Əbu-Dabi şəhəri

Səfir: "Artıq seçki məntəqələri yaradılıb"

25
(Yenilənib 18:13 14.03.2018)
Abu-Dabi şəhərində yaradılmış seçki məntəqəsində 78 seçici, Dubay şəhərində isə 197 seçici qeydiyyatdan keçib

BAKI, 14 mart — Sputnik. "Azərbaycan Respublikası Prezidenti seçkiləri ilə əlaqədar olaraq Azərbaycan Respublikasının Birləşmiş Ərəb Əmirliklərindəki səfirliyi və Dubay və Şimal Əmirliklərindəki Baş konsulluğunda seçki məntəqələri yaradılıb".

Bu barədə Sputnik Azərbaycan-a açıqlamasında Azərbaycanın Birləşmiş Ərəb Əmirliklərindəki fövqəladə və səlahiyyətli səfiri Daşqın Şikarov məlumat verib.

O bildirib ki, müvafiq seçki komissiyalarının Azərbaycan Respublikasının Birləşmiş Ərəb Əmirliklərindəki Səfirliyi və Dubay və Şimal Əmirliklərindəki Baş konsulluğunda iclasları keçirilib, iclaslarda komissiyanın sədri, katibi və üzvləri seçilib.

Abu-Dabi şəhərində yaradılmış seçki məntəqəsində 78 seçici, Dubay şəhərində isə 197 seçici qeydiyyatdan keçib.

25
Əlaqədar
Putinin seçki kampaniyasına 350 milyon xərclənib
Qadınlara ilk dəfə seçki hüququnun verilməsi
Deputat Seçki Məcəlləsinə dəyişikliyi şərh edir: "Heç bir effekti olmayacaq"
Növbədənkənar seçki qərarı hədəflərinə çatdı - Suqsvanq vəziyyət
Seçki qutularının ağzı kilidlənəcək
Xarici İşlər naziri Ceyhun Bayramov, arxiv şəkli

Rəsmi Azərbaycan: Türkiyə Qarabağ münaqişəsinə heç bir halda müdaxilə etmir

68
(Yenilənib 19:09 28.09.2020)
Ceyhun Bayramov: "Əgər Azərbaycan Silahlı Qüvvələrinin bu gün istifadə etdiyi silahlar nəzərdən keçirilsə, onda onun əksəriyyətinin Rusiya istehsalı olduğu görünər".

BAKI, 28 sentyabr — Sputnik. Türkiyənin Ermənistanla olan münaqişəyə müdaxiləsindən söhbət belə gedə bilməz. Sputnik Azərbaycan RİA Novosti-yə istinadən xəbər verir ki, bunu Azərbaycanın Xarici İşlər naziri Ceyhun Bayramov bildirib.

"Türkiyənin heç bir müdaxiləsi yoxdur. Əgər biz Türkiyə və Azərbaycan arasında hərbi-texniki əməkdaşlıqdan danışırıqsa, onda Azərbaycan bir sıra ölkələrlə hərbi-texniki sahədə əməkdaşlıq edir və hətta bu sahədə Rusiya ilə daha çox əməkdaşlıq edir", - deyə Ceyhun Bayramov qeyd edib.

O, vurğulayıb ki, əgər Azərbaycan Silahlı Qüvvələrinin bu gün istifadə etdiyi silahlar nəzərdən keçirilsə, onda onun əksəriyyətinin Rusiya istehsalı olduğu görünər.

Ceyhun Bayramov qeyd edib ki, Türkiyə ilə müntəzəm birgə təlimlər planlı xarakter daşıyır və hər hansı bir konkret ölkəyə qarşı yönəlməyib: "Türkiyə ilə hərbi təlimlərə gəldikdə, onlar tamamilə planlı xarakter daşıyır. Ötən il Azərbaycanda ondan çox belə təlim keçirilib. Onların əsas məqsədi döyüş hazırlığını qaldırmaqdır".

68
Artilleriya atəşi, arxiv şəkli

Ermənistanın daha bir neçə hərbi texnikası məhv edilib VİDEO

171
(Yenilənib 17:14 28.09.2020)
Azərbaycan Müdafiə Nazirliyinin yaydığı videoda düşmənə məxsus hərbi texnikaların məhv edilmə anları əks olunub.

BAKI, 28 sentyabr — Sputnik. Azərbaycan Ordusu bölmələrinin dəqiq zərbələri nəticəsində cəbhənin müxtəlif istiqamətlərində Ermənistan silahlı qüvvələrinə məxsus daha bir neçə hərbi texnika məhv edilib.

Sputnik Azərbaycan xəbər verir ki, bu barədə məlumatı Azərbaycan Müdafiə Nazirliyi yayıb.

Təqdim olunan videoda düşmənə məxsus hərbi texnikaların məhv edilmə anları əks olunub.

Sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

171
Televizora baxan adam, arxiv şəkli

Rəsmi məlumat gözləyərkən: Uşağın məktəbi də, koronavirus da, maska da əhəmiyyətini itirib

0
(Yenilənib 19:37 28.09.2020)
Çoxdan işlətmədiyi radiosunu işə salan, internet gələndən kənara atdığı antenanı quraşdıran nə qədər insan var. İllərlə arzuladığı bir qırıq sözü eşitmək arzusu ilə hərə bir yolla məlumat almaq istəyir.

Müharibə asan görünən işləri çətinləşdirir. Bir anda görə biləcəyin hər hansı məsələ bəzən çətin problemə çevrilir. Bir anda narahatlıq yaranır, istəyirsən yaxın bir adamına zəng edəsən, görürsən şəbəkə yüklənib. Hamı sənin kimi zəng etmək istəyir deyə heç yerə siqnal çatmır.

İnsanı bir vahimə bürüyür. Hətta adi telefonla da zəng edə bilməyəndə, düşünürsən, bunun axırı necə olacaq, görəsən. Kimsə tez əlinə bir zənbil alıb qaçır dükana, lazım gəldi, gəlmədi əlinə keçəndən alıb atır zənbilinə. Düşünür, sabah bir çətinlik olsa, evində bir ehtiyatı olar.

Çoxdan kənara atdığı qaz balonu da aktuallaşır, bir də baxırsan, vurub qoltuğuna düz yönlənir qazdoldurma məntəqəsinə. Doldurur, qayıdır evinə, atır bir küncə. Evində xəstəsi olan qaçır aptekə, olan dərmandan bir az artıq alıb yığır. Amma interneti yüklənəndə və ya kəsiləndə lap müdafiəsiz olur müasir insan, nə ödəmə, nə taksi sifariş edə bilir. Elə belə qalır vakuumda. Nə edəsən, hara qaçasan, kimlə danışasan? Bu sualların əlində də aciz qalır.

Komfort şəraitə öyrəşmiş insanın çətin durumda atacağı addımları da qabaqcadan proqnozlaşdırmaq olmur. Elə oradan bura, buradan ora xaotik hərəkət etməklə bir yol axtarır. İnternet olmasa da, hamı bir yolla internetdədir. Hamı xəbər gözləyir, xəbər izləyir. Sosial şəbəkəyə giriş olmasa da, hamı şəbəkədədir. Hər kiçik yeniliyə ya sevinir, ya kədərlənir hər birimiz.

Uşağın məktəbi də, koronavirus da, maska da əhəmiyyətini itirib. Çoxdan işlətmədiyi radiosunu işə salan, internet gələndən kənara atdığı antenanı quraşdıran nə qədər insan var. İllərlə arzuladığı bir qırıq sözü eşitmək arzusu ilə hərə bir yolla məlumat almaq istəyir. Sosial mediada müzakirə mövzuları sırasında elə antena axtaranları da görmək olar. Elə hey soruşurlar, bu işə yarayar ya yox?

"Yaralanan yaxud itki var?", "övladlarımız doğma nənə-baba torpağını ziyarət edəcək", "Rəsmi olmayan məlumatları yaymayın", "Allah rəhmət eləsin...", "Füzuli deyirlər, rəsmi məlumat gözləyirik" – şəbəkədə belə postlar hələ çox paylaşılacaq.

Hamı öz aləmində, öz Qarabağındadır bu gün. Kimi döyüş meydanında, kimi də virtual məkanda. İrəli getmək var, geri dönmək yoxdur.

0