İlham Əliyev

İlham Əliyev Fransaya səfər edəcək

47
(Yenilənib 21:10 14.07.2018)
Səfər çərçivəsində Azərbaycan və Fransa prezidentləri arasında ilk rəsmi görüş olacaq

BAKI, 14 iyul — Sputnik. Prezident İlham Əliyev iyulun 20-də Fransaya rəsmi səfər edəcək.

Sputnuk Azərbaycan xəbər verir ki, bunu Fransanın Azərbaycandakı səfiri Aureliya Buşez deyib.

Səfirin sözlərinə görə, səfər çərçivəsində Azərbaycan və Fransa prezidentləri arasında ilk rəsmi görüş olacaq.

"Bu görüş tərəfdaşlığımızın mükəmməliyini, ikitərəfli siyasi münasibətlərin gücünü nümayiş etdirməyə, o cümlədən, Fransanın Minsk Qrupunda fəallığını bir daha təsdiqləməyə imkan verəcək", — deyə səfir bildirib.

47
Teqlər:
səfir, Aureliya Buşez, səfər, Fransa, prezident İlham Əliyev
Belarus Prezidenti Aleksandr Lukaşenko, arxiv şəkli

Aleksandr Lukaşenkonun legitimliyini tanımırıq - Aİ-nin Ali Nümayəndəsi

5
(Yenilənib 19:27 21.09.2020)
Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell: Bu gün Aİ-nin Xarici İşlər nazirlərinin görüşündə Belarus rəsmilərinə qarşı sanksiyaların tətbiq olunması ilə bağlı yekdillik olmayıb.

BAKI, 21 sentyabr — Sputnik. Kipr Avropa İttifaqının (Aİ) Belarus rəsmilərinə qarşı sanksiyalarını bloklayıb.

Sputnik Azərbaycan APA-ya istinadla xəbər verir ki, bu barədə Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell mətbuat konfransında deyib.

O bildirib ki, bu gün Aİ-nin Xarici İşlər nazirlərinin görüşündə Belarus rəsmilərinə qarşı sanksiyaların tətbiq olunması ilə bağlı yekdillik olmayıb.

C. Borrell vurğulayıb ki, blok Belarusla əlaqələrini yenidən nəzərdən keçirəcək, vətəndaş cəmiyyətinə və azad mediaya daha çox maddi dəstək verəcək:

"Biz bu seçkinin saxtalaşdırıldığını bilirik və buna görə də Aleksandr Lukaşenkonun legitimliyini tanımırıq. Belarus xalqının azad, şəffaf və ədalətli seçkilər keçirmək haqqına inanır və Belarus xalqının yanında dayanırıq".

Qeyd edək ki, Aİ-də xarici siyasətlə bağlı qərarlar blokun 27 ölkəsi arasında yekdillik tələb edir.

Xatırladaq ki, Aİ seçkidəki saxtakarlığa, şiddət və təzyiqlərə görə məsuliyyət daşıyan Belarusun yüksək vəzifəli şəxslərinə qarşı sanksiya tətbiq edəcəyini bəyan edib.

5
Teqlər:
Belarus, Avropa ittifaqı, , Aleksandr Lukaşenko
Əlaqədar
Lukaşenko müharibəyə hazırlaşır?
Lukaşenko ilə Mişustinin görüşündə gözlənilməz təklif
İkinci gəliş: Lukaşenko bu dəfə tüninq olunmuş silahla görüldü - FOTO - VİDEO
Lukaşenko Rusiyadadır: Putinlə gələcək münasibətləri aydınlaşdıracaq
Hakimiyyəti heç kimə verməyəcəyəm – Lukaşenko
Millət vəkili Qənirə Paşayeva

Bu, səfərbərlik deyil, adi təlimdir

40
(Yenilənib 17:36 21.09.2020)
Millət vəkili Qənirə Paşayeva deyib ki, təkcə hərbi vəzifəlilər deyil, universitet illərindən hərbi kafedralarda bu sahənin sirlərinə yiyələnmiş şəxslər də bu işə cəlb olunmalıdır.

BAKI, 21 sentyabr — Sputnik. Bir neçə gündür ki, sosial şəbəkələrdə hərbi vəzifəlilərin orduya çağırılması ilə bağlı məlumatlar paylaşılır. Çağırışçılar və onların ailələri bunu ölkədə hərbi səfərbərliyin başlaması ilə əlaqələndiriblər. Artıq sosial şəbəkələrdə də səfərbərliyin başlaması ilə bağlı məlumatlar paylaşılır. Məsələ ilə bağlı bu gün Səfərbərlik və Hərbi Xidmətə Çağırış üzrə Dövlət Xidməti açıqlama yayaraq çağırışın təlim məqsədiylə olduğunu qeyd edib. Bildirilir ki, "Hərbi vəzifə və hərbi xidmət haqqında" qanuna əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırılırlar.

Rəsmi qurumun açıqlamasından da göründüyü kimi, burada ajiotaj yaradacaq heç bir səbəb yoxdur, çağırışın hərbi səfərbərlik kimi qələmə verilməsi yanlışdır. Belə ki, ehtiyatda olan hərbi vəzifəlilər qanunvericiliyə uyğun olaraq təlim toplantılarına çağırılırlar. Müharibə şəraitində olan Azərbaycan üçün bu cür toplanışların keçirilməsi sülh şəraitində olan ölkələrlə müqayisədə daha aktual və vacibdir.

Sputnik Azərbaycan xəbər verir ki, Milli Məclisin Mədəniyyət komitəsinin sədri, deputat Qənirə Paşayeva "Qafqazinfo"ya açıqlamasında bildirib ki, "Hərbi vəzifə və hərbi xidmət haqqında" qanuna əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırılırlar:

"Səfərbərlik və Hərbi Xidmətə Çağırış üzrə Dövlət Xidməti tərəfindən ehtiyatda olan hərbi vəzifəlilərin müxtəlif ixtisaslar üzrə təlim toplanışlarına çağırılması həyata keçirilir. Bilirsiniz ki, biz müharibə şəraitində yaşayan ölkəyik. Torpaqlarımızın 20 faizi hələ də Ermənistanın işğalı altındadır. Bundan əlavə, işğalçı Ermənistan iyul ayında cəbhənin Tovuz rayonu istiqamətində təxribatlar törədib. Onlar bizim bir sıra strateji nöqtələrimizi ələ keçirməyə cəhd edib. Düşmən layiq olduğu cavabı alaraq geri otuzdurulub. Ancaq işğalçı Ermənistan arxasındakı bəzi güclərin dəstəyi ilə bu təxribatlarını davam etdirir. Yenə də Tovuz rayonu istiqamətində təxribata əl atıb və bu təxribatların qarşısı yüksək səviyyədə alınıb. Bizim Tovuz rayonundan olan qardaşımız şəhid olub. Bizim Bu gün tək Tovuzda deyil, Azərbaycanın hər tərəfindən yüzlərlə, minlərlə insanımız Ali Baş Komandanın əmrində olduqlarını bəyan edirlər. Tovuz hadisələrində minlərlə insan könüllü şəkildə Səfərbərlik və Hərbi Xidmətə Çağırış üzrə Dövlət Xidmətinə müraciət edərək hər an cəbhəyə getməyə hazır olduqlarını bildirmişdi. Kişili-qadınlı, oğullu-qızlı hər birimiz vətəni qorumağa hazır olmalıyıq".

Qənirə Paşayeva qeyd edib ki, hərbi vəzifəlilərin ehtiyatda olduqları dövrdə hərbi təlimə və yoxlanışlara çağırılmaları qanunla həmişə həyata keçirilir. Burada hər hansı ajiotaja ehtiyac yoxdur. Bu hadisələrə normal baxmalıyıq. Müharibə şəraitində yaşayan bir ölkə üçün bu cür təlimlərin keçirilməsi ajiotaja səbəb olmamalıdır.

"Hesab edirəm ki, sadəcə hərbi vəzifəlilər deyil, universitet illərindən hərbi kafedralarda bu sahənin sirlərinə yiyələnmiş şəxslər də bu işə cəlb olunmalıdır. Mən də o insanlardan biriyəm. Tovuz hadisələri zamanı özüm də könüllü şəkildə xidmətə müraciət etmişəm. Vətənimizə, dövlətimizə nə zaman lazım olsaq, hər bir azərbaycanlı buna hazır olmalıdır", - deyə millət vəkili əlavə edib.

Bu arada qeyd edək ki, hərbi vəzifəlilərin təlimlərə çağırılması prosesi başqa ölkələrdə də baş verir.

40
Teqlər:
Səfərbərlik və Hərbi Xidmətə Çağırış üzrə Dövlət Xidməti, millət vəkili Qənirə Paşayeva
Əlaqədar
Dövlət Xidməti: Səfərbərlik çağırışı ilə bağlı SMS-lər saxtadır
Səfərbərlik qaydalarına tabe olmayanlar məsuliyyət daşıyırlar
Səfərbərlik və Hərbi Xidmətə Çağırış üzrə Dövlət Xidmətinin əməkdaşları toplandı
Prezidentin çağırışına səs verdilər: Minlərlə gənc səfərbərlik üçün qeydiyyata alınır
Arxeoloji qazıntılar, arxiv şəkli

"Onların işi qazıb təhvil verməkdir" - Tariximizə sahib çıxmaq niyə belə çətindir

19
(Yenilənib 17:45 21.09.2020)
"Nazirlər Kabineti qərar verməlidir ki, yeni aşkar edilmiş abidələr siyahıya alınsın. Siyahıda olmayanda abidələrin qorunmasında çətinlik yaranır" - F. Xəlilli.

İradə Cəlilova, Sputnik Azərbaycan

BAKI, 21 sentyabr — Sputnik. Ölkədə son dövrlər "arxeoloji bum" yaşanır. Qədim tarixin təsdiqi olan müxtəlif karvansaralar, kurqanlar, qəbirlər, yaşayış məskənləri aşkarlanır, araşdırmalar aparılır. Ancaq onların sonrakı taleyi qaranlıq qalır. Ya həmin abidələr nəzarətdən kənarda qalıb dağılır, ya da restavrasiya zamanı abidələrin tarixiliyi itir.

Abidələr necə qorunmalı və kim tərəfindən təmir edilməlidir?

Sputnik Azərbaycan bu məsələni araşdırıb. AMEA-nın Arxeologiya və Etnoqrafiya İnstitutunun əməkdaşı, tarix üzrə fəlsəfə doktoru Mikayıl Mustafayev Sputnik Azərbaycan-a açıqlamasında bildirib ki, tarixi abidə, yaşayış məskəni yeni aşkarlanıbsa, üzərində aparılan araşdırmalar hələ bitməyibsə, tapıntı arxeoloqlar tərəfindən qorunmalıdır.

"Abidənin araşdırılması başa çatdıqdan sonra, abidə tarixi əhəmiyyətə malikdirsə, tapıntı dəyərli tapıntıdırsa və tikinti qalıqları tam şəkildə açılıbsa, abidənin konservasiyasına dəstək olması üçün layihə şəklində Mədəniyyət Nazirliyinə və müvafiq qurumlara müraciət edilir", - deyə tarixçi qeyd edib.

Onun sözlərinə görə, qazıntılar zamanı qəbirtipli abidələr aşkar edilərsə (küp qəbirlər, katakombalar, kurqanlar) materiallar götürüləndən və ərazinin CPS kartı qeyd ediləndən sonra həmin maddi-mədəniyyət nümunələrindən iki dənədirsə, biri diyarşünaslıq muzeyinə verilir. Digərləri isə Bakıya gətirliərək tədqiq olunur. Daha sonra həmin abidələr muzeylərdə sərgiyə qoyulur.

Xoşbulaq yaylağında 3000 min il bundan əvvələ aid ibadətgah yeri aşkar edildi - FOTO>>

Tarixçi qeyd edib ki, orta əsr qalaları Mədəniyyət qoruğu tərəfindən inventarlaşdırılır: "Qalalar qeydiyyata alındıqdan sonra Mədəniyyət qoruğu tərəfindən qorunur. Həmin qurumun bölgələrdə əməkdaşları əraziyə mütəmadi baxışlar keçirirlər. Leysan, zəlzələ və s. təbiət hadisələri zamanı dağıntılar baş verərsə, bu barədə Mədəniyyət Nazirliyinə məlumat verilir. Nazirlik həmin qalalar barədə müvafiq qərar verir".

Mütəxəssislərə görə, "Tarix və mədəniyyət abidələrinin qorunması haqqında" qanunda abidələrin toxunulmazlıq statusu və onların qorunub gələcək nəsillərə çatdırılması bir daha qeyd edilib.

MİRAS Mədəni İrsin Öyrənilməsinə Kömək İctimai Birliyi İdarə Heyətinin sədri, tarix üzrə fəlsəfə doktoru Fariz Xəlilli Sputnik Azərbaycan-a açıqlamasında bildirib ki, maddi-mənəvi irs abidələrinin qorunması ilə bağlı qanunvercilik aktları var və bu aktlar abidələrin qorunması ilə bağlı hər şeyi - abidələrin qorunması, bərpası, öyrənilməsi və s.-ni özündə ehtiva edir. Eyni zamanda bu məsələ ilə bağlı Nazirlər Kabinetinin təlimatları var və bu işlər həmin təlimatlar əsasında həyata keçirilir.

F.Xəlillinin sözlərinə görə, tarixi abidələrin baxımsız olmasının müxtəlif səbəbləri var.

"Bəzən insanlar özlərini mədəni hesab etsələr də, ətraflarına qarşı belə davranmırlar. Bu, çox böyük bir problemdir. Məsələn, tutaq ki, hər-hansı bir abidə arxeoloji baxımdan öyrənilib. Orada qazılmış sahə əmələ gəlib. Əgər həmin əraziyə arxeoloq davamlı olaraq getmirsə, həmin yeri çevrədəki insanlar zibilliyə çevirirlər. Bu, böyük problemdir. Və ya hər-hansı böyük daş kütləsinə sahib abidənin daşını, kərpicini insanlar daşıyıb aparırlar. Bu, sovet dövründə də belə olub, indi də belə hallara rast gəlinir", - deyən tarixçi tarixi abidələrin qorunmamasını yerlərdə bu işlə məşğul olan insanların ixtisaslı olmaması ilə əlaqələndirib.

Həmçinin F.Xəlilli qeyd edib ki, yerlərdə fəaliyyət göstərən abidə mühafizləri təchiz edilməyiblər.

Yəni hansısa bir rayon ərazisində fəaliyyət göstərən abidə mühafizi dağda və ya çölün düzündə olan abidəni görməyə ezam olmaq üçün hər-hansı bir texnikaya malik deyil: "Sadəcə əmək haqqı alır və ara-sıra gedib abidələri müşahidə edirlər. Abidələr dağılan zaman məlumat verirlər. Hər-hansı bir inşaat şirkəti biləndə ki, hansısa ərazidən abidə aşkarlanıb, ağına-bozuna baxmadan qazırlar. Məlumat aşkarlanana qədər isə iş-işdən keçmiş olur. Toplumun özündə abidələrə qarşı münasibətdə problem var".

Tarixçi bildirir ki, abidələri dağıdan insanlar cinayət məsuliyyətinə cəlb olunmalıdırlar.

"Məsələn, Cəlilabadda "Qazan köşkü" adlanan ərazini arxeoloq üsulu ilə qazıb, nəsə əlvan metal axtarıblar. Onlar bir qrupdur. Bu yaxınlarda Kürdivan ərazisində, Tovuzda və bir çox yerlərdə aşkar olunmuş mədəni irs abidələri üzərində belə qazıntılar aparılıb, insanlar onları dağıtmağa çalışıblar. Qarşısı alınıb. Son zamanlar Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti nəzarəti gücləndirib", - deyə tarixçi vurğulayıb.

Buğurt qalası
© Photo : Azerbaijan National Academy of Sciences

F.Xəlilli xatırladıb ki, 2001-ci ildən bu günə qədər abidələrin yenidən reyestri aparılmayıb. Yəni Nazirlər Kabinetinin yeni qərarı yoxdur.

"Nazirlər Kabineti qərar verməlidir ki, yeni aşkar edilmiş abidələr siyahıya alınsın. Siyahıda olmayanda abidələrin qorunmasında çətinlik yaranır", - deyə F.Xəlilli əlavə edib.

Tarixçi Akif Quliyev xatırladıb ki, qazıntı və tədqiqat işləri AMEA Arxeologiya və Etnoqrafiya İnstitutu tərəfindən aparılır. Əldə edilən mədəniyyət nümunələri - saxsı, bəzək əşyaları və digər məmulatlar arxeoloji fonda verilir.

"Materialların bir hissəsi qeydiyyatdan keçəndən sonra bölgə muzeylərinə və Azərbaycan Tarixi muzeyinə verilir.

Ekspert vurğulaylb ki, abidələrin qorunmasına birbaşa Mədəniyyət Nazirliyi nəzarət edir.

Turizm Agentiyinin balansında olan ərazilərə Turizm Agentliyi nəzarət edir. Bərpa və konservasiya işləri də həmin qurumun məsuliyyətindədir: "Arxeoloq sadəcə qazır, aşkarlayır və təhvil verir".

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov Sputnik Azərbaycan-a açıqlamasında bildirib ki, hər-hansı fəaliyyət, təsərrüfat işləri nəticəsində arxeoloji abidə aşkar olunarsa, dərhal işlər dayandırılmalı və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə və AMEA-nın müvafiq institutuna məlumat verilməlidir. Bundan sonra ərazi nəzarətə götürülür, mütəxəssislərin rəyi ilə arxeoloji qazıntı işləri aparılır.

19
Teqlər:
təmir işləri, biganəlik, tarixi abidələr, arxeoloji qazıntı, arxeoloji tapıntı, arxeoloqlar, arxeologiya, AMEA Arxeologiya institutu
Əlaqədar
Kurort və turizm mərkəzi Naftalanda daha bir unikal abidə tapılıb
Yüzilliklər ərzində dünyaya hökm etmiş imperiyanın mirası Azərbaycana nə qazandıracaq?
Qarabağda Neolit dövrünə aid yaşayış məskəni aşkarlanıb –qazıntı yerindən kadrlar
Uşaqları evin içində, böyükləri həyətdə basdırıblar: Lələtəpənin sirrini türklər açacaqlar
Tarixi abidənin yerində restoran tikilməsinin qarşısı alındı - FOTO