Con Bolton

Trampın müşaviri Azərbaycan paytaxtında məramını açıqladı: İran Qarabağ

11905
(Yenilənib 16:13 24.10.2018)
Con Bolton: "Biz başa düşürük ki, Dağlıq Qarabağ münaqişəsinin həll olunması həm Azərbaycan, həm də Ermənistanda sülhün bərqərar olması baxımından önəmlidir"

Eldar Tanrıverdiyev, Sputnik Azərbaycan

BAKI, 24 oktyabr — Sputnik. "Bu, mənim Azərbaycana ilk səfərimdir. Bu, həmçinin ölkəniz müstəqillik əldə etdikdən sonra, ABŞ prezidentinin milli təhlükəsizlik üzrə müşaviri səviyyəsində Azərbaycana baş tutan ilk səfərdir".

İlham Əliyev ABŞ Prezidentinin milli təhlükəsizlik məsələləri üzrə müşavirini qəbul edib
© Official website of President of Azerbaijan Republic

Sputnik Azərbaycan xəbər verir ki, bunu jurnalistlərə açıqlamasında ABŞ Prezidenti Donald Trampın milli təhlükəsizlik üzrə müşaviri Con Bolton deyib. O, Bakıda keçirdiyi görüşlərdən danışıb.

"Biz Xarici İşlər Naziri Elmar Məmmədyarov və Azərbaycan Prezidenti İlham Əliyevlə regional məsələləri, Dağlıq Qarabağ münaqişəsini, eyni zamanda İrana dair məsələləri müzakirə etdik. Müzakirələr zamanı İranın nüvə silahı üzrə fəaliyyətdən çəkindirilməsinə dair tədbirlərə də toxunduq" — Bolton bildirib.

"Bakıdakı görüşlərimizdə Azərbaycan – ABŞ iqtisadi əlaqələrinə xüsusi yer verdik. Müzakirələrimiz zamanı Cənub Qaz Dəhlizi layihəsinə xüsusi önəm verdik. Azərbaycan Avropaya enerjinin alternativ yollarla çatdırılması və regionun enerji təhlükəsizliyində xüsusi rol oynayır. Biz regional məsələləri, həmçinin, çərşənbə axşamı Moskvada keçirdiyimiz görüşləri müzakirə etdik" — o vurğulayıb.

Con Bolton, eyni zamanda Bakıdakı görüşlərində Dağlıq Qarabağ münaqişəsinə də toxunduqlarını diqqətə çatdırıb: "Bu, mənim Azərbaycana ilk səfərimdir. Qarabağ məsələsinin dinc yolla həll olunması və bu istiqamətdə fəaliyyətlər ətrafında Azərbaycan Prezidenti ilə müzakirələr apardıq".

"Biz başa düşürük ki, Dağlıq Qarabağ münaqişəsinin həll olunması həm Azərbaycan, həm də Ermənistanda sülhün bərqərar olması baxımından bizim qüçün önəmlidir. Dağlıq Qarabağ münaqişəsinin həlli strateji nöqteyi-nəzərdən ABŞ üçün böyük əhəmiyyət kəsb edir" — amerikalı rəsmi bəyan edib.

"ABŞ ATƏT-in Minsk Qrupunun həmsədr ölkələrindən biridir. Biz münaqişənin sülh yolu ilə həlli üçün səylərimizi davam etdirəcəyik. Sabah mən Ermənistana səfər edəcəm və orada münaqişənin həlli ilə bağlı müzakirələr aparacağam. Ermənistan tərəfinin də Dağlıq Qarabağ münaqişənin həllinə dair perspektiv planlarını öyrənəcəyəm" — deyə müşavir əlavə edib.

11905
Teqlər:
müşavir, milli təhlükəsizlik, səfər, Azərbaycan, ABŞ, prezident
Əlaqədar
Boltonun Qafqaz səfəri – Hamı İranı hədəf göstərir
Kanada bayrağı, arxiv şəkli

Kanadalı senator Azərbaycan xalqından üzr istəməlidir

4
(Yenilənib 17:45 29.10.2020)
Azərbaycanın Dağlıq Qarabağ bölgəsinin azərbaycanlı icmasının rəhbəri Tural Gəncəliyev Kanada Parlamentinin senatoru Leo Housakos və Ontario yerli parlamentinin üzvü Gurratan Singhə həm video, həm də yazılı formatda etirazını bildirib.

BAKI, 29 oktyabr — Sputnik. Azərbaycanın Dağlıq Qarabağ bölgəsinin azərbaycanlı icmasının rəhbəri, Milli Məclisin Azərbaycan-Kanada Parlamentlərarası dostluq qrupunun rəhbəri Tural Gəncəliyev Kanada Parlamentinin senatoru Leo Housakos və Ontario yerli parlamentinin üzvü Gurratan Singhə həm video, həm də yazılı formatda etirazını bildirib.

İcmadan Sputnik Azərbaycan-a verilən məlumata görə, son günlər adıçəkilən şəxslər Ermənistanın Azərbaycana qarşı təcavüzünə və işğalını dəstəkləyən bəyanatlar səsləndiriblər.

Tural Gəncəliyev həmin şəxslərin və bütün Kanada Parlamentinin üzvlərinin diqqətinə münaqişə bölgəsindən uzaqda yerləşən Azərbaycanın yaşayış məntəqələrinə Ermənistan tərəfindən atılan qadağan olunmuş raketlər nəticəsində 100-ə yaxın mülki əhalinin öldürülməsi və onların 10 nəfərinin azyaşlı olması faktını çatdırıb:

"Seçicilərinizin hüquqlarını qorumaq əvəzinə, sizə verilən tribunadan erməni lobbisinin ruporu kimi çıxış etməyiniz seçicilərinizə hörmətsizlik kimi qiymətləndirilir. Siz bu hərəkətlərinizlə Ermənistan silahlı qüvvələrinin Azərbaycan mülki vətəndaşlarına qarşı törətdiyi müharibə cinayətlərinin müdafiəçisinə çevrilirsiniz".

Müraciətdə Tural Gəncəliyev Kanadanın Ontario və Quebec bölgələrinin əhalisinə səslənərək bildirir ki, onları parlamentdə təmsil edən şəxslər günahsız insanların ölümlərinə bütün insan haqlarını kobud şəkildə pozaraq haqq qazandırır: "Bu siyasətçilər doğrudanmı, sizin dəstəyinizə layiqdirlər?"

T. Gəncəliyev, Singh və Housakosun xalqımıza qarşı qərəzli mövqelərini kəskin şəkildə qınamaqla yanaşı, onları Azərbaycan xalqından üzr istəməyə çağırıb.

4
KTMT gerbi, arxiv şəkli

Ceyhun Bayramov KTMT-ın Qarabağa cəlb olunmasına münasibət bildirdi

10
(Yenilənib 17:45 29.10.2020)
Nazir: "Biz açıq şəkildə bildirdik ki, Ermənistanın bu cür təxribatlarına cavab verməyəcəyik. Bizim reaksiyamız Azərbaycanın işğal olunmuş ərazilərinin azad edilməsi şəklində döyüş meydanında olacaq"

BAKI, 29 oktyabr — Sputnik. Azərbaycan xarici işlər Naziri Ceyhun Bayramov Kollektiv Təhlükəsizlik Müqaviləsi Təşkilatının (KTMT) Qarabağdakı vəziyyətə cəlb olunması ideyasını şərh edərkən qeyd edib ki, rəsmi Bakı "münaqişənin və onun zonasının kontekstinin genişləndirilməsini dəstəkləmir".

Bu barədə Sputnik Azərbaycan "RİA Novosti"-yə istinadən xəbər verir.

"Azərbaycan konfliktin və onun zonasının kontekstinin genişləndirilməsi ideyasını dəstəkləmir. Öz ərazisindən münaqişə zonasından kənarda olan Azərbaycanın şəhərlərini, yaşayış məntəqələrini və əhalini atəşə tutmaqla Ermənistan Azərbaycanı cavab atəşi açmağa və bununla da üçüncü dövlətləri münaqişəyə cəlb etməyə çalışır. Biz açıq şəkildə bildirdik ki, Ermənistanın bu cür təxribatlarına cavab verməyəcəyik. Bizim reaksiyamız Azərbaycanın işğal olunmuş ərazilərinin azad edilməsi şəklində döyüş meydanında olacaq", - deyə Ceyhun Bayramov bildirib.

10

Goranboy, Tərtər Bərdə rayonları fasiləsiz artilleriya atəşinə tutulur

0
(Yenilənib 17:52 29.10.2020)
Müdafiə Nazirliyi: "Humanitar atəşkəs rejimini kobudcasına pozmağa davam edən Ermənistan silahlı qüvvələri Goranboy, Tərtər və Bərdə rayonlarının ərazisini artilleriya atəşinə tutur"

BAKI, 29 oktyabr - Sputnik. Goranboy, Tərtər və Bərdə rayonlarının ərazisi artilleriya atəşinə tutulur.

Sputnik Azərbaycan xəbər verir ki, bu barədə Müdafiə Nazirliyi məlumat yayıb. 
"Humanitar atəşkəs rejimini kobudcasına pozmağa davam edən Ermənistan silahlı qüvvələri Goranboy, Tərtər və Bərdə rayonlarının ərazisini artilleriya atəşinə tutur", - məlumatda deyilir. 

0
Əlaqədar
Diplomatik nümayəndələrin də olduğu Tərtər atəşə tutulub
Ermənistan Tərtər ərazisini yenidən atəşə tutur - Müdafiə Nazirliyi
Ermənistan Tərtəri yaylım atəşli reaktiv sistemlərdən və toplardan atəşə tutub
Goranboy və Tərtər rayonlarının ərazisi atəşə tutulub
Ermənistan növbəti dəfə dinc sakinləri raket atəşinə tutdu - bir nəfər həlak oldu