Niderland

Niderland - Türkiyə əlaqələri kəsildi, bəs Niderland - Azərbaycan münasibətləri?

388
(Yenilənib 16:33 07.02.2018)
Cəlal Mirzəyev: "Niderland kapitalına malik 125-dən çox şirkət Azərbaycanda ticarət, xidmət, bank, sığorta, sənaye, tikinti, nəqliyyat, rabitə və s. sahələrdə fəaliyyət göstərir"

İradə Cəlil, Sputnik Azərbaycan

BAKI, 7 fevral — Sputnik. Bir neçə gün öncə Niderland Krallığı Türkiyədəki səfirini rəsmi şəkildə geri çağırdığını elan etdi. Krallığın Xarici İşlər Nazirliyinin məlumatına görə, Türkiyənin Niderlanda təyin edəcəyi səfirin etimadnaməsi də qəbul edilməyəcək. Həmçinin qeyd edildi ki, bununla bağlı rəsmi Ankara ilə aparılan ikitərəfli müzakirələr dayandırılıb.

Cəlal Mirzəyev
© Foto Azərbaycanın Niderlanddakı nümayəndəliyi tərəfindən təqdim olunub
Cəlal Mirzəyev

Maraqlıdır, bu prosesin fonunda Azərbaycan — Niderland münasibətləri hazırda hansı səviyyədədir? Sputnik Azərbaycan-ın bu sualını Azərbaycanın Niderlanddakı müvəqqəti işlər vəkili Cəlal Mirzəyev cavablandırıb.

O bildirib ki, Azərbaycanla — Niderland münasibətləri dostluq, qarşılıqlı hörmət prinsiplərinə əsaslanır və yüksək səviyyədədir: "Azərbaycan ilə Niderland arasında olan münasibətlər yüksələn xətlə inkişaf edir. Əlaqələrin möhkəmləndirilməsində yüksək səviyyəli səfərlər, keçirilən görüşlər, imzalanmış sənədlər böyük rol oynayır".

"Ölkələrarası əlaqələrin göstəricisi olaraq, fevralın 2-də Haaqada artıq ənənə halını almış, Azərbaycan və Niderlandın xarici işlər nazirlikləri arasında ikitərəfli siyasi məsləhətləşmələr keçirildi. Niderland rəhbərliyi dəfələrlə müxtəlif səviyyələrdə, platformalarda ölkəmizin sərhədlərinin toxunulmazlığına hörmətlə yanaşdığını, Ermənistan — Azərbaycan, Dağlıq Qarabağ münaqişəsinin ölkəmizin ərazi bütövlüyü çərçivəsində həll olunmasını dəstəklədiklərini birmənalı şəkildə bildirib", — Mirzəyev qeyd edib.

Müvəqqəti işlər vəkili iki ölkə arasındakı ticarət dövriyyəsindən də danışıb: "2016-cı illə müqayisədə 2017-ci ildə dövriyyəsi 12 dəfə artıb. Bu illər ərzində təşkil olunmuş ikitərəfli ticari missiyalar, forumlar nəticəsində Azərbaycanla Niderland arasında əlaqələr praktik əməkdaşlığın yeni mərhələsinə qədəm qoyub".

O vurğulayıb ki, Niderland kapitalına malik 125-dən çox şirkət Azərbaycanda ticarət, xidmət, bank, sığorta, sənaye, tikinti, nəqliyyat, rabitə və s. sahələrdə fəaliyyət göstərir: "Niderland Azərbaycan iqtisadiyyatının qeyri neft-sektoruna indiyə qədər 800 milyon ABŞ dolları həcmində yatırım edib".

"Hazırda "Maastrixt" — "Baku Cargo" yükdaşıma sahəsində mütəmadi reyslər həyata keçirilir. Yaxın zamanlarda sərnişin daşımalarına başlanılması nəzərdə tutulur. Bu da öz növbəsində iki ölkə arasında turizm əməkdaşlığına təkan verəcək", — deyə Mirzəyev əlavə edib.

388
Teqlər:
Cəlal Mirzəyev, müvəqqəti işlər vəkili, Niderland Krallığı, münasibət, əlaqə, Türkiyə, Azərbaycan
Əlaqədar
Beynəlxalq qalmaqal: Niderland və Türkiyə arasında diplomatik əlaqələr kəsildi
Niderlandda Dağlıq Qarabağ münaqişəsi müzakirə olunub
NATO-dan Türkiyə və Niderlanda çağırış
Azərbaycan XİN Niderlandın Türkiyə rəsmilərinə qarşı davranışını pisləyib
Əfqanıstan bayrağı, arxiv şəkli

Əfqanıstanla əməkdaşlığı necə genişləndirməli - Ceyhun Bayramov əfqan həmkarına zəng edib

8
Nazirlər eyni zamanda ölkələr arasında ikitərəfli müstəvidə əməkdaşlığın inkişafını məmnunluqla qeyd edib, eləcə də çoxtərəfli platformalarda əməkdaşlığın genişlənməsi imkanlarını müzakirə ediblər.

BAKI, 26 noyabr — Sputnik. Azərbaycanın Xarici işlər naziri Ceyhun Bayramov və Əfqanıstanın Xarici işlər naziri Məhəmməd Hənif Atmar arasında telefon danışığı baş tutub.

Azərbaycan XİN-dən Sputnik Azərbaycan-a verilən məlumata görə, nazirlər bölgədəki son vəziyyəti müzakirə ediblər.

9 noyabr 2020-ci il tarixində imzalanmış üçtərəfli bəyanatın icrasının vacibliyi qeyd olunub. Bəyanatdan irəli gələn bir sıra məsələləri müzakirə edən tərəflər razılaşmanın bölgədə dayanıqlı sülh, təhlükəsizlik və rifahın təmin edilməsi baxımından vacibliyini vurğulayıblar.

Nazirlər eyni zamanda ölkələr arasında ikitərəfli müstəvidə əməkdaşlığın inkişafını məmnunluqla qeyd edib, eləcə də çoxtərəfli platformalarda əməkdaşlığın genişlənməsi imkanlarını müzakirə ediblər.

Tərəflər həmçinin qarşılıqlı maraq doğuran digər məsələlər ətrafında fikir mübadiləsi aparıblar.

8
Xankəndi, arxiv şəkli

"Xankəndi necə Stepanakert oldu" dünyanın ən nüfuzlu portallarında

30
(Yenilənib 15:38 26.11.2020)
Nüfuzlu dünya xəbər portalları Dövlət Tərcümə Mərkəzinin müxtəlif xarici dillərdə hazırladığı "Xankəndi necə Stepanakert oldu" sənədli videoçarxının yayımına başlayıb

BAKI, 26 noyabr — Sputnik. Bir sıra nüfuzlu dünya xəbər portalları – Türkiyənin "Alternatiftarih", Misirin "Əl-Vəsilə Nyus", "Asya əl-Yaum", "Nile-Nyus", İraqın "İraq-Nyus", Birləşmiş Ərəb Əmirliklərinin "Səda onlayn", Fələstinin "Bayader", Küveytin "8-press", Əlcəzairin "Alharir.info", Ukraynanın "Kievinform", İspaniyanın "Turaz.es" – Dövlət Tərcümə Mərkəzinin müxtəlif xarici dillərdə hazırladığı "Xankəndi necə Stepanakert oldu" sənədli videoçarxının yayımına başlayıb.

Sputnik Azərbaycan xəbər verir ki, sənədli arxiv materialları əsasında hazırlanmış videoçarx Xankəndinin qədim tarixindən, Rusiya ilə İran arasında bağlanmış Türkmənçay müqaviləsinin şərtlərinə uyğun olaraq Qarabağa köçürülmüş ermənilərin Azərbaycanın qədim şəhəri olan Xankəndidə və ətraf ərazilərdə apardıqları məkrli erməniləşdirilmə siyasətindən, yerli əhaliyə qarşı amansız təqib və vəhşiliklərindən bəhs edir.

30
Teqlər:
video, Qarabağ, Azərbaycan, Xankəndi

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0