Visa

"Avropaya vizasız gediş-gəliş ilə bağlı danışmaq tezdir"

25
Mahmud Məmmədquliyev: "Əgər hər iki tərəf öz üzərinə götürdüyü öhdəlikləri yerinə yetirirsə, ola bilsin ki, gələcəkdə bu məsələ müzakirə olunsun"

BAKI, 21 may — Sputnik. "Avropa İttifaqı ilə Azərbaycan arasında siyasi, iqtisadi, elm, təhsil və digər sahələri əhatə edən yeni sazişin imzalanması ilə bağlı danışıqlar başlanılıb". Sputnik Azərbaycan APA-ya istinadən xəbər verir ki, bunu xarici işlər nazirinin müavini Mahmud Məmmədquliyev deyib.

Voleybol, arxiv şəkli
© Sputnik / Yevgeniy Biyatov

O bildirib ki, danışıqlar yeni başladığından, qarşıda görüləcək çox işlər var. Xarici işlər nazirinin müavini Azərbaycan vətəndaşlarının Avropa İttifaqı ölkələrinə vizasız səfəri məsələsinə də toxunub.

"Azərbaycan vətəndaşlarının Avropaya sərbəst gedib-gəlməsi üçün viza məsələləri bir qədər yüngülləşdirilib. Eyni zamanda, bizim imzaladığımız sazişlər, həm vizanın sadələşdirilməsi, həm də readmissiya sazişləri həyata keçirilir. Ola bilsin ki, bu məsələ ilə bağlı monitorinq komitəsində görüş olacaq və onlar bu məsələyə bir daha baxacaqlar" — Məmmədquliyev vurğulayıb.

"Əgər hər iki tərəf öz üzərinə götürdüyü öhdəlikləri yerinə yetirirsə, ola bilsin ki, gələcəkdə bu məsələ müzakirə olunsun. Azərbaycan vətəndaşlarının Avropaya vizasız gediş-gəlişi ilə bağlı sazişin imzalanmasına gəlincə, indi bu barədə danışmaq bir qədər tezdir" — o, əlavə edib.

25
Teqlər:
xarici işlər nazirinin müavini Mahmud Məmmədquliyev, vizasız səfər rejimi, saziş, Avropa İttifaqı, Azərbaycan
Əlaqədar
Gürcülərin Avropaya vizasız səyahətləri başladı
Azərbaycanda viza proseduru sadələşdirilir
Gürcüstan vətəndaşları bu tarixdən Avropaya vizasız gedəcəklər
Aİ Şurası Gürcüstanla vizasız rejimin tətbiqini təsdiqləyib
Gürcüstan vizasız rejimdən nə qazanacaq?