Azərbaycan bayrağı

Dövlət Müstəqilliyimizin bərpası yolunda ilk addım

45
(Yenilənib 04:55 30.08.2018)
Azərbaycan Ali Sovetinin növbədənkənar sessiyasında respublikanın dövlət müstəqilliyinin bərpası haqqında Deklarasiya qəbul edilib

BAKI, 30 avqust — Sputnik. 1991-ci il avqustun 30-da Azərbaycanın müstəqilliyinin bərpası yolunda mühüm addım atılıb. Sputnik Azərbaycan xəbər verir ki, Azərbaycan Ali Sovetinin növbədənkənar sessiyasında respublikanın dövlət müstəqilliyinin bərpası haqqında Deklarasiya qəbul edilib.

Eyni vaxtda "Azərbaycan Respublikasının dövlət müstəqilliyinin bərpası haqqında" Azərbaycan Respublikası Ali Soveti qərar çıxarıb. 1991-ci il oktyabrın 18-də Ali Sovet bu qərarın icrası məqsədilə 1918-ci il mayın 28-də Azərbaycan Milli Şurasının qəbul etdiyi müstəqillik haqqında Deklarasiyaya əsaslanaraq və "Azərbaycan Respublikasının dövlət müstəqilliyinin bərpası haqqında" Azərbaycan Ali Sovetinin 1991-ci il 30 avqust tarixli Deklarasiyasını rəhbər tutaraq Azərbaycan Respublikasının dövlət müstəqilliyi haqqında Konstitusiya Aktını və müstəqil ölkəmizin dövlət, siyasi və iqtisadi quruluşunun əsaslarını təsis edib.

45
Teqlər:
deklarasiya, müstəqillik, Azərbaycan Ali Soveti, Azərbaycan

Prezident: Azad olunmuş ərazilərdə bərpa işlərində dost ölkələrin şirkətləri iştirak edir

1441
(Yenilənib 23:07 25.07.2021)
Azərbaycan Prezidenti Serbiya şirkətlərinin gələcəkdə işğaldan azad olunmuş ərazilərdəki bərpa və yenidənqurma işlərində iştirakının mümkünlüyünü bildirib.

BAKI, 25 iyul - Sputnik. Azərbaycan Respublikasının Prezidenti İlham Əliyev Serbiya Respublikasının xarici işlər naziri Nikola Selakoviçin başçılıq etdiyi nümayəndə heyətini qəbul edib.

Sputnik Azərbaycan xəbər verir ki, Serbiyanın xarici işlər naziri Nikola Selakoviç Serbiya Prezidenti Aleksandr Vuçiçin salamlarını dövlətimizin başçısına çatdırıb.

Prezident İlham Əliyev Serbiya Prezidentinin salamlarına görə minnətdarlığını bildirdi, onun da salamlarını Aleksandr Vuçiçə çatdırmağı xahiş edib.

Görüşdə iki ölkə arasında strateji tərəfdaşlıq münasibətlərinin uğurla inkişaf etdiyi məmnunluqla qeyd olunub, Bakıda keçiriləcək Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın iclasının əməkdaşlığın genişlənməsi baxımından önəmi vurğulanıb.

Söhbət zamanı Azərbaycanın və Serbiyanın bir-birinin ərazi bütövlüyünü qarşılıqlı şəkildə dəstəklədiyi bildirilib. İqtisadi əməkdaşlıq məsələləri müzakirə olunub. Prezident İlham Əliyev deyib ki, işğaldan azad olunmuş ərazilərimizdə aparılan bərpa və yenidənqurma işlərində dost ölkələrin şirkətləri iştirak edir. Bu baxımdan Serbiya şirkətlərinin gələcəkdə bu işlərdə iştirakının mümkünlüyü bildirilib.

Həmçinin oxuyun:

Serbiya prezidenti Azərbaycan liderini ölkəsinə rəsmi səfərə dəvət edib

İlham Əliyev: "Bizim üçün Serbiya ilə əməkdaşlıq böyük əhəmiyyət kəsb edir"

İlham Əliyev Türkiyə və Serbiyanın səfirlərinin etimadnamələrini qəbul edib

1441
Президент Ирана Хасан Рухани, фото из архива

Ruhani İran parlamentini sanksiyaların ləğvi məsələsini ləngitməkdə günahlandırıb

703
(Yenilənib 21:39 25.07.2021)
On gündən sonra vəzifədən gedəcək İran İslam Respublikasının lideri qanunverici hakimiyyətə qarşı sərt çıxış edib.

BAKI, 25 iyul - Sputnik. İranın vəzifə müddətini başa vurmaqda olan prezidenti Həsən Ruhani parlamenti ölkəyə qarşı iqtisadi sanksiyaların aradan qaldırılmasına mane olmaqda günahlandırıb.

İranın Tasnim agentliyi məlumat yayıb ki, İran parlamentinin rəyasət heyəti İran və ABŞ hökumətləri arasında birbaşa danışıqların keçirilməsinin məhdudlaşdırılması barədə qanun layihəsini nəzərdən keçirir. Qanun layihəsinə əsasən, hökumət danışıqların mövzusunu parlamentlə razılaşdırmalı və onun icazəsini almalıdır.

"Əgər biz keçmiş ABŞ prezidenti Donald Trampın hökuməti zamanında sanksiyaların qaldırılması üzrə hansısa addım atmaq istəsə idik, bu barədə qərarı bütün hakimiyyət sistemi qəbul etməli idi. Hökumət təkbaşına bunu edə bilməz, İran parlamentinin qərarları isə sanksiyaların qaldırılması prosesinə mane olurdu", - Ruhanı bəyan edib.

ABŞ və İran arasında münasibətlər 40 il əvvəl pozulub. Həmin vaxtdan etibarən Vaşinqton mütəmadi olaraq İrana qarşı ticarət-iqtisadi sanksiyalar tətbiq edir. 2005-2013-cü illərdə vəziyyət daha da kəskinləşib, həmin vaxt İranda nüvə proqramının tammiqyaslı inkişafı başlayıb. Bu, İran maliyyə sektoruna qarşı yeni sanksiyaların tətbiqinə gətirib. Nəticədə İran iqtisadiyyatı iflas həddinə çatıb.

Vəziyyət 2015-ci ildə sabitləşib. Həmin vaxt Böyük Britaniya, Almaniya, Rusiya, Çin ABŞ, Fransa və İran Birgə hərtərəfli hərəkət planına imza atıblar. Sənədə əsasən, İranın nüvə proqramının məhdudlaşdırılması müqabilində sanksiyalar götürülürdü. Lakin 2018-ci ilin mayında ABŞ birtərəfli qaydada müqaviləni tərk edərək sərt sanksiyaları bərpa etdi. 

Hazırda Vyanada Birgə hərtərəfli hərəkət planın bərpası üzrə danışıqlar gedir. 

İyunun 18-də İranda keçirilmiş prezident seçkilərində İbrahim Rəisi 61,9% səslə qalib gəlib. Onun andiçmə mərasimi avqustun 5-də keçirilməlidir.

Həmçinin oxuyun:

Bayden İrana qarşı sanksiyaların ləğvi barədə

Avropa Parlamenti İrana qarşı qərarnamə qəbul edib

Politoloq: “İrana qarşı sanksiyalar ən effektiv metoddur”

ABŞ İrana qarşı sanksiyalar siyahısını genişləndirib

703
Güclü külək şimal bölgəsində fəsadlar törətdi

FHN gözlənilən hava şəraiti ilə əlaqədar əhaliyə müraciət edib

0
Gözlənilən hava şəraiti ilə əlaqədar Fövqəladə Hallar Nazirliyi əhaliyə müraciət edərək, güclü küləyin səbəb ola biləcəyi təhlükələrdən qorunmaq üçün diqqətli olmağı və müvafiq təhlükəsizlik qaydalarına ciddi əməl etməyi tövsiyə edir.

BAKI, 26 iyul — Sputnik. Milli Hidrometeorologiya Xidmətinin məlumatına görə, iyulun 27-dən başlayaraq 29-dək ölkə ərazisində hava şəraitinin dəyişəcəyi, güclü külək əsəcəyi proqnozlaşdırılır.

Gözlənilən hava şəraiti ilə əlaqədar Fövqəladə Hallar Nazirliyi əhaliyə müraciət edərək, güclü küləyin səbəb ola biləcəyi təhlükələrdən qorunmaq üçün diqqətli olmağı və müvafiq təhlükəsizlik qaydalarına ciddi əməl etməyi tövsiyə edir.

Bu barədə FHN-dən Sputnik Azərbaycan-a verilən məlumatda bildirilib. Qeyd olunub ki, xüsusilə, yay fəslində insanların istirahət üçün çimərliklərə üz tutduğunu nəzərə alaraq xatırladırıq ki, güclü küləkli havada dənizə girmək təhlükəlidir.

Həmçinin, güclü külək zamanı, xüsusilə açıq hava şəraitində baş verən yanğınların söndürülməsi mürəkkəbləşdiyindən yanğın təhlükəsizliyi qaydalarına ciddi riayət edilməlidir.

Təhlükə zamanı 112-yə zəng etməyi unutmayın!

Həmçinin oxuyun:

* Xəzər dənizində hava şəraiti ilə bağlı xəbərdarlıq edildi: Dalğalar 7 metrə çatacaq

 

0