Aviqdor  Liberman

Libermanın gedişi: Azərbaycanı təhdid edir

5305
(Yenilənib 21:23 15.11.2018)
İsrailli politoloq ölkəsinin müdafiə nazirinin istefasının doğuracağı nəticələri və Azərbaycanla münasibətlərə təsirini şərh edib

Aleksandra Zuyeva, Sputnik Azərbaycan

BAKI, 15 noyabr — Sputnik. Aviqdor Libermanın istefası Azərbaycanla İsrailin münasibətlərinə ziyan vurmayacaq. Bu barədə Sputnik Azərbaycan-a israilli politoloq Yuri Boçarov bildirib.

İsrailin müdafiə naziri Aviqdor Liberman Qəzza zolağında fələstinli silahlılara qarşı hərbi əməliyyatların dayandırılmasına etiraz olaraq vəzifəsindən getdiyini bəyan edib. Bundan əlavə, o, mümkün qədər tez müddətdə ölkədə erkən seçkilərin keçirilməsinə çağırıb, həmçinin rəhbərlik etdiyi "İsrail bizim evimizdir" partiyasının hakim parlament koalisiyasından çıxdığını deyib.

"İsraillə Azərbaycan arasındakı münasibətlərin siyasi yönümünü ayrı-ayrı nazirlər yox, Benyamin Netanyahunun başçılıq etdiyi Nazirlər Kabineti müəyyən edir. Bu siyasəti Libermanın istefası dəyişə bilməz, demək münasibətlərimiz üçün prinsipcə heç bir təhlükə yoxdur" - Boçarov bildirib.

Onun sözlərinə görə, ümumilikdə erkən seçkilər məsələsi çoxdan gündəmdədir və parlamentin qış sessiyasının başlanması ilə Benyamin Netanyahu tərəfindən elan olunmalı idi: "Lakin bir sıra daxili problemlər baş naziri "taym aut" götürməyə və işləri qaydasına salmağa məcbur etdi. Amma bu və ya digər şəkildə bütün partiyalar seçki platformasını və proqramını müəyyən etməklə məşğuldurlar".

Ekspert bildirib ki "İsrail bizim evimizdir" (İBE) partiyasının son zamanlar reytinqinin çox aşağı olması heç kəsə sirr deyil: "Partiyanın əsas elektoratı olan rusdilli repatriantlar təşkilatdan cəbhədə qələbə yox, sosial məsələlərin həllini gözləyirmişlər. Lakin Libermanın təşəbbüskarı olduğu bütün sosial layihələr ya uğursuz olublar, ya da minimal nəticə veriblər. Bunun hamısı əsasən koalisiyanın günahı ucbatından baş verib".

"Bütün bunlar partiyanın reytinqinə təsir edib və bu gün müxtəlif sorğulara əsasən, İBE cəmi 5-6 mandat toplayır. Bəzi nəticələr bundan da aşağıdır. Unutmayaq ki, Knessetə düşmək üçün ən azı 4 mandat toplamaq lazımdır. Yəni, İBE parlamentə düşməyə də bilər" – politoloq qeyd edib.

Ekspertin sözlərinə görə, bununla bağlı Liberman reytinqi barədə düşünərək hərdən populist qanunlar qəbul etməli olur. Belə ki, iki illik "sükut"dan sonra İBE qətl törətmiş terrorçulara qarşı ölüm hökmünün tətbiqi haqda qanun layihəsini yada salıb: "Bu gün İsraildə ölüm hökmü yoxdur və belə çıxır ki, hətta bir neçə nəfəri öldürmüş terrorçu həbsxanada oturaraq hansısa razılaşma nəticəsində dəyişdiriləcəyinə ümid edə bilər".

Bununla bağlı Qəzza zolağındakı bütün son hadisələr (etiraz aksiyaları, terror və raket atışları) və müdafiə naziri Libermanın başçılıq etdiyi ordunun praktiki olaraq "dişsiz" cavabları İsrail ictimaiyyəti tərəfindən ordunun məğlubiyyəti və uğursuzluq kimi qəbul edilib.

"Ola bilsin ki, Liberman sərt hərbi təşəbbüslərinin qarşısının baş nazir tərəfindən alındığını deyəndə haqlıdır. Lakin hökumətin bağlı qapıları arxasında baş verən proseslər nadir hallarda ictimaiyyətə məlum olur. Biz yalnız KİV-də baş verənlərə reaksiya veririk. Aşkarda görünən isə son döyüşlərdə uduzmağımızdır" - Boçarov bildirib.

Politoloq qeyd edib ki, bütün bunların fonunda istefa Liberman üçün yeganə çıxış yolu idi. Bununla o, imicini qoruya və "uduzmuş" hökuməti yıxa bilər.

"Hökumət üçün onun addımının nə dərəcədə təhlükəli olması yaxın günlərdə aydın olacaq. Çünki hətta İBE koalisiyadan çıxandan sonra baş nazir bir səs çoxluğu ilə əksəriyyəti öz əlində saxlayır. Əgər o, indi koalisiya üzrə tərəfdaşları ilə razılığa gələ bilsə, bir neçə ay udacaq, sonra isə özü erkən seçkilərə gedəcək" - Boçarov əlavə edib.

Politoloqun sözlərinə görə, İsraildəki vəziyyət və Netanyahunun əsas siyasi rəqiblərinin problemləri onu göstərir ki, Likud (Netanyahunun partiyası - red.) seçkilərdə yenə də qələbə qazanacaq və növbəti hökuməti formalaşdıracaq: "Söhbət sadəcə hökumət koalisiyasına kimlərin daxil olmasından gedə bilər. Çünki praktiki olaraq, bütün partiyaların parlamentdəki nümayəndələrinin sayı dəyişəcək. Demək, Netanyahunun başçılıq edəcəyi hökumətin tərkibi də dəyişəcək".

Aviqdor Liberman müdafiə naziri postunu 2016-cı ildə tutub. O, Benyamin Netanyahunun öncəki iki hökumətində XİN başçısı olub.

5305
Teqlər:
seçkilər, Benyamin Netanyahu, Azərbaycan, istefa, Aviqdor Liberman, İsrail
Əlaqədar
İsrailli nümayəndə heyəti Azərbaycanda: Vacib anlaşma əldə olundu
İsrail səfiri: “Ölkələrimiz müdafiə sahəsində strateji münasibətlər qurublar”
Aviqdor Liberman: Azərbaycan demokratiyanın bariz nümunəsidir
Azərbaycanın böyük dostu vəzifəsindən istefa verib
Libermanın səfərində sirr pərdəsi: İsrailli nazir Gürcüstan və Azərbaycanda nədən danışıb?
Fransa Senatının binası, arxiv şəkli

Fransada Azərbaycana qarşı növbəti xain addım

119
(Yenilənib 23:40 03.12.2020)
Aşağı palatanın iclasında çıxış edən Fransa XİN rəhbəri Jan İv Le Drian isə Fransanın Dağlıq Qarabağı tanımasının əleyhinə çıxıb.

BAKI, 3 dekabr - Sputnik. Fransanın Milli Şurası (Parlamentin aşağı palatası) ölkə hökumətini Dağlıq Qarabağın "müstəqilliyini" tanımağa çağıran qətnaməni dəstəkləyib.

Sputnik Azərbaycan RİA Novosti-yə istinadən bildirir ki, 188 deputat bədnam qətnamənin lehinə, 3-ü əleyhinə səs verib, 16 nəfər bitərəf qalıb.

Milli Şuranın deputatları "sülh prosesini reallaşdırmağın və Qarabağın tanınmağının" vacibliyini qeyd ediblər. 

Aşağı palatanın iclasında çıxış edən Fransa XİN rəhbəri Jan İv Le Drian isə Fransanın Dağlıq Qarabağı tanımasının əleyhinə çıxıb.

"Qətnamə layihəsində izhar olunan məqsədi... yəni Dağlıq Qarabağın tanınmasını dəstəkləmirəm. Çünki bizim erməni dostlarımız bizdən Dağlıq Qarabağın tanınmasını istəmirlər. Və heç onlar özləri də tarix boyu, sərhədlər necə olur-olsun, heç vaxt Dağlıq Qarabağı tanımayıblar", - nazir deyib.

Le Drian qeyd edib ki, Ermənistan tərəfindən səsləndirilən xahişlər noyabrın 9-da atəşkəs barədə razılıqdan sonra Qarabağda sabitlik və təhlükəsizlik, hərbi əməliyyatlar nəticəsində yerdəyişmə etmiş şəxslərin geri qaytarılması ilə bağlıdır.

Xatırladaq ki, noyabrın 25-də Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Azərbaycan və Türkiyənin rəsmi dairələri bu qərara ciddi təpki göstəriblər. Azərbaycanın Milli Məclisi 26 noyabrda Fransaya etiraz bəyanatı ünvanlayıb. Xarici İşlər Nazirliyi isə Fransaya nota verib və Fransa səfirini nazirliyə çağıraraq bu barədə onu bilgiləndirib. 

Fransa Xarici İşlər Nazirliyi də açıqlama verərək bəyan edib ki, Fransa özünü müstəqil elan etmiş “Dağlıq Qarabağ Respublikası”nı tanımır.

119
Teqlər:
qətnamə, xain, Fransa, Azərbaycan, Qarabağ
Azərbaycan Respublikasının Xarici İşlər Nazirliyi

Ermənistan hökuməti yeni reallıqla barışmalıdır - Azərbaycan XİN

17
(Yenilənib 22:54 03.12.2020)
Azərbaycan BMT TŞ-nin müvafiq qətnamələrinin icrasını təmin etdi və ərazi bütövlüyünü bərpa etdi. 10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı.

BAKI, 3 dekabr - Sputnik. Ermənistan rəhbərliyindən fərqli olaraq, Azərbaycan Prezidenti imzaladığı hər bir sənədin nəinki indiki mərhələdə, hətta uzaq perspektivdə nəyə xidmət etdiyini çox yaxşı bilir. Bunu dövlət başçımız yalnız sözləri ilə deyil, konkret əməlləri ilə nümayiş etdirir. Ermənistan xarici işlər naziri xəyal dünyasından nə qədər acı olsa da reallığa dönməlidir.

Sputnik Azərbaycan bildirir ki, bu barədə Azərbaycan Xarici İşlər Nazirliyinin Mətbuat xidməti idarəsinin Ermənistan xarici işlər naziri Ara Ayvazyanın “Armenpress” agentliyinə verdiyi müsahibəyə dair şərhində deyilir.

"Ermənistan tərəfinin uzun illər ərzində sərgilədiyi beynəlxalq hüquqa zidd və destruktiv mövqe bu ölkəni uçuruma sürükləyib. Ermənistan hökuməti son baş verən hadisələrdən nəticə çıxarmalı və bölgədə yaranmış yeni reallıqla barışmalıdır.

Azərbaycan BMT TŞ-nin müvafiq qətnamələrinin icrasını təmin etdi və ərazi bütövlüyünü bərpa etdi. 10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı.

Əsir və girovların, meyitlərin dəyişdirilməsinə gəldikdə isə, Ermənistan xarici işlər nazirinə xatırladırıq ki, məhz Ermənistan tərəfi uzun illər ərzində Azərbaycanın “hamının hamıya” dəyişdirilməsi təşəbbüsünə qarşılıq vermirdi. İndi bu prinsipin Ermənistan tərəfindən qəbul edilməsi elə dəyişən reallığın bir hissəsidir. Azərbaycan isə hər zaman beynəlxalq humanitar hüquq prinsiplərinə ciddi riayət edib, humanizm prinsiplərindən çıxış edərək, hətta hərbi əməliyyatlar davam edən zaman birtərəfli qaydada erməni əsirlərini və cəsədləri qarşı tərəfə təhvil verib.

Ermənistan tərəfinin 10 noyabr tarixli birgə bəyanatı yozmaq əvəzinə bu razılaşmadan irəli gələn məsələləri yerinə yetirməsi bölgədə uzun illərdir gözlənilən sülhün yaranmasına xidmət edəcəkdir", - deyə XİN-in şərhində vurğulanır.

17
Teqlər:
Ermənistan XİN, cavab, Azərbaycan XİN, Azərbaycan, Qarabağ
Tədqiqat, arxiv şəkli

Yapon alimlər indiyədək heç kəsin görə bilmədiyini gördülər

0
(Yenilənib 01:52 04.12.2020)
Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

BAKI, 4 noyabr - Sputnik. Yapon alimlər əvvəllər müşahidə edilə bilməyən zərrəciklərin vizualizasiya metodunu aşkarlayıblar. Müəlliflərin fikrincə, bu, günəş batareyaları və işıq diodlardan tutmuş smartfon və lazerlərədək gələcək yüksək texnologiyalı qurğuların hazırlanmasında gərəkli olan ikiölçülü yarımkeçiricilərin öyrənilməsində inqilaba bərabər kəşfdir.

Sputnik Azərbaycan bildirir ki, araşdırmanın nəticələri Science jurnalında dərc olunub.

Eksitonlar - bir çox müasir texnologiyanın əsas tərkibi olan yarımkeçiricilərdə maddənin həyəcan vəziyyətini əks etdirən kvazi hissəciklərdir. İşıq elektronlara təsir edib onları daha yüksək enerji halına qaldıran zaman eksitonlar yaranır, bu zaman elektronların əvvəl olduğu enerji səviyyəsində isə dəlik əmələ gəlir.

"Dəlik - elektronun olmaması deməkdir, ona görə də onlar elektronun əksi olan yükü daşıyırlar. Əks yüklər bir-birini cəzb edir, həm elektronlar, həm də dəliklər birləşərək eksitonları əmələ gətirir, bunlar isə öz növbəsində material daxilində hərəkət edir", - Okinava Elm və Texnologiya İnstitutunun professoru, femtosaniyə spektroskopiya bölməsinin rəhbəri Keşav Dani yazır.

İri yarımkeçiricilərdə eksitonlar əmələ gəldikdən sonra saniyənin milyardda bir kəsikləri ərzində sönür. Üstəlik, onlar "kövrək" də ola bilir, bu isə həm öyrənilməsini, həm də idarəolunmasını çətinləşdirir. Ancaq təxminən on il əvvəl alimlər ikiölçülü yarımkeçiriciləri kəşf etdilər ki, bunlarda eksitonlar daha dayanıqlıdır.

"Stabil eksitonlar bu materiallara, doğrudan da unikal xüsusiyyət bəxş edir, buna görə də eksiton əsaslı yeni optik-elektron qurğuların yaradılması üçün xeyli araşdırma aparılıb, - digər müəllif, femtosaniyə spektroskopiya bölməsinin əməkdaşı doktor Jülyen Madeo qeyd edir. - Ancaq hazırda eksitonların ölçülməsi üçün standart eksperimental texnika məhduddur".

Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

Qara eksitonlarda elektronların impulsu parlaq eksitonlardakı elektronların impulsundan və əlaqədə olduqları dəliklərin hərəkət anından fərqlənir, bu isə onlara işığı udmağa imkan vermir.

"Bilirdik ki, onlar var, amma birbaşa görə, tədqiq edə bilmədiyimizdən materialın optik-elektron xüsusiyyətlərinə nə dərəcədə təsir etdiyini bilmirdik", - Madeo bildirib. 

Qara eksitonları vizuallaşdırmaq üçün alimlər əvvəllər əlaqəsiz elektronları öyrənmək üçün istifadə etdikləri güclü texnikanı modifikasiya ediblər.

"Tərkibi zərrəciklər olan eksitonlarda bu metodların necə işə yarayacağı aydın deyildi. Bu yanaşmanın əsaslı olub-olmadığı barədə elmi cəmiyyət böyük nəzəriyyə müzakirəsi açdı", - professor Dani qeyd edib.

Müəlliflər təxmin ediblər ki, yüksək enerjiyə malik fotonlu işıq seli ilə yarımkeçirici materialdakı eksitonlara təzyiq olunsa, fotonların enerjisi eksitonları dağıdaraq elektronları materialdan çıxara bilər. Bununla da elektronların materialdam çıxdığı istiqaməti ölçərək elektronların eksitonların tərkibi olduğu zaman malik olduğu ilkin impulsu təyin etmək mümkün olardı. Beləliklə, alimlər nəinki eksitonları görə, eləcə də qara və parlaq eksitonları bir-birindən ayıra biləcəklər.

"Bütün texniki problemləri həll edb, qurğunu qoşarkən bizim ekranda eksitonlar peyda olanda - bu, doğrudan da möhtəşəm idi", - tədqiqatda iştirak etmiş doktor Mişel Man deyib.

Alimləri bir xüsusiyyət də təəccübləndirib: onlar şahid olublar ki, materialda qara eksitonlar parlaq eksitonlardan çoxdur, üstəlik, müəyyən şərtlər daxilində, həyəcanlanmış elektronlar materialda səpələnib impulslarını dəyişən zaman eksitonlar dəyişə bilir (parlaqdan qaraya).

0
Teqlər:
elektron zərrəcik, yarımkeçirici, material, optik, elmi tədqiqat, tədqiqat, alimlər, Yaponiya