Fəzail Ağamalı, millət vəkili

"Milli Məclis Avropa Parlamentinə etiraz məktubu göndərməlidir"

61
“Azərbaycan inkişaf etdikcə, islahatlar dərinləşdikcə, ölkəmizə qarşı hücumlar da genişlənir”

BAKI, 1 fevral - Sputnik. “Avropa institutları tərəfindən Azərbaycana qarşı vaxtaşırı ikili münasibət göstərilir. Avropa Parlamentinin bir müddət bundan əvvəl Azərbaycana qarşı ikili standart tətbiq etməsi bunu deməyə əsas verir”. Sputnik Azərbaycan xəbər verir ki, bunu millət vəkili Fəzail Ağamalı parlamentin bu gün keçirilən plenar iclasında deyib.

“Nədənsə insan haqları ilə bağlı Avropa təsisatları Ermənistanda baş verənlərə münasibət bildirmir, susur, lakin Azərbaycanda baş verən ən xırda məsələni şişirdərək tirajlamağa çalışır”, - deyə millət vəkili bildirib.

Ermənistanda həm siyasi, həm də jurnalist fəaliyyəti ilə məşğul olan şəxsin həbsxanada ölməsi faktına toxunan deputat söyləyib ki, Avropa Parlamenti bununla bağlı mövqe ortaya qoymaq istəməyib: “Necə olur ki, Rusiyaya qarşı Krımla bağlı bütün Qərb ayağa qalxır, sanksiya tətbiq edilir. Bu azmış kimi, sanksiyalar getdikcə daha da sərtləşdirilir. Amma Ermənistanın Azərbaycana qarşı təcavüzü ilə bağlı heç bir addım da atılmır”.

Ağamalı bildirib ki, Milli Məclis Mehman Hüseynovu əlində bayraq edərək Azərbaycan qarşı “qətnamə” qəbul edən Avropa Parlamentinə baş verənlərlə bağlı etiraz məktubu göndərilməlidir: “Azərbaycan inkişaf etdikcə, islahatlar dərinləşdikcə, ölkəmizə qarşı hücumlar da genişlənir”.

61
Əlaqədar
Milli Məclis ilk plenar iclasına start verib
Milli Məclisdə hiddət: "Onların söyüşlərinə cavab verməliyik"
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

73
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

73
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

42
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

42
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ