Rusiya XİN-in nümayəndəsi Mariya Zaxarova

Zaxarova Azərbaycan Ermənistan XİN rəhbərlərinin görüşündən danışıb

78
(Yenilənib 20:31 18.07.2018)
"Tərəflərin qurduğu istənilən konstruktiv münasibətlər bu vəziyyətin, problemin nizamlanmasının əsas məqsəd və vəzifələrinə nail olmağa xidmət etməlidir”

BAKI, 18 iyul — Sputnik. İstənilən konstruktiv münasibətlər Dağlıq Qarabağ münaqişəsinin nizamlanmasının əsas məqsədinə nail olmağa xidmət etməlidir.

Sputnik Azərbaycan xəbər verir ki, bunu Rusiya XİN-in mətbuat katibi Mariya Zaxarova bu gün Moskvada keçirilən mətbuat konfransında Azərbaycan və Ermənistan XİN rəhbərlərinin Brüsseldə son görüşünün yekunları ilə bağlı özəl olaraq Trend-in sualını cavablandırarkən qeyd edib.

Rusiyanın XİN rəsmisi deyib: "Tərəflərin qurduğu istənilən konstruktiv münasibətlər bu vəziyyətin, problemin nizamlanmasının əsas məqsəd və vəzifələrinə nail olmağa xidmət etməlidir. Biz hər iki tərəfin münaqişənin tam nizamlanması və ya heç olmasa dialoqun davam etdirilməsi istiqamətində addımlarını dəyərləndiririk".

1988-ci ildə Ermənistan tərəfindən Azərbaycana qarşı ərazi iddiaları başladı.

Bir müddət sonra isə Ermənistan tərəfindən Azərbaycan ərazilərinə hərbi təcavüz başlandı. Dağlıq Qarabağ və ona sərhəd yeddi rayon – Azərbaycan ərazisinin 20 faizi – Ermənistan silahlı qüvvələri tərəfindən işğal olundu. Bu işğal faktoru hələ də davam edir.

1994-cü ilin mayında tərəflər atəşkəs rejiminə nail olublar. O dövrdən bu günə kimi ATƏT-in Minsk qrupunun himayəsində — Rusiya, Fransa və ABŞ-ın həmsədrliyi ilə uğursuz sülh danışıqları davam edir. İşğal olunmuş Dağlıq Qarabağ və ona sərhəd rayonların azad edilməsi barədə BMT Təhlükəsizlik Şurasının qəbul etdiyi dörd qətnamə isə Ermənistan tərəfindən bu günədək icra olunmayıb.

78
Teqlər:
XİN rəhbərləri, münasibət, Mariya Zaxarova, Dağlıq Qarabağ, Ermənistan, Azərbaycan, danışıqlar
Kevin Hern, arxiv şəkli

Konqres üzvü Kevin Hern: "Azərbaycan ABŞ-ın etibarlı müttəfiqidir"

3
(Yenilənib 11:19 02.06.2020)
Bəyanatda həmçinin Azərbaycanın Amerikanın etibarlı müttəfiqi olduğu, Azərbaycan əsgərlərinin beynəlxalq terrorçuluqla mübarizədə Əfqanıstan, Balkan yarımadası ölkələri və İraqda ABŞ əsgərləri ilə çiyin-çiyinə xidmət etdiyi qeyd olunub

Eldar Tanrıverdiyev, Sputnik Azərbaycan

BAKI, 2 iyun — Sputnik. ABŞ Konqresində Azərbaycan üzrə İşçi Qrupun üzvü, Nümayəndələr Palatasında Oklahoma ştatını təmsil edən respublikaçı Kevin Hern Azərbaycanın milli bayramı – Respublika Gününün 102-ci ildönümü münasibətilə bəyanat verib.

Bu barədə Sputnik Azərbaycan-a Azərbaycan Respublikasının ABŞ-dakı Səfirliyindən bildirilib.

Qeyd edilir ki, Kevin Hern bəyanatında Azərbaycanın Şərqdə 1918-ci ildə ilk müstəqil, dünyəvi demokratik respublika qurduğunu bildirib.

Konqres üzvü uzun illər sovet nəzarətində olan Azərbaycanın Sovet İttifaqının çökməsi ilə 1991-ci ildə yenidən müstəqillik əldə etdiyini və 1992-ci ildə ABŞ-ın Azərbaycanla diplomatik əlaqələr qurduğunu vurğulayıb.

Bəyanatda həmçinin Azərbaycanın Amerikanın etibarlı müttəfiqi olduğu, Azərbaycan əsgərlərinin beynəlxalq terrorçuluqla mübarizədə Əfqanıstan, Balkan yarımadası ölkələri və İraqda ABŞ əsgərləri ilə çiyin-çiyinə xidmət etdiyi qeyd olunub. Bundan əlavə, Azərbaycanın enerji marşrutlarının müxtəlifləşdirilməsi, habelə Cənub Qaz Dəhlizi layihəsi vasitəsilə ABŞ müttəfiqlərinin enerji təhlükəsizliyinin təmin edilməsində mühüm rol oynadığı vurğulanıb.

K.Hern Azərbaycanın İsrailin dostu olduğunu və İsrailin neft istehlakının 40%-nin Azərbaycan tərəfindən təmin edildiyini vurğulayıb. Konqres üzvü əhalisinin əksəriyyətini müsəlmanların təşkil etdiyi dünyəvi dövlət olan Azərbaycanda xristian və yəhudi icmalarının birgə yaşadığını bildirərək Azərbaycandakı dini plüralizmi təqdir edib.

Sonda Konqres üzvü Azərbaycanla Oklahoma ştatının Milli Qvardiyası arasındakı tərəfdaşlığı ön plana çəkib. K.Hern Konqresdəki Azərbaycan üzrə İşçi Qrupun üzvü kimi çalışmaqdan və ABŞ-la Azərbaycan arasındakı dostluq əlaqələrindən məmnunluğunu ifadə edərək bir daha Azərbaycan xalqına səmimi təbriklərini bəyan edib.

3
Əlaqədar
"Azərbaycan dünya arenasında haqlı olaraq nüfuz qazanıb" - Vladimir Putin
ABŞ Helsinki Komissiyasının sədri Azərbaycanı təbrik edib
Rəcəb Tayyib Ərdoğan Azərbaycanı təbrik etdi
ABŞ-ın tarixi ərazisindəki inzibati binadan Azərbaycan bayrağı asıldı
ABŞ konqresmenləri Azərbaycanla bağlı bəyanat verdilər
Politoloq İlqar Vəlizadə

Sosial şəbəkələrdə nəzarət tətbiq edilməlidirmi politoloq şərh edir

9
(Yenilənib 11:05 02.06.2020)
Politoloq İlqar Vəlizadə deyir ki, bir çox hallarda insanlar nəzarətin gücləndirilməsini söz azadlığının məhdudlaşdırılması ilə eyniləşdirirlər
İlqar Vəlizadə: “Söz azadlığı sosial şəbəkələrin əsas prinsiplərindəndir”

“Sosial şəbəkələr bir çox hallarda destruktiv qüvvələrin və qrupların məkanına çevrilib”. Bunu Sputnik Azərbaycan-a açıqlamasında politoloq İlqar Vəlizadə deyib.

Politoloq bildirib ki, qapalı qruplarda dövlət əleyhinə fəaliyyətlər, bəzən də terror aktları planlaşdırılır:

“Bu baxımdan sosial şəbəkələrə nəzarətin gücləndirilməsi zəruridir. Bir çox hallarda insanlar nəzarətin gücləndirilməsini söz azadlığının məhdudlaşdırılması ilə eyniləşdirsələr də, bu belə deyil. Söz azadlığı sosial şəbəkələrin əsas prinsiplərindəndir, amma senzurasız sosial şəbəkə yoxdur. Məhz sosial şəbəkələrin özü bir çox hallarda məhdudlaşmalar tətbiq edir. Düşünürəm ki, sosial şəbəkələrin fəaliyyətini tənzimləmək üçün müştərək tənzimləmə mexanizmləri yaradılmalıdır”.

Qeyd edək ki, bir neçə gün öncə ABŞ Prezidenti Donald Tramp sosial şəbəkələr üzərində nəzarəti artıran sərəncam imzalayıb.

Pilotoloqun geniş şərhinə audiofaylda qulaq asa bilərsiniz

9
Gənc cütlük, arxiv şəkli

Toya təkcə karantin mane olmur: 38 azərbaycanlı bunu indi daha yaxşı hiss edir

0
(Yenilənib 20:22 02.06.2020)
Müayinədən keçənlərin 182-də talassemiya daşıyıcılığı, 32-də sifilis aşkarlanıb. HİV1/2 aşkarlananların sayı 10, hər ikisində daşıyıcılıq olanların sayı isə 2 olub

Nigar İsgəndərova, Sputnik Azərbaycan

BAKI, 2 iyun — Sputnik. Nikahaqədər müayinədən keçənlərin sayı ötən ay ərzində 5 min 979 olub. Bu barədə B.Ə.Eyvazov adına Hematologiya və Transfuziologiya İnstitutundan Sputnik Azərbaycan-ın sorğusuna cavab olaraq bildirilib. Qeyd olunub ki, müayinədən keçənlərin 182-də talassemiya daşıyıcılığı, 32-də sifilis aşkarlanıb. HİV1/2 aşkarlananların sayı 10, hər ikisində daşıyıcılıq olanların sayı isə 2 olub.

Xatırladaq ki, ötən ilin mayında müayinədən keçənlərin sayı 13 min 62, ötən ayda isə müayinədən keçənlərin sayı 958 olub.

0
Əlaqədar
Toylara icazə verilə bilər – Amma şərti ağırdır
Oynaya bilməyəcəksiniz – İyun-iyulda toy olmayacaq
Toylar, mollar və idman zalları ilə bağlı açıqlama
“Azərbaycan toylarının yerini heç nə vermir” – Amerikalı sahibkar ölkəmiz haqqında
"Mall"arın da bəxti açıldı, amma toy həvəsində olanların yox