Azərbaycan Respublikasının Xarici İşlər Nazirliyi

XİN Norveç səfirliyinin bağlanmasına münasibət bildirdi

193
(Yenilənib 14:59 10.11.2018)
Leyla Abdullayeva: “Səfirliyin bağlanması təəssüf doğurur”

BAKI, 10 noyabr — Sputnik. Azərbaycan Xarici İşlər Nazirliyi Norveçin Bakıdakı səfirliyini bağlaması qərarına münasibət bildirib.

Nazirliyin mətbuat xidmətinin rəhbəri Leyla Abdullayeva Sputnik Azərbaycan-a açıqlamasında deyib ki, Norveçin Azərbaycanda səfirliyini bağlaması qərarı təəssüf doğurur, lakin, bu, Norveç hökumətinin qərarıdır.

"Azərbaycan Norveçlə hərtərəfli xoş münasibətlərə malikdir. Bu ölkənin ən iri enerji şirkəti olan "Equinor" (əvvəlki "Statoil") 1990-cı illərdə Azərbaycana gələn ilk xarici şirkətlərdən biridir və “Əsrin müqaviləsi”nin iştirakçısı olub. Norveçli vikinqlərlə azərbaycanlılar arasında qədim əlaqələr və bağlılığın mövcudluğu nəzəriyyəsinin müəlifi - Norveçin tanınmış alim-etnoqrafı Tur Heyerdal Azərbaycanın böyük dostu olub. İki ölkə arasında müxtəlif sahələrdə çoxsaylı və faydalı layihələr həyata keçirilib. Bizdə olan məlumata görə, hazırda Norveç tərəfi Azərbaycanda öz təmsilçiliyini konsulluq fəaliyyəti vasitəsilə saxlamaq niyyətindədir. Lakin bu təmsilçiliyin yalnız fəxri və ya diplomatik konsulluq statusunda həyata keçiriləcəyi hələlik tam aydın deyil" - Azərbaycan XİN-in rəsmisi vurğulayıb.

193
Teqlər:
Leyla Abdullayeva, səfirlik, Norveç, XİN
Əlaqədar
XİN: Paşinyan erməni xalqını aldatmamalıdır
XİN mövqeyini bildirdi: Ermənistan qoşunları işğal olunmuş ərazilərdən çıxmalıdır
XİN: Fransa şəhərinin meri "qara siyahı"ya salınacaq
Azərbaycan XİN təyyarə qəzası barədə rəsmi açıqlama verdi
Fransa XİN-i Sputnik Azərbaycan-a cavab verdi: "Dağlıq Qarabağ Respublikasını" tanımırıq