Birləşmiş Ərəb Əmirliklərinin müstəqillik günü ilə bağlı tədbir

Bakıda BƏƏ-nin müstəqilliyi günü qeyd edilib

50
(Yenilənib 10:23 05.12.2017)
BƏƏ Azərbaycana bütün səviyyələrdə dəstək verib, Azərbaycanın müstəqilliyini tanıyan ilk ölkələrdən olub

BAKI, 4 dekabr — Sputnik. 1971-ci il dekabrın 2-i Birləşmiş Ərəb Əmirliklərinin müstəqillik günüdür. Bu məqsədlə Bakıda BƏƏ-nin yaranmasının 46 illiyinə həsr edilmiş ziyafət keçirilib.

Sputnik Azərbaycan xəbər verir ki, ziyafətdə çıxış edən səfir Məhəmməd Əhməd Hamel əl-Qubaisi bildirib ki, BƏƏ dünyanın müxtəlif bölgələri və xalqlarının inkişaf etməsi üçün yardım göstərməklə humanist yanaşmasını davam etdirib. Onun sözlərinə görə, Ərəb Əmirlikləri dünyanın aparıcı humanitar yardım təminatçılarından biridir.

Səfir çıxışı zamanı BƏƏ və Azərbaycan arasında dostluq münasibətlərinin olduğunu vurğulayıb: “Bu əlaqələrin kökləri əməkdaşlıq və qarşılıqlı hörmət prinsiplərinə dayanır və iki ölkə, iki xalq arasında güclü tərəfdaşlığa çevrilib. Bu gün biz diplomatik əlaqələrimizin 25 illiyini qeyd edirik. Ölkələrimizin rəhbərlərinin qarşılıqlı səfərləri, eləcə də iqtisadiyyat, turizm və mədəniyyət sahələrində artan mübadilənin həcmi bizim aramızda möhkəm əlaqələrin olduğunu göstərir".

Səfir qeyd edib ki, cari ilin on ayı ərzində BƏƏ-dən Azərbaycana təxminən 100 min turist gəlib.

Azərbaycan xarici işlər nazirinin müavini Mahmud Məmmədquliyev çıxışı zamanı bildirib ki, Azərbaycanla BƏƏ sıx siyasi və iqtisadi əlaqələrə malikdir: “BƏƏ hər zaman Azərbaycana bütün səviyyələrdə dəstək verib, Azərbaycanın müstəqilliyini tanıyan ilk ölkələrdən olub. Bu, o zaman iqtisadi böhran içində olan Azərbaycan üçün önəmli idi. Bizim əlaqələrimiz hazırda da davam edir və möhkəmlənir".

50
Teqlər:
Məhəmməd Əhməd Hamel əl-Qubaisi, tədbir, Müstəqillik Günü, Birləşmiş Ərəb Əmirlikləri, səfir
Əlaqədar
Azərbaycanlı taekvandoçu qız BƏƏ-də qızıl medal qazandı
BƏƏ-də yəmənlilər üçün cəmi üç günə 10 milyon dollar yığıldı
Azərbaycanlı bankir Birləşmiş Ərəb Əmirliklərində vəzifə aldı
Fuad Muradov, arxiv şəkli

Fuad Muradov: Fransa Senatının qərarı separatçılığa müharibələrə yol açacaq

15
(Yenilənib 23:31 25.11.2020)
Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

BAKI, 25 noyabr - Sputnik. “Fransanın mənəvi dəyərlərə və beynəlxalq hüquqa əks olan son münasibətlərində ATƏT-in Minsk qrupunun həmsədri olaraq tərəfsiz vasitəçilik mandatına ziddiyyət görünür”.

"Report" xəbər verir ki, bunu Diasporla İş üzrə Dövlət Komitəsinin sədri Fuad Muradov deyib.

"Senatın qəbul etdiyi qərar dünyada separatçılığa və böyük müharibələrə yol açacaq. Bu qərəzlidir və yolverilməzdir", - komitə sədri əlavə edib.

Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

15
XİN-nin binası, arxiv şəklil

Azərbaycan XİN: Senatın qəbul etdiyi qətnamənin hüquqi qüvvəsi yoxdur

65
(Yenilənib 23:31 25.11.2020)
Fransa Senatının qərəzli qətnamələr qəbul etmək əvəzinə bölgədə sülh, sabitlik və tərəqqiyə xidmət edən fəaliyyətlə məşğul olması həm Fransanın maraqlarına cavab verər, həm də bölgənin dayanıqlı inkişafına yardımçı olardı.

BAKI, 25 noyabr - Sputnik. Öncə qeyd etmək istərdik ki, Fransa Senatında qəbul edilmiş “Dağlıq Qarabağ Respublikasının tanınması zərurəti” adlı qətnamə təklifi bir qrup qatı ermənipərəst senator tərəfindən irəli sürülüb. Azərbaycan Respublikasının Fransadakı Səfiri qətnamənin səsverməsindən bir gün öncə Senatın dinləmə proseduralarına uyğun olaraq Senat üzvləri qarşısında çıxış edib və qətnamə təklifi ilə bağlı, burada əks olunan birtərəfli və həqiqətə uyğun olmayan məqamlarla bağlı ətraflı məlumat təqdim edib. Buna rəğmən Senat tərəfindən tamamilə qərəzli qətnamənin qəbul edilməsi, yalnız təxribat kimi qiymətləndirilə bilər. Görünür, Fransa erməniləri münaqişə mövzusundan seçki məqsədləri üçün geniş şəkildə istifadə edirlər.

Sputnik Azərbaycan xəbər verir ki, bu fikirlər Azərbaycan Respublikasının Xarici İşlər Nazirliyinin Mətbuat xidməti idarəsinin şərhində yer alıb.

Vurğulamaq istərdik ki, Senatın qəbul etdiyi qətnamənin hüquqi qüvvəsi yoxdur. Lakin qətnamənin siyasi məna kəsb etdiyini nəzərə alaraq, vasitəçi mandatı daşıyan bir ölkənin belə bir qətnamə ilə çıxış etməsi ölkənin bitərəfliliyini ciddi şübhə altına alır. Bu, həmçinin Azərbaycan ictimaiyyətində Fransanın ədalətli vasitəçi nüfuzuna xələl gətirir.

Əlbəttə, onun da qeyd etməliyik ki, Fransa Respublikasının münaqişənin həlli ilə bağlı rəsmi mövqeyi dövlətin yüksək səviyyəli rəsmiləri, o cümlədən ölkə Prezidenti və xarici işlər naziri tərəfindən səsləndirilib. Fransa Azərbaycanın ərazi bütövlüyünü dəstəkləyir və bu mövqe istər ikitərəfli çərçivədə, istərsə də Avropa İttifaqı ilə imzalanan sənədlərdə öz əksini tapıb. Fransanın Avropa və Xarici İşlər üzrə Nazirliyinin Senatda keçirilən müzakirələrdə çıxış edən dövlət katibi də rəsmi mövqeyi çıxışında ifadə etdi.

Fransa Senatının qərəzli qətnamələr qəbul etmək əvəzinə bölgədə sülh, sabitlik və tərəqqiyə xidmət edən fəaliyyətlə məşğul olması həm Fransanın maraqlarına cavab verər, həm də bölgənin dayanıqlı inkişafına yardımçı olardı.

65
Teqlər:
qətnamə, Fransa, XİN

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0