Eldar Tanriverdiyev, Sputnik Azərbaycan
BAKI, 12 dekabr — Sputnik. "Bu görüş bizim ölkəyə olan etimadın göstəricisidir. Azərbaycanın həm Rusiya, həm də Birləşmiş Ştatlarla münasibətləri strateji önəm daşıyır".
Sputnik Azərbaycan xəbər verir ki, bunu Azərbaycan xarici işlər nazirinin müavini Xələf Xələf jurnalistlərə açıqlamasında, NATO Müttəfiq Qüvvələrinin Avropadakı Baş komandanı (SACEUR) general Körtis Skaparotti ilə Rusiya Baş Qərargah rəisi Valeri Gerasimov arasında bu gün Bakıda keçiriləcək görüşə münasibət bildirərkən deyib.
"Bu onu göstərir ki, hər iki tərəf Azərbaycana etibar edir. Bakı növbəti dəfə yüksək səviyyəli görüşün, dünya əhəmiyyətli məsələlərin müzakirə olunduğu görüşə ev sahibliyi edəcək. Mən düşünürəm ki, bu, beynəlxalq aləmdə nüfuzunun göstəricisidir" - deyə Xələfov vurğulayıb.
