Rusiyalı politoloq Oleq Kuznetsov

Rusiyalı politoloq: “Bu ssenari Azərbaycanı xatırladır”

163
(Yenilənib 17:12 02.04.2018)
Rusiyalı politoloq hesab edir ki, bizim ölkələrdəki seçki strukturu oxşardır

BAKI, 2 aprel — Sputnik. "Rusiya prezidenti Vladimir Putinin siyasi lider kimi formalaşması Azərbaycan ssenarisi üzrə gedir". Bunu martın 18-də Sputnik Azərbaycan Multimedia Mətbuat Mərkəzində "Rusiyada keçirilən seçkilərin yekunları və onun Cənubi Qafqaz regionundakı vəziyyətə təsiri" mövzusunda keçirilən tədbirdə rusiyalı politoloq Oleq Kuznetsov deyib.

Onun sözlərinə görə, Vladimir Putin 2004-cü ildə ikinci dəfə prezidentliyə namizədliyini hakim partiya olan "Vahid Rusiya Partiyası" tərəfindən irəli sürmüşdü. 2018-ci ildə isə o, öz namizədliyini partiyasız, özü irəli sürmüşdü.

"Bu ssenari Azərbaycanı xatırladır. Burada olduğu kimi, prezident özünü seçkilərdə hansısa partiyanın deyil, ümummilli lider, xalq nümayəndəsi kimi irəli sürür. Rusiyada bu il keçirilən seçkilərdə yalnız Vladimir Putin öz namizədliyini özü irəli sürüb, digər namizədlərin adları isə müxtəlif partiyalar tərəfindən irəli sürülmüşdü", – deyə Kuznetsov bildirib.

Rusiyalı politoloq hesab edir ki, paradoksal səslənsə belə, bizim ölkələrdəki seçki strukturu oxşardır və bu oxşarlıq hər iki dövlət tarixinin SSSR-yə aid olması ilə bağlı deyil: "Həm Rusiyada, həm Azərbaycanda ölkə iqtisadiyyatının böyük hissəsini dövlət təşkilatları özündə cəmləşdirir. Daxil olan vergilərin də dörddə üç hissəsindən artığını məhz dövlət strukturları ödəyirlər".

"Yaxın illərdə bu vəziyyətin dəyişəcəyini gözləməyə dəyməz. Lakin onu da qeyd etmək lazımdır ki, müxalifətin bizim ölkələrdə iqtisadi baxımdan hər-hansı yerli təşkilatlardan kömək almaması Qərbdəki müəyyən qüvvələrdə qıcıq yaradır. Çünki onlar müxalifətə yetərincə dəstək ola bilmirlər. Bu vəziyyətdə isə Rusiya və Azərbaycandan müxalif qüvvələr vasitəsilə hər-hansı kompromislər istəməyə, nəsə gözləməyə, hansısa maraqlardan onların xeyrinə keçinməyə səbəb qalmır",  – deyə Kuznetsov əlavə edib.

163
Teqlər:
Oleq Kuznetsov, seçki, Rusiya, Azərbaycan, politoloq
Ceyhun Bayramov və Sergey Lavrov, arxiv şəkli

Azərbaycan Rusiya XİN başçıları Qarabağla bağlı məsələni müzakirə ediblər

4
(Yenilənib 19:19 15.01.2021)
Tərəflər, həmçinin ikitərəfli əməkdaşlıq gündəliyinə daxil olan məsələləri və qarşılıqlı maraq doğuran digər mövzuları müzakirə ediblər.

BAKI, 15 yanvar — Sputnik. Azərbaycan Respublikasının xarici işlər naziri Ceyhun Bayramov və Rusiya Federasiyasının xarici işlər naziri Sergey Lavrov arasında telefon danışığı baş tutub. Bu barədə Sputnik Azərbaycan-a Xarici İşlər Nazirliyindən daxil olan məlumatda bildirilir.

"Nazirlər 10 noyabr 2020-ci il tarixli üçtərəfli bəyanatın icrası ilə bağlı son vəziyyəti, eləcə də 11 yanvar 2021-ci il tarixində Moskvada imzalanmış birgə bəyanatdan irəli gələn məsələlər üzrə fikir mübadiləsi aparıblar.

Tərəflər, həmçinin ikitərəfli əməkdaşlıq gündəliyinə daxil olan məsələləri və qarşılıqlı maraq doğuran digər mövzuları müzakirə ediblər", - deyə məlumatda bildirilir.

4
Türkiyənin Xarici İşlər naziri Mövlud Çavuşoğlu

Çavuşoğlu: "Qarabağa səfərlərə Azərbaycan icazə verməlidir"

8
Türkiyə XİN başçısı Rusiya Federasiyasını Qarabağdakı sülhməramlıların statusunu müəyyənləşdirməyə çağırıb.

BAKI, 15 yanvar — Sputnik. Türkiyənin xarici işlər naziri Mövlud Çavuşoğlu Azərbaycanın Qarabağ bölgəsində yerləşdirilən rusiyalı sülhməramlıların fəaliyyətinə münasibət bildirib.

"Report" xəbər verir ki, o, Pakistandan qayıdarkən jurnalistlərin məsələ ilə bağlı sualını cavablandırıb.

Çavuşoğlu qeyd edib ki, məsələni Rusiya rəhbərliyi ilə müzakirə ediblər: “Siz sülhməramlı olaraq oradasınız. Kimin gəlib-getdiyi məsələsində qərar vermənin məsuliyyəti sizdə deyil” dedik”.

Onun sözlərinə görə, sülhməramlıların sayı ilə bağlı Azərbaycan Türkiyəyə hər hansısa narazılığını bildirməyib:

“Bu məsələ ilə bağlı Azərbaycandan şikayət gəlməyib. Əsas məsələ Rusiyanın Laçın dəhlizindən istifadəyə icazə verilməsindəki roludur. O da bunun üçün Azərbaycandan icazə almalıdır. Qarabağ Azərbaycan torpağıdır. Sabah hər hansısa bir status-kvo müəyyən edilsə də, yenə də Azərbaycanın sərhədləri çərçivəsində olacaq. Bu səbəbdən Azərbaycandan icazəsiz bunları etməməsi lazımdır”.

Nazir həmçinin deyib ki, Türkiyə Qarabağdakı Rusiya sülhməramlılarının statusu ilə əlaqədar razılaşma imzalamağa Rusiyanı təşviq edir. “Gələcəkdə ehtiyac olarsa, Azərbaycan ilə ikitərəfli razılaşma əldə edərək lazımi dəstəyi hər zaman verə bilərik”, - o vurğulayıb.

8

İqtisadi Şuranın 2021-ci ildə ilk iclası keçirilib

0
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

0