəyirəm. O, bu faktı vurğulayaraq demişdi ki, vəziyyətin gərginləşməsində iki xalqın dalaşmasını arzulayan hansısa üçüncü qüvvənin əli var.

Azərbaycanlı diplomat üçüncü qüvvə deyərkən kimi nəzərdə tutduğunu açıq mətnlə demək istəmədi. Lakin mediaya buraxılan məlumatlardan dərhal aydın oldu ki, mübahisəni başlayanlar heç də azərbaycanlılar olmayıb. Yəni, biz üçüncü tərəfin təxribatı ilə, tamamilə qeyri-bərabər nəticələrə gətirən adi bir davanın ortaya çıxardığı bir vəziyyəti müşahidə edirik.

Üçüncü qüvvələrin hesablaması yanlış oldu. Onların təxribatı istənilən etnoslar arasında işləyə bilərdi, amma çeçenlərlə azərbaycanlılar arasında deyil. Görünür, onlar məhz Çeçenistandan olan döyüşçülərin Qarabağ müharibəsinin ağır günlərində Azərbaycanın ərazi bütövlüyü uğrunda döyüşdüklərini unudublar.

Münaqişə ilə bağlı neqativ informasiyalar əsasən Cənubi Qafqazda münaqişənin qızışmasını istəyən KİV-lər tərəfindən dəstəklənib. Bəzi qüvvələr istəyiblər ki, əgər Azərbaycanla Çeçenistan arasında münaqişə yaratmağa nail ola bilməsələr, heç olmasa, gərginlik yaratsınlar. Amma bu baş vermədi. İslam inancına tapınana iki qardaş xalq təxribata uymadı.

İkinci suala gəlincə, artıq ona birinci sualın cavabında qismən aydınlıq gətirilib. Mövzunu davam etdirərək demək olar ki, hər iki ölkənin rəsmiləri əslində nə ilə qarşılaşdıqlarını çox yaxşı bilir. Odur ki, vaxtında ikitərəfli görüşlər keçirərək dərhal məsələyə müdaxilə etməklə nəhayət prosesə nöqtə qoydular.

Baxmayaraq ki, hər şey yaxşı qurtardı, amma yenə də yanan ocağa yağ tökmək istəyənlər var. Xüsusilə də, bu, Moskvadakı azərbaycanlı diasporunun rəsmi orqanının son dövrlərdə yenidən qurulmasının arzu olunan nəticəyə gətirib çıxarmaması ilə bağlıdır. İndiyə qədər Rusiyada azərbaycanlıların üçüncü qüvvələr tərəfindən törədilən istənilən təxribatların qarşısını sərt şəkildə almağa qadir, belə hallarda gənc azərbaycanlıların təxribatlara cəlb olunmasını əngəlləyə biləcək və onların üzərində təsiri olan güclü lobbisi yoxdur.

Və azərbaycanlıları çeçenlərdən fərqləndirən cəhət budur ki, yuxarıdan gələn bir zəng vəziyyətin gərginləşməsinin və intiqama təhrik cəhdlərinin qarşısını yerindəcə almağa kifayət edir.

Moskvada baş verən hadisə ilə bağlı problemin həllində, bütün tərəflərin ortaq dil tapmasında və qarşılıqlı olaraq üzr istəməsində çeçen tərəfi də əhəmiyyətli rol oynadı.

Bir sözlə, azərbaycanlıların, çeçenlərin, eləcə də rusların diqqətini ona yönəltmək istəyirəm ki, hazırda elə zamana gəlmişik ki, istənilən qığılcım Rusiya və Azərbaycanın düşmənlərinə onu alovlandırmaq fürsəti verə bilər. Bu isə arzuolunmaz nəticələrə gətirib çıxarar. Bunun qarşısını almaq üçün nə isə etmək lazımdır.

Xatırladaq ki, fevralın 14-də Moskvanın cənub-şərq dairəsində yerləşən azərbaycanlı Yaşar Əliyevə məxsus "Neolit" restoranında azərbaycanlılar və çeçenlər arasında silah səsləri ilə müşayiət edilən kütləvi dava baş verib. Tərəflər arasında haqq-hesab sonra Moskvanın digər yerlərində də davam edib. İlkin məlumatlara görə, hadisə nəticəsində bir neçə adam yaralanıb, bir nəfər ölüb, öz vəzifə borcunu yerinə yetirən iki polis xəsarət alıb.

4225
Rusiya XİN rəhbəri Sergey Lavrov, arxiv şəkli

Lavrov: "Rusiyanın Qarabağı öz ərazisinə qatmaq fikri yoxdur"

59
"Biz ondan çıxış edirik ki, bu regionun bütün məsələləri burada yerləşən ölkələr – ilk növbədə Azərbaycan və Ermənistan tərəfindən həll edilməlidir. Moskva bütövlükdə bölgədə sülh və sabitliyi təmin edəcək bir həll tapmağa kömək edəcək".

BAKI, 18 yanvar — Sputnik. Rusiyanın Qarabağı öz ərazisinə qatmaq fikri yoxdur. Sputnik Azərbaycan xəbər verir ki, bunu Rusiyanın xarici işlər naziri Sergey Lavrov 2020-ci ilin yekunlarına dair keçirdiyi mətbuat konfransında erməni jurnalistin sualını cavablandırarkən qeyd edib.

"Qarabağın müstəqilliyi Ermənistan Respublikası da daxil olmaqla heç kim tərəfindən tanınmayıb. Bizim də belə bir fikrimiz yoxdur. Biz ondan çıxış edirik ki, bu regionun bütün məsələləri burada yerləşən ölkələr – ilk növbədə Azərbaycan və Ermənistan tərəfindən həll edilməlidir. Moskva bütövlükdə bölgədə sülh və sabitliyi təmin edəcək bir həll tapmağa kömək edəcək", - deyə Lavrov qeyd edib.

Lavrov, həmçinin qeyd edib ki, Azərbaycan, Rusiya və Ermənistan liderlərinin üçtərəfli bəyanatının heç bir gizli müddəaları yoxdur.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

59
Co Bayden, arxiv şəkli

Baydenin ilk səfər edəcəyi ölkə açıqlandı

132
(Yenilənib 20:27 17.01.2021)
Əvvəllər “Brexit” haqqında mənfi danışan Bayden, Britaniya rəsmiləri ilə fikir ayrılıqlarını aradan qaldırmaq və ikitərəfli əməkdaşlığı gücləndirmək niyyətindədir.

BAKI, 17 yanvar - Sputnik. ABŞ-ın yeni seçilmiş prezidenti Co Bayden andiçmə mərasimindən sonra ilk və ya ikinci xarici səfərini Böyük Britaniyaya edə bilər.

“Report”un məlumatına görə, bu barədə “The Daily Telegraph” siyasətçinin ətrafındakı şəxslərə istinadən xəbər verib.

Bu səfər böyük ehtimalla Britaniyada keçiriləcək Böyük Yeddiliyin (G7) zirvə toplantısına təsadüf edəcək. Bundan əlavə, Bayden, payızda BMT-nin İqlim Dəyişikliyi Konfransında (COP26) iştirak etmək üçün bu ölkəyə səfər etmək niyyətindədir.

Qəzetin yazdığına görə, əvvəllər “Brexit” haqqında mənfi danışan Bayden, Britaniya rəsmiləri ilə fikir ayrılıqlarını aradan qaldırmaq və ikitərəfli əməkdaşlığı gücləndirmək niyyətindədir.

132
Bakı məktəblərin birində, arxiv şəkli

Orta məktəbi vaxtından əvvəl bitirmək istəyənlər üçün imkan

0
(Yenilənib 17:57 18.01.2021)
İstedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

BAKI, 18 yanvar — Sputnik. Ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək. Sputnik Azərbaycan-ın məlumatına görə, Bakı Şəhəri üzrə Təhsil İdarəsinin (BŞTİ) əmrinə əsasən, eksternat imtahanı yanvarın 19-da təşkil olunacaq.

Qeydiyyatdan keçmiş məktəblilərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.

Qeyd edək ki, istedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

0