Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahın fəaliyyət proqramının təqdimatı keçirilib

Prezident seçkiləri ilə bağlı fəaliyyət proqramı açıqlandı

84
(Yenilənib 13:37 09.02.2018)
Seçkilərlə bağlı yekun hesabat 26 aprel 2018-ci il tarixdə ictimaiyyətə təqdim ediləcək

BAKI, 9 fevral — Sputnik. Azərbaycanda 11 aprel 2018-ci il tarixdə keçiriləcək prezident seçkiləri ilə bağlı Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahının fəaliyyət proqramının təqdimatı keçirilib. Sputnik Azərbaycan xəbər verir ki, tədbirdə AVCİYA-nın vitse-prezidenti Elçin Salmanov və AVCİYA Seçki Qərargahının rəhbəri Məhərrəm Zülfüqarlı fəaliyyət proqramı barədə məlumat veriblər.

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahın fəaliyyət proqramının təqdimatı keçirilib
© Sputnik / Irade JELIL
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahın fəaliyyət proqramının təqdimatı keçirilib

E.Salmanov deyib ki, AVCİYA Seçki Qərargahı 11 aprel 2018-ci il tarixdə keçiriləcək prezident seçkilərinin daha demokratik və şəffaf keçirilməsinə dəstək vermək üçün uzunmüddətli müşahidə missiyasını həyata keçirir: "Bu məqsədlə assosiasiya MSK-ya müraciətləri, imzatoplama kampaniyası və qeydə alınma proseduru, seçici siyahıları, seçki prosesi ilə bağlı qanun pozuntuları, seçki şikayətləri, seçki ilə bağlı qanunverici baza, seçki ərəfəsində ölkədəki ictimai-siyasi vəziyyət, MSK, DSK və MnSK- ların fəaliyyəti, seçkilərlə bağlı KİV-in monitorinqi, təşviqat kampaniyası və seçki gününün monitorinqinin təşkili kimi genişmiqyaslı fəaliyyətə start verib. Seçki Qərargahı bu işlərin icrasına 05 fevral 2018-ci il tarixdən başlayıb".

Görüləcək işlər barədə danışan M.Zülfüqarlı bildirib ki, KİV-in monitorinqi iqtidar, müxalifət və müstəqil yönümlü 8 qəzet, 2 agentliyi əhatə edir: "Seçki Qərargahı rayon koordinatorlarının attestasiyası, regional ofislərin işinin prezident seçkilərinə uyğunlaşdırılması işlərini qısa müddətdə başa çatdırıb. Seçicilərin fəallığının artırılması ilə bağlı fevralın 16-dan başlayaraq aprelin 10-na kimi regionlarda seminarlar və müşahidəçilər üçün treninqlər keçiriləcək. İlk seminar və treninqlər gələn həftə Şirvan, Hacıqabul, Sabirabad və Salyan rayonlarında keçiriləcək. Yaxın günlərdə müşahidəçilərə kömək məqsədilə "Yaddaş kitabçası"nəşr olunacaq".

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahın fəaliyyət proqramının təqdimatı keçirilib
© Sputnik / Irade JELIL
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahın fəaliyyət proqramının təqdimatı keçirilib

Onun sözlərinə görə, uzunmüddətli müşahidə ilə bağlı aralıq hesabat 6 aprel 2018-ci il tarixdə ictimaiyyətə təqdim ediləcək: "Seçki günü müşahidə və seçkinin nəticələri ilə bağlı ilkin rəy aprel ayının 12-də səhər saatlarında elan olunacaq. Prezident seçkiləri ilə bağlı yekun hesabat isə 26 aprel 2018-ci il tarixdə ictimaiyyətə təqdim ediləcək".

M.Zülfüqarlı əlavə edib ki, seçki qərargahı əvvəlki seçkilərdə olduğu kimi, demokratik seçkilər sahəsində mövcud beynəlxalq təcrübənin seçicilər arasında təbliğinə böyük önəm verir: "Seçki Qərargahı, həmçinin beynəlxalq qurumlarla əlaqələrin yaradılması, onlarla əməkdaşlığın təşkilinə də müsbət yanaşır. Seçki Qərargahı əvvəlki illərdə olduğu kimi, bu il də Avropa Şurası, Avropa Birliyi, ATƏT, o cümlədən ATƏT-in Demokratik Təsisatlar və İnsan Haqları Bürosu və digər qurumların nümayəndələri ilə əməkdaşlığın davam etdirilməsi istiqamətində səylərini artıracaq".

84
Teqlər:
Məhərrəm Zülfüqarlı, Elçin Salmanov, fəaliyyət proqramı, Seçki Qərargahı, AVCİYA, Azərbaycanda Vətəndaş Cəmiyyətinin İnkişafına Yardım Assosiasiyası, Azərbaycan, prezident seçkiləri
Əlaqədar
Növbədənkənar seçki qərarı hədəflərinə çatdı - Suqsvanq vəziyyət
MSK növbədənkənar prezident seçkiləri barədə qərar verib
Prezident seçkiləri günü ilə bağlı mühüm açıqlama
Prezident seçkiləri ilə bağlı cədvələ dəyişiklik edildi
Əli Həsənov: “Növbədənkənar seçkilər barədə qərar Konstitusiyaya tam uyğundur
Azərbaycan XİN-in rəsmi təmsilçisi Leyla Abdullayeva

XİN: Ermənistan özünü aldatmaqdan başqa heç nəyə nail olmur

17
Ermənistanın işğalçı siyasətinin nəticələrinin aradan qaldırılması ilə bağlı dünya ictimaiyyətinin prinsipial mövqeyi bəllidir

BAKI, 4 iyul - Sputnik. İşğalçı Ermənistanın Xarici İşlər nazirinin Azərbaycanın işğal olunmuş ərazilərində yaratdığı qeyri-qanuni rejimin qondarma “prezidenti” ilə görüşü bu ölkənin təcavüzkar və ilhaqçı siyasətinin növbəti bariz nümunəsidir. Ermənistan rəhbərliyinin bu kimi addımları, eləcə də Azərbaycanın işğal olunmuş ərazilərində qanunsuz məskunlaşdırma və coğrafi adların dəyişdirilməsi də daxil olmaqla həyata keçirilən qeyri-qanuni fəaliyyət işğalın möhkəmləndirilməsinə xidmət edir. Azərbaycan Respublikası XİN Mətbuat xidmətinin rəisi Leyla Abdullayeva Sputnik Azərbaycan-ın Ermənistanın xarici işlər naziri Zöhrab Mnasakanyanın işğal altındakı Dağlıq Qarabağa səfəri barədə sorğusuna cavab verərkən bu sözləri deyib.

Onun sözlərinə görə, "əlaltı rejimlə görüş keçirməklə bu qondarma qurumu sanki münaqişə tərəfi kimi qələmə verməyə çalışan Ermənistan özünü aldatmaqdan başqa heç nəyə nail olmur. Ermənistan-Azərbaycan münaqişəsinin, Ermənistanın işğalçı siyasətinin nəticələrinin aradan qaldırılması ilə bağlı dünya ictimaiyyətinin prinsipial mövqeyi bəllidir".

Danışıqların formatına gəldikdə isə, 1992-ci ildən etibarən ATƏT-in Minsk Qrupunun həmsədrlərinin vasitəçiliyi ilə aparılan danışıqların tərəfləri işğalçı Ermənistan və işğala məruz qalan Azərbaycandır. Hər bir işğal halında olduğu kimi, Ermənistanın işğalı da müvəqqəti xarakter daşıyır və Azərbaycanın beynəlxalq tanınmış sərhədləri çərçivəsində ərazi bütövlüyü bərpa ediləcək və torpaqlarından didərgin düşmüş azərbaycanlıların öz evlərinə geri dönüşü təmin olunacaq.

Xatırladırıq ki, Minsk Qrupu həmsədrlərinin münaqişənin mərhələli həllinə əsaslanan təkliflərinin mahiyyətini məhz Azərbaycanın işğal olunmuş ərazilərindən işğalçı qüvvələrin çıxarılması və məcburi köçkünlərin öz evlərinə geri qayıtması təşkil edir.

17
Türkiyə Parlamenti, arxiv şəkli

Türkiyə Parlamenti özünə yeni sədr seçəcək

7
Türkiyə qanunvericiliyinə əsasən Türkiyə parlamentində bir çağırış dönəmində iki dəfə sədr vəzifəsinə seçki olur.

BAKI, 4 iyul — Sputnik. Türkiyə Parlamentinə yeni sədr seçiləcək. Sputnik Azərbaycan "Anadolu" agentliyinə istinadən xəbər verir ki, parlament sədri Mustafa Şentopun səlahiyyət müddətinin bitməsi ilə bağlı keçiriləcək seçkidə iştirak etmək üçün 5 nəfər öz namizədliyini irəli sürüb.

Namizədlər iyulun 6-dək sədr vəzifəsinə namizədliyini irəli sürməlidir.

Qeyd edək ki, Türkiyə qanunvericiliyinə əsasən Türkiyə parlamentində bir çağırış dönəmində iki dəfə sədr vəzifəsinə seçki olur. Seçkilər gizli səsvermə yolu ilə keçirilir. Seçkilərin birinci və ikinci turunda namizəd millət vəkillərinin 2/3-ünün səsini toplamalıdır. Sədr seçilməyəcəyi təqdirdə isə üçüncü turda 301 səsi toplayan namizəd qalib elan olunacaq. Bu baş verməzsə isə dördüncü turda iki ən çox səs toplayan namizəd yarışacaq və ən çox səs toplayan şəxs qalib gələcək.

7
Əməkdar artist Tofiq Hüseynov

Əməkdar artist Tofiq Hüseynov vəfat edib

17
(Yenilənib 20:37 05.07.2020)
Aktyor bir saat əvvəl evində dünyasını dəyişib. Xatırladaq ki, Tofiq Hüseynov xərçəng xəstəliyindən əziyyət çəkirdi.

BAKI, 5 iyul – Sputnik. Akademik Milli Dram Teatrının aparıcı səhnə ustası, Əməkdar artist Tofiq Hüseynov vəfat edib.

Sputnik Azərbaycan xəbər verir ki, bu barədə Akademik Milli Dram teatrının mətbuat xidmətinin rəhbəri Cavid Zeynallı məlumat yayıb.

Qeyd edilir ki, aktyor bir saat əvvəl evində dünyasını dəyişib.

Xatırladaq ki, Tofiq Hüseynov xərçəng xəstəliyindən əziyyət çəkirdi.

"Akademik Milli Dram Teatrının bədii rəhbər-direktoru, Xalq artisti Azər Paşa Nemətovun və teatrın kollektivi adından Tofiq Hüseynovun yaxınlarına dərin hüznlə başsağlığı verir, mərhuma Allahdan rəhmət diləyirik. Tofiq Hüseyov iyulun 6-da öz vəsiyyətinə uyğun olaraq Xırdalan qəbiristanlığında anasının və atasının yanında torpağa tapşırılacaq. Ruhu şad olsun!

Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olmuşdur.

Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.

Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb", - deyə o bildirib.

17