Azərbaycan və Gürcüstan bayraqları

Azərbaycandan Gürcüstana mesaj: "Sərhədlərin delimitasiyası tezliklə başa çatmalıdır"

8740
(Yenilənib 13:39 12.12.2018)
Xələf Xələfov: "Müəyyən müddət komissiyaların iclaslarının keçirilməsində fasilə yaranmışdı"

Eldar Tanriverdiyev, Sputnik Azərbaycan

BAKI, 12 dekabr — Sputnik. Gürcüstanla Azərbaycan arasında sərhədlərin delimitasiyası ilə bağlı komissiyanın fəaliyyəti davam edir. Sputnik Azərbaycan xəbər verir ki, bunu jurnalistlərə açıqlamasında Azərbaycan xarici işlər nazirinin müavini Xələf Xələfov deyib.

Nazir müavini qeyd edib ki, müəyyən müddət komissiyaların iclaslarının keçirilməsində fasilə yaranmışdı: "Bu da ondan irəli gəlir ki, Gürcüstan tərəfində həmkarım tez-tez dəyişirdi. Artıq yeni nazir müavini təyin olunub və bu məsələ ona həvalə olunub".

"Düşünürəm ki, yeni ildən başlayaraq, biz işçi səviyyəsində məsləhətləşmələr, sonra işçi qruplarının görüşü, daha sonra isə 2019-cu ilin ilk rübündə komissiyasının növbəti iclasının keçirilməsinə nail ola bilərik" - nazir müavini bildirib.

Xələfov vurğulayıb ki, bu məsələnin həlli dinamikası artırılmalıdır: "Bu, hər iki dövlət üçün vacib məsələdir. Delimitasiya tezliklə başa çatmalıdır".

8740
Teqlər:
Xələf Xələfov, sərhəd, Azərbaycan, Gürcüstan
Əlaqədar
Sərhəd Mühafizəsinin 100 illiyinə hədiyyə
Azərbaycan-İran sərhədində atışma olub, yaralanan var
İlham Əliyev İranın Sərhəd Qoşunları komandanını qəbul edib