Sənədin imzalanması

Millət vəkilimizə orden verildi

35
(Yenilənib 16:53 03.12.2018)
İclasın ikinci günündə azərbaycanlı deputat Arif Rəhimzadənin moderator olduğu beynəlxalq konfrans keçirilib

BAKI, 3 dekabr — Sputnik. Azərbaycanlı deputatlar Müstəqil Dövlətlər Birliyinin Parlamentlərarası Assambleyasının iclasında iştirak ediblər.

Sputnik Azərbaycan xəbər verir ki, MDB PA 48-ci plenar iclasında iştirak edən Azərbaycan Respublikası Milli Məclisinin nümayəndə heyətinin tərkibinə Milli Məclis Sədrinin müavini Valeh Ələsgərov, deputatlar Arif Rəhimzadə, Rüfət Quliyev və Milli Məclisin MDB PA-da daimi nümayəndəsi, MDB PA Şurası Baş katibinin müavini Aydın Cəfərov daxil olublar.

İlk növbədə PA Şurasının iclası keçirilib. İclasda Milli Məclis Sədrinin müavini Valeh Ələsgərov və deputat Arif Rəhimzadə çıxış edib.

Sonra PA daimi komissiyalarının iclasları baş tutub. Bundan sonra PA 48-ci plenar iclası işinə başlayıb. MDB PA siyasi məsələlər və beynəlxalq əməkdaşlıq komissiyasının iclasında komissiyanın sədr müavini Rüfət Quliyev çıxış edib. Komissiyanın iclasında təşkilati məsələlərə də baxılıb və Rüfət Quliyev yenidən komissiya sədrinin müavini seçilib.

Azərbaycan Respublikasının Milli Məclisinin deputatı Rüfət Quliyev
Azərbaycan Respublikasının Milli Məclisinin deputatı Rüfət Quliyev

İclasın ikinci günündə azərbaycanlı deputat Arif Rəhimzadənin moderator olduğu beynəlxalq konfrans keçirilib.

Sonda MDB PA-da uzunmüddətli səmərəli fəaliyyətlərinə görə Aydın Cəfərov "Drevo drujbı" Qızıl medalı və Rüfət Quliyev "Sodrujestvo" ordeni ilə təltif ediliblər.

35
Teqlər:
MDB, millət vəkili, orden, medal, təltif
Əlaqədar
Azərbaycanda telekanal rəhbəri təltif edildi
Prezident bir qrup şəxsi təltif etdi
Prezident bir qrup şəxsi təltif etdi
Prezident məşhur mədəniyyət xadimini təltif edib
Rusiyanın ABŞ-da səfiri Anatoliy Antonov

Səfir Antonov ABŞ-ı viza məsələsində qarşılıqlı hörmətə əsaslanan dialoqa çağırıb

199
(Yenilənib 14:58 03.08.2021)
Son günlərdə Rusiya tərəfi Moskvadakı səfirliyə işləməyə gedən amerikalılara 22 viza verib, ABŞ isə yalnız müşavir-elçi üçün vizanı uzadıb.

BAKI, 3 avqust — Sputnik. Rusiya ABŞ-ı viza məsələlərində bərabərhüquqlu və qarşılıqlı hörmətli dialoqa başlamağa və ya "kiçik addımlar" taktikasından istifadə etməyə çağırır, Sputnik Azərbaycan Rusiya mediasına istinadən xəbər verir ki, bunu Rusiyanın ABŞ-dakı səfiri Anatoli Antonov deyib.

"Amerikalı həmkarların hiyləgərliyi dayandırması və hər iki dövlətin maraqlarının nəzərə alınacağı bərabərhüquqlu və qarşılıqlı hörmətli bir dialoqa başlamasının vaxtı gəlib. Biz dəfələrlə diplomatik münaqişəni keçmişdə qoymaq üçün 2016-cı ilin dekabrına və hətta əvvəlki vəziyyətə qayıtmağı təklif etdik ", - sözlər səfirliyin Facebook səhifəsində bildirilib.

O, qeyd edib ki, əgər ABŞ "bütün tədbirləri və əks tədbirləri sıfırlamağa" hazır deyilsə, Rusiya tərəfi onlara "kiçik addımlar" taktikasından istifadə etməyi təklif edir: müəyyən kateqoriyalı işçilərin "viza mübadiləsi"ndən kənarlaşdırılması, diplomatların müddəti bitmiş vizalarının bir il uzadılması və s.

Antonovun sözlərinə görə, Rusiya tərəfi bu təklifləri fevral ayında səsləndirsə də, heç bir müsbət cavab almayıb.

O, əlavə edib ki, Rusiya sonadək "zərbələr mübadiləsi"ndən çəkinib.

"Dəfələrlə həmkarlarımıza bir-birimizin xarici müəssisələrinin fəaliyyətindəki mövcud məhdudiyyətləri qarşılıqlı əsaslarla "sıfırlamağı" təklif etmişik. Bu çağırışlar eşidilməyib. Üstəlik, əməkdaşlarımızın iş şəraiti sərtləşməkdə davam edir", - deyə Rusiyanın ABŞ-dakı səfiri vurğulayıb.

Antonovun sözlərinə görə, son günlərdə Rusiya tərəfi Moskvadakı səfirliyə işləməyə gedən amerikalılara 22 viza verib, ABŞ isə yalnız müşavir-elçi üçün vizanı uzadıb.

"Tərəfdaşlar bunu böyük bir güzəşt olaraq qeyd edirlər. Bizsə bununla razı deyilik. Məsləhətçi-elçilər, bir sıra digər yüksək vəzifəli şəxslər kimi, əvvəllər əldə edilmiş "centlmen razılığı"na uyğun olaraq mübadilə sistemindən istisna edilməlidir. Bizə "boş hava" satmaq cəhdləri heç bir nəticə verməyəcək. Beləliklə, Dövlət Departamentindən Rusiya diplomatik nümayəndəliklərinin problemlərinin həllinə konstruktiv yanaşmağı gözləyirik ", - deyə səfir fikrini yekunlaşdırıb.

Daha əvvəl Antonov ABŞ-ın Rusiya diplomatlarının ölkədə qalmasına üç illik məhdudiyyət tətbiq etdiyini bildirib.

Sentyabrın 3-dək müddəti başa çatan diplomatik nümayəndələrinin 24 əməkdaşına ABŞ-ı tərk etmələri əmri verilib. Dövlət Departamenti bu bəyanatı "vəziyyətin qeyri-dəqiq təsviri" adlandırıb.

Dövlət Departamentinin nümayəndəsi Ned Prays bildirib ki, rus diplomatları müddəti bitmiş vizalarının uzadılmasını tələb etmək hüququna malikdirlər. Amerikalılar Rusiya diplomatlarının ABŞ-ın Vaşinqtonda olma müddətinin məhdudlaşdırılmasında "yeni bir şey" görməyiblər.

Eləcə də oxuyun:

199
Teqlər:
səfir, Anatoli Antonov, Rusiya, ABŞ, Viza, diplomatik əlaqə
             Rusiya XİN-nin binası, arxiv şəkli

XİN: Rusiya terrorizmlə mübarizədə ABŞ-la əməkdaşlığa hazırdır

14
(Yenilənib 13:24 03.08.2021)
2018-2019-cu illərdə Vaşinqtonla antiterror məsələlərinin bütün spektri üzrə idarələrarası dialoq qurulub, lakin bu formatda iş uydurma bəhanə əsasında ABŞ-ın təşəbbüsü ilə dayandırılıb

BAKI, 3 avqust — Sputnik. Moskva Əfqanıstan kontekstində ABŞ-la antiterror təmaslarına hazırdır. Sputnik Azərbaycan Rusiya mediasına istinadən xəbər verir ki, bunu Rusiya Xarici İşlər Nazirliyinin Yeni Çağırışlar və Təhdidlər Departamentinin rəhbəri Vladimir Tarabrin deyib.

"Amerikalılarla antiterror xətti ilə əlaqələrə gəldikdə, o cümlədən Əfqanıstan kontekstində biz bu cür qarşılıqlı əlaqələrə açığıq, lakin tərəfdaşlarımızdan bu məsələdə tərəfdaşlarımızdan daha maraqlı ola bilmərik", - deyə Tarabrin bildirib.

O, xatırladıb ki, 2018-2019-cu illərdə Vaşinqtonla antiterror məsələlərinin bütün spektri üzrə idarələrarası dialoq qurulub, lakin bu formatda iş uydurma bəhanə əsasında ABŞ-ın təşəbbüsü ilə dayandırılıb.

Tarabrin onu da qeyd edib ki, buna baxmayaraq Moskva Rusiyanın praktiki maraqlarına uyğun olduğu məsələlərdə, xüsusən də beynəlxalq platformalarda ABŞ Dövlət Departamenti ilə terrorizmə qarşı mübarizədə praqmatik qarşılıqlı əlaqələri davam etdirir.

Eləcə də oxuyun:

14
Teqlər:
Əfqanıstan, Rusiya, ABŞ, əməkdaşlıq, terrorçuluq, əlaqələr

Burgerlə ölçülən valyutalar: əslində dollar neçəyədir

0
(Yenilənib 21:24 03.08.2021)
"Big Mac İndeksi"ni 1986-cı ildə "The Economist" zarafat kimi icad edib. Ancaq indi bu, mahiyyət etibarilə alıcılıq qabiliyyəti paritetini təyin etmək üçün qeyri-rəsmi bir üsuldur - analoji məhsulların qiymətinə əsasən iki valyutanın bir-birinə nisbəti təyin edilir.

BAKI, 3 avqust — Sputnik. Rusiya və ABŞ-dakı "McDonald's" restoranlarında "Big Mac"ın qiymətinə əsasən, bir dollar 30 rubla başa gəlməlidir. Bu, 2013-ci ildəki göstəricidən azdır. Amerika iqtisadi jurnalının indikatoru nə qədər obyektivdir və niyə faktiki "burger" kotirovkaları bu qədər fərqlənir - RİA Novosti-nin materialında.

İqtisadçının zarafatı

"Big Mac indeksi"nə görə, Rusiya rublu, dəyərsizləşmə baxımından Livan funtundan sonra ikinci yerdədir. Burger eyni qiymətə satılmalıdır. Harada ki, onun qiyməti ABŞ-dakından daha ucuzsur, deməli, oradakı yerli valyutanın dəyərdən salınıb.

Rusiyada "Big Mac"ın qiyməti 169 rubldır, ABŞ-da isə 5.65 dollardır. Belə çıxır ki, ədalətli məzənnə 30-dur. Lakin real məzənnə - 74,53-dür. Yəni rus valyutası olduğundan təxminən 60 faiz aşağı qiymətləndirilir. Avro - 11,1, Britaniya funtu - 15,5% aşağı qiymətləndirilir.

Dörd pul vahidinin dəyəri isə olduğundan artıqdır. Venesuela bolivarı daha çox seçilir, o, 47,7 faiz ucuz olmalıdır. İsveçrə frankı - 24,7, Norveç və İsveç kronu - 11,5 və 9,6% dəyərindən artıqdır.

"Big Mac İndeksi"ni 1986-cı ildə "The Economist" jurnalı zarafat kimi icad edib. Ancaq indi bu, mahiyyət etibarilə alıcılıq qabiliyyəti paritetini təyin etmək üçün qeyri-rəsmi bir üsuldur - analoji məhsulların qiymətinə əsasən iki valyutanın bir-birinə nisbəti təyin edilir. İldə iki dəfə hesablanır.

Hər yerdə satıldığı üçün etalon kimi "McDonald's" hamburgerini seçdilər. Artıq 1980-ci illərdə fast-food restoranları şəbəkəsi qlobal biznesə çevrilmişdi. Xaraklterik "M" hərfi Bermud adalarında, İran, Makedoniya, Yəmən, Monteneqro, Şimali Koreya, Zimbabve, Boliviya, Ermənistan və İslandiyada yoxdur.

Əsas odur ki, klassik "Big Mac" hər yerdə eynidir və əlçatan məhsullardan ibarətdir: çörək, pendir, kotlet, tərəvəz.

Son iyul reytinqinə görə, əksər ölkələrdə "Big Mac" ABŞ-a nisbətən daha ucuzdur. Xüsusilə Avstraliyada, Səudiyyə Ərəbistanında və Qətərdə. Siyahının sonlarında Azərbaycan, Türkiyə, Cənubi Afrika da var.

Məşhur, lakin qeyri-obyektiv

Rubla lazımi dəyər verilməməsindən on illərdir ki, danışılır. Lakin "Big Mac indeksi" ilə yanaşı, bir çox digər amillər də var və burger müxtəlif ölkələrdə eyni qiymətə ola bilməz. Məsələn, Rusiyada əməkhaqqı və icarə pulu ABŞ-a nisbətən xeyli aşağıdır. Ona görə də qiymət daha aşağı olur. Üstəlik, məişət elektronikasından və ya smartfonlardan fərqli olaraq biqmakları heç kim idxal etmir, onları yerindəcə istehsal edirlər. "İPod indeksi"nə görə, rublun dəyərinin çox olduğu ortaya çıxır və biqmak daha ucuz satılmalıdır.

Bundan əlavə, "McDonald's" qiymətləri əhalinin real gəlirlərinə və alıcılıq qabiliyyətinə əsaslanaraq təyin edir. Vergi və rəqabəti də unutmaq  olmaz. Buna görə də "Big Mac indeksi" qeyri-obyektivdir. Daha mürəkkəb və şəffaf müqayisə üsulları da var. Məsələn, ilkin ehtiyac  məhsulları, xammal, yarımfabrikatların qiyməti əsasında. Onların qiymətini kommersiya sirri kimi saxlayan bir özəl şirkət deyil, bazar formalaşdırır.

İş "Big Mac"da deyil

Milli valyutanın məzənnəsini ölkənin uzunmüddətli ödəniş balansının və pul kütləsinin dinamikası müəyyən edir ki, bu da öz növbəsində inflyasiyaya təsir göstərir.

Mərkəzi banklar beynəlxalq və daxili valyuta bazarında əhəmiyyətli oyunçulardır. Tənzimləyicilər milli valyutanın kəskin düşməsinin qarşısını ala, yaxud da əksinə, möhkəmlənməni məhdudlaşdıra bilərlər.

Ölkələr arasında ticarət rəqabətində əsas metodlarından biri olduğu üçün valyuta məzənnəsi onların mütləq nəzarəti altındadır. Nəticədə pulun dəyəri çox vaxt təhrif olunur.

Üstəlik, sərbəst ticarət olunan hər hansı bir aktiv kimi, kotirovkalara bazar iştirakçılarının gözləntiləri daxil edilir.

Beləliklə, "biqmaq indeksi"nə etibar etmək olmaz.

"Qiymətləndirilməmiş onluğa əsasən dünyada yayılma baxımından ilk yüzlüyə düşməyənlər daxildir. Bunun bariz nümunəsi Livan funtudur. Buraya Rusiya rublu da daxil olub. Bununla yanaşı, ən çox qiymətləndirilən - ABŞ-dan bütün mümkün sanksiyaları "qazanmış" və dəhşətli inflyasiyanın hökm sürdüyü Venesuela bolivarıdır", - "CMS Institute"nun iqtisadi və maliyyə tədqiqatları departamentinin əməkdaşı Nikolay Pereslavski qeyd edib.

Onun sözlərinə görə, rubla son yeddi il ərzində geosiyasət təsir edib: Rusiya əleyhinə sanksiyalar, onların genişlənməsi riskləri. Neft kotirovkaları da ənənəvi olaraq vacib rola malikdir. Qara qızılın qiyməti artarkən Maliyyə Nazirliyinin valyuta almasının büdcə qaydası da təsir göstərir. Beləliklə, rublun həddən artıq möhkəmlənməsinin qarşısı süni şəkildə alınır. Ümumiyyətlə, məzənnə formalaşdırılması siyasəti rublun güclənməsinə kömək etmir. İş bundadır ki, orta dərəcədə zəif olan rubl xaricə tədarüklərdən büdcə gəlirlərini artırır. Bu, iqtisadiyyatda üstünlük təşkil edən ixracatçıların da marağındadır.

Dolayı amillər - daxili siyasət və qlobal maliyyə bazarlarının atmosferidir. "Sanksiyalar olmasaydı, Rusiya valyutasının kotirovkasının ən azı 1.5 dəfə baha olması ehtimalı çox yüksəkdir", – deyə ekspert bildirib.

Hər halda, ilin sonuna qədər dolların məzənnəsi 70 rubldan aşağı düşməyəcək. Ancaq siyasi risklərə görə 80-ni keçməsi də olduqca realdır. Çox güman ki, məzənnə dollar üçün 73-77, avro üçün isə 85-90 rubl civarında qalacaq.

Eləcə də oxuyun:

  • Dönüşü olmayan nöqtəyə gəldilər: ABŞ iqtisadiyyatı analitikləri məyus edib

  • Milyardlarla avronun dəfni: Merkelin gedişi çox şeyi dəyişə bilər

  • Rusiya və ABŞ Avropa bazarını bölüşdürürlər: qaz anbarlarını kim dolduracaq?

  • Az yeyəndə arıqlayır məsəli: Rusiyaya çox baha neft gərək deyil

0
Teqlər:
rubl, dollar, Rusiya, indeks