Ermənistanın baş naziri Nikol Paşinyan BMT baş assambleyasının 73-cü sessiyasında çıxışı. Nyu-York, 25 sentyabr 2018-ci il

Deputat: “Paşinyan danışdığını heç özü bilmir”

180
(Yenilənib 21:39 26.09.2018)
Ermənistanın baş naziri Nikol Paşinyanın bütün bəyanatları onu göstərir ki, o, Azərbaycanla danışıqlara hazır deyil

BAKI, 26 sentyabr — Sputnik. “Ermənistanın baş naziri Nikol Paşinyanın bütün bəyanatları onu göstərir ki, o, Azərbaycanla danışıqlara hazır deyil”.

Bunu Sputnik Azərbaycan-a açıqlamasında Azərbaycan Milli Məclisinin deputatı, politoloq Rasim Musabəyov deyib.

Bu günlərdə Ermənistanın baş naziri Nikol Paşinyan BMT Baş Assambleyasının 73-cü sessiyasında çıxışı zamanı deyib ki, "Azərbaycan danışıqları Dağlıq Qarabağla aparmalıdır, əks təqdirdə belə çıxır ki, Bakıya yalnız Qarabağın ərazisi lazımdır, əhalisi yox".

Musabəyovun sözlərinə görə, Paşinyan dövlət rəhbəri olaraq özünü qəribə aparır. Ona elə gəlir ki, Yerevan meydanındakı erməni əhalisinin manyakal “ən qədim xalq” mifik hisslərinə toxunduğu tondakı çıxışına bənzər nitqi BMT tribunasından yaxşı səslənəcək.

"Mən onun sözlərinə heç bir məna vermirəm. Bütün bunlar o deməkdir ki, erməni baş nazir Azərbaycanla danışıqlara hazır deyil" — deputat bildirib.

Ermənistan baş nazirinin Bakıya Qarabağın əhalisinin deyil, ərazisinin lazım olduğu barədə dediklərinə gəlincə, Musabəyov bildirib ki, Paşinyan anlayışları dəyişik salıb. Bu gün gündəlikdə duran məsələ BMT Baş Assambleyasının qəbul etdiyi dörd qətnamənin yerinə yetirlməsidir. Söhbət Dağlıq Qarabağ ətrafındakı işğal olunmuş ərazilərdən Yerevanın öz qoşunlarını çıxarması barədə məlum qətnamələrdən gedir.

Paşinyan BMT tribunasında deyir ki, erməni tərəfi o qətnamələri yerinə yetirməyə hazırdır, lakin bununla belə, onlara nəsə başqa şey də lazımdır. Azərbaycanlı deputat bildirib ki, Paşinyan qeyri-müəyyən, anlaşılmayan çıxışlar edir.

180
Teqlər:
çıxış, BMT Baş Assambleyası, Milli Məclisin deputatı, politoloq Rasim Musabəyov, Ermənistan baş naziri Nikol Paşinyan

Politoloq: “Avropa Amerikaya görə Çinlə münasibətlərini pozmaq istəmir”

11
(Yenilənib 00:43 03.08.2020)
Politoloq Fikrət Sadıxov deyir ki, Birləşmiş Ştatlar Çinin nə daxili, nə də xarici siyasətini qəbul etmək istəyir
Fikrət Sadıxov: “Çinlə münasibətləri pozmaq Avropa ölkələrinin marağında deyil”

“ABŞ Pekinə qarşı sərtləşdirmə siyasətini bütün müttəfiqləri üçün uyğun hesab edir”. Bunu ABŞ dövlət katibi Maykl Pompeo deyib.

Politoloq Fikrət Sadıxov Sputnik Azərbaycan-a deyir ki, ölkələrin bir-birinə olan münasibətləri sərtləşdirmək və yumşaltmaq istəyi prioritetlərdən asılı olan məqamdır:

“ABŞ-ın Çinə qarşı sərt münasibəti göstərir ki, bu ölkə rəsmi Pekinin nə daxili, nə də xarici siyasətini qəbul etmək istəyir. ABŞ Çinin beynəlxalq münasibətlər sistemində tutduğu kursdan narazıdır. Amma bu, o demək deyil ki, ABŞ-ın müttəfiqləri də bu yolla getməlidirlər. Çin kimi bir güclə münasibətləri pozmağın hansısa Avropa ölkəsinin maraqları çərçivəsində olduğunu düşünmürəm”.

Fikrət Sadıxovun geniş şərhinə audiofaylda qulaq asa bilərsiniz

11
ATƏT bayraqları, arxiv şəkli

Rusiya özü gedir, ABŞ-ı çıxarır

10
(Yenilənib 01:35 03.08.2020)
"ATƏT-in Avropa təhlükəsizlik sistemində rolunun möhkəmlənməsi NATO və Avropa Birliyinin təsirinin azalmasına gətirib çıxaracaq"

BAKI, 3 avqust — Sputnik. Rusiya tərəfi Amerika Birləşmiş Ştatlarının Avropa Təhlükəsizlik və Əməkdaşlıq Təşkilatından çıxarılmasını tələb etməyəcək.

Sputnik Azərbaycan Rusiya mətbuatına istinadən bildirir ki, bunu Rusiyanın təşkilatdakı daimi nümayəndəsi Aleksandr Lukaşeviç deyib. 

“Biz ona çalışırıq ki, amerikalılar ATƏT-in yaradılması ilə ümumavropa prosesinin miqyaslı xarakter aldığını başa düşsünlər. Çünki ATƏT-in Avropa təhlükəsizlik sistemində rolunun möhkəmlənməsi NATO və Avropa Birliyinin təsirinin azalmasına gətirib çıxaracaq”, - Lukaşeviç deyib.

Onun sözlərinə görə, hadisələrin bu cür inkişafı ABŞ-a sərf etmir. Buna Birləşmiş Ştatların “ATƏT-in institusional inkişafına mane olmaq” cəhdləri dəlalət edir.

Eyni zamanda Lukaşeviç qeyd edib ki, Rusiya özü də təşkilatdan çıxmaq fikrində deyil, çünki “o həmişə ATƏT-ə sadiq olub”.

 

10

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0