Ağ ev

Evdən Rusiya ilə bağlı şok qərar

431
(Yenilənib 00:07 23.06.2017)
Rusiya və İrana qarşı yeni sanksiyaları eyni qanun layihəsinə birləşdiriblər ki, onların keçməsini asanlaşdırsınlar və Trampın mümkün etirazının qarşısını alsınlar

BAKI, 22 iyun — Sputnik. ABŞ administrasiyası Senatda qəbul olunmuş Rusiyaya qarşı sanksiyaların dəyişdirilməsi üçün Konqresin Nümayəndələr Palatası ilə işləyir.

Sputnik Azərbaycan-ın məlumatına görə, bu barədə New York Times qəzeti yazıb.

"Ağ Ev Nümayəndələr Palatasının sanksiyalarla bağlı layihəni yumşaltması üçün tədbirlər görür. Söhbət onları Konqresi ABŞ prezidenti Donald Trampın Moskva ilə bağlı hər hansı sanksiyanı ləğv etmək istiqamətində gələcək addımlarının qarşısını kəsməyə yönəlmiş qanun layihəsini yumşaltmağa çağırmaqdan gedir" — deyə qəzetin məlumatında bildirilir. 

Qeyd olunur ki, Administrasiyanın cəhdləri veto hüququ uğrunda Tramp hökuməti ilə respublikaçıların nəzarətində olan Konqres arasındakı yöndəmsiz və siyasi ziyan vuran mübarizəyə mane olmağa yönəlib.

Konstitusiyaya görə, dövlətin gəlirləri ilə bağlı bütün qanunvericilik aktlarına birinci Nümayəndələr Palatası baxmalıdır. Lakin anti-Rusiya sanksiyaları ilə bağlı layihəyə əvvəlcə Senatda baxıblar və yalnız bundan sonra Nümayəndələr Palatasına yönləndiriblər. 

Öz növbəsində Politico nəşri qeyd edib ki, Senat Nümayəndələr Palatasına vəziyyətin nizamlanması ilə bağlı öz təkliflərini göndərib. Senatın Xarici İşlər Komitəsinin sədri Robert Korker bildirib ki, bu problemlə əlaqədar "hamı bir yerdə işləyir".

Ötən həftə Senat 98 səs lehinə, 2 səs əleyhinə olmaqla Rusiya və İrana qarşı yeni sanksiyaları qəbul edib. Rusiya əleyhinə sanksiyaları İran əleyhinə sanksiyalar barədə qanun layihəsinə birləşdiriblər ki, onların keçməsini asanlaşdırsınlar və Trampın mümkün etirazının qarşısını alsınlar.

431
Teqlər:
Senat, Nümayəndələr Palatası, Robert Korker, Donald Tramp
Əlaqədar
Putin: "Rusiya həmişə sanksiyalar altında yaşayıb"
Rusiyaya qarşı sanksiyaları götürmək səlahiyyəti Trampdan alına bilər
ABŞ Rusiyaya qarşı sanksiyaların qaldırılması üçün şərtini açıqladı
Politoloq: “Yeni sanksiyalar Rusiya üçün problem yaratmayacaq”
Mübariz Əhmədoğlu, politoloq

Politoloq: “İran ABŞ-ın şərtlərinə əməl etsə, münasibətlər normallaşa bilər”

14
(Yenilənib 14:59 23.11.2020)
Politoloq Mübariz Əhmədoğlu deyir ki, bu iki ölkənin gələcək münasibətlərindən danışarkən İranın iqtisadi cəhətdən geriləməsini kənara qoymaq olmaz
Mübariz Əhmədoğlu: “Bayden prezident kürsüsündə oturan kimi İranı təhlil edəcək”

ABŞ rəhbərliyi ölkəsinin təktərəfli sanksiyalarına şamil olan İran fiziki və hüquqi şəxslərinin siyahısını növbəti dəfə genişləndirib. Bu barədə ABŞ Maliyyə Nazirliyi bildirib.

Politoloq Mübariz Əhmədoğlu Sputnik Azərbaycan-a deyir ki, ABŞ-ın İrana qarşı siyasətini  nəzərdən keçirərkən 4 il əvvəl Trampın hakimiyyətə gəldiyi dövrü xatırlamaq lazımdır:

“Tramp elə vəziyyət yaradır ki, Bayden hakimiyyətə gəlsə də, yeni administrasiya İranla münasibətləri normallaşdırmağa çətinlik çəksin. Bu iki ölkənin gələcək münasibətlərindən danışarkən İranın iqtisadi cəhətdən geriləməsini kənara qoymaq olmaz. Bayden prezident kürsüsündə oturan kimi İranı təhlil edəcək. O, İranın qarşısına şərt qoyacaq ki, bu ölkə qonşu dövlətlər üçün təhlükə yaratmasın. İran Baydenin şərtlərini qəbul etsə, ABŞ İranla əməkdaşlıq edə bilər”.

Mübariz Əhmədoğlunun geniş şərhinə audiofaylda qulaq asa bilərsiniz

14
Teqlər:
normallaşma, şərtlər, münasibətlər, İran, ABŞ
Ər-Riyad şəhərinə mənzərə, arxiv şəkli

Düşmən dosta çevriləndə ya Ər-Riyad niyə Tehranla Vaşinqtonu barışdırmaq istəyir?

50
(Yenilənib 11:38 23.11.2020)
Feysal ben Farhan Əl Saud hesab edir ki, yeni saziş həmçinin İslam Respublikasının Yəmən, Suriya və İraqda hərbi münaqişələrə müdaxiləsi məsələsini də həll etməlidir.

BAKI, 23 noyabr — Sputnik. Səudiyyə Ərəbistanı Birləşmiş Ştatlar və İranı barışdırmaq və Tehranın nüvə proqramının nizamlanması ilə bağlı Hərtərəfli Birgə Fəaliyyət Planının (HBFP) əvəzinə yeni sazişin imzalanmasına yardım etmək istəyir. Sputnik Azərbaycan xəbər verir ki, bunu Səudiyyə Ərəbistanı Krallığının Xarici İşlər naziri Feysal ben Farhan Əl Saud ABŞ-ın "CNBC" telekanalına müsahibəsində bildirib.

Nazirliyin rəhbəri yeni sazişi NBFP++ adlandırmağı təklif edib: "Bu saziş yalnız nüvə proqramını deyil, məsələn, həm də regionda dağıntılara səbəb olan İranın ballistik raketlər üzrə nüvə proqramını da əhatə edə bilər.

Feysal ben Farhan Əl Saud hesab edir ki, yeni saziş həmçinin İslam Respublikasının Yəmən, Suriya və İraqda hərbi münaqişələrə müdaxiləsi məsələsini də həll etməlidir: "Səudiyyə Ərəbistanı isə öz növbəsində Vaşinqton və Tehran arasında diskussiyalarda tərəfdaş olmalıdır".

Səudiyyə Ərəbistanı XİN rəhbəri, həmçinin ABŞ Prezidenti Donald Tramp Administrasiyasının İran tərəfinə qarşı siyasətini dəyərləndirərək bunu müsbət qiymətləndirib.

Daha əvvəl "The New York Times" nəşri yazıb ki, Tramp İranın nüvə proqramını dayandırmaq məqsədi ilə İrana hərbi zərbələr endirmək variantlarını müzakirə edib. Bir qədər öncə isə Atom Enerjisi üzrə Beynəlxalq Agentlik Tehranın uran ehtiyatlarının nüvə razılaşmasında göstərilən məbləğdən 12 dəfə çox olduğunu açıqlayıb.

Qeyd edək ki, Birləşmiş Ştatlar bu gündən etibarən Tehranın nüvə proqramı üzrə Birgə Hərtərəfli Fəaliyyət Planının (BHFP) razılaşdırılması nəticəsində dayandırılan genişmiqyaslı sanksiyaları bərpa edib.

 

50
Teqlər:
nüvə proqramı, İraq, Suriya, Yəmən, barışıq, İran, ABŞ, Səudiyyə Ərəbistanı, siyasət, dünya
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

0
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

0
Teqlər:
sülhməramlılar, Rusiya, Mina